بتتعلمي السواقه او اتعلمتي تعالي ندردش سوا

[Om Marem]

اتعلمت في مدرسة سواقة لكن للاسف كانت سيئة كل همهم يطولوا مده التعليم علشان يستنزفوا فلوسك وكانوا بيحافظوا علي سيارتهم بمعنوا انهم كانوا بيعلموني دائما في طريق واحد شبة فاضي وطبعا اخد مني وقت طويل متعلمتش ساعتها غير ازاي اضبط الدركسيون لاني كنت بمرجح العربية :d بعدها اتعلمت مع حد كويس جدا بيشتغل مع نفسه علي عربيه قديمه الميزه اللي شوفتها في التعلم معاه الجرأة كان بيمشيني في طرق زحمه جدا وسكك حديد وطلعت علي الطريق السريع في خلال اسبوع تقريبا ودي كانت تجربتي مع المانيول من فترة طويله وحاليا معايا اوتو ومش فاكرة اي حاجه عن السواقة ولف وارجع تاني : D

منورة يا سوزانا

فعلا كتير اوى بيذموا فى المدارس عشان كدة انا ربنا كرمنى بالمدربه اللى معايا بدات معايا انا واختى من اول يوم فى الوحمه وعلى الكبارى وعشان كدة من تالت حصه كنا الحمد لله بنسوق كويس ومن كتر ما هى شاطرة حببتنا جدا فى السواقه وهانكمل معاها كورس كمان عشان نتقن الموضوع
انا الحمد لله من اول مانزلت نزلت على عربيتى 128 ودة مخلينى مش خايفه بحافظ عليها اة
شكرا يا سوزانا نورتى الموضوع يا قمر وربنا يوفقك

[shiko85]

ادخلوا قولوا تجاربكم مع السواقه بداتم ازاى وخدتوا وقت اد ايه

تقريبا محدش علمنى السواقه كل اللى عملته انى كنت بتابع اى حد بيسوق و اشوف بيعمل ايه و احاول اركز كويس و كنت باخد مفتاح العربيه من بابا و ادورها و اعمل زى ما شوفت و شويه بشويه ابتديت امشى بالعربيه بس بسيط و كل ما تيجى فرصه و اكون فمكان فاضى كنت بمشى شويه بالعربيه حتى لو كام متر و بعد كده ابتدى بابا يخلينى اسوق فالعجمى (لما كانت فاضيه) بس بدون اى تدخل منه او توجيه و طبعا كان فيه عندى مشكله انى مستعجل و عايز اجرى بالعربيه رغم انى مش متمكن من السواقه و مش عارف ابعاد العربيه كويس بس الحمد لله ربنا ستر بعد كده كنت بسوق عربيات اصدقاء ليا و معظمها كانت عربيات غاليه و لسه جديده بس كنت بفضل اغلس و اسوق و الحمد لله كله كان تمام بدون حدواث و لا اى تلفيات بعد فتره طويله من الأنقطاع عن تعلم السواقه رحت مدرسه و المدرب قالى بتعرف تسوق قلت بحاول قالى ماشى اطلع بالعربيه على اخر الحصه الأولى قالى هو انت جيت مدرسه ليه ؟؟؟!!! و من تانى مره كنت بطلع الدائرى و امشى بسرعه و بقيت اسوق العربيه بتاعت بابا اكتر من الأول و ربنا كرمنى و اشتريت عربيه من اخويا و عملت بها اول حادثه بس الحمد لله مش حادثه جامده و كانت بسبب عدم استخدام المرايه الجانبيه كنت بلف و بعد ما لفيت بدل ما اكمل علطول قررت انى اروح حاره تانيه غير اللى كنت فيها و جت عربيه خبطت الرفرف الأمامى عندى
بعد كده اتعلمت ابص فالمرايا و كل يوم كنت بكتسب خبره اكتر عن اليوم اللى قبله و بقيت اركز اكتر فالطريق بس مهما كانت مهاره الواحد فالسواقه لازم يحصل خطأ سواء منه او من الأخريين و بطلت امشى بسرعه الحمد لله و ربنا يحفظ الجميع ان شاء الله

[Om Marem]

تقريبا محدش علمنى السواقه كل اللى عملته انى كنت بتابع اى حد بيسوق و اشوف بيعمل ايه و احاول اركز كويس و كنت باخد مفتاح العربيه من بابا و ادورها و اعمل زى ما شوفت و شويه بشويه ابتديت امشى بالعربيه بس بسيط و كل ما تيجى فرصه و اكون فمكان فاضى كنت بمشى شويه بالعربيه حتى لو كام متر و بعد كده ابتدى بابا يخلينى اسوق فالعجمى (لما كانت فاضيه) بس بدون اى تدخل منه او توجيه و طبعا كان فيه عندى مشكله انى مستعجل و عايز اجرى بالعربيه رغم انى مش متمكن من السواقه و مش عارف ابعاد العربيه كويس بس الحمد لله ربنا ستر بعد كده كنت بسوق عربيات اصدقاء ليا و معظمها كانت عربيات غاليه و لسه جديده بس كنت بفضل اغلس و اسوق و الحمد لله كله كان تمام بدون حدواث و لا اى تلفيات بعد فتره طويله من الأنقطاع عن تعلم السواقه رحت مدرسه و المدرب قالى بتعرف تسوق قلت بحاول قالى ماشى اطلع بالعربيه على اخر الحصه الأولى قالى هو انت جيت مدرسه ليه ؟؟؟!!! و من تانى مره كنت بطلع الدائرى و امشى بسرعه و بقيت اسوق العربيه بتاعت بابا اكتر من الأول و ربنا كرمنى و اشتريت عربيه من اخويا و عملت بها اول حادثه بس الحمد لله مش حادثه جامده و كانت بسبب عدم استخدام المرايه الجانبيه كنت بلف و بعد ما لفيت بدل ما اكمل علطول قررت انى اروح حاره تانيه غير اللى كنت فيها و جت عربيه خبطت الرفرف الأمامى عندى
بعد كده اتعلمت ابص فالمرايا و كل يوم كنت بكتسب خبره اكتر عن اليوم اللى قبله و بقيت اركز اكتر فالطريق بس مهما كانت مهاره الواحد فالسواقه لازم يحصل خطأ سواء منه او من الأخريين و بطلت امشى بسرعه الحمد لله و ربنا يحفظ الجميع ان شاء الله

اللهم بارك تقريبا اغلب الرجال هما اللى علموا نفسهم السواقه وتقريبا برضه اغلبهم بنفس طريقه حضرتك ملاحظه السائق والتركيز معه بس لفت نظرى لما حضرتك ركبت مع والدك بدون اى توجيه منه غريبه بصراحه انا لما ركبت مع بابا بعد 3 حصص مع المدربه وبعد مانزلت فيصل والدقى دخلت معاة فى عربيه من كتر التوجيهات اللى كان بيقولها تقريبا هو كان محسسنى انى روبوت المفروض انفذ كل اوامرة وكان موترنى جدا من اول ما ركبت والنتيجه انى انهرت من العياط وحلفت انى عمرى ما هاركب معاة تانى مهما حصل
موضوع المرايات فعلا مهم جدا وانا يمكن اكتر حاجه بتقلقنى دلوقتى هى التحرك من حارة لحارة والملفات على الرغم انى ببص فى المرايات بس ببقى خايفه من الابعاد وربنا يسترها معانا جميعا
استفدت جدا من تجربه حضرتك وشرفت الموضوع
وفى انتظار المزيد من التجارب للاستفادة

[J A G U A R]

ادخلوا قولوا تجاربكم مع السواقه بداتم ازاى وخدتوا وقت اد ايه

انا بطبيعتى بحب العربيات وبموت فيها ولما كنت فى ابتدائى كان عندنا عربيه 128 وكنت عاوز اتعلم السواقه

ولما كنت بكون راجع مع بابا فى مشوار بالليل كنت بقوله اركن على جنب علشان عايز اسوق وكان بيركن

على طول وطبعا بقى 128 وما ادراك ما 128 يعنى دبرياج ناشف يكسر رجليك يعنى دريكسيون حديد يربى

عضلاتك حاجه زى الفل يعنى وكنت دايما لما اجى اسوق العربيه كانت بتبطل منى واول ما تبطل الاقى

الشتايم نازله على دماغ امى واللى خلفونى .. ماشى يا عم هاجرب مره تانيه تبطل برضه .. هيا بتبطل ليه

العربيه .. اصل انت غبى ملكش فيها .. الله يسامحك يا عم .. ومن ساعتها اتعقدت من السواقه وكرهت حاجه

اسمها سواقه بسبب ام ال128 ولما كبرت شويه ودخلت اعدادى كان عندنا لانوس وحطيت فى دماغى اتعلم

السواقه وبكل اصرار وعزيمه وكنت لما اركب تاكس مثلا او ميكروباص كنت دايما اركب جنب السواق وكنت

ببص على رجليه بالذات وبيعمل ايه بالظبط وكان بابا بيجيلى المدرسه على طول وكان بيقعد هناك كتير وكنت

اقوله هات المفتاح شويه ومع نفسى بقى وبكل هدوء ومفيش حد يشتمنى او يزعقلى ومن اول تجربه

العربيه كانت بتمشى بكل سهوله وده كله بفضل الله اولا ثم سواقين التاكس والميكروباص .. وبعد ساعه

كده الاقى بابا طالع اقوله ايه رايك يقولى الله ينور .. وقعدت فتره طويله لغايه ما بقيت متمكن فى الطلعه

بتاعه العربيه علشان دى كانت اصعب حاجه بالنسبه ليا فى السواقه .. وفى يوم كنا رايحين مشوار لاقيته

من نفسه راكن على جنب وبيقولى تعالى سوق .. دخلت بقى وقلبى جامد بعد فتره طويله من اتقان ازاى

اطلع بالعربيه من غير ما تبطل والحمد لله مشت معايا كويس وجيبت 120 مع اول تجربه قياده على سكه

مفتوحه وبقى اى مشوار بقى بيخلينى اسوق ويدينى ثقه اكتر لغايه ما بقيت متمكن اكتر ولما دخلت ثانوى


جيبنا اوبترا ولما ركبتها حسيت ان سواقتها صعبه جدا وابعادها تقريبا مش شايف اى حاجه وممكن برضه

علشان انا قصير شويه وساعتها كنت بسوق كويس جدا وبسافر بالعربيه كمان وبمشى بيها

وسط الزحمه ولغايه ما كملت 18 سنه قولتله انا عايز اطلع رخصه قالى ماشى وكلم واحد صاحبه يشوفلى

واسطه احطياطى وخد 500 جنيه وعلشان لو سقط فى الاختبار يعدينى ومشينا فى الاجرائات وكله تمام

وجه وقت الاختبار دخلت اشارات معملتش اى حاجه وعديت فيه وبعديها على طول دخلت اختبار قياده وكنا 25

واحد والعربيه كانت لادا اعوذو بالله .. اول واحد دخل سقط تانى واحد نفس الحكايه لغايه السابع تقريبا هو

اللى نجح واللى قبليه سقطو بس اللى كان معاه واسطه وبيسقط كان بيعدى برضه .. كوسه بقى هانعملو

ايه .. وجه عليا الدور وكنت واثق من نفسى والحمد لله كنت تانى واحد يعدى والباقى كله دخل ونجح منهم 5

من 25 وبعد ما خلصت اختبار الاخ اللى كان واسطه قالى تعالى بكره اتصور وروحت الساعه 9 واتصورت

واستلمت الرخصه .. ودلوقتى انا فى كليه وبابا بيسوق من 25 سنه تقريبا انا احسن منه فى السواقه

بمراحل ايوه بمراحل ... ودلوقتى بقيت بركب افخم عربيات مع اصحابى وعندى ثقه كبيره فى نفسى والحمد

لله ... واسف على الاطاله .

[shiko85]

بس لفت نظرى لما حضرتك ركبت مع والدك بدون اى توجيه منه غريبه بصراحه
بابا كان عايز يخلينى اسوق من غير توتر او خوف و كان عارف ان السواقه هتكون شويه مش كتير و المكان فاضى فا مفيش مشكله و حتى اخويا الكبير لما كان بيركب معايى كان بيسكت خالص بس اول ما ينزل من العربيه يفضل يقول الشهاده
حاليا لما اكون سايق و بابا راكب معايا مش عايز اقول لحضرتك قمه التوتر لان بابا عايزنى اسوق زى ما هو بيسوق سواقه هاديه و انا مش بعرف اسوق كده و لا عمرى هعرف
انا لما ركبت مع بابا بعد 3 حصص مع المدربه وبعد مانزلت فيصل والدقى دخلت معاة فى عربيه من كتر التوجيهات اللى كان بيقولها تقريبا هو كان محسسنى انى روبوت المفروض انفذ كل اوامرة وكان موترنى جدا من اول ما ركبت والنتيجه انى انهرت من العياط وحلفت انى عمرى ما هاركب معاة تانى مهما حصل
للأسف ده اللى بيحصل و لو حضرتك سألتى اى حد هتلاقى نفس الرد وجود الأب بيعمل توتر فظيع انا الحمد لله مكنش فيه التوتر فمرحله التعلم لكن فيه دلوقتى و فعلا اسوء كتير من وقت التعلم لانى بسوق من فتره الحمد لله و مش محتاج توجيهات او لوم خصوصا ان فـ 90% من المواقف بيكون الخطأ من الغير اللى يكسر عليا علشان يعدى منى و اللى سايق عربيه نقل و فاكر انها توكتوك و اللى و اللى
موضوع المرايات فعلا مهم جدا وانا يمكن اكتر حاجه بتقلقنى دلوقتى هى التحرك من حارة لحارة والملفات على الرغم انى ببص فى المرايات بس ببقى خايفه من الابعاد وربنا يسترها معانا جميعا
بالتعود كل حاجه ان شاء الله هتكون سهله
استفدت جدا من تجربه حضرتك وشرفت الموضوع
يا فندم جزاكى الله خير

[Om Marem]

انا بطبيعتى بحب العربيات وبموت فيها ولما كنت فى ابتدائى كان عندنا عربيه 128 وكنت عاوز اتعلم السواقه

ولما كنت بكون راجع مع بابا فى مشوار بالليل كنت بقوله اركن على جنب علشان عايز اسوق وكان بيركن

على طول وطبعا بقى 128 وما ادراك ما 128 يعنى دبرياج ناشف يكسر رجليك يعنى دريكسيون حديد يربى

عضلاتك حاجه زى الفل يعنى وكنت دايما لما اجى اسوق العربيه كانت بتبطل منى واول ما تبطل الاقى

الشتايم نازله على دماغ امى واللى خلفونى .. ماشى يا عم هاجرب مره تانيه تبطل برضه .. هيا بتبطل ليه

العربيه .. اصل انت غبى ملكش فيها .. الله يسامحك يا عم .. ومن ساعتها اتعقدت من السواقه وكرهت حاجه

اسمها سواقه بسبب ام ال128 ولما كبرت شويه ودخلت اعدادى كان عندنا لانوس وحطيت فى دماغى اتعلم

السواقه وبكل اصرار وعزيمه وكنت لما اركب تاكس مثلا او ميكروباص كنت دايما اركب جنب السواق وكنت

ببص على رجليه بالذات وبيعمل ايه بالظبط وكان بابا بيجيلى المدرسه على طول وكان بيقعد هناك كتير وكنت

اقوله هات المفتاح شويه ومع نفسى بقى وبكل هدوء ومفيش حد يشتمنى او يزعقلى ومن اول تجربه

العربيه كانت بتمشى بكل سهوله وده كله بفضل الله اولا ثم سواقين التاكس والميكروباص .. وبعد ساعه

كده الاقى بابا طالع اقوله ايه رايك يقولى الله ينور .. وقعدت فتره طويله لغايه ما بقيت متمكن فى الطلعه

بتاعه العربيه علشان دى كانت اصعب حاجه بالنسبه ليا فى السواقه .. وفى يوم كنا رايحين مشوار لاقيته

من نفسه راكن على جنب وبيقولى تعالى سوق .. دخلت بقى وقلبى جامد بعد فتره طويله من اتقان ازاى

اطلع بالعربيه من غير ما تبطل والحمد لله مشت معايا كويس وجيبت 120 مع اول تجربه قياده على سكه

مفتوحه وبقى اى مشوار بقى بيخلينى اسوق ويدينى ثقه اكتر لغايه ما بقيت متمكن اكتر ولما دخلت ثانوى


جيبنا اوبترا ولما ركبتها حسيت ان سواقتها صعبه جدا وابعادها تقريبا مش شايف اى حاجه وممكن برضه

علشان انا قصير شويه وساعتها كنت بسوق كويس جدا وبسافر بالعربيه كمان وبمشى بيها

وسط الزحمه ولغايه ما كملت 18 سنه قولتله انا عايز اطلع رخصه قالى ماشى وكلم واحد صاحبه يشوفلى

واسطه احطياطى وخد 500 جنيه وعلشان لو سقط فى الاختبار يعدينى ومشينا فى الاجرائات وكله تمام

وجه وقت الاختبار دخلت اشارات معملتش اى حاجه وعديت فيه وبعديها على طول دخلت اختبار قياده وكنا 25

واحد والعربيه كانت لادا اعوذو بالله .. اول واحد دخل سقط تانى واحد نفس الحكايه لغايه السابع تقريبا هو

اللى نجح واللى قبليه سقطو بس اللى كان معاه واسطه وبيسقط كان بيعدى برضه .. كوسه بقى هانعملو

ايه .. وجه عليا الدور وكنت واثق من نفسى والحمد لله كنت تانى واحد يعدى والباقى كله دخل ونجح منهم 5

من 25 وبعد ما خلصت اختبار الاخ اللى كان واسطه قالى تعالى بكره اتصور وروحت الساعه 9 واتصورت

واستلمت الرخصه .. ودلوقتى انا فى كليه وبابا بيسوق من 25 سنه تقريبا انا احسن منه فى السواقه

بمراحل ايوه بمراحل ... ودلوقتى بقيت بركب افخم عربيات مع اصحابى وعندى ثقه كبيره فى نفسى والحمد

لله ... واسف على الاطاله .

اللهم بارك فى حضرتك وفى والد حضرتك
ومافيش اطاله ولا حاجه بالعكس احنا بنستفيد من تجارب حضراتكم
انا معايا 128 وفعلا الدبرياج محتاج قوة والفتيس بس بحس فعلا انى بتعلم سواقه غير الاتوماتيك بحس انها بلاى ستيشن
انا الحمد لله لسه ماطلعتش الرخصه اتعرض عليا اطلعها وانا فى البيت ب 1400 جنيه واحدة فى المرور قالتلى هاتيجى تتصورى بس ولا امتحان ولا اى حاجه بس الواحد استحرم انه يبدا حياته برشوة مقنعه
قلت احسن حاجه ادخل مدرسه المرور دفعت 360 جنيه وان شاء الله هانبتدى بعد العيد واهو منها اتعلم برضه وربنا يستر فى الامتحان لانى ناويه ان شاء الله مادفعشى جنيه رشوة لاى حد مهما كان ولو حتى اسقط مش مشكله ربنا يكتبلنا الخير
ربنا يكفيك شر العربيه ويرزقك من خيرها
متشكرة جدا لردك وربنا يحميك

[J A G U A R]

اللهم بارك فى حضرتك وفى والد حضرتك
ربنا يخليكى يا فندم
انا معايا 128 وفعلا الدبرياج محتاج قوة والفتيس بس بحس فعلا انى بتعلم سواقه غير الاتوماتيك بحس انها بلاى ستيشن
بصى حضرتك لو اتعلمتى تسوقى 128 كويس هاتسوقى اى عربيه تانيه بمنتهى السهوله والكلام ده عن تجربه .. الاوتوماتيك بقى لما اسوقو بحس انى سايق عربيه ملاهى بالظبط
انا الحمد لله لسه ماطلعتش الرخصه اتعرض عليا اطلعها وانا فى البيت ب 1400 جنيه واحدة فى المرور قالتلى هاتيجى تتصورى بس ولا امتحان ولا اى حاجه بس الواحد استحرم انه يبدا حياته برشوة مقنعه
قلت احسن حاجه ادخل مدرسه المرور دفعت 360 جنيه وان شاء الله هانبتدى بعد العيد واهو منها اتعلم برضه وربنا يستر فى الامتحان لانى ناويه ان شاء الله مادفعشى جنيه رشوة لاى حد مهما كان ولو حتى اسقط مش مشكله ربنا يكتبلنا الخير
كتير برضه 1400 انا كده كده كنت هاطلعها ب 500 حتى لو سقطت بس المدرسه صحيح بتدفعى فيها كل شهر تقرييا بس غالبا بتنجحى فى الاخر وربنا يسهلك الحال ان شاء الله

[Om Marem]

اللهم بارك فى حضرتك وفى والد حضرتك
ربنا يخليكى يا فندم
انا معايا 128 وفعلا الدبرياج محتاج قوة والفتيس بس بحس فعلا انى بتعلم سواقه غير الاتوماتيك بحس انها بلاى ستيشن
بصى حضرتك لو اتعلمتى تسوقى 128 كويس هاتسوقى اى عربيه تانيه بمنتهى السهوله والكلام ده عن تجربه .. الاوتوماتيك بقى لما اسوقو بحس انى سايق عربيه ملاهى بالظبط
انا الحمد لله لسه ماطلعتش الرخصه اتعرض عليا اطلعها وانا فى البيت ب 1400 جنيه واحدة فى المرور قالتلى هاتيجى تتصورى بس ولا امتحان ولا اى حاجه بس الواحد استحرم انه يبدا حياته برشوة مقنعه
قلت احسن حاجه ادخل مدرسه المرور دفعت 360 جنيه وان شاء الله هانبتدى بعد العيد واهو منها اتعلم برضه وربنا يستر فى الامتحان لانى ناويه ان شاء الله مادفعشى جنيه رشوة لاى حد مهما كان ولو حتى اسقط مش مشكله ربنا يكتبلنا الخير
كتير برضه 1400 انا كده كده كنت هاطلعها ب 500 حتى لو سقطت بس المدرسه صحيح بتدفعى فيها كل شهر تقرييا بس غالبا بتنجحى فى الاخر وربنا يسهلك الحال ان شاء الله

فعلا المدرسه كل شهر
متشكرة جدا على رد حضرتك

[Om Marem]

يا جماعه لو سمحتم ممكن تفيدونى
دلوقتى انا لسه مبتدئه وعندى مشكلتين
الاولى انى خايفه العربيه تعطل منى وانا ماشيه ما اعرفشى اتصرف خصوصا انها 128 مش جديدة
المشكله التانيه ان كل ما يحصل حاجه للعربيه اتصل بابا يجى ويوديها يصلحها هو الله يباركله مش ممانع بس هو كبير فى السن وحاسه انى بتعبه
هو انا امتى ممكن افهم فى تصليح العربيه اقصد طبعا الحاجات البسيطه لان مثلا لو عجله نامت لا يمكن هانزل اغيرها ولو حتى كنت بعرف
وامتى اقدر اروح بنفسى عشان اصلحها واعرف منين ان الرجل اللى هايصلحها مش هايضحك عليا وياخد اضعاف التمن
وكمان عندى مشكله ما اعرفشى المشكله اللى بتظهر تبع السمكرى ولا الميكانيكى ولا الكهربائى
انا هاعرف امتى الحاجات دى ؟؟؟؟؟؟؟؟ظ
انا بحاول اقرا شويه عن الحاجات دى بس مش عارفه دة ينفع ولا لا
وجزاكم الله خيرا على الرد مقدما

[shiko85]

يا جماعه لو سمحتم ممكن تفيدونى
دلوقتى انا لسه مبتدئه وعندى مشكلتين
الاولى انى خايفه العربيه تعطل منى وانا ماشيه ما اعرفشى اتصرف خصوصا انها 128 مش جديدة
حضرتك على اد ما تقدرى اتعلمى السواقه قريب من البيت علشان لو لا قدر الله حاجه حصلت يبقى سهل تركنى العربيه
المشكله التانيه ان كل ما يحصل حاجه للعربيه اتصل بابا يجى ويوديها يصلحها هو الله يباركله مش ممانع بس هو كبير فى السن وحاسه انى بتعبه
هو انا امتى ممكن افهم فى تصليح العربيه اقصد طبعا الحاجات البسيطه لان مثلا لو عجله نامت لا يمكن هانزل اغيرها ولو حتى كنت بعرف
لسه شويه و على فكره مش كل اللى بيسوقوا بيعرفوا فتصلح العربيه
وامتى اقدر اروح بنفسى عشان اصلحها واعرف منين ان الرجل اللى هايصلحها مش هايضحك عليا وياخد اضعاف التمن
على حسب ايه هى المشكله - الحل ان حضرتك تعرفى بباكى بيودى العربيه عند مين (كهربائى و ميكانيكى) و تتعاملى معاهم حتى يبقى عارفين حضرتك مين - بخصوص انه يضحك عليكى فا دى حاجه راجعه للشخص نفسه و لو هو مش امين و بيقبل ياخد فلوس مش من حقه هيعمل كده حتى مع حد فاهم لان كل واحد عارف ينصب ازاى و ان شاء الله ربنا هيعوضك عن اى فلوس خدها منك استغلال لقله خبره حضرتك و ان شاء الله كل واحد بينصب على الناس و ياخد فلوس مش من حقه هيندم ندم شديد بس فوقت مش هينفع فيه ندم هو هياخد من حضرتك فلوس فالدنيا سهل تتعوض و حضرتك هتاخدى حسنات منه فالأخره و دى عمرها ما هتتعوض
وكمان عندى مشكله ما اعرفشى المشكله اللى بتظهر تبع السمكرى ولا الميكانيكى ولا الكهربائى
انا هاعرف امتى الحاجات دى ؟؟؟؟؟؟؟؟
السمكرى كل ما هو له علاقه بجسم السياره الخارجى
ميكانيكى و كهربائى مرتبطين شويه ببعض و فيه تداخل فشغل الـ 2 و شويه بشويه حضرتك هنعرفى تفرقى بين الـ 2
انا بحاول اقرا شويه عن الحاجات دى بس مش عارفه دة ينفع ولا لا
ينفع بس مش كل المواقف حضرتك هتلاقيها مكتوبه بالتفصيل
نصيحه لو حضرتك تقدرى تغيرى 128 و تشترى عربيه تانيه هيكون افضل بكتيير
وجزاكم الله خيرا على الرد مقدما

[J A G U A R]

يا جماعه لو سمحتم ممكن تفيدونى
دلوقتى انا لسه مبتدئه وعندى مشكلتين
الاولى انى خايفه العربيه تعطل منى وانا ماشيه ما اعرفشى اتصرف خصوصا انها 128 مش جديدة
المشكله التانيه ان كل ما يحصل حاجه للعربيه اتصل بابا يجى ويوديها يصلحها هو الله يباركله مش ممانع بس هو كبير فى السن وحاسه انى بتعبه
هو انا امتى ممكن افهم فى تصليح العربيه اقصد طبعا الحاجات البسيطه لان مثلا لو عجله نامت لا يمكن هانزل اغيرها ولو حتى كنت بعرف
وامتى اقدر اروح بنفسى عشان اصلحها واعرف منين ان الرجل اللى هايصلحها مش هايضحك عليا وياخد اضعاف التمن
بما ان حضرتك راكبه 128 المفروض تستحمليها شويه .. وبالنسبه لمشكله الاعطال اللى ممكن تحصل فى اى وقت المفروض تتعاملى مع ميكانيكى او اتنين بالكتير ويكونو سمعتهم كويسه ومضمونين علشان للاسف معظم الميكانيكيا اليومين دول مش كويسين وخصوصا ان حضرتك سيده .. والد حضرتك بقى او اخو حضرتك يتولى الحكايه دى ويعرفه ان حضرتك منين ما تعوزيه يجيلك لغايه عندك ومن الافضل يكون الميكانيكى فى المنطقه اللى بتمشى فيها اكتر حاجه وطالما الراجل هياخد واجبه مش هايقصر ونفس الحكايه برضه بالنسبه للكاوتش علشان دول بالذات نصابين على مستوى وبيعملو اخرام فى الكاوتش ويقولك فى الاخر 200 جنيه .. ولو حضرتك عايزه تعملى الكاوتش بنفسك مفيش مشكله الحكايه سهله جدا علشان لو قدر الله الكاوتش نام فى مكان مفيهوش حد او حاجه وانا عن نفسى بعمل كده وبرفع العربيه واحل الكاوتش واركب الاستبن لغايه ما اروح لبتاع الكاوتش
وكمان عندى مشكله ما اعرفشى المشكله اللى بتظهر تبع السمكرى ولا الميكانيكى ولا الكهربائى
انا هاعرف امتى الحاجات دى ؟؟؟؟؟؟؟؟ظ
بالنسبه لشغل السمكره بتكون خبطه مثلا فى العربيه او حكه او خربوش او اى حاجه زى كده بالنسبه للميكانيكى شغله بيكون فى الماتور بالكامل بالنسبه للكهربائى بيشتغل فى اى حاجه بتخص الكهربا والانوار بتاعه العربيه وفى برضه العفشجى وشغله بيكون فى العفشه واى حاجه بتتعلق بيها زى المساعدين والبطاحات والكبالن والسوست والمقصات واسكترا الدريكسيون .

[مسعد حامد]

انا زوجة الاستاذ مسعد ولسة مشتركين من اريب لان لسة جايبين العربية من اسبوع فالت ادخل واشوف المواضيع الجديدة يمكن استفاد وانقلة خبرة حضراتكم ...واول موضوع اشوفه كان عن السواقة لان زوجى لسة بيتعلم وانا ديما بافعد جنبة واعصابى متوترة جدا وبوترة بس بحاول امسك نفسى وفعلا وعن تجربة لازم تعليم السواقة يكون فى الزحمة بيكون التعليم اسرع انما احنا ساكنين فى التجمع والدنيا فاضية وبالرغم من كدة ببقى متوترة لما الاقى عربية ادامى او ورايا ياريتتقولوليى اعمل ايه واساعده ازاى وبالرغم من كدة حاسة انى هتعلم السواقة اسرع منه

[Om Marem]

يا جماعه لو سمحتم ممكن تفيدونى
دلوقتى انا لسه مبتدئه وعندى مشكلتين
الاولى انى خايفه العربيه تعطل منى وانا ماشيه ما اعرفشى اتصرف خصوصا انها 128 مش جديدة
حضرتك على اد ما تقدرى اتعلمى السواقه قريب من البيت علشان لو لا قدر الله حاجه حصلت يبقى سهل تركنى العربيه
المشكله التانيه ان كل ما يحصل حاجه للعربيه اتصل بابا يجى ويوديها يصلحها هو الله يباركله مش ممانع بس هو كبير فى السن وحاسه انى بتعبه
هو انا امتى ممكن افهم فى تصليح العربيه اقصد طبعا الحاجات البسيطه لان مثلا لو عجله نامت لا يمكن هانزل اغيرها ولو حتى كنت بعرف
لسه شويه و على فكره مش كل اللى بيسوقوا بيعرفوا فتصلح العربيه
وامتى اقدر اروح بنفسى عشان اصلحها واعرف منين ان الرجل اللى هايصلحها مش هايضحك عليا وياخد اضعاف التمن
على حسب ايه هى المشكله - الحل ان حضرتك تعرفى بباكى بيودى العربيه عند مين (كهربائى و ميكانيكى) و تتعاملى معاهم حتى يبقى عارفين حضرتك مين - بخصوص انه يضحك عليكى فا دى حاجه راجعه للشخص نفسه و لو هو مش امين و بيقبل ياخد فلوس مش من حقه هيعمل كده حتى مع حد فاهم لان كل واحد عارف ينصب ازاى و ان شاء الله ربنا هيعوضك عن اى فلوس خدها منك استغلال لقله خبره حضرتك و ان شاء الله كل واحد بينصب على الناس و ياخد فلوس مش من حقه هيندم ندم شديد بس فوقت مش هينفع فيه ندم هو هياخد من حضرتك فلوس فالدنيا سهل تتعوض و حضرتك هتاخدى حسنات منه فالأخره و دى عمرها ما هتتعوض
وكمان عندى مشكله ما اعرفشى المشكله اللى بتظهر تبع السمكرى ولا الميكانيكى ولا الكهربائى
انا هاعرف امتى الحاجات دى ؟؟؟؟؟؟؟؟
السمكرى كل ما هو له علاقه بجسم السياره الخارجى
ميكانيكى و كهربائى مرتبطين شويه ببعض و فيه تداخل فشغل الـ 2 و شويه بشويه حضرتك هنعرفى تفرقى بين الـ 2
انا بحاول اقرا شويه عن الحاجات دى بس مش عارفه دة ينفع ولا لا
ينفع بس مش كل المواقف حضرتك هتلاقيها مكتوبه بالتفصيل
نصيحه لو حضرتك تقدرى تغيرى 128 و تشترى عربيه تانيه هيكون افضل بكتيير
وجزاكم الله خيرا على الرد مقدما

بجد مش عارفه اشكر حضرتك ازاى على اهتمامك جزاك الله خيرا
الحمد لله انا تقريبا كل مشاويرى قريبه من البيت وان شاء الله هاتعامل مع اللى بابا بيتعامل معاة وعند حضرتك حق حسنات الاخرة مش بتتعوض ابدا
بالنسبه للعربيه حضرتك عارف انها جامدة وقطع الغيار موجودة واى واحد يصلحها دة غير طبعا انى لسه بتعلم وخفت اجيب عربيه حتى لو مستعمله بس غاليه وتتخبط منى وتكلفنى ولما نتعلم ان شاء الله انا وجوزى ونمشى كويس ربنا يكرمنا ونغيرها
شكرا جدا على نصائحك

[Om Marem]

يا جماعه لو سمحتم ممكن تفيدونى
دلوقتى انا لسه مبتدئه وعندى مشكلتين
الاولى انى خايفه العربيه تعطل منى وانا ماشيه ما اعرفشى اتصرف خصوصا انها 128 مش جديدة
المشكله التانيه ان كل ما يحصل حاجه للعربيه اتصل بابا يجى ويوديها يصلحها هو الله يباركله مش ممانع بس هو كبير فى السن وحاسه انى بتعبه
هو انا امتى ممكن افهم فى تصليح العربيه اقصد طبعا الحاجات البسيطه لان مثلا لو عجله نامت لا يمكن هانزل اغيرها ولو حتى كنت بعرف
وامتى اقدر اروح بنفسى عشان اصلحها واعرف منين ان الرجل اللى هايصلحها مش هايضحك عليا وياخد اضعاف التمن
بما ان حضرتك راكبه 128 المفروض تستحمليها شويه .. وبالنسبه لمشكله الاعطال اللى ممكن تحصل فى اى وقت المفروض تتعاملى مع ميكانيكى او اتنين بالكتير ويكونو سمعتهم كويسه ومضمونين علشان للاسف معظم الميكانيكيا اليومين دول مش كويسين وخصوصا ان حضرتك سيده .. والد حضرتك بقى او اخو حضرتك يتولى الحكايه دى ويعرفه ان حضرتك منين ما تعوزيه يجيلك لغايه عندك ومن الافضل يكون الميكانيكى فى المنطقه اللى بتمشى فيها اكتر حاجه وطالما الراجل هياخد واجبه مش هايقصر ونفس الحكايه برضه بالنسبه للكاوتش علشان دول بالذات نصابين على مستوى وبيعملو اخرام فى الكاوتش ويقولك فى الاخر 200 جنيه .. ولو حضرتك عايزه تعملى الكاوتش بنفسك مفيش مشكله الحكايه سهله جدا علشان لو قدر الله الكاوتش نام فى مكان مفيهوش حد او حاجه وانا عن نفسى بعمل كده وبرفع العربيه واحل الكاوتش واركب الاستبن لغايه ما اروح لبتاع الكاوتش
وكمان عندى مشكله ما اعرفشى المشكله اللى بتظهر تبع السمكرى ولا الميكانيكى ولا الكهربائى
انا هاعرف امتى الحاجات دى ؟؟؟؟؟؟؟؟ظ
بالنسبه لشغل السمكره بتكون خبطه مثلا فى العربيه او حكه او خربوش او اى حاجه زى كده بالنسبه للميكانيكى شغله بيكون فى الماتور بالكامل بالنسبه للكهربائى بيشتغل فى اى حاجه بتخص الكهربا والانوار بتاعه العربيه وفى برضه العفشجى وشغله بيكون فى العفشه واى حاجه بتتعلق بيها زى المساعدين والبطاحات والكبالن والسوست والمقصات واسكترا الدريكسيون

استفدت من كلام حضرتك جدا وفكرة حلوة ان بابا يعرف الميكانيكى انه ممكن يوصلى فى اى حته انا الحمد لله ربنا كرمنى بمكاينيكى وكهربائى وواحد بتاع كاوتش جنبى بس مشكلتهم انى ما اعرفش هما كويسين ولا لا وفى نفس الوقت والدى ما يعرفهومشى لانه بيتعامل مع ناس فى محافظه تانيه ( والدى لسه ناقل محافظتى قريب ) بس ربنا يسهل ويكرمنا بناس امينه
جزاك الله خيرا على رد حضرتك وعلى المعلومات اللى قولتها

[Om Marem]

انا زوجة الاستاذ مسعد ولسة مشتركين من اريب لان لسة جايبين العربية من اسبوع فالت ادخل واشوف المواضيع الجديدة يمكن استفاد وانقلة خبرة حضراتكم ...واول موضوع اشوفه كان عن السواقة لان زوجى لسة بيتعلم وانا ديما بافعد جنبة واعصابى متوترة جدا وبوترة بس بحاول امسك نفسى وفعلا وعن تجربة لازم تعليم السواقة يكون فى الزحمة بيكون التعليم اسرع انما احنا ساكنين فى التجمع والدنيا فاضية وبالرغم من كدة ببقى متوترة لما الاقى عربية ادامى او ورايا ياريتتقولوليى اعمل ايه واساعده ازاى وبالرغم من كدة حاسة انى هتعلم السواقة اسرع منه

يااااااااااااة اخيرا عضوة تشارك غير سوزانا
نورتى المنتدى انا كمان لسه جديدة فى المنتدى
بس انا بقى عكسك انا اللى بتعلم السواقه لان انا اللى هاوصل بنتى للمدرسه وجوزى لسه هايتعلم بعدين يعنى حاسه انى مضغوطه اوى ومش هاقدر اتراجع
يمكن دة اللى خلانى من اول مرة اسوق لانى محتاجه جدا للسواقه وفى نفس الوقت حاسه بمسئوليه ناحيه بناتى وعايزة ارحمهم من قرف الباصات والمواصلات احنا فى فيصل عايزة اقولك ان مافيش خرم ابرة تقريبا فاضى كل الاماكن مزدحمه والمدربه اللى معايا بتنقى الاماكن الزحمه واللى فيها تقاطعات بتسميها اماكن قذرة هى بتستمتع وهى بتعلمنا فيها واحنا بصراحه بنتعلم كويس اوى معاها
هى بجد الله يكرمها اللى خلتنا من اول يوم ندخل جوة الزحمه وبقينا بنحبها اوى عشان نكتسب خبرة
بالنسبه للتعلم لو انتى عندك هدف هاتتعلمى احسن من زوجك واسرع وربنا يكفيكم شر طريقكم
ومنورة الجروب والموضوع