العربية الأوتوماتيك

[Hossam Mounir]

ويفهم اسرارها ويكتسب خبراتها ويعرف ازاى ياخد ويدى معاها

باشمهندس سبعاوى ...

أشكرك أولاً ... على ردك ...ومشاركاتك الممتعة الأكثر من مفيدة ...

ثانياً ... عجبتنى أوى كلمة سيادتك اللى ختمت بيها كلامك ... لأن فعلاً العربية الاتوماتيك ... فى رأيئ المتواضع أن الأداء فيها مختلف من عربية لأخرى ... وطبيعة الشارع ساعة قيادتها وطبيعة الطريق ... مما يكون Sense ... مختلف تماماً ... عن المانيوال ... وكأن العربية دى كائن حي ... الواحد بيتحاور معاه ... يعنى فعلاً جملة " يعرف ياخد ويدى معاها " هيا دى خلاصة الخلاصة ... أشكرك مرة أخرى على ثقافتك العالية ... ولغتك الحوارية السهلة ... والممتعة ...

تحياتى للجميع ... ولكل من شارك فى هذا الموضوع ...

م / حسام منير

[مهندس محمد صلاح]

باشمهندس حسام .. اسلوب سعادتك وان دل على شىء فانما يدل على انك انسان مهذب جدا ومحترم جدا ويشرفنا جدا اننا نكون طرف فى اى حوار معاك .. وبالنسبة للالنترا خلاص انا قررت ابيع الفرنا واجيب النترا وعلى فكرة العربية دى من العربيات الجميلة جدا اللى باحبها هى والماتركس كمان

اضحك بقى ما حدش واخد منها حاجة

[sebai]

سؤال :

لما اركن صف ثانى اعمل ايية :?: :!: :?: الفتيس اسيبة على N و لا ........... :?:
دى بلدنا دى كلها ركنة صف ثانى :!: :roll:

[مهندس محمد صلاح]

N مع فرامل اليد

[Hossam Mounir]

اضحك بقى ما حدش واخد منها حاجة

حاضر يا باشمهندس محمد ... ما نا قلتك أنى من ساعتها عمال أضحك ... أنا كدة هاموت من كثر الضحك ...

سؤال :

لما اركن صف ثانى اعمل ايية

جواب ... متركنش صف تانى ...
- يأما هتاخد مخالفة ...
يأما حد عايز يطلع ...هيصتنصح وهيزقها ... وساعتها ... صندوق التروس ممكن يحصل فيه مشكلة ... لو متعشق ...

تحياتي للجميع ...

م / حسام منير

[sebai]

جواب ... متركنش صف تانى

فى ظروف بتجبرك انك تركن صف ثانى

N مع فرامل اليد

ما هى هية ....لو عملت p + hand brake

ماحدش هيقدر يزقها ..... :!: :?:

انا قصدى هل من الممكن ان يتم تحريك العربية من غير ان تضر بصندوق التروس :!: :?: :?:

[مهندس محمد صلاح]

لما الونش يشيلك ياباشا ويجرجرك وراه وانت على N + فرامل اليد ارحم من P

[اسلام المصرى]

[quote="sab3aawy"]

تبقى جزئية واحدة بالنسبة لى مفتوحة: ليه ماينفعش أجر عربية بعربيتى الأتوماتيك؟؟ و شكرا

فكرة توقيت النقلات فى الفتيس الأوتوماتيك تعتمد اساسا على قياس سرعة دوران الفتيس مع ضغط الزيت فى الفتيس الذى يعبر عن تحميل الفتيس ويحدد موعد النقلة، فكونك تجر عربية تانية يضع احمال إضافية على الفتيس تساوى ضغوط اضافية تجعل الفتيس ينقل متأخر جدا (مثلما يحدث عندما تكون طالع مطلع، الفتيس بينقل متآخر نتيجة لزيادة الضغط) ونتيجة لهذا النقل المتأخر مع الضغوط العالية جدا فغنك تكون قد حملت كلاتشات الفتيس الداخلية بإجهادات عاليا تترك فى آحيان كثيرة اثرها السى على الكلاتشات والأويلسيلات والحساسات الداخلية لمنظومة الجير الأوتوماتيكى مما يسارع بنهاية عمرها، او قد يسبب مشاكل مباشرة باحد الأجزاء

شكرا جزيلا يا أخ سبعاوى على الشرح المفصل ده :) يعنى من الأخر كده حفاظا على الفتيس بلاش جر عربيات , انا ماعملتهاش قبل كده و مش ناوى طبعا أعملها الا فى الضرورة القصوى لو حكمت الظروف.... جزاك الله خيرا

[morabet79]

السلام عليكم
انا عارف إن الموضوع قديم شويه ، بس فيه عندي حاجه في الفتيس الأوتوماتيك مش عارفها

العربيه لانوس1 99 ، أوتوماتيك

الفتيس فيه زرارين بالجنب الشمال ،

زرار فوق " كبير "

زرار تحت "صغير"

الزرار الكبير على ما أعلم عشان النقل من d4 إلى d3 مثلا

مش عارف الزرار الصغير بتاع إيه؟

[limo]

السلام عليكم
انا عارف إن الموضوع قديم شويه ، بس فيه عندي حاجه في الفتيس الأوتوماتيك مش عارفها

العربيه لانوس1 99 ، أوتوماتيك

الفتيس فيه زرارين بالجنب الشمال ،

زرار فوق " كبير "

زرار تحت "صغير"

الزرار الكبير على ما أعلم عشان النقل من d4 إلى d3 مثلا

مش عارف الزرار الصغير بتاع إيه؟

الكبير علشان :يسمح بتغير عصايه الفتيس فى بعض الحارات انما فى بعض الحارات مش محتاجه الزرار ده
الصغير: ده الاوفر دريف بيمنع النقله الرابعه والعربيه تدى عزم جامد

[morabet79]

بيمنع النقله الرابعه !

يعني لو أنا مثلا ما شي على التاني وطالع مطلع ، أفضل دايس عليه ؟

ولا بدوس مره واحده بس؟

وبعدين العربيه سرعتها هتزيد ولا هتفضل على سرعه ثابته؟

[limo]

بيمنع النقله الرابعه !

يعني لو أنا مثلا ما شي على التاني وطالع مطلع ، أفضل دايس عليه ؟

ولا بدوس مره واحده بس؟

وبعدين العربيه سرعتها هتزيد ولا هتفضل على سرعه ثابته؟

دوسه واحد بس بتنور لمبه فى التابلوه وبكده يبقى العربيه يبقى عزمها جامد
لما تعوز ترجع للوضع الطبيعى تدوس دوسه واحده على الزرار اللمبه هتطفى
-العربيه سرعتها هتزيد كأنك مسقط غيار فى العربيه المانوال

[amir]

موضوع انك ممكن تنقل من D الى 2 او 1 فده مش سليم .. تخيل حضرتك انك ماشى على سرعة 120 ومرة واحدة نقلت على الاول ايه اللى حيحصل:lol: :P

طيب انا حصل معايا كده بالظبط, كنا مسافرين و واحد صاحبي تعبان في دماغه بيهرج مع اللي راكبين ورا و قام خابط عصايه الفتيس قامت ناقله علي 1 او 2 مش فاكر بس انا كنت خايف جدا بس العربيه مشيت عادي بعدها, تفتكر ممكن حاجه تكون باظت؟ و لو حبيت اشيك علي الموضوع ده اعمل ايه
عربيتي نيسان صني اوتوماتك 2007

[osamahalem]

رد

هو ده بالظبط اللى نفسى افهمة ومحدش بيتكلم عنة خالص يا استاذ امير يعنى لو حد بيهزر ولا طفل صغير خبط عصايه الفتيس بالغلط وجابها على النقلة الاولى او على النقلة الخلفية المرشدير يعنى اية اللى بيحصل للفتيس وايه رد فعل العربية لو اخدت النقلة الخلفية وهيا مندفعه وانت دايس بنزين هتبقى غلطة كبيرة وتاخد بالك ومتعملهاش تانى ولا الفتيس هيتكسر بالفعل وتبقى نهايتة ولا ممكن تيجى اسوء من كدة والعربية تنقلب مثلا وتبقى مصيبة انا شايف ان دة امر وارد ان العصايا تتحرك بالغلط ولا هيا مش ممكن لاى عربية اوتوماتك تاخد الغيار الخلفى لو كانت مندفعة للامام وهل فية وسيلة للحماية من هذا الخطأ ارجو التركيز بشدة على مسألة النقلة بطريق الخطأ وخصوصا النقلة الخلفية والسيارة مندفعه للامام ارجو الافادة لانى معروض عليا عربية اوتوماتك وانا عمرى ما ركبت اوتوماتك وحاسس ان الموضوع ممكن يحصل وخصوصا فى وجود اطفال

[osamahalem]

رد

اضافة صغيرة العربية اللى بتكلم عنها موديل قديم 504 موديل السبعينات بس عربية تحفة بجد تكييف وسنتر وانزار وقزاز كهربا وجنوط سبور ومش قالقنى الا موضوع النقلة الخلفية دى واية الحلول وممكن يتامن الفتيس وميقبلش المرشدير وهيا بتتحرك ولا هيا رفسة من رجل طفل والسر الالاهى يطلع وكل عام وانتم بخير فارجو الافادة لو تسمحوبس اوعو حد ينصحنى اربط رجلين العيال ولا اركبهم فى الشنطة ههههههههههه