طريقة مجربه للسيارات القديمة لقوة عزم السيارة و اقتصادية لسحب البنزين

[nader1117]

يا جماعة انا فنى الكربراتير قالى ان مع كل تفويلة للتنك ببنزين 80 ضع بها عدد 2 نفتليين بلى بالنتك البنزين النفتلين بلى دة كور مميتة للبق ونضعها مع الملابس المخزنة لعدم تلفها وبالبلدى علشان ما تعتش لكن رايت تغير خطير للماتور حاجة شبة مستحيلة جربوها عن ثقة وانا عربيتى من النوع القديم فيات 131 لا ادرى مدى فاعلية هذا مع السيارات الحديثة حزارى ان تجربها مع الحديث لا ادرى ماذا تفعل بة
انا باستعمل الطريقة دى من سنة انا عربيتى قديمة فيات 131 كانت بتسحب بالعافية وكانت بتاكل بنزين كتير رحت لفنى الكربراتير عملى كل حاجة اكس وباب و بكات وغير كل شىء ومفيش فايدة قال لى على فكرت ان اضع 2 نفتليين بلى مع كل تفويلة خفت وطنشت كلامة فى الاخر نزلت جبت رتياتير جديد اصلى من الكيلانى 1050 جنيى فى الاول تحسن الوضع ورجعت بعد 5 شهور تاكل بنزين تانى الفنى اقترح عليا فكرت النفتليين تانى قلت اجربها بعدها سحب العربية اتغير خالص حسيت انى جبت عربية حديثة
والبنزين اتظبت نوعا ما بس السحب و الجرى والعزم حاجة تانية خالص انا بروحلة دلوقتى كل 6 شهور يغير البيكات بس انا بامشى كتير بالعربية ورايح جاى اسكندرية 3 او 4 مرات فى الاسبوع ودى تجربتى
بس اوؤكد ان عربيتى فيات 131

------------------
تحذير
هذة التجربة خطيرة وبشدة على الماتور وتجعل اجزاء الماتور كانها مصفاه لما يحتوى التفاعل على مواد خطيرة وبشدة على اجزاء الماتور سواء اكان قديما ام جديدا
وهذا للعلم
كريم منير

[Mohamed_Ibiza]

والله كويس ومبروك على نجاح الطريقة

بس ياريت تشرح بالظبط انت بتعمل ايه عشان انا مش فاهم كويس

[sobhysm]

يا ترى الطريقة دى تنفع لل128 والنفتلين دة مش هيسد التنك

[nader1117]

انا الى عملتة بناء على نصيحة الفنى للكربراتير ان اضع عدد 2 نفتلين بلى بتاع العتة
عدد 2 بس مع كل تفويلة لتنك البنزين
اما عن خوفك لسد التنك فتنك البنزينة فية ماهو اسواء والنفتليين من خواصة ان اذا وضعنة فى دولاب تخزين الهدوم هو يتبخر من الهواء اصلا وبعد فترة لا تجد لة اثر فما بالك بمزجة مع البنزين
بس هنروح لية بعيد جيب طبق و ضع بة النفتليين و كذلك البنزين وسيبة وانا خاسيس انك لن تجد لة اثر لنا لم اجرب هذا ولم ادخل داخل تنك البنزيين
ولكنى من سنة و انا اضع عدد 2 نفتللين مع كل تفويلة تنك

[michohat]

ممكن بس تقول لنا قصد بتاع الكربيراتير ايه من كده يعنى ده هياثر على ايه وهل له اثر جانبى

[hamedo0]

مع احترامي لكلام حضرتك وفني الكربيراتير انا مش مقتنع بكلام ده

[nader1117]

انا بس حبيت اضع تجربة انا جربتها لكم فقك لا غير

[H.ibrahim]

انا احب افهم هو النفتلين هايعمل ايه بالظبط علشان كل شى بالعقل ممكن يتفهم فارجو الرد من فضلكم :k37::k37:

[MMamdouh]

we need technical explanation for this experiment

MMamdouh

[amr5500]

علشان العربيه ماتاكلهاش العته
:k48:

[MMamdouh]

i have done a quick search:

http://www.newton.dep.anl.gov/askasci/chem00/chem00485.htm

bottom line:

absolutely useless and dangerous

probably this is a roumer spread by pharmacists that need to enlarge their mothballs sales volume... or maybe the roumer was spread by moth trying to save themselves

MMamdouh

[ouba2]

lthannnnnnnnnks

[nader1117]

انا احب افهم هو النفتلين هايعمل ايه بالظبط علشان كل شى بالعقل ممكن يتفهم فارجو الرد من فضلكم :k37::k37:

يا خونا انا مش عاوزى افتى دى تجربة قمت بها وحكتها لكم لا انا افهم بالكيمياء ولا حاجة وعلى العموم لا داعى للجدال كامكم لم تقراؤة شىء واسف على كتابة الموضوع

[ahmed1981]

أولاً أشكر حضرتك على توضيح التجربة

ورأيي هو:
كل ما في الأمر أن النفثالين هو مادة صلبة يحدث لها تسامي
ويخرج منها أبخرة كحولية تحتوي على البنزين العطري

وفرق كبير بين البنزين العطري والبنزين الجازولين البترولي
فالبنزين العطري هو تابع للمواد الكحولية ومركب من حلقة تسمى بحلقة البنزين (راجع كيمياء الثانوية العامة)


أما ما نطلق عليه البنزين وإسمه الحقيقي الجازولين الذي نضعه في السيارة فهو ناتج من تقطير البترول الحفري


المهم أن البنزين العطري الذي تخرج بعض الأبخرة المحتوية عليه وعلى مشتقاته من النفثالين قابل للإشتعال

وبالتالي لو وضعناه في التنك فنحن وضعنا وقوداً إضافياً

ولكن عواقب ذلك لا أعلمها
وأيضاً لا أعلم هل من الممكن أن يكون ذلك خطر

وإن كنت قرأت أنه قد يحتوي على نسبة كبريت وهو العنصر الأسوأ على الإطلاق لشدة ضرره بالمحرك


الخلاصة أن المسألة ليست إختراع وأيضاً لا أشجع على تجربتها فالمتوقع من ضررها أكبر من المرجو من نفعها


راجع الرابط التالي:
http://ar.wikipedia.org/wiki/%D9%86%D9%81%D8%AB%D8%A7%D9%84%D9%8A%D9%86

[D . a .\ AYMAN]

i have done a quick search:

http://www.newton.dep.anl.gov/askasci/chem00/chem00485.htm

bottom line:

absolutely useless and dangerous

probably this is a roumer spread by pharmacists that need to enlarge their mothballs sales volume... or maybe the roumer was spread by moth trying to save themselves

MMamdouh

والله بالنظر لتركيب النفتالين على الويكيبيديا (في اللينك اللى فاتت دي)انا شايف ان كلام hoff هوة اللى منطقي مش vince

عموما الكلام ده معناه إن النفتالين زي زجاجة الـ octane poost اللى بتتباع في اي حتة وممكن يستخدم فعلا بس المهم انه يكون نفتلين فقط وغير مضاف اليه كلورين

بس أرجع واقول على ايه طب ماهي الزجاجة بتتباع بـ 10 جنيه في المحلات وعموملة لكدة بدون باقي مركبات النفتالين الغبر مرغوب فيها