لاأصحاب الخبرات ...ماهى وظيفة المساعدين ؟؟

[ismail kassem]

الناس اللى عندها خبرة !!!

ايه هيا وظيفة المساعدين؟؟؟وكيف يعملوا ؟؟

وسمعت ان المساعد بيضرب زيت !!الزيت بيجيلة منين ؟؟

ياريت تفيدونى وشكرا ؟؟

[محمود السيد]

وظيفة المساعد ممتص للصدمات والزيت بيكون جوة المساعد لان فكرة المساعد عبارة عن فكرة كوريك التمساحة يعنى بيتكون من زيت +بستم +اسطوانة +اولسيه وفى مساعدين زيت وفيه زيت وهوا

[Sherif Mandoor]

فائده المساعد هى امتصاص الصدمات والعمل على ثبات السياره
والمساعدين نوع يعمل بالزيت ونوع بالغاز
الزيت يكون داخل المساعد ويحكمه اولسيل لعدم خروج الزيت
الزيت فى المساعد يكون قابل للانضغاط مثل الهيدروليك

[eng_amg]

فائده المساعد هى امتصاص الصدمات والعمل على ثبات السياره
والمساعدين نوع يعمل بالزيت ونوع بالغاز
الزيت يكون داخل المساعد ويحكمه اولسيل لعدم خروج الزيت
الزيت فى المساعد يكون قابل للانضغاط مثل الهيدروليك

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

[Sherif Mandoor]

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

[eng_amg]

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

[Sherif Mandoor]

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

طب ايه تفسير ان المساعد يكون فيه زيت وممتص الصدمات اللى بداخله بيتحرك لاعلى واسفل

[Fo1Fo]

http://nileup.com/up/uploads/nilemotors_14182036001.jpg المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا . الهيونداى الأكسيل 95 مساعدينها اللى ورا خفاف جدا (طبيعتها كدا) اللى قاعد ورا بيتهشك احلا تهشيك مع المطبات ) . العربيات اللى مساعدينها ضايعه لما تاخد مطب (لو انت ماشى وراها تبص على العجل تلاقيه بيتذبذب زى السوسته وطبعا ده بيعما احلا تخبيط فى العفشه . العربيات اللى مساعدينها ناشفه ثباتها افضل من المساعدين الطريه بس الناشف ممكن يجيب غضروف وقعدتها مش مريحه . فكره المساعد قائمه على انتقال مائع (زيت او هواء ) من فراغ الى أخر عن طريق ثقوب وبستم ) لما المساعد يضرب بيرشح زيت . علشان تختبر مساعد تعالى على الرفرف فوق العجله واضغط عده ضغطات متتاليه العربيه هاتطلع وتنزل معاك وفجأه سيب العربيه وشيل ايدك مفروض العربيه تقف فى النص لو العربيه أستمرت فى الصعود والهبوط يبقى المساعد بايظ .

[eng_amg]

http://nileup.com/up/uploads/nilemotors_14182036001.jpg المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا . الهيونداى الأكسيل 95 مساعدينها اللى ورا خفاف جدا (طبيعتها كدا) اللى قاعد ورا بيتهشك احلا تهشيك مع المطبات ) . العربيات اللى مساعدينها ضايعه لما تاخد مطب (لو انت ماشى وراها تبص على العجل تلاقيه بيتذبذب زى السوسته وطبعا ده بيعما احلا تخبيط فى العفشه . العربيات اللى مساعدينها ناشفه ثباتها افضل من المساعدين الطريه بس الناشف ممكن يجيب غضروف وقعدتها مش مريحه . فكره المساعد قائمه على انتقال مائع (زيت او هواء ) من فراغ الى أخر عن طريق ثقوب وبستم ) لما المساعد يضرب بيرشح زيت . علشان تختبر مساعد تعالى على الرفرف فوق العجله واضغط عده ضغطات متتاليه العربيه هاتطلع وتنزل معاك وفجأه سيب العربيه وشيل ايدك مفروض العربيه تقف فى النص لو العربيه أستمرت فى الصعود والهبوط يبقى المساعد بايظ .

الله ينور عليك....
كلام 100% - وأحب أضيف......

الموضوع كله عن هندسة الموانع... سواء أكان زيت أو غاز (هواء مضغوط)

1- الزيت مائع ((غير قابل)) للأنضغاط
In-Compressible Fluid

2- الهواء مائع ((قابل)) للأنضغاط
Compressible Fluid

وكل مساعد ليه خواص .. فالمساعد الزيت أكثر أتزان للسيارة من الهواء
لأن الزيت سائل لا ينضغط والهواء غاز ينضغط

[shiko85]

الزيت فى المساعد يكون قابل للانضغاط مثل الهيدروليك

الزيوت لا تنضغط

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

تمام

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

بالعكس لو هو قابل للأنضغاط يبقى بدون اى فائده
المساعد وظيفته امتصاص الصدمات و الثبات زى ما حضرتك قولت
اللى بيحصل ان العربيه نتيجه لتعرضها لحفره او مطب (حركه لأسفل و حركه لأعلى) وده بيأثر على العربيه و التأثير بينتقل للمساعد (هو الجزء الوحيد اللى مسموح له الحركه لأعلى و اسفل) بالتالى نظام التعليق كله بينضغط فحاله المطب و الضغط ده بينتقل للزيت داخل المساعد اللى هو غير قابل للأنضغاط فرد فعل الزيت هو مقاوله الأنضغاط بنفس القوه علشان كده المساعد بيرجع لشكله الطبيعى بمجرد ما التأثير الخارجى يختفى
لو كان الزيت قابل للأنضغاط يبقى المساعد مش هيرجع لشكله الطبيعى
مثال غير دقيق طبعا لكن لتوضيح الفرق بين قابل للأنضغاط و غير قابل للأنضغاط
قابل للأنضغاط زى اى عجينه او قطعه صلصال بمجرد الضغط عليها الأجزاء الداخليه بتنهار و تتمد و تاخد شكل جديد
غير قابل للأنضغاط زى قطعه الأسفنج بمجرد انتهاء تأثير الضغط بترجع تانى لشكلها الأصلى

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

طب ايه تفسير ان المساعد يكون فيه زيت وممتص الصدمات اللى بداخله بيتحرك لاعلى واسفل

لو مفيش زيت مش هيتحرك لأعلى و اسفل
ايه اللى بيحصل للمساعد اللى جاب زيت ؟؟؟ و ليه بيتغير ؟؟؟ و ايه علامه ان المساعد فيه مشكله ؟؟؟
اول ما الزيت اللى داخل المساعد يخرج منه كفاءه المساعد بتقل جدا و بيحتاج تغيير, صح ؟

[shiko85]

المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا

عايز اضيف نقطه
فبعض التطبيقات الـ suspension system بيكون عباره عن المساعد فقط بدون سوست لان السوست مش بتقدر تتحمل قوه الصدمه
فالبتالى المساعد بقوم بوظيفه السوست كمان و الزيت اللى داخل المساعد ده بيكون مختلف شويه فتركيبه عن باقى الزيوت

[Sherif Mandoor]

ممتص الصدمات الهيدروليكى,شرح ممتص الصدمات الهيدروليكى,جزء من أجزاء السيارة ~ ميكانيكا وتكنولوجيا Cached

[عصير قصب]

جزاكم الله خير والله
شرح ممتار
بس عندى سؤال بعد اذنكم
احنا متفقين ان المساعد الزيتى غير قابل للانضغاط فممتص للصدمات بفعل الزيت الموجود ويعمل على ثبات السيارة واتزانها
بينما المساعد الغاز او الهواء قابل للانضغاط فبالتالى هنحس بالملفات والانحناءات اثناء السرعه لان الهوا غير قابل للانضغاط
ليه كل الناس بقى بيحلموا بعفشه رياضيه
ايلى اعرفه ان عفشة رياضيه يعنى مساعدين غاز
يعنى مفيش ثبات للعربية على الاطلاق

سؤال تالت معلش
سمعت عن مساعد بيكون غاز وزيت مع بعض ايه فكرته وبيعمل ازاى عشان مش عارفه استوعبه خالص

[eng_amg]

جزاكم الله خير والله
شرح ممتار
بس عندى سؤال بعد اذنكم
احنا متفقين ان المساعد الزيتى غير قابل للانضغاط فممتص للصدمات بفعل الزيت الموجود ويعمل على ثبات السيارة واتزانها
بينما المساعد الغاز او الهواء قابل للانضغاط فبالتالى هنحس بالملفات والانحناءات اثناء السرعه لان الهوا غير قابل للانضغاط
ليه كل الناس بقى بيحلموا بعفشه رياضيه
ايلى اعرفه ان عفشة رياضيه يعنى مساعدين غاز
يعنى مفيش ثبات للعربية على الاطلاق

سؤال تالت معلش
سمعت عن مساعد بيكون غاز وزيت مع بعض ايه فكرته وبيعمل ازاى عشان مش عارفه استوعبه خالص

موضوع مساعد غاز على زيت دا موضوع تقني جدا مقدرش افيدك فيه.
لكن موضوع العفشة الرياضية من الكلاسيكية تتلخص في التالي

العفشة الكلاسيكية مناسبة للمدن وهي باختصار مساعدين مشوارها في الانضغاط طويل وايضا طول المساعد أطول. وبالتالي مريح جدا ولا يشعر السائق بالمطبات بشكل ملحوظ. والمقصات ناعمة والكاوتش بها طرى

يعيبها فقط أن معدل الاهتزاز أعلى فبالتالي غير متزنة جدا على الطرق السريعة والانحرافات إلى بنسميها الغرز

أما العفشة الرياضية فهي مساعدين قصيرة وغير منضغطة كالكلاسيك وايضا المقصات ناشفة نسبيا.. فبالتالي بتكون خشنة وناشفة نسبيا والسائق بيحس بكل مطب.

لكن مقابل دا عمرها أطول بكثير واتزان العربية مهول على السرعات والانحرافات الحادة والغرز طبعا

[Hamada hozein]

هما غيروا وظيفه المساعدين وانا معرفش !!!!!
اللي اعرفه ان المساعدين وظيفتها تقليل اهتزاز العربيه لان السوست بتمتص الصدمه وتحولها لحركه رأسيه والمساعد وظيفته يقلل الحركه دي علشان العربيه متفضلش تتمرجح
والله اعلم بس ده اللي اعرفه