بلف الأيدل كنترولر

[samirayad]

انا لسه شايف الموضوع و الأعراض دى عندى بلا زياده او نقصان و انا مفصلتش البطارية كده البلف تعيش انت

لا البلف بيتنضف .....طالما بيشتغل .....

شكرا أخي القدير مهندس /سمير
جزاك الله خيرا على الإفادة

الله يخليك يا أستاذ : أمير

شكرا علي المجود دائما و ابدا بتفيد الاعضاء و طبعا المنتدي

الله يجزيك خير علي المعلومات

الله يخليك يا أخى ودعواتى لك بالوصول لحل قريبا لمشكلة سيارتك......................آمين يارب

[Sharaf2009]

بشمهندس سمير ...الف شكر على الموضوع الاكثر من رائع ...ولكن اسمح لى ومن وجه نظر تبادل المعلومات ببعض الملاحظات التاليه على مقالة حضرتك

السرعه بتاعة السلانسيه بتكون مصممه بناءا على درجة حرارة مياه التبريد وجهد البطاريه وضغط جهاز التكييف وكذلك بناءا على وضع الselector switch(فى حالة أنظمة ناقل الحركه الأوتوماتيكى).....يعنى لو السلكتور موضوع على الوضع N أوP

جهد البطاريه لا يؤثر على عمل الـ ideal speed control او السرغه الخامله للمحرك ...ولكنه بيؤثر على الفتره الزمنيه لفتح الرشاش وبالتالى كمية البنزين المحقونه حيث تقوم وحدة التحكم بقياس جهد البطاريه واذا كان ضعيف تقوم وحدة التحكم بزيادة الفتره الزمنيه لفتح الرشاش

- طيب فيه سؤال قد يتبادر الى الذهن ....أزاى وحدة التحكم بتعرف أن السرعه المطلوبه من المحرك هى سرعة السلانسيه......

-دا بيتم من خلال قراءة وضع وحاله الاشاره اللى رايحه للوحده من خلال عنصر آخر مهم وموجود فى دائرة التحكم....ألا وهو حساس وضع الخانق throttle positioning sensor tps

فى بعض انظمة التحكم بيوجد سويتش switch مثبت على محور عمود الصمام الخانق وفى حالة رفع السائق قدمه من على دواسة البنزين يغلق السويتش وبكده بتعرف ECU ان المحرك فى مود السلانسيه...

-فى النهايه أحب أن أقول بأن الوظيفه الموكله والمطلوبه من بلف الأيدل.......بتشابه الى حد كبير الوظيفه التى يقوم بها مسمار الهواء المتواجد على جانب الكربوراتير فى المحركات التقليديه القديمه............

الحقيه ان الوظيفه الموكله والمطلوبه من بلف الأيدل.... بتشابه الى حد كبير الوظيفه التى يقوم بها نظام الـ Fast Idle cam mechansim فى الكربراتير مش مسمار الهواء

[samirayad]

أنت فكرتنى ياشرف باشا بنفس اللى أنت عملته فى موضوع حساس الماب بدون داعى نهائيا ....وقعدت تتكلم على بلف تنظيم ضغط البنزين وتعترض على وظيفة حساس الماب الأساسيه بدون دراسه صح ......وححولك اللينك تانى بتاع الماب برضه فى نهاية الكلام ده اللى أنا ترجمته من كتالوج الدايو ...............يعنى أنا أساسا مبقولش حاجه من عندى فى النواحى الفنيه ..........وحنقلك مقطع حول كلام الكتالوج عن كيفية التحكم فى سرعة الأيدل وترجمها أنت ......يمكن أكون معرفتش أترجم ..............

the desired idle speed for all engine operating conditions are programmed into the calibration of of the pcm/ecm . these programmed engine speeds are based on the coolant temperature , the park /neutral switch status , the vehicle speed , [gdwl]the battery voltage[/gdwl] , and the A/C system pressure (if equipped)
وأدى اللينك بتاع حساس الماب اللى قعدنا نجادل فيه بدون داعى.....................

http://www.nilemotors.net/Nile/showthead.php?t=61890

[samirayad]

http://www.nilemotors.net/Nile/showthread.php?t=61890

[ابو حسين]

مشكور على المجهود يا بشمهندس سمير

[frame="1 80"]لا البلف بيتنضف .....طالما بيشتغل .....[/frame]


ياريت تعرفنا ياباشا ازاي بيتنضف

جزاك الله خيرا على الإفادة

[samirayad]

دى صورة بلف الأيدل (من عندنا من قسم الدايو ) بتحل فيشة البلف الكهربائيه بعد فصل البطاريه طبعا.......وتحل البلف من على جسم الخانق .......وبعد كده بمزيل الصدأ (الأسبراى WD40]............بترشه رشه محترمه لحد ماينزل كل الملوثات اللى فيه .....ويبقى نظيف ....وبعد كده ركب البلف بالسيل بتاعه (الأحمر بالصوره ) وأربط المسمارين ووصل الفيشه بتاعة البلف وبعد كده وصل البطاريه........وبعد كده أعمل (أعادة تنشيط لذاكرة وحدة التحكم ......علشان تفكرها بسرعة السلانسيه لأنها نسيت المعلومات لما فصلنا عنها البطاريه ) والطريقه بتاعة تنشيط الذاكره بنفس ماذكر بالموضوع الحالى تحت عنوان IDLE LEARNING PROCEDURE .....ودى أسهل حاجه ومتحلش أجزاء كتير عن كده ...........وخلصت

[Samah AbdAllah]

متابعة للموضوع بتركيز تسلم ايدك يا باشمهندس

[samirayad]

الله يخليكى يا أستاذتنا...........وأشكرك على المتابعه

[nodey]

شرح رائع سلمت يمينك اخي وتقبل وافر احترامي

[for_ever]

ما شاء الله ربنا يباركلك يا استاذ سمير

[samirayad]

شرح رائع سلمت يمينك اخي وتقبل وافر احترامي

الله يخليك يا أخى وشكرا على مرورك الطيب

ما شاء الله ربنا يباركلك يا استاذ سمير

أشكرك يا أخى .............

[dr_walid]

موضوع رائع يابشمهندس
لنا اول مرة اقراءة
بس ليا سوال ازاى اعرف ان البلف فية مشكلة او اى حساس اخر
و هل فية جهلز ممكن يدل علي ان فيهم مشكلة

اصلى نفسى اشيك على الحاجات دية و مش عارف اعمل اية

[samirayad]

موضوع رائع يابشمهندس

الله يخليك يا دكتور .........على فكره أنا عامل مواضيع عن كل الحساسات تقريبا فى المنتدى التعليمى

بس ليا سوال ازاى اعرف ان البلف فية مشكلة او اى حساس اخر

هو عيب البلف بيبان مع الآداء ....بتلاقى السلانسيه مش مظبوط والمكنه بتعلى وتوطى وأنت واقف ومدور العربيه على السلانيه .......لأنه وظيفته تحديدا التحكم فى كمية الهواء المطلوبه للمكنه وقت السلانسيه ( زى مسمار الهواء اللى بيبقى موجود على جنب الكربوراتير فى العربيات التقليديه بتاعت زمان ) أنما ده بيعدى الهواء بطريقه كهربيه من خلال تحكم ألكترونى لوحدة التحكم فى الموتور بتاع البلف ...............وعيوب الحساسات بتبان بجهاز مسح لكل البيانات الناتجه من أخطاء التحكم ( وأسمه أسكانر ) بالجهاز ده بيتم توصيله بروزته أو مكان معين بالوحده وبنأخد كوبى ألكترونى عن البيانات اللى فى الوحده وبتمثل أخطاء تحكم .......وبيدينا الكوبى ده فى صورة أكواد للأعطال .......من خلال الكود الراجل اللى بيعمل الأسكانر بيعرف العيب من أى حساس .........وبرضه بيجيب عيب البلف بتاعنا ده ( أى حاجه داخل عملية التحكم فى آداء المحرك عامة )....بس البلف زى ماقولنا ممكن نعرفه بسهوله من الأعراض اللى قولنا عليها

اصلى نفسى اشيك على الحاجات دية و مش عارف اعمل اية

طالما فى نفسك ......أعمل أسكانر وهات الأكواد اللى متخزنه ...........بس طالما اللمبه منورتش معاك والحال عال......يبقى ملوش لزمه خساير على الفاضى ....وخليها لبعدين ......

[dr_walid]

الف شكر يا بشمهندس
جزاك اللة خيرا

[samirayad]

الله يخليك يادكتور..............