بفكر اجيب عربية حوادث واجددها هل هتبقى أوفر؟؟

[shoudy2005]

انا بردو كان معايا سيفيك 92 و ركبتلها نص خافى و بعتها ب 52000

[aratux]

واحد صاحبى عملها
هوة محترف عربيات و كل الصنايعية أصحابه و بيعرف يعمل الحاجة بتكلفة قليلة قوى
و مع ذلك!!!
العربية خلصت أغلى من لو كان إشتراها من السوق و معرفش يتصرف فيها و باعها بخسارة كبيرة و قعد سنتين يبيع فيها, تخيل؟؟

مع إنه فعلا خبرة جامدة فى العربيات

[Dr Zezo]

شراء العبد
ولا تربيته

[waleedrahmy]

شراء العبد
ولا تربيته

100*100مضبوط

[mrbond88]

المهم ما تشتريش عربية مستعملة وتطلع كانت عاملة حادثة واتنفخت , ربنا يسترها معاك

[nader1117]

الواحد بيدخل موضوع و يكون عطشان على الاجابة ويطلع منة هيموت من العطش
وبيجيلوا ضربة شمس وبيتحرق من قلة المياة

[Rsarabia]

لا مش فكرة حلوة على فكرة خالص اوعى تعمل كدا

[Karim_Mohy]

tb ya shoudy lma be3t b3d kda ely eshtara kan 3arf enaha mnasasa ?

[shoudy2005]

اه احنا قولنالو بس اتفقنا انو لو كشف على الشاسيه و لقاه كويس ههنبعهالو ب اعلى سعر و اللى اشتراها شاب و هى للأمانه ربع خلفى بعدين العربية اتصرف عليها جامد مروحتش عملتها عند واحد تحت الكوبرى و احنا بعناها على فكرة علشان كنا محتاجين فلوس مش علشان الحادثة ولا حاجة

[محمد ابراهيم 1]

بهدله ومصاريف أكتر مما تتخيل
وإذا مقلتش للى حتبعهاله بعدك حتخش فى ذنوب ومعاصى

[michohat]

الفكرة كانت انى عجبانى عربية غاليه والامكانيات الحاليه لا تمكنى من انى اشتريها
فمش موجود غرض الاتجار
بس من ردود الاعضاء كتير حذرنى فكده الفكرة اصبحت بعيده

[احمد عز]

انا عندى صحابى شغلين فى الموضوع وبسم الله ما شاء اللله بيكسبو منه جامد ده بس اهم حاجه تكون عندك سمكرى واثق فيه تعملك شغل من الاخر

[shanodaa]

حرام عليك فلوسك وجري وتعب بلا نتيجه

[magyver]

علي فكرة الموضوع دة جاااامد وانا اعرف واحد سمكري في دمياط بيشتري العربيات اللي عاملة حادثة ويشدها وبتبقي فبريقة
واشتري قدامي لانسر كاملة 2007 مقلوبة علي جنبها ب25000 الف جنية وطالب فيها كدزا دلوقتي

[megodahab]

بينك وبين اللي عامل حوادث ربنا يا راجل الناس بتبعد عن الشر وتغنيله وانت رايحله برجليك بقي ترضي تركب عربيه منحوسه عملت حادثه قبل كده ؟