بتعلم سواقه جديد

[samihanwar]

التعليم فى الزحمه بيخنق الواحد وبيخليه متعصب ومتوتر
جربى الاول فى الرايق وبالتدريج هتلاقى نفسك سواق ميكروباص ولا فى البال

[Om Marem]

التعليم فى الزحمه بيخنق الواحد وبيخليه متعصب ومتوتر
جربى الاول فى الرايق وبالتدريج هتلاقى نفسك سواق ميكروباص ولا فى البال

والله يا استاذ سامى على الرغم من انى لسه فى بدايه التعليم الا انى مختلفه مع حضرتك فى النقطه دى
كنت دايما بشوف اللى بيتعلموا بياخدوا تقريبا حصتين او تلاته فى الاول بيمشوا فى الفاضى وبعد كدة يبداوا يمشوا فى الزحمه لما بيمشوا فى الزحمه بيبقوا زى ما يكون لسه بيتعلموا
لكن المدربه اللى معايا من اول يوم نزلتنا فى الزحمه ودة شال الخوف من جوانا وفعلا بقينا نمشى فى الشوارع الزحمه عادى جدا واعتقد دى ميزة لكن برضه هاخد بنصيحه حضراتكم لما انزل لوحدى اول مرة هانزل فى الفاضى
وبشكر لحضرتك ردك واهتمامك

[FAR!D]

ههههههههه
ياستي كلنا كنا كده في الاول
حلها سوقي كتير لوحدك و مع الاستمرار حيختفي الموضوع ده بس انت جمدي قلبك و براحه على عربيات الناس

[محمود السيد]

عليكى بالتدريب العملى المستمر والكثير قدر المستطاع وانشاء الله تبقى على دخول المدارس عندك خلفية كبيرة نوعا ما فى السواقة

[shiko85]

حضرتك بتسوقى فشارع فيصل و شارع الهرم ده لوحده انجاز
حضرتك لازم الممارسه كتير سواقه الصبح و بالليل ان امكن
و السواقه زى اى حاجه بالتعود بتحسن يوم بعد يوم زى الطفل لما بيتعلم المشى و لما يكبر شويه يتعلم ركوب العجل و هكذا الحاجات دى بتكون صعب جدا فالأول و بالتدريج بتبقى عاديه جدا
بس اهم حاجه بلاش حضرتك تخافى و بلاش والد حضرتك يركب معاكى خالص و تابعى مع المدربه و حاولى لو عندك صديقه بتعرف تسوق خليها تركب معاكى حتى لو مشوار عادى تعملوه علشان تتعودى على ان حد تانى يكون مع حضرتك غير المدربه و بالتوفيق ان شاء الله

[Om Marem]

ههههههههه
ياستي كلنا كنا كده في الاول
حلها سوقي كتير لوحدك و مع الاستمرار حيختفي الموضوع ده بس انت جمدي قلبك و براحه على عربيات الناس

ان شاء الله هاخلص الكورس التانى مع المدربه وهانزل اسوق كتير شكرا لرد حضرتك

عليكى بالتدريب العملى المستمر والكثير قدر المستطاع وإن شاء الله تبقى على دخول المدارس عندك خلفية كبيرة نوعا ما فى السواقة

يارب دعواتكم وبشكر لحضرتك ردك

حضرتك بتسوقى فشارع فيصل و شارع الهرم ده لوحده انجاز
حضرتك لازم الممارسه كتير سواقه الصبح و بالليل ان امكن
و السواقه زى اى حاجه بالتعود بتحسن يوم بعد يوم زى الطفل لما بيتعلم المشى و لما يكبر شويه يتعلم ركوب العجل و هكذا الحاجات دى بتكون صعب جدا فالأول و بالتدريج بتبقى عاديه جدا
بس اهم حاجه بلاش حضرتك تخافى و بلاش والد حضرتك يركب معاكى خالص و تابعى مع المدربه و حاولى لو عندك صديقه بتعرف تسوق خليها تركب معاكى حتى لو مشوار عادى تعملوه علشان تتعودى على ان حد تانى يكون مع حضرتك غير المدربه و بالتوفيق ان شاء الله

هو بصراحه دى ميزة المدربه انها من اول يوم نزلتنا فى الزحمه فبقى شىء عادى بالنسبه لنا وفى نفس الوقت عودتنا ان احنا نتوقع اخطاء الغير يعنى نقف على مسافه مناسبه ولو اى عربيه قربت نهدى
ان شاء الله هاكمل مع المدربه كورس كمان وبعد ما اخلصه هانزل مع حد تانى لغايه ما اتجرا وانزل لوحدى اما بالنسبه لبابا فخلاص لا يمكن اسوق وهو حتى واقف فى الشارع
بشكر لحضرتك ردك واهتمامك
ودعواتكم

[S O P H O S]

عدو السواقة الخوف
لان بيأثر علي قرار الانسان

[Om Marem]

لو سمحتم كنت عايزة اعرف هو صحيح لو فضلت ماشيه على الاول والتانى البطاريه تتحرق
انا لسه بتعلم وبمشى على الاول ولما يكون فى فرصه بمشى على التانى ومنطقه فيصل والهرم زحمه يعنى حتى لما بمشى على التانى بقف كتير وبرجع للاول وانا لسه مش متعودة على السرعه
فى ناس قالتلى انى ممكن امشى على التالت والرابع بس ببطء بس برضه انا بصراحه لسه بخاف ازود سرعتى

[Om Marem]

عدو السواقة الخوف
لان بيأثر علي قرار الانسان

صح كلام حضرتك والخوف فعلا هو اللى خلانى مأجله موضوع العربيه سنين بس الحمد لله لما بدات حصص السواقه الخوف قل من اول حصه عشان المدربه طلعتنا فى الزحمه على طول
شكرا لرد حضرتك

[J A G U A R]

لو سمحتم كنت عايزة اعرف هو صحيح لو فضلت ماشيه على الاول والتانى البطاريه تتحرق
انا لسه بتعلم وبمشى على الاول ولما يكون فى فرصه بمشى على التانى ومنطقه فيصل والهرم زحمه يعنى حتى لما بمشى على التانى بقف كتير وبرجع للاول وانا لسه مش متعودة على السرعه
فى ناس قالتلى انى ممكن امشى على التالت والرابع بس ببطء بس برضه انا بصراحه لسه بخاف ازود سرعتى

ايه علاقه الاول والثانى بالبطاريه اصلا وتتحرق ليه !!

الافضل كل غيار يبقى ماشى على سرعته بحيث لو العربيه صوتها بقى عالى شويه انقلى على اللى بعده بس لو السكه زحمه وكل شويه هاتقفى يبقى خليكى على الاول علشان مش هاتفضلى تنقلى بين الغيارات والعمليه مش مستاهله الزحمه والقرف بتاعها .

[Om Marem]

ايه علاقه الاول والثانى بالبطاريه اصلا وتتحرق ليه !!

الافضل كل غيار يبقى ماشى على سرعته بحيث لو العربيه صوتها بقى عالى شويه انقلى على اللى بعده بس لو السكه زحمه وكل شويه هاتقفى يبقى خليكى على الاول علشان مش هاتفضلى تنقلى بين الغيارات والعمليه مش مستاهله الزحمه والقرف بتاعها .

انا متشكرة جدا لاهتمام حضرتك واستفدت من كلامك جدا هو الموضوع كله انى لسه بتعلم يعنى اخاف انقل للتالت او الرابع وفى نفس الوقت الطرق زحمه جدا تقريبا بهدى كل خمس دقائق ومش بنقل حتى للتانى الا لو كنت فى طريق سريع وقدامى فاضى

[shiko85]

لو سمحتم كنت عايزة اعرف هو صحيح لو فضلت ماشيه على الاول والتانى البطاريه تتحرق
لأ طبعا البطاريه ملهاش علاقه بالسواقه و الغيارات
البطاريه بتوصل كهرباء للبوجيهات علشان تدى الشعله اللازمه لحرق الوقود فالسلندر فبدايه اداره المحرك و بعد كده دورها بينتهى ( و بتشحن الدينامو)
و حتى لو فرضنا (مجرد فرض للتوضيح) ان البطاريه شغاله على طول و بتوصل كهرباء للبوجيه طول الوقت علشان الحرق
معروف ان فالسرعات القليله عمليه الحرق (دخول البنزين و الهواء فالسلندر بعد كده الشعله بعد كده الضغط على piston اعتقد اسمه الكباس بعد كده خروج العادم) (زى الصوره) (البدايه من الشمال)


بطيئه و بتزيد سرعتها كل ما زادت السرعه المطلوبه للسياره يبقى المفروض مع السرعات البطيئه البطاريه مش هتستهلك زى مع السرعات العاليه يبقى لو حضرتك فضلتى ماشيه على الأول و التانى البطاريه هتكون سليمه و لو حضرتك ماشيه على سرعات عاليه البطاريه هتتحرق
طبعا ده كله كلام مش مظبوط خالص لان زى ما قلت لحضرتك دور البطاريه بينتهى عند شحن الدينامو و توفير الكهرباء للبوجيهات علشان اول شعله و اداره المحرك
تأثير الغيار الأول او التانى بيكون على الماتور فحاله ان حضرتك ماشيه بسرعه اعلى من المناسبه للغيار خصوصا الأول لانه مخصص لتوفير عزم كبير مش سرعه عاليه بس مفيش اى مشاكل ان حضرتك تمشى على الأول فحدود السرعه المناسبه و مع اول فرصه تنقلى للتانى وهكذا
الغلط هو استخدام الغيار فالسرعه الغير مناسبه (لو العربيه فيها مؤشر rpm هيبقى واضح انه المؤشر وصل للمنطقه اللى باللون الأحمر) و لو مفهاش صوت الماتور بيعلى جدا ولمبه الحراره بتنور)

انا لسه بتعلم وبمشى على الاول ولما يكون فى فرصه بمشى على التانى ومنطقه فيصل والهرم زحمه يعنى حتى لما بمشى على التانى بقف كتير وبرجع للاول وانا لسه مش متعودة على السرعه
تمام كده مفيش مشاكل ان شاء الله
فى ناس قالتلى انى ممكن امشى على التالت والرابع بس ببطء بس برضه انا بصراحه لسه بخاف ازود سرعتى
احسن حاله ان حضرتك تمشى على السرعه المناسبه للغيار و تنقلى للغيار الأعلى او الأقل على حسب ظروف الطريق لو عربيه فيها rpm يبقى مع 2500 او 3000 لفه لو مفهاش يبقى لما صوت الماتور يعلى

[shiko85]

فى نفس الوقت الطرق زحمه جدا تقريبا بهدى كل خمس دقائق ومش بنقل حتى للتانى الا لو كنت فى طريق سريع وقدامى فاضى

لما حضرتك تكونى فطريق سريع و قدام حضرتك فاضى انقلى للتانى و التالت و الرابع كمان او على الأقل التانى لان الاول تقيل على الماتور و التانى افضل
يعنى حضرتك اعتبرى ان الأول لنقل العربيه من السكون الى الحركه و بعد كده انتهى دوره و مش لازم حضرتك تستنى وقت معين للنقل من الأول للتانى يعنى حضرتك انقلى للتانى بمجرد ما العربيه تتحرك و تبدا المشى العادى

[Om Marem]

shiko85
لا حول ولا قوة الا بالله الله يبارك استفدت من معلومات حضرتك جدا ونصائحك
متشكرة جدا لاهتمامك وجزاك الله خيرا

[Om Marem]

لما حضرتك تكونى فطريق سريع و قدام حضرتك فاضى انقلى للتانى و التالت و الرابع كمان او على الأقل التانى لان الاول تقيل على الماتور و التانى افضل
يعنى حضرتك اعتبرى ان الأول لنقل العربيه من السكون الى الحركه و بعد كده انتهى دوره و مش لازم حضرتك تستنى وقت معين للنقل من الأول للتانى يعنى حضرتك انقلى للتانى بمجرد ما العربيه تتحرك و تبدا المشى العادى

ان شاء الله هاعمل زى ماحضرتك بتقول بس لما اتمكن اكتر من العربيه لانى لسه بنتعلم والطرق عندنا زحمه اوى وبقف كل شويه
متشكرة جدا لحضرتك