شىء غريب عجيب فعلا

[mcml_13]

السلام عليكوا
امبارح و انا ماشى بعربيتى (لادا 2107) كان غيار الفتيس على الثالث
المهم انى كنت سرحان شوبة و لما جيت انقل على الرابع مادستش دبرياج من غير ماقصد
الغريب ان العربية نقلت عادى خالص و الفتيس مازعقش و لا اى حاجة
بل كان فيه سلاسة غريبة فى النقل و حتى النتشة الطبيعية اللى فى النقلة ماحستش بيها خالص
بعد ما حكيت لصحابى على الموضوع ده قالولى انه عادى لو نقلت من ال3 لل 4 مش لازم تدوس دبرياج
المهم بقى انا الفضول خدنى شوية و قلت اما اجرب
ركبت العربية انهاردة و قلت اما اجرب الحكاية دى تانى ... المفاجأة انى نقلت من الثالث للرابع و برده عادى جدا و العربية كانت ناعمة جدا -على غير المعتاد مع اللادا - من غير حتى مالمس الدبرياج
الموضوع عجبنى قلت طب ماجرب انقل من الثانى للثالث
هديت العربية و جبت سرعة التانى و بعدين مشيت على شوية و عن RPM 3 و شوية كده نقلت للثالث من غير دبرياج و المفاجأة انه كان عادى جدا و ماحصلش اى حاجة
عجبنى قوى الموضوع و عملته مرتين كده من التانى للثالث بس جه فى مرة و مارضاش ينقل (او انا مارضتش اتعانف معاه )فدست دبرياج و جيت على نفسى شوية
المهم انه عادى جدا لما بنقل من الثالث للرابع من غير دبرياج و الغريب فعلا ان الغيار بيتم بنعومة و سلاسة جدا و لا كأنى راكب اتوماتيك حتى
السؤال بقى
هل الموضوع ده عادى فى العربيات كلها .... و لا ده حاجة فى اللادا .... و لا ده عيب فى الفتيس ؟؟؟؟ مع العلم ان الفتيس شغال عادى جدا الحمدلله
و السؤال التانى بقى
لو الموضوع ده عادى ؟؟؟؟ هلى هايأثر بعد كده على صندوق التروس و لا مالوش تأثير خالص .
لو اى حد عنده معلومات عن الحكاية دى يقولى يا جماعة اصل انا هاتجنن خلاص

[pro_samir]

أكيد غلط طبعا وعادى بتحصل فى عربيات كتير لكن معرفش كل العربيات كدة ولا اية

بس مش عارف انت جالك قلب ازاى تجربها .. انا اقصى حاجة ممكن اعملها انى أمور العربية من غير دبرياج ونادر ما بعملها

[Nader]

انت لو راكب عربية وسلك الدبرياج اتقطع هتتعامل بنفس الاسلوب، المهم فعلاً انك تنقل في الوقت الصحيح وعلى السرعة المناسبة.

في سواقين تاكسي وميكروباص عايشين حياتهم بنفس الطريقة عادي،، بيوفروا اسطوانة الدبرياج!!!

[PoweRPassioN]

الكلام دا مش في العربيه بتاعتك بس

دا في ناس بتعلمك ازاي تعملها من غير دبرياج بالسنس كدا

The Perfect Shift (Clutchless Shifting)

http://www.youtube.com/watch?v=0AJXsVj-PMg&feature=related

[mcml_13]

انت لو راكب عربية وسلك الدبرياج اتقطع هتتعامل بنفس الاسلوب، المهم فعلاً انك تنقل في الوقت الصحيح وعلى السرعة المناسبة.

في سواقين تاكسي وميكروباص عايشين حياتهم بنفس الطريقة عادي،، بيوفروا اسطوانة الدبرياج!!!

بس الدبرياج عندى فى العربية زيت مش سلك

[mcml_13]

الكلام دا مش في العربيه بتاعتك بس

دا في ناس بتعلمك ازاي تعملها من غير دبرياج بالسنس كدا

The Perfect Shift (Clutchless Shifting)

http://www.youtube.com/watch?v=0AJXs...eature=related

شكرا جدا على الفيديو
بس هل ده فعلا مالوش اضرار خالص ؟؟؟؟

[zocor742]

ايوة الحركة دى شوفتها بعينى من سواق عربية الشغل تيوتا دبل كابينة العالية 2008 واعتقد ان ليها سنس مع تقريبا بتكون دايس على دواسة البنزين او الجاز وبتسيب وتديها دوسة بسيطة كدة وترفع وتنقل النقلة بس اعتقد مش على اى غيار انا السواق قالى جربها بس وانا بعملها مجاليش قلب الصراحة خفت على العربية لو اتعملت غلط ولا حاجة مع انها مش عربيتى

واعتقد ان نفس الحوار دة اتعمل معاك قبل لما تدى الغيار

[Nader]

بس الدبرياج عندى فى العربية زيت مش سلك

مش الفكرة إذا كان سلك أو هيدرولك الفكرة انك بتقدر تحرك العربية بالرغم من عدم القدرة على استخدام الدبرياش في فصل الحركة.

[muslimah_dentist]

بس هل ده فعلا مالوش اضرار خالص ؟؟؟؟

يا ريت حد يقولنا الحركة ديه فعلا مالهاش أى أضرار؟؟؟؟؟؟؟؟؟

[checo]

السلام عليكم

لدى والدى سياره فيرنا 1600 موديل 2007 و فى احد المرات و اثناء الصيانه فى احد مراكز الخدمه احد المهندسيين هناك قال انه يوجد لدينا مشكله فى الدسك و الاسطوانه فلما تعجب والدى لانه لم يواجه اى صعوبات اثناء النقل قال له المهندس اركب معى و سوف اوضح لك لك اين تكمن المشكله و اثناء السير قام المهندس بنقل الغيارات صعودا و هبوطا بدون الضغط على الدبرياج نهائى . و اوضح ان هذا العيب السبب فيه مشكله فى الديسك و الاسطوانه , تركنا مركز الصيانه بدون اجراء التغيير و قمت بسؤال بعض الاصدقاء ممن لديهم الخبره و اكد لى معظمهم ان كلام المهندس صحيح , و لكن فات على هذا الكلام حوالى 6 اشهر و لم نقم بالتغيير بسبب انه لم تواجهنا مشكله فى الغيارات عند الضغط على الدبرياج و السياره لم يصدر منها اى شىء يدل على انها بها مشكله و نقودها عادى جدا بالطريقه المتعارف عليها

مش عارف ان كان كلامى ده له علاقه بمشكلتك ام لا بس حبيت اتشارك معاك فى مشكلتك على قدر معلوماتى

شكرا اخى العزيز على سعه صدرك

[Samah AbdAllah]

يعنى الافضل ندوس دبرياج ولا مش ندوس؟

[mcml_13]

ايوة الحركة دى شوفتها بعينى من سواق عربية الشغل تيوتا دبل كابينة العالية 2008 واعتقد ان ليها سنس مع تقريبا بتكون دايس على دواسة البنزين او الجاز وبتسيب وتديها دوسة بسيطة كدة وترفع وتنقل النقلة بس اعتقد مش على اى غيار انا السواق قالى جربها بس وانا بعملها مجاليش قلب الصراحة خفت على العربية لو اتعملت غلط ولا حاجة مع انها مش عربيتى

واعتقد ان نفس الحوار دة اتعمل معاك قبل لما تدى الغيار

فعلا انا كنت بشيل رجلى من على دواسة البنزين و انا بنقل
انا بقالى يومين دلوقتى بسوق بالطريقة دى و مستمتع جدا
كفاية انى هحافظ على الكوتشيات اللى بتبوظ من الدبرياح :10D5C8~1107:

لدى والدى سياره فيرنا 1600 موديل 2007 و فى احد المرات و اثناء الصيانه فى احد مراكز الخدمه احد المهندسيين هناك قال انه يوجد لدينا مشكله فى الدسك و الاسطوانه فلما تعجب والدى لانه لم يواجه اى صعوبات اثناء النقل قال له المهندس اركب معى و سوف اوضح لك لك اين تكمن المشكله و اثناء السير قام المهندس بنقل الغيارات صعودا و هبوطا بدون الضغط على الدبرياج نهائى . و اوضح ان هذا العيب السبب فيه مشكله فى الديسك و الاسطوانه , تركنا مركز الصيانه بدون اجراء التغيير و قمت بسؤال بعض الاصدقاء ممن لديهم الخبره و اكد لى معظمهم ان كلام المهندس صحيح , و لكن فات على هذا الكلام حوالى 6 اشهر و لم نقم بالتغيير بسبب انه لم تواجهنا مشكله فى الغيارات عند الضغط على الدبرياج و السياره لم يصدر منها اى شىء يدل على انها بها مشكله و نقودها عادى جدا بالطريقه المتعارف عليها

مش عارف ان كان كلامى ده له علاقه بمشكلتك ام لا بس حبيت اتشارك معاك فى مشكلتك على قدر معلوماتى

شكرا اخى العزيز على سعه صدرك

ميرسى جدا على مساعدتك بس اعتقد ان المهندس ده كان بيفتى او حاجة زى كده و الدليل انك بتقول ان العربية مافيهاش مشاكل لحد دلوقتى و ربنا يباركلك فيها و تفضل كده دايما على طول
بس للاسف انا مش حاسس بمشكلة .... انا سؤالى لو حد يعرف فعلا ان الموضوع ده ممكن يجيب مشاكل فى العربية يوضحهلنا عشان ماعدناش نعمله تانى
المهم انا سألت والدى على الموضوع ده و هو مهندس فنى مدرعات (جيش بقى )
المهم قالى ان النقل بيحصل فعلا لما بيبقى فيه تقارب فى السرعات بين التروس اللى بتنقل بينها - و ده طبعا بيعتمد على سرعة العربية - بدون مشاكل
بس ده بيعتمد على السائق اولا انه ماينقلش فى ميعاد غلط عشان ده ممكن يكسر صندوق التروس اصلا و قالى ماعنتش تعملها تانى
بس للاسف انا عندى و عاجبنى قوى الموضوع ده
لو حد يقدر يفيدنا يا جماعة يبقى كتر الف خيره

[mcml_13]

ايوة الحركة دى شوفتها بعينى من سواق عربية الشغل تيوتا دبل كابينة العالية 2008 واعتقد ان ليها سنس مع تقريبا بتكون دايس على دواسة البنزين او الجاز وبتسيب وتديها دوسة بسيطة كدة وترفع وتنقل النقلة بس اعتقد مش على اى غيار انا السواق قالى جربها بس وانا بعملها مجاليش قلب الصراحة خفت على العربية لو اتعملت غلط ولا حاجة مع انها مش عربيتى

واعتقد ان نفس الحوار دة اتعمل معاك قبل لما تدى الغيار

انا فعلا بشيل رجلى من على دواسة البنزين قبل مانقل

[M.Mokhtar]

الموضوع بسهوله
ممكن تنقل فى الوقت المناسب من غير ديبرياج
وده هيوفر معاك اسطوانه الديبرياج
بس شوف كام مره هتنقل صح وكام مره هيخونك التوقيت
وكل مره هيخونك التوقيت هيتعبلك الفتيس
ومره فى مره هتحتاج تغير الفتيس
شوف انت مين ارخص اسطوانه ولا فتيس؟

[ابو حسين]

انت لو راكب عربية وسلك الدبرياج اتقطع هتتعامل بنفس الاسلوب، المهم فعلاً انك تنقل في الوقت الصحيح وعلى السرعة المناسبة.

في سواقين تاكسي وميكروباص عايشين حياتهم بنفس الطريقة عادي،، بيوفروا اسطوانة الدبرياج!!!