الكيك داون فى الاوتوماتيك !

[KHALED AYMAN]

انا لاحظت ان الاوتوماتيك في الهونداي بينام منك فعلا وبيحتاج للكيك داون لو عايز تحس بعزم الموتور

الموضوع ده اقل في الاوتوماتيك الياباني

واي عربية اوتوماتيك لو في مطلع جامد بترجع لورا حتى لو جايب D

هو عموما فى اى عربيه لما تحب تحس بالعزم او السحب بتعمل كيك ...
بالنسبه للترييح فاعتقد ان مش كل الاوتو لان الاسترا عندى مش بتريح .......

[MohammedAladel]

متابع

[MohammedAladel]

متابع

[Eng_Mostafa_89]

اول حاجة لازم نعرفها ازاى الحركة بتوصل من الموتور للفتيس فى طريقين يا اما التورك كونفرتر يتحرك كوحدة واحدة على بعضها يا اما الاجزاء الموجودة جوة التورك كونفرتر بتكون شغالة وبتقوم بوظيفتها
ودى صورة للتورك كونفرتر واجزائة كاملة

التورك كونفرتر عبارة عن مروحتين محطوطين عكس بعض وحدة اسمها تربين والتناية اسمها بمب وفى فى النص زى مروحة كدة اسمها استيتور وكل الكلام دة عايم فى الزيت نيجى للمروحتين الاساسيتين وحدة بتاخد حراكتها من الموتور والتانية حرة الحركة بتاخد حركتها من الزيت نتيجة ان المروحة اللى ركبة على الموتور بتتحرك
نيجى بقى للاستيتور دة ابتدوا مصنعين الفتيسات يركبوا فى التورك كونفرتر لان على ار بي ام عالى حركة الزيت بتكون دوامية وشبة عشوائية فمتصطدمش كويس فى اسطح ريش التربينة لدرجة انها ممكن تسبب اعاقة لحركة التربية لانها ممكن تصطدم بظهر ريشة التربينة ونتيجة لكل دة بيقل جدا قوة الزيت اللى هتوصل للتربينة وبتالى العزم اللى هيخرج من الفتيس هيكون قليل
ابتدوا يركبوا الاستيتور اللى اتكلمنا علية علشان يحسن العزم شوية على الار بي ام العالى وكمان يساعد فى توجية الزيت لريش التربينة بس نفس المشكلة موجود على ار بي اعلى فابتدوا يركبوا حاجة اسمها لوك اب كلاتش ودى بيمسك التورك كونفرتر ويخلية يتحرك كلة كوحدة وحدة علشان ينقل الحركة من الفتيس للموتور
حضرتك بقى لما بتكون سايق طبيعى وماشي على ار بي ام منخفض انت عندك التورك كونفرتر شغال عادى جدا الموتور بيدى الحركة للبمب والبمب بتحرك الزيت والزيت بيعدى على الاستيتور يتظبط اتجاهة ويوصل للتربينة والتربينة توصل الحركة للفتيس
مرة وحدة هنا حضرتك عملت كيك داون رفعت الار بي ام مرة وحدة يقوم اللوك اب كلاتش يمسك مرة واحدة طبعا بيحصل تفويت بسيط سنة وكمان بيحصلة رزعة مع الوقت الكلاتشات بتاعت اللوك اب كلاتش بيتاكل وممكن يتكسر كمان ودة بيكون واضح وانت بتغير زيت الفتيس بتلاقى الزيت نازل فية اجزاء وفتافيت سودة تعرف كدة ان عندك كلاتشات بتودع

ودة فيديو بيوضح عمل التورك كونفرتر واللوك اب كلاتش والاستيتور
Гидротрансформатор АКПП - YouTube
ZF TTD - YouTube
كدة الكلام بخصوص التورك كونفرتر خلص

ندخل بقى على التروس والاجزاء الموجودة جوة الفتيس نفسة

فى كذا مجموعة جوة اسمها بلاتنري جير ست

ودى عبارة عن مجموعة تروس راكبة مع بعضها بطريقة وشكل معين وبتتكون من ترس اسمة الصن ودة بيكون فى النص وركب علية حوالى ثلاث تروس اسمهم بلانت والبلانت كلهم مع بعضهم ركبين على حاجة اسمها كرايير وكل دول ركبين جوة ترس كبير اسمة الرينج
علشان حضرتك تاخد نسب التخفيض الموجودة فى الفتيس بيتم فرمل اجزاء من المجموعة او تثبيت جزئين مع بعض وليكن مثلا هثبت الرينج مع الكاريير بنحتاج برضوا لكلاتشات هنا
لما بتكون حضرتك ماشي عادى وليكن على الرابع وجيت تدوس كيك دون المفروض العربية هتنزل للتانى فى كلاتشات وفراملات هتسيب علشان حاجات تانى تمسك اجزاء تانى برضوا هيحصل هنا رزع وبرضوا ممكن الكلاتشات دى مع الوقت تتكسر

والربط دة بيوضح الكلاتشات اللى بتكون ماسكة والفرامل اللى بتكون شغالة مع التروس فى موديل من موديلات الفتيس
24 00 000 - HP - Technical Data < 24 - Automatic transmission < BMW 2.5CS - 3.0CSL

[Eng_Mostafa_89]

اول حاجة لازم نعرفها ازاى الحركة بتوصل من الموتور للفتيس فى طريقين يا اما التورك كونفرتر يتحرك كوحدة واحدة على بعضها يا اما الاجزاء الموجودة جوة التورك كونفرتر بتكون شغالة وبتقوم بوظيفتها
ودى صورة للتورك كونفرتر واجزائة كاملة

التورك كونفرتر عبارة عن مروحتين محطوطين عكس بعض وحدة اسمها تربين والتناية اسمها بمب وفى فى النص زى مروحة كدة اسمها استيتور وكل الكلام دة عايم فى الزيت نيجى للمروحتين الاساسيتين وحدة بتاخد حراكتها من الموتور والتانية حرة الحركة بتاخد حركتها من الزيت نتيجة ان المروحة اللى ركبة على الموتور بتتحرك
نيجى بقى للاستيتور دة ابتدوا مصنعين الفتيسات يركبوا فى التورك كونفرتر لان على ار بي ام عالى حركة الزيت بتكون دوامية وشبة عشوائية فمتصطدمش كويس فى اسطح ريش التربينة لدرجة انها ممكن تسبب اعاقة لحركة التربية لانها ممكن تصطدم بظهر ريشة التربينة ونتيجة لكل دة بيقل جدا قوة الزيت اللى هتوصل للتربينة وبتالى العزم اللى هيخرج من الفتيس هيكون قليل
ابتدوا يركبوا الاستيتور اللى اتكلمنا علية علشان يحسن العزم شوية على الار بي ام العالى وكمان يساعد فى توجية الزيت لريش التربينة بس نفس المشكلة موجود على ار بي اعلى فابتدوا يركبوا حاجة اسمها لوك اب كلاتش ودى بيمسك التورك كونفرتر ويخلية يتحرك كلة كوحدة وحدة علشان ينقل الحركة من الفتيس للموتور
حضرتك بقى لما بتكون سايق طبيعى وماشي على ار بي ام منخفض انت عندك التورك كونفرتر شغال عادى جدا الموتور بيدى الحركة للبمب والبمب بتحرك الزيت والزيت بيعدى على الاستيتور يتظبط اتجاهة ويوصل للتربينة والتربينة توصل الحركة للفتيس
مرة وحدة هنا حضرتك عملت كيك داون رفعت الار بي ام مرة وحدة يقوم اللوك اب كلاتش يمسك مرة واحدة طبعا بيحصل تفويت بسيط سنة وكمان بيحصلة رزعة مع الوقت الكلاتشات بتاعت اللوك اب كلاتش بيتاكل وممكن يتكسر كمان ودة بيكون واضح وانت بتغير زيت الفتيس بتلاقى الزيت نازل فية اجزاء وفتافيت سودة تعرف كدة ان عندك كلاتشات بتودع

ودة فيديو بيوضح عمل التورك كونفرتر واللوك اب كلاتش والاستيتور
Гидротрансформатор АКПП - YouTube
ZF TTD - YouTube
كدة الكلام بخصوص التورك كونفرتر خلص

ندخل بقى على التروس والاجزاء الموجودة جوة الفتيس نفسة

فى كذا مجموعة جوة اسمها بلاتنري جير ست

ودى عبارة عن مجموعة تروس راكبة مع بعضها بطريقة وشكل معين وبتتكون من ترس اسمة الصن ودة بيكون فى النص وركب علية حوالى ثلاث تروس اسمهم بلانت والبلانت كلهم مع بعضهم ركبين على حاجة اسمها كرايير وكل دول ركبين جوة ترس كبير اسمة الرينج
علشان حضرتك تاخد نسب التخفيض الموجودة فى الفتيس بيتم فرمل اجزاء من المجموعة او تثبيت جزئين مع بعض وليكن مثلا هثبت الرينج مع الكاريير بنحتاج برضوا لكلاتشات هنا
لما بتكون حضرتك ماشي عادى وليكن على الرابع وجيت تدوس كيك دون المفروض العربية هتنزل للتانى فى كلاتشات وفراملات هتسيب علشان حاجات تانى تمسك اجزاء تانى برضوا هيحصل هنا رزع وبرضوا ممكن الكلاتشات دى مع الوقت تتكسر

والربط دة بيوضح الكلاتشات اللى بتكون ماسكة والفرامل اللى بتكون شغالة مع التروس فى موديل من موديلات الفتيس
24 00 000 - HP - Technical Data < 24 - Automatic transmission < BMW 2.5CS - 3.0CSL

[bakkarahmed]

انا كنت مستني حد يدخل يقول ان الكيك داون حاجه جميله ومش بتتعب الفتيس ومافيش منها مشاكل...بصراحه الواحد جاله احباط.. ومستني حد يضحك عليا ويقولي انه مافيش منه مشكله

[Eng_Mostafa_89]

هو حضرتك شغال كيك داون على طول ولا اية ؟

[Eng_Mostafa_89]

فية طريقة انك تطلع اسرع و دية انا جربتها كذا مرة انك تدوس على الفرامل برجل الشمال و تدوس بنزين برجلك اليمين و بسرعة تشيل رجلك من على الفرامل حتلاقى العربية طلعتها اقوى و بصراحة معرفش الموضوع دة مضر ولا لأ بس انا بشوفهم بيعملوة فى البرامج

الحركة دى غلط جدا جدا جدا جدا
لو انت عندك التورك كونفرتر بيشاور عقلة او لو فية ريشة معوجة وعملت الحركة دى هتلاقى التورك كونفرتر ودع على طول

وكمان الحركة دى المفروض ان مسموح فى التوكيل نعملها علشان نتاكد من ان التورك كونفرتر شغال كويس وكمان بيقولك تعمل كدة لمدة كام ثانية ومتكترش عنهم ولو عايز تعيد الاختبار دة تانى المفروض انك بتعيدة بعد وقت محدد بس خطر جدا جدا جدا علشان لو التورك كونفرتر بيشاور عقلة هيودع على طول

[Mohamed_Nafie]

الحركه دي بتتعمل في العربيات اللي فيها Launch Control بـس بـس بـس بـس....

[hany63]

دلوقت العربيه بتجيب الخامس على ال ٦٠ و طبيعي السحب بيقل فطول الوقت الواحد بيدوس الدواسه للنص عشان يسقط نقله واحده يعني يدوب الار بي ام بيوصل ٢٧٠٠ و اول ما يشيل رجله تنقل تاني خامس غصب عنه يضطر يكرر الحركه طول ما هو سايق هل الحركه دي مضره ؟
مع العلم نادر ما بلزق دواسة البنزين في الارضيه

[hany63]

دلوقت العربيه بتجيب الخامس على ال ٦٠ و طبيعي السحب بيقل فطول الوقت الواحد بيدوس الدواسه للنص عشان يسقط نقله واحده يعني يدوب الار بي ام بيوصل ٢٧٠٠ و اول ما يشيل رجله تنقل تاني خامس غصب عنه يضطر يكرر الحركه طول ما هو سايق هل الحركه دي مضره ؟
مع العلم نادر ما بلزق دواسة البنزين في الارضيه

[Eng_Mostafa_89]

الكيكك دون دة بيحصل فى حالة انك جيبت دواسة البنزين على الارض

[engamin]

التورك كونفرتر من قرآتى ودراستى لميكانيكا الموائع .......هو محول للعزم (بيتكون من كمبروسر وتوربينه)...................................

- جانب الكمبروسور بيكون على أتصال مع عمود كرنك المحرك(لتحويل الطاقه الميكانيكيه للمحرك الى طاقه هيدروليكيه ممثله فى الزيت المضغوط اللى قادم للكمبروسور من السليكتور (زراع التعشيق).....)

- الزيت ده بيكون ممثل لضغط مطلوب لمرحلة تعشيق معينه.......وبيتم توجيهه تلقائيا لتوربينة التورك كونفرتر وذلك لتحويل الطاقه الهيدروليكيه دى الى طاقه ميكانيكيه من خلال أدارة توربينة التورك كونفرتر......ومنها الى مرحلة التعشيق المطلوبه....)

- على فكره ده تصورى النظرى لليله اللى بتحصل جوه الفتيس......وأنا فعلا مركبتش أوتوماتيك قبل كده......بس حبيت أشارك......وأكيد حنلاقى أضافه أفضل من أحد الزملاء......بس دى حاجه كده على ماقسم........

- بالنسبه لسؤالك عن حاجة الفتيس لعمره فى حالة التفويت.......أنا شايف أن المتضرر الأول والأخير من الموضوع ده .....هو التورك كونفرتر......وطبعا لو تلف حتحتاج تغيره (لاقدر الله)........أنا حبييت أرد عليك بس يابشمهندس علشان أنت عزيز على .....وبرضه سأتابع آراء أفضل تحليلا من الوجهه الفنيه...........تقبل تحياتى وبأعتذر لو لم أكن أصبت ولكنى أجتهدت

تصحيح معنى كلمة كمبريسورتعنى فى الهندسه الميكانيكيه انك بتطغط غاز فقط اى كان نوعه ولكن هنا زيت واللى تقصده دى تبقى مضخة الزيت (الطلمبة) لان الطلمبة فى الهندسة الميكانيكية بتطغط سوائل كل حسب نوع السائل اللى هيمشى فيها يعنى الطلمبه لا تطغط غاز.

[hossam_elwani]

مفيش شك ان استخدام طريقة الكيك داون بشكل متكرر اجهد للفتيس وتقصير لعمره

[Patrickologyy]

معلش يا رجاله أنا قريت التعليقات كلها بس عندى سؤال صغير بس ... يعنى إيه كيك داون برضه ؟؟ :d