النور العالى والنور الواطى

[ENG\AHMED]

فى ناس وبالاخص الميكروباص والتاكسى والنقل حافظين انك لو مولع اى نور حتى لو مش جاى ناحيتة اصلا لازم يقلبلك علشان تطفية
اا كنت بامشى على النور الواطى جوة البلد على طول الاقى الناس بتقلب (ملحوظة اللمبات الاستاندرد بتاعة العربية مش 100 و 1000 وات والكلام دة) فا بقيت جوة المدينة او لما احس ان النور مضايق اللى ماشى قدامى بروح منزل الكشافات لتحت طلعت على طريق سريع برفعة تانى (مع العلم انى عارف ومتأكد انة مش مضايق حد يعنى متجيش تيحلق فى الكشاف وتقولى لأ مضايقنى )
المهم بردو الناس بتقلب !!! بقيت لو طريق اتجاهين انور الفوجات بس .. بردو بيقلبوا !!!! .. فا بقيت بنفض وانور النور عادى واللى مش عاجبة وبيقلب بروح مديلة العالى علشان يعرف الفرق والنعمة اللى كان فيها

كنت مرة ماشى فى حتة اتجاهين ومنور الواطى وتريللا مقابلانى مش عاجبة وبيقلبلى نور !!! طيب انت قاعد فى الدور التانى فوق وانا تحت افهم بقى النور مضايقة ازاى!!!
المصيبة ان بيبقوا ماشيين على طرق صحراوى بليل من غير اى نور فاكرين هى دى اصول السواقة , مرة كنت هعمل حادثة بسبب كدة عايز ادخل شمال فا اديت اشارة وبصيت فى المراية مفيش حاجة فابتديت ادخل سنة سنة الاقى نور طلع مرة واحدة من ورا اتارى عربية نقل جاية ومفيش اى نور وطريق صحراوى بليل ومفيش اى عربيات ناحيتنا فا اكيد مش باينة اصلا .. الظريف انة قلبلى وعدى وطفاة تانى !!!!!

[M.Elwan]

هو بس انا ليا تعليق فى النقطة دية, لما تقرب من العربية اللى قدامك, اطفى العالى و خليك على الواطى لحد ما تعدى منة و بعدين ارجع للعالى تانى.

و دة الصح على فكرة.

هو فعلا ده الصح وBMW عملت نظام جديد يعمل اللى انتا بتعملة بايديك بالظبط بس اوتوماتيك بدون تدخل من السواق خالص لما تكون فى شارع ضلمة ومفيش عربيات قدامك العالى يفتح لوحدة ولما النظام يشوف ان فى عربية قدامك عن طريق كاميرا مثبتة خلف مراية الصالون يطفى العالى ويفتح الواطى لحد ما تعديه ويرجع تانى واسمة BMW HIGHBEAM ASSIST

The High-Beam Assist system uses a tiny camera-on-a-chip combined with computer algorithms to automatically determine when to turn on and off the vehicle’s high beams depending on traffic conditions.

http://paultan.org/archives/2008/08/10/bmw-highbeam-assist-gentex-smartbeam-technology/

[MohabSaeed]

هو بس انا ليا تعليق فى النقطة دية, لما تقرب من العربية اللى قدامك, اطفى العالى و خليك على الواطى لحد ما تعدى منة و بعدين ارجع للعالى تانى.

و دة الصح على فكرة.

كلام حضرتك صح مليون %

انا فعلا كتير بعمل كده ... خصوصا لما بلاحظ ان النور ضارب فى المرايه عند الى قدامى.... بقفله لحد ما اعديه .. او سعات بخليه هو دليل ليا لو هو ماشى بنفس سرعتى او اسرع منى و مش حعديه .. لحد ما يبعد و ارجع تانى للعالى .

بس المشكله ان فعلا فى اماكن صعب جدا جدا انك حتى تمشى بالواطى لمسافه امتار ... كمثال الحته الى بعد الكوبرى الى فى ميدان لبنان و انتا رايح اكتوبر الوصله ديه من بعد الكوبرى لحد اول المحور " كانت " بتبقى ضلمه و مفهاش اى نوع من الاضاءه لمسافه كيلو ونص تقريبا .. والطريق بيبقى حارتين ....... انا مره كنت حلبس فى الرصيف بسبب الحته ديه ... ف الحقيقه كنت بمشى مولع العالى لان الواطى عندى مكانش بيوضح الطريق ... وعلى فكره معظم الناس كانت بتمشى بالعالى لان فعها الدنيا بتبقى ضلمه جدا و الطريق ضيق و بيلف كمان و خصوصا بعد منزل الكوبرى ..... ف تحت اى ظرف كنت ببقى مضطر امشى بالعالى فى المكان ده تحديدا .

عموما الحمد لله دلوقتى صلحو الحته ديه و بقى فيها اضائه ممتازه .

[hazem_khidr]

بعمل زيك كده يا محمد حتي من قبل ما اروح الامارات
و هناك فعلا التزمت بالنقطه دي جدا و بقيت مش بمشي غير و انا مشغل الواطي
و لما رجعت مصر بقي اساسي عندي فعلا.
حتي ناس قرايبي يركبوا معايا يبقوا مستغربين
و افهم فيهم يا جماعه دا بيفرش علي الارض مش مؤذي للي جاي
الاقي سواق غبي جاي في وشي بيرعش!!!
يقولولي اهو واحد بيرعش
اخر ما بزهق بقولهم اللي بعمله دا هو الصح في العالم كله
كون هنا مش فاهمين دي مش مسئوليتي ولا انا حعلم الناس:)

[محمد عز]

بعمل زيك كده يا محمد حتي من قبل ما اروح الامارات
و هناك فعلا التزمت بالنقطه دي جدا و بقيت مش بمشي غير و انا مشغل الواطي
و لما رجعت مصر بقي اساسي عندي فعلا.
حتي ناس قرايبي يركبوا معايا يبقوا مستغربين
و افهم فيهم يا جماعه دا بيفرش علي الارض مش مؤذي للي جاي
الاقي سواق غبي جاي في وشي بيرعش!!!
يقولولي اهو واحد بيرعش
اخر ما بزهق بقولهم اللي بعمله دا هو الصح في العالم كله
كون هنا مش فاهمين دي مش مسئوليتي ولا انا حعلم الناس

ده انا جالى العصبي ياحازم الاجازة اللى فاتت من كتر ما الناس رعشتلى نور
وكله كوم والشتايم كوم
مع انى كنت راكب عربيه حديثه والنور الواطى كان عااادى


طب ياجماعه القانون الجديد بيقول ايه حد عنده فكره؟؟؟؟

[r0xer]

هو أنا فاهم غلط ولا حاجة!!

يعني أيه نور واطي ونور عالي؟

اللي أعرفه إن في العربية مستويين للإضاءة :

واحد بيشغل كل أنوار العربية و دا أسمه "العادي"

وواحد تاني اللي هو التكّة اللي بعده ودا أسمه العالي

في القانون لو ماشي ومش مشغل "العادي" هتاخد مخالفة طبعا ودي كارثة أصلا لإن لو باليل الواحد مبيبقاش شايف مين جاي وراه لو طافي النور و انا حصلتلي مواقف كتيرة سيئة بسبب مغفلين التاكسي اللي بيعملو الكارثة دي!.

اما النور العالي فهو مش مريح للي في الحارة المقابلة ليك..أما لو حضرتك ماشي في طريق لوحدك وحارة واحدة مثلاً يبقى شغل العالي مفيش مشكلة و محدش يعرف يتكلم معاك.

أما اللي بيستعبطو ويرعشولك عشان مشغل النور العادي...أنصحك ساعتها تشغل العالي و تحاول تعميهم تكون خدمت مصر و الإنسانية .

[shady_elkady]

لو الطريق ضلمه بولع العالى ... والى مش عاجبه هو حر ... اصلى مش حلبس فى نقر وبلاعات ومطبات و احتمال موتسيكلات ماشيه من غير نور .... علاشان الى قدامى مش عاجبه .

لكن لو الطريق منور بمشى على النور الواطى و او نور الشبوره .....

عموما الضوء الواطى عندى فيه عدسات ... وانا بنفسى جربت اشغله ووقفت قدامه و بصيت فيه .... واتأكدت انه مش مؤذى و غير كده هو ضارب فى الارض .
فلما بكون ماشى و منوره الواطى و حد بيرعش علاشان اطفيه .. بضربله العالى .. علاشان يفهم ...

نفس الى انا بعملة

[M.Mokhtar]

هو أنا فاهم غلط ولا حاجة!!

يعني أيه نور واطي ونور عالي؟

اللي أعرفه إن في العربية مستويين للإضاءة :

واحد بيشغل كل أنوار العربية و دا أسمه "العادي"

وواحد تاني اللي هو التكّة اللي بعده ودا أسمه العالي

في القانون لو ماشي ومش مشغل "العادي" هتاخد مخالفة طبعا ودي كارثة أصلا لإن لو باليل الواحد مبيبقاش شايف مين جاي وراه لو طافي النور و انا حصلتلي مواقف كتيرة سيئة بسبب مغفلين التاكسي اللي بيعملو الكارثة دي!.

اما النور العالي فهو مش مريح للي في الحارة المقابلة ليك..أما لو حضرتك ماشي في طريق لوحدك وحارة واحدة مثلاً يبقى شغل العالي مفيش مشكلة و محدش يعرف يتكلم معاك.

أما اللي بيستعبطو ويرعشولك عشان مشغل النور العادي...أنصحك ساعتها تشغل العالي و تحاول تعميهم تكون خدمت مصر و الإنسانية .

لا يا باشا ركز معايا
اى عربيه فيها 3 مستويات اضاءة
مفتاح الاضائة بيديك مستويين للاضاءة ودراع النور بيديك التالت والرعاش

مفتاح الاضاءة بيديك المستوى الاول نور التابلوه والعدادات والحوارات دى وبينور لمبات صغيرة قدام وورا فى كل فانوس
وده عشان اى حد جاى مقابل او جاى من وراك يعرف ان فى عربيه ماشيه على الطريق وده اللى بيحاسب عليه القانون لو ماشى بليل من غيره

المستوى التانى
ده النور الفعلى للعربيه وبيكون واطى وده بينورلك انت الطريق لمسافه قصيرة تسمحلك بالقياده وده بنسبيه النور الواطى
والمفروض لو ماشى بليل تنوره عشان عربيتك تكون اوضح على الطريق وكمان صعب تمشى من غيره فى طرق مصر الجميلة

ذراع النور بتحدد منه وانت على المستوى التانى عايز النور الواطى اللى شرحناه او النور العالى
وده نور اشد بيديك اضاءة لمسافه بعيده

يارب يكون كلامى مفهوم عشان انا مش بعرف اشرح (أدبى علوم :))

[hazem_khidr]

ده انا جالى العصبي ياحازم الاجازة اللى فاتت من كتر ما الناس رعشتلى نور
وكله كوم والشتايم كوم
مع انى كنت راكب عربيه حديثه والنور الواطى كان عااادى


طب ياجماعه القانون الجديد بيقول ايه حد عنده فكره؟؟؟؟

لا يا محمد الاضواء المبهره زي الزينون و فوانيس الشبوره لو مش بتاع العربيه
يعني واحد مركب فوانيس شبوره علي الاكصدام ولا السقف يتسحب رخصه.

الزينون بجميع انواعه الا لو نازل مع العربيه .
بس و انت داخل علي لجنه المفروض بتطفي الواطي علشان اللجنه تشوف اللي جوه العربيه بس.

[2hmed_7osam]

لا يا محمد الاضواء المبهره زي الزينون و فوانيس الشبوره لو مش بتاع العربيه
يعني واحد مركب فوانيس شبوره علي الاكصدام ولا السقف يتسحب رخصه.

الزينون بجميع انواعه الا لو نازل مع العربيه .
بس و انت داخل علي لجنه المفروض بتطفي الواطي علشان اللجنه تشوف اللي جوه العربيه بس.

انا اختلف معاك يا حازم فموضوع ان الزينون ممنوع

القانون واضح وصريح ممنوع استخدام الانوار المبهرة
يعني انك تشغل العالي وتمشي بيه

الحكومة مش هتخاف تقولك ممنوع الزينون
هما قالو ممنوع المبهر اللي هوا العالي

[thegoodhacker]

لا يا باشا ركز معايا
اى عربيه فيها 3 مستويات اضاءة
مفتاح الاضائة بيديك مستويين للاضاءة ودراع النور بيديك التالت والرعاش

مفتاح الاضاءة بيديك المستوى الاول نور التابلوه والعدادات والحوارات دى وبينور لمبات صغيرة قدام وورا فى كل فانوس
وده عشان اى حد جاى مقابل او جاى من وراك يعرف ان فى عربيه ماشيه على الطريق وده اللى بيحاسب عليه القانون لو ماشى بليل من غيره

المستوى التانى
ده النور الفعلى للعربيه وبيكون واطى وده بينورلك انت الطريق لمسافه قصيرة تسمحلك بالقياده وده بنسبيه النور الواطى
والمفروض لو ماشى بليل تنوره عشان عربيتك تكون اوضح على الطريق وكمان صعب تمشى من غيره فى طرق مصر الجميلة

ذراع النور بتحدد منه وانت على المستوى التانى عايز النور الواطى اللى شرحناه او النور العالى
وده نور اشد بيديك اضاءة لمسافه بعيده

يارب يكون كلامى مفهوم عشان انا مش بعرف اشرح (أدبى علوم :))

شكرا علي التوضيح بس المشكلة ان فيه ناس كتيرة وانا منهم ايضا بيسموا درجات النور كالاتي :
-نور واطي وده هو اول درجة من الاضاءة من زرار الاضاءة
-نور عالي اللي هو تاني درجة من الاضاءة من زرار الاضاءة
-تقليب النور العالي من دراع النور
علشان كده انا و الاخ r0xer الي كان بيسال في المشاركة السابقة ما كناش فاهمين انتوا بتتكلموا علي انهو درجة من الاضاءة لغاية ما حضرتك وضحتلنا

[hazem_khidr]

انا اختلف معاك يا حازم فموضوع ان الزينون ممنوع

القانون واضح وصريح ممنوع استخدام الانوار المبهرة
يعني انك تشغل العالي وتمشي بيه

الحكومة مش هتخاف تقولك ممنوع الزينون
هما قالو ممنوع المبهر اللي هوا العالي

اوك ما اختلفناش يا ميدو
بس الزينون بالنسبه ليهم اضواء مبهره
جرب كده ركب زينون و ادخل لجنه و انت مشغله حتلاقي بيقولك ممنوع و يسحب رخصك الا لو نازل في العربيه
حتسال ليه ممنوع حقولك ما اعرفش

[Goodle]

لا يا محمد الاضواء المبهره زي الزينون و فوانيس الشبوره لو مش بتاع العربيه
يعني واحد مركب فوانيس شبوره علي الاكصدام ولا السقف يتسحب رخصه.

الزينون بجميع انواعه الا لو نازل مع العربيه .
بس و انت داخل علي لجنه المفروض بتطفي الواطي علشان اللجنه تشوف اللي جوه العربيه بس.

أمال إيه يا حازم حوار إن الزينون حتى لو فابريكة في العربية بيقولك برضه تشيله (في عضو عنده جين تو كان كاتب إنه حصل ليه كده) !!

[2hmed_7osam]

يجماعة ف السعودية هنا وف الرياض
قوانين المرور صارمة بس مش معمولة عشان تغتت عالناس

يعني الاستيكرات بصورة مش مبالغة مفيهاش حاجة
الفيميه مش ممنوع عشان عائلتك الكريمة تبقا ماشي ومحدش من الشباب البايظ يفضل يبصبص
بس على شرط ان الازاز اللي قدام يكون عادي
الزينون متركب فاي عربية عشان الناس بتقدر مش بتعمي

اللي عايز يركب زينون انشالله ف جمل بيركب
ومش ممنوع عشان فعلا بيكشف الطريق وبيوضحو

الفكرة فكرت ناس بتفهم وتقدر

بجد انا مش عارف هعمل ايه لما انزل مصر

[دموع الثلج]

كنت فى شارع ضلمه رايح جاى واول مره ادخله وشفت مطبات ليست من فعل الانسان ااقل ما يقال انها مطبات شيطانيه عملها مارد جبار
فشغلت النور العادى بتاع العربيه العـــــــــــــــــادى مش العـــــــــــــــالى
واذ فجـــــــــــــــاءه لقيت واحد جاى فى وشى وراح كاسر عليا وقالى ما تطفى النــــــور انتى فاكره نفسك فى الاوتستراد

طيب اطفى نــــــــــور ايه ماهو ده النور العادى بتاع العربيه
طفيت النور قلت يمكن مضايقهم ومشيت على نور اللمبه الجانيه الصغيره موت دى رحت راشــــــــــــقه فى حفــــــره لا بلاعــــــــه لا تقريبا بيـــــــــر لانى مشفتهاش طبعا عشان طفيت النور

ومره تانيه برضوا ميكروباص قاعد يقلب فى وشى عالى ويرعش لى رحت مطفيه العادى وحاكــــــــه الاكصدام الامامى للعربيه فى حجر رصيف كان مركون على جمب طبعا مشفتهوش فى شارع ضلمه

رحيت دماغى وركبت الفوج لايت وبقيت بشغاله واطفى العادى واللى بيقلب لى بروح مشغله العـــــــــــــــــــــــــــــــــــالى فى وشه لحد ما يطفى هو نوره