سؤال لاهل الخبرة بخصوص عداد rpm وارجو الرد

[ابو مازن 2014]

اولا : السلام عليكم ورحمة الله وبركاته ...
ثانيا : انا عضو جديد في المنتدى المشرف والرائع جدا جدا جدا بس انا من متابعين المنتدي من اكتر من سنة بس بدون اشتراك او تعليق قرائة فقط
نخش في المهم انا من ملاك سيارة كيا سيراتو موديل 2010 وشاريها تقريبا من 8 اشهر وعاملة 32 الف كيلو واوتوماتك ومن قرائتي للمواضيع الموجودة في المنتدي فهمت ان يفضل السواقة ويكون مؤشر rpm علي 3000 واقل من كده بيأثر علي اداء الموتور وهنا بقي السؤال انا نادرا جدا لما يكون العداد علي 3000 ودائما بيكون ما بين 1500 الي 2000 وده اي كان السرعة اللي انا ماشي عليها فهل ده عيب في الموتور ولا في العداد ولا في سواقتي انا شخصيا للاوتوماتك عشان كانت كل سواقتي قبل العربية دي مانويل فياريت تردو عليا وتريحوني لان بصراحة الموضوع ده قلقني جدا وانا اسف جدا علي الإطالة وشكرا مقدما

[zizo gamal]

اولا كلة علي حسب طريقة سواقتك و دوسة رجلك علي البنزين .. و اضح انك بتلمس بنزين ( رجلك خفيفة يعني ) فالازم الغيار ينقل معاك علي 1.5 او 2 و دا طبيعي ...
ثانيا جرب تدوس جامد علي البنزين او تتدي كيك داون جامد هتلاقي العربية بتنقل علي اعلي rpm
ثالثا : كل ما كان ال RPM اقل من 3 يكون احسن عشان عمر الماتور ... خلاصة الكلام انت سواقتك بتحافظ علي عمر الماتور و الفتيس ( متخفش انت زي الفل )
انا سواقتي زيك كدة علي فكرة

[ابو مازن 2014]

اولا كلة علي حسب طريقة سواقتك و دوسة رجلك علي البنزين .. و اضح انك بتلمس بنزين ( رجلك خفيفة يعني ) فالازم الغيار ينقل معاك علي 1.5 او 2 و دا طبيعي ...
ثانيا جرب تدوس جامد علي البنزين او تتدي كيك داون جامد هتلاقي العربية بتنقل علي اعلي rpm
ثالثا : كل ما كان ال rpm اقل من 3 يكون احسن عشان عمر الماتور ... خلاصة الكلام انت سواقتك بتحافظ علي عمر الماتور و الفتيس ( متخفش انت زي الفل )
انا سواقتي زيك كدة علي فكرة

اولا انا بشكر حضرتك جدا جدا علي سرعة الرد ... ثانيا انت كده ريحتني ربنا يريح قلبك ويكرمك بس معلش سؤال اية يعني كيك دوان وازاي اعمل كده وانا اسف جدا اني تقلت عليك وياريت اسمع رأي بقية الاعضاء وشكرا .....

[zizo gamal]

اولا انا بشكر حضرتك جدا جدا علي سرعة الرد ... ثانيا انت كده ريحتني ربنا يريح قلبك ويكرمك بس معلش سؤال اية يعني كيك دوان وازاي اعمل كده وانا اسف جدا اني تقلت عليك وياريت اسمع رأي بقية الاعضاء وشكرا .....

حبيبي

كيك داون يا حاج يعني تسقط غيار .. يعني لو مثلا العربية ماشية علي الغيار ال4 هتعمل كيك داون براحة هتلاقي الغيار نزل علي التالت و ال RPM عندك هيعلي .... لو عايز تشد مثلا و تخلي العربية تجمع سرعتها بسرعة دوس كيك داون جامد شويتين .. لو عايز تتطير بالعربية دوس كيك داون ب افتري ..

الكيك داون يعني و انت دايس علي البنزين ارفع رجلك من علي البنزين و دوس تاني بس اقوي ما انت كنت دايس في الاول و طبعا تفضل دايس ... هتلاقي العربية سقطتت غيار .. و انت و دوسة رجلك ( ممكن تدوس براحة تسقط غيار واحد ... ممكن تدوس حبة حلوين تسقط غيارين ... و هكذا
...........................................

[Mohamed142]

متفق تماما مع الأخ العزيز zizo gamal

[hesham fawzy h]

كيك داون يعنى تدوس جامد على دواسة البنزين :)

هتلاقى rpm رفع جامد مرة واحدة و العربية هتزود سرعتها فجأة و صوتها هيعلى جامد

و انت سواقتك زى الفل على فكرة و موفرة للبنزين جدا *^*

[ابو مازن 2014]

متفق تماما مع الأخ العزيز zizo gamal

تمام يا باشا ربنا يخليك

[ابو مازن 2014]

كيك داون يعنى تدوس جامد على دواسة البنزين :)

هتلاقى rpm رفع جامد مرة واحدة و العربية هتزود سرعتها فجأة و صوتها هيعلى جامد

و انت سواقتك زى الفل على فكرة و موفرة للبنزين جدا *^*

تمام يا ريس بس معلش سؤال طيب الكيك دوان ( تدوس جامد علي دواسة البنزين ) هل ده بيأثر علي الموتور ولا الموتور بيبقي مصمم لكده يمعني مبيأثرش في حاجة؟؟ وشكرا مرة تانية

[zizo gamal]

الكيك داون مطلوب من حين لاخر .. يعني طالع مطلع مثلا او كبري و العربية طالعة براحة او هتاخد غرزة ف لو عملت كيك داون هتتطلع اسرع ... الكيك داون حلاوة انة بيفوق العربية .. بس لما تعمل كيك داون عمال علي بطال هيقلل العمر الافتراضي للفتيس ..
نصيحة اخوية .. العربية لازم تجريها و تقرص عليها كل فترة عشان تكون فايقة

[ابو مازن 2014]

الكيك داون مطلوب من حين لاخر .. يعني طالع مطلع مثلا او كبري و العربية طالعة براحة او هتاخد غرزة ف لو عملت كيك داون هتتطلع اسرع ... الكيك داون حلاوة انة بيفوق العربية .. بس لما تعمل كيك داون عمال علي بطال هيقلل العمر الافتراضي للفتيس ..
نصيحة اخوية .. العربية لازم تجريها و تقرص عليها كل فترة عشان تكون فايقة

تمام يا باشا اعتمدنا انا كنت في مشوار من شوية وعملت كيك دون مرتين في طريق مفتوح والعربية ما شاء الله تعالى كانت فوريرة
شكرا ليك اوي وربنا وربنا وربنا كمان مرة انت برنس

[borio1704]

اولا : السلام عليكم ورحمة الله وبركاته ...
ثانيا : انا عضو جديد في المنتدى المشرف والرائع جدا جدا جدا بس انا من متابعين المنتدي من اكتر من سنة بس بدون اشتراك او تعليق قرائة فقط
نخش في المهم انا من ملاك سيارة كيا سيراتو موديل 2010 وشاريها تقريبا من 8 اشهر وعاملة 32 الف كيلو واوتوماتك ومن قرائتي للمواضيع الموجودة في المنتدي فهمت ان يفضل السواقة ويكون مؤشر rpm علي 3000 واقل من كده بيأثر علي اداء الموتور وهنا بقي السؤال انا نادرا جدا لما يكون العداد علي 3000 ودائما بيكون ما بين 1500 الي 2000 وده اي كان السرعة اللي انا ماشي عليها فهل ده عيب في الموتور ولا في العداد ولا في سواقتي انا شخصيا للاوتوماتك عشان كانت كل سواقتي قبل العربية دي مانويل فياريت تردو عليا وتريحوني لان بصراحة الموضوع ده قلقني جدا وانا اسف جدا علي الإطالة وشكرا مقدما

على فكرة.. محدش قال إنك تخلي الـRPM دايما على 3000 RPM

الموضوع اللي قصدك عليه أنا كنت كاتب فيه إنك الأفضل تنقل لما ييجي مؤشر الـتاكوميتر في الثلث الأوسط من العداد.. لإن النقل في الثلث الأولاني فعلا بيكسر الشنابر لو انت بتنقل كده باستمرار.

لو انت العداد عندك بيبدأ الخط الأحمر فيه كم 6000 RPM.. يبقى الثلث الأوسط فيه ما بين 2000 و 4000 RPM ...

يعني لما تبقى ماشي على التاني مثلا وعايز تنقل للتالت.. تدوس بنزين لحد ما المؤشر يعدي الـ2000 على الأقل..


وأعتقد إن ده اللي حضرتك بتعمله فعلا.

راجع الموضوع تاني:

http://www.nilemotors.net/Nile/329379-rpm.html

...

[borio1704]

بمناسبة الكيك داون...

السيراتو فيها حاجة أحسن من الكيك داون بمراحل...

إيه هي؟؟

إن الفتيس بتاعها استبترونيك... يعني أوتوماتك ومانيوال...

مجرد ما تحول دراع الفتيس ناحية علامات (+/-) تقدر تستخدم العربية زي ما كنت بتسوق المانيوال زي ما حضرتك متعود.. بس من غير دبرياج...

ولما تحب تسقط نقلة اعملها بنفسك.. وما تستناش الفتيس يحن عليك ويسقط لوحده.. لإنه مش كل مرة حيعمل اللي انت عايزه إلا إذا كنت جايبه عل الوضع اليدوي.

جرب مرة وشوف فرق استجابة العربية وسحبها.. وابقى ادعيلي.


...

[ابو مازن 2014]

على فكرة.. محدش قال إنك تخلي الـRPM دايما على 3000 RPM

الموضوع اللي قصدك عليه أنا كنت كاتب فيه إنك الأفضل تنقل لما ييجي مؤشر الـتاكوميتر في الثلث الأوسط من العداد.. لإن النقل في الثلث الأولاني فعلا بيكسر الشنابر لو انت بتنقل كده باستمرار.

لو انت العداد عندك بيبدأ الخط الأحمر فيه كم 6000 RPM.. يبقى الثلث الأوسط فيه ما بين 2000 و 4000 RPM ...

يعني لما تبقى ماشي على التاني مثلا وعايز تنقل للتالت.. تدوس بنزين لحد ما المؤشر يعدي الـ2000 على الأقل..


وأعتقد إن ده اللي حضرتك بتعمله فعلا.

راجع الموضوع تاني:

http://www.nilemotors.net/Nile/329379-rpm.html

...

تمام يا باشا كلام حضرتك وصل واتفهم بس معلش اصبر عليا شوية عشان انا لسة جديد في موضوع الاوتوماتك ده وكل اللي حصل انه أخطأت في الفهم وانا بشكر حضرتك جدا علي شرحك الوافي في جميع المواضيع او المشاركات وربنا يجزيك خير الجزاء ..... وشكرا لخضرتك

[ابو مازن 2014]

بمناسبة الكيك داون...

السيراتو فيها حاجة أحسن من الكيك داون بمراحل...

إيه هي؟؟

إن الفتيس بتاعها استبترونيك... يعني أوتوماتك ومانيوال...

مجرد ما تحول دراع الفتيس ناحية علامات (+/-) تقدر تستخدم العربية زي ما كنت بتسوق المانيوال زي ما حضرتك متعود.. بس من غير دبرياج...

ولما تحب تسقط نقلة اعملها بنفسك.. وما تستناش الفتيس يحن عليك ويسقط لوحده.. لإنه مش كل مرة حيعمل اللي انت عايزه إلا إذا كنت جايبه عل الوضع اليدوي.

جرب مرة وشوف فرق استجابة العربية وسحبها.. وابقى ادعيلي.


...

بالنسبة للموضوع ده انا فهمته وجربته كمان وربنا يعلم اني دعتلك خير الدعاء وفعلا فرق الاستجابة وسحبها مختلف تماما بس معلش سؤال في السريع لما مثلا اكون ماشي علي الثالث واجي انزل علي التاني العربية بتعمل حاجة زي الفرملة كده ( زي الكلبشة ان صح التعبير ) هل معني كده اني اتسرعت في الغيار ولا اية معني ده وكيفية التفادي منه ؟؟!! وشكرا لخضرتك مرة تاني واسف جدا علي الإطالة.

[borio1704]

بالنسبة للموضوع ده انا فهمته وجربته كمان وربنا يعلم اني دعتلك خير الدعاء وفعلا فرق الاستجابة وسحبها مختلف تماما بس معلش سؤال في السريع لما مثلا اكون ماشي علي الثالث واجي انزل علي التاني العربية بتعمل حاجة زي الفرملة كده ( زي الكلبشة ان صح التعبير ) هل معني كده اني اتسرعت في الغيار ولا اية معني ده وكيفية التفادي منه ؟؟!! وشكرا لخضرتك مرة تاني واسف جدا علي الإطالة.

الله يكرمك ... والله دعاءك ده عندي بالدنيا :)

بالنسبة للتعشيق في الوضع اليدوي.. فحاول تتعامل مع العربية في الحالة دي زي ما كنت بتسوق المانيوال فعلا...

بمعنى إنك لما تيجي تنزل من التالت للتاني وانت بتهدي.. لازم تكون مهدي كفاية بحيث إن الحركة دي ما تحصلش.

الحركة دي كترها غلط بدون شك... لإنها بتأثر على قواعد الموتور (دي أول حاجة).. وبتأثر كمان على مجموعات الكلتش الداخلية جوه الفتيس (دي تاني حاجة).

في تفاصيل أكتر في الموضوع ده:

http://www.nilemotors.net/Nile/448512-n-d.html

عموما.. يفضل إن حضرتك تسقط نقلة (أو نقلتين أحيانا) لما تكون محتاج سرعة أكبر على الطريق.. أو عايز تتجاوز واحد ماشي قدامك بالراحة مثلا... ودايما لما تعمل كده ابقى دوس بنزين جامد شوية ومش هتحس بأي نتشة.

الأحلى من كل ده... إنك مش محتاج تنقل بإيدك لما تيجي تهدي بالعربية... هي هتنقل لوحدها.

ولو مثلا حبيت تشد بالعربية.. فأول ما عداد الـRPM يوصل قبل الخط الأحمر مباشرة هتلاقي العربية نقلت لوحدها على السرعة اللي بعدها.

من وجهة نظري.. الفتيس الاستبترونك ده .. متعة.


...