حساس وضع الخانق (البوابه)

[Matrix_Reloaded]

قريته طبعاياباشمهندس هو انا ينفع افوته
بس انا كنت فاكر انك تعرف حد من معارفك عنده مشكله زى دى فى عربي زيها ولقالها حل انا الحل الوحيد اللى لقيته انى اغير قطر الكاوتش من 70 الى 80 بس برضه مش عايز اعمل كده إلا لو لقيت حل مايخليش شكل العربية عالية من ورا

[samirayad]

قريته طبعاياباشمهندس هو انا ينفع افوته
بس انا كنت فاكر انك تعرف حد من معارفك عنده مشكله زى دى فى عربي زيها ولقالها حل انا الحل الوحيد اللى لقيته انى اغير قطر الكاوتش من 70 الى 80 بس برضه مش عايز اعمل كده إلا لو لقيت حل مايخليش شكل العربية عالية من ورا

أنا مش معاك فى موضوع تغيير الكاوتش (لأن واضح أن العيب من المرونه الزايده فى السست ).....ولو غيرت الكاوتش ممكن يعملك مشكله عند التحميل وحيكون بايت قوى فى بطن الكرتيره ويمكن يحتك بيها من الداخل على أساس أن السست حتنام على طول أول ميركب حد من وراء..................

[Matrix_Reloaded]

مانا خايف اطلع بورسعيد اجيب اتنين استيراد يطلعوا ضعاف برضه او اركبلها حاجة مش بتاعتها تطلع عالية من ورا

[samirayad]

مانا خايف اطلع بورسعيد اجيب اتنين استيراد يطلعوا ضعاف برضه او اركبلها حاجة مش بتاعتها تطلع عالية من ورا

لازم تكون عارف أبعاد اللى راكبه عندك كويس ....وتشوف حاجه بنفس الأبعاد ولكن أقوى......وده ممكن تعمله كالآتى......

- حتروح لعفشجى كويس (وليكن ببور سعيد زى مابتقول)......وتأخد ياى من العربيه وتديها لفه كبيره لحد متلاقى ياي بنفس الأبعاد ولكن أقوى.....ولو عاوز تعمل عندك ممكن برضه وخد الياى معاك وأديها جوله كويسه لحد متلاقى المطلوب.............

[Fadi Ezzat]

شكرا على الموضوع

[samirayad]

الله يخليك يا أستاذ/فادى...............

[tananybasha]

يعنى زى ماف الأوبل و لا ابسط منه

[samirayad]

لا ياباشا
اللى زى الماف فى الدايو هو حساس الماب
علشان وحدة التحكم تعرف كمية الهواء اللى داخله للمكنه وتعرف تحسب الحمل المطلوب من المكنه لشد العربيه

أما ده موجود فى كل الأنجكشن ....وموجود عندك
على محور بكرة الأكسراتير
جنب بلف الأيدل كنترولر

[tompina]

متابع للأهمية

[Ahmed Nouh]

بشمهندس سمير , هستأذن حضرتك فى استفسار بخصوص الحساسات

انا عندى العربيه طول ما هى بارده ال rpm لازق قرب ال 2 , يعنى لو ماشى على طريق سريع مجرد ما احط رجلى على الدبرياج او امور ال rpm يترفع لفوق لوحده حتى لو انا اساسا كنت ماشى على RPM اقل من كدا ويوصل ساعات ل 2500 لفه وينزل بعد حوالى 10 ثوانى , نفس الموضوع بيحصل بعد الدواره الصبح ال rpm بيفضل عالى فتره محترمه قرب ال 2 ومبينزلش

لكن كل المشاكل ده بتختفى والعربيه سخنه وبيبقى حركه ال rpm طبيعيه , كام مره كمان يحصل ان العربيه اول ما تدور تكون بتبرجل وبعدين ادوس لها بنزين تتظبط

لما قولت لمهندس التوكيل الحاجات دى قالى من الرشاشات ونفضفهالى والموضوع قل شويه لكن مراحش وبعد اسبوع رجع تانى , حضرتك تفتكر العيب من ايه ؟

[samirayad]

لكن كل المشاكل ده بتختفى والعربيه سخنه وبيبقى حركه ال rpm طبيعيه , كام مره كمان يحصل ان العربيه اول ما تدور تكون بتبرجل وبعدين ادوس لها بنزين تتظبط

يفضل نظافة بوابة جسم الخانق بال wd40 مع حركة بكرة الأكسراتير كذا مره وأنت بترش المزيل بهدف تحسين أستجابة حساس البوابه
لأن ممكن تكون البوابه حركتها تقيله عندك
وجرب الوضع بعد النظافه

لو تحسنت الأمور ( بارد وساخن ) يبقى هو ده المطلوب

لو لاقدر الله لم يحدث تحسن يبقى حتعمل أسكانر على كنترول المحرك
لأن أنا شاكك فى حساس ال tps اللى معانا فى الموضوع ده

[samirayad]

ده شكل بوابة محرك وباين فيها قرص البوابه اللى بيبقى راكب على أكس على أمتداد بكرة الأكسراتير (اللى على شمال الصوره )
وعلى نهاية الأكس (حساس البوابه).....على أمتداد الأكس من الجانب الأيمن

[Ahmed Nouh]

يفضل نظافة بوابة جسم الخانق بال wd40 مع حركة بكرة الأكسراتير كذا مره وأنت بترش المزيل بهدف تحسين أستجابة حساس البوابه
لأن ممكن تكون البوابه حركتها تقيله عندك
وجرب الوضع بعد النظافه

لو تحسنت الأمور ( بارد وساخن ) يبقى هو ده المطلوب

لو لاقدر الله لم يحدث تحسن يبقى حتعمل أسكانر على كنترول المحرك
لأن أنا شاكك فى حساس ال tps اللى معانا فى الموضوع ده

والله انا بعد السؤال والبحث توقعت انه هو الحساس ده علشان كدا لقيتها فرصه انى اسأل راجل خبير زى حضرتك فى الحساس ده , ان شاء الله هجرب الحل ده واقولك ايه النتيحه

تسلم ايدك يا بمشهندس

[samirayad]

أرجو لك التوفيق
يا أستاذ : أحمد

وشكرا لزوقك

[فادى محمد]

استاذي العزيز ..كنت عاوز اسال حضرتك كام سؤال للايضاح ..

-عيوب حساس التي بي اس تظهر مع الضغط علي الاكسراتير فقط ( دفعات العادم) ولا مع السلانسيه ايضا اثناء الثبات ؟
-حضرتك قلت ان الحساس ده بيفسد نتيجه فصل في زراع التحريك اللي بيحول الحركه لقيمه جهد كهربي . معني كده اني لو شيلت فيشه الحساس اثناء ما العربيه دايره مش هيحصل حاجه ؟
-لو خرجت الحساس وقيست قيمه التصاعديه بالافوميتر اثناء تحريكي لزراع الوصل ولقيتها منتظمه في الزياده هل ده دليل كافي ان الحساس سليم ؟
- هل بوظان التي بي اس يؤدي لارتفاع استهلاك البنزين؟
معلش انا طولت علي حضرتك. بس انا عمري ما باشبع من المعرفه وربنا يجعله في ميزان حسناتك .