بخصوص سعة البطارية وعلاقتها بالدينامو أتساءل ؟

[aw2100]

أنا لم أسأل وأقول هل هناك فرق فى زمن الشحن للبطارية الصغيرة والكبيرة مع نفس الدينامو بديهى جدا ان البطارية الأكبر تستغرق وقت أطول لكى تشحن

ولكن سؤالى كان واضح أيضا هل معنى أن البطارية صغيرة عن البطارية الموصى بها للسيارة أن الدينامو سيشحنها زيادة ... وقام العضو الفاضل بالتفسير أن المسألة متعلقة بجهد الشحن وهو أن الدينامو يظل يشحن حتى يصل إلى فرق الجهد المعروف وهو 12.4 تقريبا ثم يمنع عنها الشحن وأنه غير مرتبط بسعة البطارية

وأشكرك أيضا لتوضيحك السابق

فيه اضافة
الفولت اللى بيقف شحن الدينامو عنده للبطارية من 13.5 الى 14 فولت حسب نوع العربية ونوع الدينامو وكفائة عمله واقل فولت مسموح بيه 13.2 فولت اقل من كده يبقى الدينامو بايظ !!

[ياسر ابراهيم]

شوف يا اخي اكيد طالما البطارقية اقل من الموصي بها هيكون التأثير كالتالي
1.شحنها هيكون اسرع من ناحية الزمن ( ميزة ) والتالي عيوب
2.درجة حرارتها هتكون اعلي اثناء الشحن ﻻن امبير ( مش فولت ) شحن الدينامو اعلي قليﻻ من المفترض
3.قدرتها علي تحمل احمال السيارة اقل .مثﻻ اضواء السيارة اقل بريق ..صوت الكاست و خاصة لو عندك سستم صوتي
4.زيادة درجة حرارتها اثناء الحمل اي التحميل عليها
5.اسرع في التفريغ يععني تفضي بسرعة
6.عمرها الافتراضي هيكون اقل
7.قلة امبير البطارية يقلل حرارة الدينامو ميزة لصالح الدينمو
8.قلة امبير البطارية يجعل المحركات الكهربية ابطئ في السرعة المفترضة زي زجاج الكهربة .المساحات. ...الخ
9.الشعور بانك تقود سيارة مرهقة بطيئة الاستجابة واداء السيارة مش بالمستوي اللي متعود عليه
النصحية عند شراء بطارية انك تشتري بطارية نفس الحجم باعلي امبير ممكن و تاخد بالك من الشئ دة
1. الامبير ah يكون اعلي حتي الموصي به مثﻻ عندك الموصي به 62 ah اشتري 72ah
2. A (en ) مثﻻ عندك الموصي به مثﻻ 610 en. اشتري اعلي مثﻻ 710 en
طبعا ﻻزم تكون لها ضمان و نوعية جيدة...ده عن تجارب شخصية ...هترجع وتقولي ان علو اﻻمبير ممكن يأثر علي السيارة هرد عليك اقولك العيب الوحيد في علوي اﻻمبير فقط مدة شحنها و دة فارق زمني بسيط جدا حضرتك مش هتشعر بيه وﻻ هىعرفة و مميزاتها عكس عيوب البطارية ذات الامبير اﻻقل
الشئ اﻻخير ﻻزم تعرف مها كانت جودة الماركات فان لكل شئ عمر افتراضي
بالتوفيق

[ياسر ابراهيم]

شئ كمان اخدت بالي منه في سؤالك ان البطارية اﻻقل امبير من الموصي بها الدينامو هيشحنها اكتر ؟
الاجابة اكيد ﻻ ....ليه ﻻ
1.نظريات شحن البطاريات عامة سواءً نظريات قديمة او حديثة مبنية علي نظرية التشبع بمعني عندما تصل البطارية الي فولت و امبير معين يتم فصل دائرة الشحن عن البطاريه مثلها مثل اللاب توب او الموبيل ......الخ و قديما كانت النظرية مبنية علي راليهات اي كتاوت .لما يصل حمل البطارية للحمل المقنن من الشركة المصنعة للسيارت يحدث ان تسطيع تشغيل راليه معين فيقوم بفصل الشحن عن البطارية والنظريات الحديثة اصبحت الكترونيا بالاضافة الي راليهات
2.نظريات دايما تراعي ان درجة التشبع ﻻ تصل للحد اﻻقصي لامبير البطارية....بمعني ان هناك نسبة تفاوت ..بمعني اوضح نسبة امبير فصل الشحن عن البطارية يساوي او اعلي قليلاً عن نسبة امبير المارش مع المبينة لضمان دوران المحرك بعد ذلك احمال السيارة الاخري تعمل علي الدينامو معني كدة ايه الباشمهندس ؟ ان اذا افترضنا جدﻻ ان المارش يعمل ب12 فولت بقدرة 40 امبير و بوبينة البوجهات 3 امبير و كمبيوتر السيارة 2 امبير . ...إذا المجموع 45 امبير لادارة المحرك في الثواني اﻻولي..بذلك نقدر نفهم و نحدد مبدئيا نسبة اﻻمبيرات التي عندها يتم فصل شحن الدينامو عن البطارية و هي من 45 امبير مبدئيا لكن ﻻ but no ﻻزم نحسب كمان احمال السيارة بشكل اجمالي من اضاءة و مساحات و ابواب ....الخ مثﻻ اجمالي جميع الاجهزة دي 12 فولت 10 امبير/ساعة .بذلك اجمالي احمال السيارة جدﻻ 45+ 10 = 55 هنا نقدر نحدد بشكل عام ان الدينامو يفصل شحن عن البطارية عندما تصل قدرة البطارية الي 55 امبير/ساعة
كدا احنا فهمنا نظرية فصل الشحن بشكل عام ...لكن السيارات حسب تيكنولوجيا الموجودة فيها و الامكانيات كل الاحمال بتحسب بدقة لكن مش 100% لكن دايما عند اختيارهم لامبيرات البطارية بيراعو نسبة تفاوت و غالبا بتكون اكثر من المطلوب بنسبة حوالي من 15 :20 %
سيارتك موصي بها 72 امبير وانت اشتريت 62 كدا نسبة التفاوت المفروض تكون موجودة ....اترفعت عنك او انت تنازلت عنها فاصبح عندك يادوب نسبة الشحن اعلي قليﻻ عن نسبة التفريغ مما يؤدي الي ارحة الدينامو فقط وارهاق البطارية بالتحديد و ضعف عام لاداء السيارة....ارجو من الله ان قدرت اوصلك اما احببت ان اوصلهولك

[ياسر ابراهيم]

في شئ تاني احب ان اضيفة لو تكرمت و هو كيف نحافظ علي البطارية قدر الامكان و الكلام دة بناءً عن خبرة ﻻني اقيم في دولة شديدة البرودة و الموضوع البطاريات دة مش جديد ..... اوﻻ سيارتي ديزل مش بنزين عشان احافظ علي البطارية اعمل ايه وخصوصا انا غاوي كهربة و الكترونيات..اول شئ نسئل اهل البلد و بعدين نشغل دماغنا
اول شئ نصحوا بشراء بطاريات الماني الصنع نفس الحجم باعلي امبير ممكن ah و en ..ان كانت البطارية ملهاش صندوق من المصنع نعملها زي الجاكت من فل حراري عشان نعزلها من البرودة ...الخ
المهم فكرت بردو من ناحيتي ليه ما اخففش بعض اﻻحمال الثانوية من السيارة ...المهم غيرت جميع لمبات الصالون و الابواب و الشنطة و اللي فوق النمر بلمبات ليد led بكدة لغيت كتير من اﻻحمال و اصبح حمل البطارية علي اﻻشياء الضرورية فقط ...و ما شاء الله من ساعتها ابدا ما عنيت وادور العربية عادي في درجة برودة 20 تحت الصفر.
بقيت انفذ اﻻفكار دي للاصدقاء و كدا.. فحبيت اشارك بالمعلومة دي يمكن حد يستفاد منها
لو اي استفسار ....ان شاء الله نشارك بكل سرور
بالتوفيق ان شاء الله

[aw2100]

في شئ تاني احب ان اضيفة لو تكرمت و هو كيف نحافظ علي البطارية قدر الامكان و الكﻻم دة بناءً عن خبرة ﻻني اقيم في دولة شديدة البرودة و الموضوع البطاريات دة مش جديد ..... اوﻻ سيارتي ديزل مش بنزين عشان احافظ علي البطارية اعمل ايه وخصوصا انا غاوي كهربة و الكترونيات..اول شئ نسئل اهل البلد و بعدين نشغل دماغنا
اول شئ نصحوا بشراء بطاريات الماني الصنع نفس الحجم باعلي امبير ممكن ah و en ..ان كانت البطارية ملهاش صندوق من المصنع نعملها زي الجاكت من فل حراري عشان نعزلها من البرودة ...الخ
المهم فكرت بردو من ناحيتي ليه ما اخففش بعض اﻻحمال الثانوية من السيارة ...المهم غيرت جميع لمبات الصالون و الابواب و الشنطة و اللي فوق النمر بلمبات ليد led بكدة لغيت كتير من اﻻحمال و اصبح حمل البطارية علي اﻻشياء الضرورية فقط ...و ما شاء الله من ساعتها ابدا ما عنيت وادور العربية عادي في درجة برودة 20 تحت الصفر.
بقيت انفذ اﻻفكار دي للاصدقاء و كدا.. فحبيت اشارك بالمعلومة دي يمكن حد يستفاد منها
لو اي استفسار ....ان شاء الله نشارك بكل سرور
بالتوفيق ان شاء الله

ربنا يوفقك فى بلد الغربة !!