شىء غريب عجيب فعلا

[Bossy_Fadl]

انا اول مرة اعرف كده

بس ممكن افهم تقصدوا ايه بالنقل بالوقت المناسب؟

[Terrible_DaRsH]

انا اول مرة اعرف كده

بس ممكن افهم تقصدوا ايه بالنقل بالوقت المناسب؟

يعنى تنقلى عند انتهاء سرعة الغيار فى الوقت المناسب.

يعنى الاول بينتهى عند سرعة 30 كم مثلا .. فانتى تنقلى فى حدود سرعة 25 كم مثلا.. و كذلك بقية النقلات .

[mahmoud_magdy]

واحد صاحبي كان معاه لادا نيفا
وفي يوم من الايام لاقيته بينقل من غير دبرياج
استغربت جدااااا واتجننت من اللي حصل ده
وازاي اصلا يحصل كدا
هو فهمني ان في وقت معين تقدر تنقل فيه بدون دبرياج
وبتيجي بالتعود
يعني مابين التالت والرابع في سرعه معينه تقدر تنقل فيها بدون دبرياج
وطبعا ورهاني كتير وكانت النقله سلسه جدا
فكرتني بالذي مضى

[bishoy02010]

متهيقلى الطبيعى جدااا وانا سايق انى بنقل من غير دبرياج لما بكون رايق
الموضوع ببساطة انى فى العربية القديمة كنت بعمل فيها الموضوع ده كتير وفى عربيتى دلوقتى
مرة ماستر الدبرياج ( فيها 2 ) واحد فيهم درب ومبقاش فيه دواسة دبرياج فجربت ومشيت بيها على كدة طبعا كان موضوع صعب جدا فى الأول انى اطلع بيها على الأول والعربية واقفة ومفيش دبرياج ( طبعا ليها طريقة بس اعتقد انها بتأثر يا على الفتيس يا الموتور بس كنت متر أطلع على الأول ساعات وهيا واقفة ) لكن الموضوع ده علمنى انقل فى الوقت الصح امتة واتعودت على الموضوع ده طبعا غيرت الماستر وبقيت تلقائى وانا ماشى ساعات كتير الاقى نفسى مبدوسش دبرياج وانقل عادى جدااا وساعات بحتاج ادوس لأنى بحس بأن الغيار مش هيجى لو مدستش دبرياج بس موضوع امتة معاد النقلة الصح فأنا بأكد انة مش وقت ثابت او عند سرعة سابتة يعنى انا ساعات كتير جدا بنقل من 3 ل رابع من غير دبرياج وانا سرعتى 40 وساعات 50 وساعات 130 وساعات 80 هيا جزء من الثانية بتيجى فيه ميعاد النقلة الصح احساس مش عارف الاقيلوا تعريف تانى وهكذا مع كل الغيارات التانية او العكس لو بنزل من رابع لتالت او من رابع لتانى وهكذا كلة احساس ... موضوع بيأثر على حاجة اعتقد لو الغيار معضش فعادى لأنة مش هيفهم انا استعملت دبرياج ولا لأ لكن لو عض اعتقد تبقى فيه مشكلة

[Sharaf2009]

فى حاجه اسمها Saw Tooth Diagram وهو عبار عن منحنى (فعلا شكل اسنان المنشار) يوضح العلاقه بين سرعة دوران المحرك وسرعة السياره معطاه عند كل نسبة تخفيض لصندوق التروس. أهميه المنحنى ده انه بيقيم انسيابية نقل الحركه اثناء التعشيق.

و فى اكتر من طريقه لتصميم او اختيار نسب التخفيض لصندوق التروس مثل: الـ Geometric - artimatic .
وعادة ما يراعى ان نسب التخفيض على الثالث والرابع تكون قريبه ده معناه ان سرعات التروس بتكون قريبه من بعضها وان فعلا ممكن ما تكونش محتاج تفصل الحركه بالدبرياج علشان تعشق وان الغوايش (SYNCHRONIZERS) كفايه انها تمهد السرعات اثناء النقل

[ahmdmagdy]

الموضوع فعلا مثير نرجوا الاجابة من احد المتخصصين