بتتعلمي السواقه او اتعلمتي تعالي ندردش سوا

[Om Marem]

[justify]بسم الله الرحمن الرحيم


انا لسه بتعلم السواقه انا واختى

فكرت نعمل شات للسيدات اللى بيسوقوا بقالهم فترة واللى لسه بيتعلموا

عشان نستفيد من بعض ونشجع بعض وطبعا اكيد عارفين ليه السيدات خصوصا عشان للاسف لسه نظرة المجتمع للست اللى بتسوق مش مظبوطه الا من رحم ربى يعنى ناس بتغلس وناس بتشتم وناس بتهاجم
وبطبع الست بتتاثر بسرعه فقلت نيجى نشجع بعض
خصوصا ان اغلب اللى اتعلموا السواقه او اللى لسه بيتعلموا ظروفهم اللى اجبرتهم على كدة مش منظرة ولا فراغ
ممكن نستفيد من خبرات حضراتكم كل واحدة تحكى تجربتها بدات ازاى وادربت فين ومرت بمشاكل ايه واتعلمت فى وقت اد ايه

وربنا يجعله فى ميزان حسناتنا [/justify]

[Dr-walaa]

موضوع جميل يا ام مريم

ربنا يكرمنا ونتعلم السواقه بقى

على فكره : انا اخت ام مريم

[shiko85]

انا طبعا اسف انى هدخل فالموضوع لانى زى ما فهمت انه للسيدات اللى بيتعلموا السواقه او اللى اتعلموا خلاص لكن كنت عايز اعلق على "طبعا اكيد عارفين ليه السيدات خصوصا عشان للاسف لسه نظرة المجتمع للست اللى بتسوق مش مظبوطه الا من رحم ربى يعنى ناس بتغلس وناس بتشتم وناس بتهاجم " للأسف حضرتك معاكى حق بس النوعيه دى من الناس مش بتمثل المجتمع غير ان تعليقاتهم او انتقادهم مش على السيدات اللى بيسوقوا بس لا التعليقات على كل الناس و المفروض حضرتك تنسى انهم موجودين اصلا و تركزى فالطريق و السواقه و شارع فيصل و شارع الهرم و اللى يعلق يعلق و اللى يشتم يشتم و اللى يغلس يغلس كل واحد بيظهر تربيته و البيئه اللى هو منها المحترم محترم و الغير كأنه مش موجود
بس للأمانه فيه سيدات عليهم سواقه تخلى الواحد يتجنن فعلا

[Om Marem]

موضوع جميل يا ام مريم

ربنا يكرمنا ونتعلم السواقه بقى

على فكره : انا اخت ام مريم

منورة يا لولو وانتى بتشجعينى وان شاء الله نتعلم بسرعه

[Om Marem]

انا طبعا اسف انى هدخل فالموضوع لانى زى ما فهمت انه للسيدات اللى بيتعلموا السواقه او اللى اتعلموا خلاص لكن كنت عايز اعلق على "طبعا اكيد عارفين ليه السيدات خصوصا عشان للاسف لسه نظرة المجتمع للست اللى بتسوق مش مظبوطه الا من رحم ربى يعنى ناس بتغلس وناس بتشتم وناس بتهاجم " للأسف حضرتك معاكى حق بس النوعيه دى من الناس مش بتمثل المجتمع غير ان تعليقاتهم او انتقادهم مش على السيدات اللى بيسوقوا بس لا التعليقات على كل الناس و المفروض حضرتك تنسى انهم موجودين اصلا و تركزى فالطريق و السواقه و شارع فيصل و شارع الهرم و اللى يعلق يعلق و اللى يشتم يشتم و اللى يغلس يغلس كل واحد بيظهر تربيته و البيئه اللى هو منها المحترم محترم و الغير كأنه مش موجود
بس للأمانه فيه سيدات عليهم سواقه تخلى الواحد يتجنن فعلا

اولا مافيش داعى للاسف حضرتك شرفت الموضوع
انا قصدت السيدات بالاخص عشان احنا بيبقى عندنا رهبه من السواقه فى الاول وعقبال ما قلبنا يجمد بناخد وقت عكس الرجال اللى ممكن من تانى حصه ينزل يسوق لوحدة واحنا نحب نستفيد من الكل رجال وسيدات
والله حضرتك لاحظت حاجه غريبه ان الشباب الصغير متفهم جدا او اغلبهم يعنى وبيراعى ان احنا سيدات او بنتعلم حتى لما خبطت عربيه واحد لما كنت مع بابا صاحب العربيه ما عملشى حاجه وقالى ولا يهمك ربنا يباركله يارب
لكن الرجال الكبار ماعندهومش خلق خالص شتيمه ونرفزة وامشى بقى وانتى ايه اللى خلاكى تسوقى
بالنسبه لنا الحمد لله المدربه من اول يوم كانت بتقولنا مالكوش دعوة باى حد اللى يكلكس واللى يشتم طول مانتى ماشيه صح ماحدش يقدر يتكلم
وكلام حضرتك مظبوط جدا كل واحد بيعبر عن تربيته والبيئه اللى جاى منها

[shiko85]

اولا مافيش داعى للاسف حضرتك شرفت الموضوع
متشكر جدا لحضرتك
انا قصدت السيدات بالاخص عشان احنا بيبقى عندنا رهبه من السواقه فى الاول وعقبال ما قلبنا يجمد بناخد وقت عكس الرجال اللى ممكن من تانى حصه ينزل يسوق لوحدة واحنا نحب نستفيد من الكل رجال وسيدات
الموضوع ملهوش علاقه بالسيدات او الرجال لان فيه سيدات عندها جرأه و بتسوق لوحدها من اول مره و فيه من غير ما حد يعلمهم بيأخدوا العربيه و يتعلموا من نفسهم و فيه رجال بيأخدوا وقت طويل جدا علشان يقدروا يسوقوا يعنى فالأول و الأخر الموضوع راجع للشخص نفسه بغض النظر عن راجل او سيده
هقول لحضرتك على مثال
زمان ماما كانت بتتعلم السواقه - بابا علمها السواقه و راحت مدرسه المرور يعنى تعتبر اتعلمت فتره طويله بس الخوف منعها من انها تسوق لوحدها و حتى لما كنا بنروح الجونه كنا بنخليها تسوق الـ golf cart و دى مفيش اسهل منها و كمان المكان فاضى و للأسف النتيجه كانت بشعه تقريبا عملت اول حادث بــ golf cart فالتاريخ
والله حضرتك لاحظت حاجه غريبه ان الشباب الصغير متفهم جدا او اغلبهم يعنى وبيراعى ان احنا سيدات او بنتعلم حتى لما خبطت عربيه واحد لما كنت مع بابا صاحب العربيه ما عملشى حاجه وقالى ولا يهمك ربنا يباركله يارب
لكن الرجال الكبار ماعندهومش خلق خالص شتيمه ونرفزة وامشى بقى وانتى ايه اللى خلاكى تسوقى
زى ما قلت لحضرتك قبل كده الموضوع ده راجع للشخص نفسه و تربيته و ذوقه و البيئه اللى هو منها
بالنسبه لنا الحمد لله المدربه من اول يوم كانت بتقولنا مالكوش دعوة باى حد اللى يكلكس واللى يشتم طول مانتى ماشيه صح ماحدش يقدر يتكلم
تمام كده بس حضرتك اهم حاجه تلتزمى بقواعد السواقه يعنى لسه بتتعلمى يبقى بلاش تمشى فأقصى الشمال بسرعه بطيئه
يعنى حاولى على قدر الأمكان تسيبى فرصه للى مستعجل انه يعدى لان كل واحد عنده ظروف
وكلام حضرتك مظبوط جدا كل واحد بيعبر عن تربيته والبيئه اللى جاى منها

[Om Marem]

انا متشكرة جدا لنصائح حضرتك وربنا يبارك فى الوالدة يارب
والحمد لله انا لغايه دلوقتى بمشى يمين بس عشان اقدر امشى براحه من غير ما اعطل حد

[Om Marem]

هو المنتدى مافيهوش سيدات ولا ايه ؟؟؟؟؟

[J A G U A R]

هو المنتدى مافيهوش سيدات ولا ايه ؟؟؟؟؟

موجودين بس قليلين شويه

[Om Marem]

طيب بلاش سيدات ادخلوا قولوا تجاربكم مع السواقه بداتم ازاى وخدتوا وقت اد ايه

[speranz]

انا لما بشوف واحدة سايقة بتاعمل عادي الحمد لله انا واخد بالي وهي واخدة بالها مفيش مشكلة
يا ريت السيدات كلهم يتعلمو السواقة هيعتمدو على نفسهم ويريحو الاهل والازواج
اما الى يزعق ويقل ادبه دي عالم مستواهم متدني لان من الزوق لما سيدة تخطاء يكون متفهم
اما الى يجمع ويقول السيدات مبيعرفوش يسوقو دا مخه على قده السيدات حرصين اكتر وبياخدو وقت
لان الشباب بطبعهم مندفعين ومتهورين ونتيجة التهور ده انهم بيعملو حوادث اكتر
واكتر ناس بكرههم الي بيسوقو وهما بيتكلمو في موبايل لانه مش بيكون مركز نهائى ووالله معظمهم رجال

[Sameh samy]

طبعا بعد ماتم التصريح بدخول الرجالة انا ليا راي في التعليم دايما اللي بيتعلم صغير بيبقي افضل ولاحظو دايما البنات الصغيرين بيسوقو حلو جدا
طريقة تعليم السواقة بتاعتي افضل طريقة في مصر وبتبتدي الاول لما اشوف الوالد بيسوق ازاي
مواعيد السواقة والوالد نايم
قواعد اساسية لازم تعرف كان راكن ازاي والعربية ممورة ولا لا والعجل مكسور ازاي والهاند مشدود ولا لا
ملحوظة هامة لو الوالد راكن غلط تركن زيو تمام وماتتفزلكش
بالمناسبة اتوجة بالشكر للوالدة اللي عمرها مافتنت عليا ههههههه
طبعا في اولي ثانوي الوالد قالي تعالي اعلمك السواقة ومالو موش عيب
دخلت هندسة والهدية كانت 128 كان ب خمسة جنية بنزين اروح الجامعة والف بيها مع اصحابي طول الليل سنة 1993 وفرحتي بيها كانت اكبر من اي عربية زيرو جبتها بعدها
دي الطريقة اللي اتعلمت بيها للاسف

[sozana]

اتعلمت في مدرسة سواقة لكن للاسف كانت سيئة كل همهم يطولوا مده التعليم علشان يستنزفوا فلوسك وكانوا بيحافظوا علي سيارتهم بمعنوا انهم كانوا بيعلموني دائما في طريق واحد شبة فاضي وطبعا اخد مني وقت طويل متعلمتش ساعتها غير ازاي اضبط الدركسيون لاني كنت بمرجح العربية :d بعدها اتعلمت مع حد كويس جدا بيشتغل مع نفسه علي عربيه قديمه الميزه اللي شوفتها في التعلم معاه الجرأة كان بيمشيني في طرق زحمه جدا وسكك حديد وطلعت علي الطريق السريع في خلال اسبوع تقريبا ودي كانت تجربتي مع المانيول من فترة طويله وحاليا معايا اوتو ومش فاكرة اي حاجه عن السواقة ولف وارجع تاني : D

[Om Marem]

انا لما بشوف واحدة سايقة بتاعمل عادي الحمد لله انا واخد بالي وهي واخدة بالها مفيش مشكلة
يا ريت السيدات كلهم يتعلمو السواقة هيعتمدو على نفسهم ويريحو الاهل والازواج
اما الى يزعق ويقل ادبه دي عالم مستواهم متدني لان من الزوق لما سيدة تخطاء يكون متفهم
اما الى يجمع ويقول السيدات مبيعرفوش يسوقو دا مخه على قده السيدات حرصين اكتر وبياخدو وقت
لان الشباب بطبعهم مندفعين ومتهورين ونتيجة التهور ده انهم بيعملو حوادث اكتر
واكتر ناس بكرههم الي بيسوقو وهما بيتكلمو في موبايل لانه مش بيكون مركز نهائى ووالله معظمهم رجال

انا لاحظت ان الشباب الصغير متفهمين اكثر من الرجال الكبار مافيش صبر خالص وبنسمع كلام غريب
انا عن نفسى بحب سواقه السيدات جدا بحس انها بتسوق بهدوء حتى لو على اعلى سرعه بحس انها راسيه
وفعلا زى ماحضرتك قلت فى احصائيه اتعملت اثبتت ان السيدات اكثر انضباطا والتزاما بقوانين المرور عن الرجال
بشكر لحضرتك مشاركتك فى الموضوع

[Om Marem]

طبعا بعد ماتم التصريح بدخول الرجالة انا ليا راي في التعليم دايما اللي بيتعلم صغير بيبقي افضل ولاحظو دايما البنات الصغيرين بيسوقو حلو جدا
طريقة تعليم السواقة بتاعتي افضل طريقة في مصر وبتبتدي الاول لما اشوف الوالد بيسوق ازاي
مواعيد السواقة والوالد نايم
قواعد اساسية لازم تعرف كان راكن ازاي والعربية ممورة ولا لا والعجل مكسور ازاي والهاند مشدود ولا لا
ملحوظة هامة لو الوالد راكن غلط تركن زيو تمام وماتتفزلكش
بالمناسبة اتوجة بالشكر للوالدة اللي عمرها مافتنت عليا ههههههه
طبعا في اولي ثانوي الوالد قالي تعالي اعلمك السواقة ومالو موش عيب
دخلت هندسة والهدية كانت 128 كان ب خمسة جنية بنزين اروح الجامعة والف بيها مع اصحابي طول الليل سنة 1993 وفرحتي بيها كانت اكبر من اي عربية زيرو جبتها بعدها
دي الطريقة اللي اتعلمت بيها للاسف

الموضوع يا استاذ سامى هدفه ان احنا نستفيد من بعض ووجهت كلامى للسيدات لانى بجد كنت مرعوبه من الفكرة نفسها وكان نفسى الاقى اكتر من واحدة تشجعنا
وحضرتك نورت الموضوع
الطريقه اللى حضرتك اتعلمت بيها ممتازة جدا لان التعليم فى الصغر كالنقش على الحجر بس للاسف على الرغم ان بابا طول عمرة عندة عربيه ما كانشى فى دماغى خالص انى اتعلم منه او حتى اشوفه بيسوق ازاى كنت بكتفى انى اتفرج من الشباك وحتى لما من 4 سنين تقريبا بدا يعلمنا الموضوع فشل وانا نسيته
بس الحمد لله ربنا كرمنى دلوقتى بمدربه فوق الممتازة وبتعلمنا صح جدا يمكن عشان موضوع السواقه جه بعد دعاء لربنا انه يكرمنى بعربيه واتعلم السواقه عشان ارحم بناتى من قرف المواصلات وربنا كريم واستجاب للدعاء
شرفت الموضوع يا استاذ سامح