طريقة مجربه للسيارات القديمة لقوة عزم السيارة و اقتصادية لسحب البنزين

[dr_abooody]

انا جربتها على ريجاتا و فعلا السحب بقى اخسن و العربية نعمت اوى

انت بتحط بنزين 80 و لا 90
و هل فعلا بقى السحب احسن

اصل انا سألت الميكانيكي قالي اوعى تحط حاجة مع البنزين هيبوظلك الكربراتير

[kotamy12]

احنا عايزين واحد كيميائي يفسرلنا الموضوع ده
لان لو ده حقيقي يبقى تعملو حسابكوا ان النفتلين هيتباع في البنزينه بعد كده

[meeezo333eg]

انا جربت فى ال 125 بس ما فرقش فى حاجة
بس ممكن يكون اللى انا حطيته اللى بيعتمد على الكلور مش اللى بيعتمد على البنزين العطرى فهحاول ادور على بتاع البنزين و ابقى اقولكو تانى
المشكلة ان البياعين مش فاهمين حاجة عشان اسالهم فى الموضوع ده بتاع الكلور او بنزين

[ahmedezzat78]

لو الماده الفعاله نفتالين يبقى فعلا صح بيرفع رقم الاوكتين لكن من عيوبه تكوين رواسب كربونيه بالموتور و اتلاف علبه البيئه

اللى عايز يجرب يتاكن من العبوه ان الماده الفعاله نفتالين و ليس para dichlorobenzene

[muslem]

تتصوروا يا اخوةانا نسيت خالص اجرب النفتلين بعد لما صلحت العربيةلغاية لما شوفت الموضوع دلوقتى تاني فافتكرت حجربه باذن الله فى اقرب فرصة مع ان المتور مش محتاج و الحمد لله ما شاء الله لا قوة الا بالله خصوصا بعد لما غيرت الكوندنسر:D

[M.Elsheikh]

الف شكر يا باشا على المعلومة

[canner]

شكرا على المعلومة

[nader1117]

يارب تكونوا اقتنعتوا بعد ما جربتوها وحسيتوا بالفرق الكبير فى السحب و التوفير بالبنزبن

[maka]

اشمعنا نفتليتين بس ليه مش 3 او 4 طالما بتوفر بنزين

[hamada132]

انا مش عارف بس فى حاجه بقى انت بتقول جبت ريداتير جديد من الكيلانى هو انت جبت رداتير ولا كربراتير تثقصد

[nader1117]

انا مش عارف بس فى حاجه بقى انت بتقول جبت ريداتير جديد من الكيلانى هو انت جبت رداتير ولا كربراتير تثقصد

اسف غلط طبعا اشتريت كربراتير
اكيد اقصد كربراتير

[nader1117]

معقولة مفيش حد تانى جرب الطريقة دى
بس الحمد لله الى جربوا مشتكوش من اى مشكلة لسيارتهم

[msobhy]

يا جماعة الموضوع ده يموت يموت ويرجع يطلع تانى
يا جماعة فى تحذيرات جامده جدا من عدم استخدام الموضوع ده
هاحاول اشوف الموضوع ده فين وهابعته تانى ليكم
فيه ناس كتير جربت الموضوع ده لدرجة ان فى زميل جربها على عربية رينو
والنتائج اختلفت بين مؤيد وبين معارض

[msobhy]

http://www.nilemotors.net/Nile/showthread.php?t=46943&highlight=%E4%DD%CA%C7%E1%ED%E4

[shankosi]

النفتالين ده من مركبات الهيدروكربون وهو موجود أساساً في مركبات البنزين

وللعلم وضع بنزين برقم أوكتين أكبر من الموصى به للسيارة لا يزيد القوة الناتجة عن المحرك ولكن مجرد إهدار للفلوس

الموضوع ده مالهوش لازمة وإلا كانت الشركات الكبيرة اللي بتنزل إضافات الوقود نزلت نفتالين بليه للسيارات لتحسين أداء الوقود والتوفير وخلافه

وللعلم انا جربت في عربيتي الـ 128 نفس المواضيع السابق ذكرها والنتيجة لا تحسن ولا اي شيء في السحب لا بإضافات ولا نفتالين ...

سيبكم من المواضيع دي وتعالو نعمل حاجة مفيدة .... فين شباب هندسة ومشاريع التخرج بتاعتهم والأفكار المثمرة

فين الأخبار العالمية

فين النصائح والإرشادات

فين تجارب السيارات الجديدة ...

تحياتي..