كيفية ركن السيارة

[nasroo]

بصوا انا هقلكم على اللي شوفتو في مدرسة تعليم السواقة في السعودية
1- بتطلع بمحاذاة العربية اللي قدامك وتعديها بشوية يعني بوز العربية اللي هتركن وراها عند باب عربيتك وتسيب مسافة متر بينك وبين العربية
2- ترجع لورا بخط مستقيم واول ما تشوف اخر شنطة العربية اللي عاوز تركن وراها ظهرت في اخر الشباك اليمين الخلفي ( الهوايه) اكسر الدركسيون ناحية الرصيف على الاخر
3- لماتلاقي الفانوس اليمين بتاع العربية اللي وراك ظاهر في ركن الزجاج الخلفي الشمال عندك ( اللي ورا السواق) رد الدركسيون العكس واعدل العجل

[Eng_A_Fahmy]

طب لو عكسنا الوضع يعني سيارتي بيجو 7 راكب وهركن خلف سوزوكي ماروتي وحازيت بالجزء الخلفي ولما أرد الدركسيون وأنا راجع هيحصل إيه ...
طبعاً هتتخبط سيارتي البيجو في الماروتي ..صح ولا لأ

الكلام ده صح, و كمان كلام الاستاذ الراسي صح بخصوص العكس,

ازاي يبقى الكلامين صح في رأيكوا؟؟؟؟!!!!

اقولكو انا ازاي:

في الحالة الاولي كانت العربية اللي هاتركن اقصر من العربية الامامية فكان لزاما المحازاة من الخلف, اما في الحالة الثانية فالعربية اللي هاتركن هي اطول من العربية الاماميةو بالتالي ماينفعش اعمل محازاة خلفية بس مش عشان العربية اللي امامي اقصر اعتبروا انه ما فيش عربيات و انه جدار او حاجز طبيعي ليس له اول, فكيف ستركن, و كمان ان لو حازيت عربيتي البيجو ال7 راكب على اول العربية الماروتي, انا هاكون اهدرت جزء كبير من المسلحة اللي المفروض اركن فيها, ده على اعتبار انها على قدي بالظبط,


امال ايه الصح في الموضوع ده؟؟!!! انا اقولكوا

ركن اي سيارة يعتمد على طولها هي و ليس طول السيارة التي امامها, يعني لو هاركن ورا عربية نص نقل, اظبط عربيتي على اولهاطبعاً كلام مش منطقي,

الصح في الموضوع ده اني انسى خالص ايه هي العربية الللي قدامي لاني مش كل مرة اركن فيها لازم يكون قدامي عربية, المفروض اني اقف بشكل يتناسب مع طول عربيتي, يعني الطبيعي ليينا كلنا ان معظم عربياتنا بيتراوح طولها من 3.5 متر الى 4 او 4.25 متر, يعني كل ما كانت عربيتك قصيرة يبقى تظبطها على الخلف افضل ( و تكون قريب من السارة الامامية او الحاجز اللي امامك باقصى قدر - تقريبا من 30-40 سم) و كلما زاد طولها عن الطول الطبيعي اظبطها على الخلف برضو لكن زود المسافة بينها و بين السيارة الامامية او اي كان الحاجز الامامي, (بالعرض) عشان تاخد ملف مستريح) و انت بتعكس الدريكسيون

و ده خلاصة ما توصلت انا اليه, و برضو نحب نسمع آراكم و تعليقاتكم

[agwaa]

ألف شكر ليك يا عمنا

إنت كدة فضيت الخناقة بيني وبين حبيبي elrasy

[elrasy]

أحمد باشا فوزي

إنت تكسب ...

والله أفحمتني

وطبعاً إنت الأجمل

ياباشا كلنا اخوات ربنا ميجبش افحام
فى حاجة كمان مهمة اغلب الناس مبتعملهاش وهية انى ابص ورا كويس معتمدش على المراية الجانبية بس ,, النظر للخلف هيساعد كتير اللى بيركن وخاصة بين عربيت والمسافة يدوب اد عربيتك.

[juba8]

طبعا الركن فى الاخر حسب الظروف الموجوده
بس هى دى الاساسيات

[Eng_A_Fahmy]

ألف شكر ليك يا عمنا

إنت كدة فضيت الخناقة بيني وبين حبيبي elrasy

ربنا ما يجيب خناقات يا رب, اهي مناقشات و كل و احد بيقول رأيه, المهم كلنا نستفاد, و شكراً ليك

[elrasy]

الكلام ده صح, و كمان كلام الاستاذ الراسي صح بخصوص العكس,

ازاي يبقى الكلامين صح في رأيكوا؟؟؟؟!!!!

اقولكو انا ازاي:

في الحالة الاولي كانت العربية اللي هاتركن اقصر من العربية الامامية فكان لزاما المحازاة من الخلف, اما في الحالة الثانية فالعربية اللي هاتركن هي اطول من العربية الاماميةو بالتالي ماينفعش اعمل محازاة خلفية بس مش عشان العربية اللي امامي اقصر اعتبروا انه ما فيش عربيات و انه جدار او حاجز طبيعي ليس له اول, فكيف ستركن, و كمان ان لو حازيت عربيتي البيجو ال7 راكب على اول العربية الماروتي, انا هاكون اهدرت جزء كبير من المسلحة اللي المفروض اركن فيها, ده على اعتبار انها على قدي بالظبط,


امال ايه الصح في الموضوع ده؟؟!!! انا اقولكوا

ركن اي سيارة يعتمد على طولها هي و ليس طول السيارة التي امامها, يعني لو هاركن ورا عربية نص نقل, اظبط عربيتي على اولهاطبعاً كلام مش منطقي,

الصح في الموضوع ده اني انسى خالص ايه هي العربية الللي قدامي لاني مش كل مرة اركن فيها لازم يكون قدامي عربية, المفروض اني اقف بشكل يتناسب مع طول عربيتي, يعني الطبيعي ليينا كلنا ان معظم عربياتنا بيتراوح طولها من 3.5 متر الى 4 او 4.25 متر, يعني كل ما كانت عربيتك قصيرة يبقى تظبطها على الخلف افضل ( و تكون قريب من السارة الامامية او الحاجز اللي امامك باقصى قدر - تقريبا من 30-40 سم) و كلما زاد طولها عن الطول الطبيعي اظبطها على الخلف برضو لكن زود المسافة بينها و بين السيارة الامامية او اي كان الحاجز الامامي, (بالعرض) عشان تاخد ملف مستريح) و انت بتعكس الدريكسيون

و ده خلاصة ما توصلت انا اليه, و برضو نحب نسمع آراكم و تعليقاتكم

كلام جميل مقدرش اقول حاجة عنة

[elrasy]

طب لو عكسنا الوضع يعني سيارتي بيجو 7 راكب وهركن خلف سوزوكي ماروتي وحازيت بالجزء الخلفي ولما أرد الدركسيون وأنا راجع هيحصل إيه ...
طبعاً هتتخبط سيارتي البيجو في الماروتي ..صح ولا لأ

اقولك يا باشا
لو عربيتى بيجو 7 راكب وهركن خلف ماروتى هحاذى بردة مؤخرة العربيتن مع بعض, طبعا هتقولى ازاى وكدة العربية البيجو هتخبط فى الماروتى,,, استنى على رزقك
بعد ما احاذى العربيتن هرجع بالعربية بشكل مستقيم, من غير ما الف الكاوتش ناحية الرصيف لغاية ما تلت العربية يبقى بجوارة فاضى وبعدين اقف والف العجل كلة ناحية الرصيف لغاية ما اقرب للرصيف وبعدين الف العجل عكسى وبكدة ابقى ركنت تمام

[agwaa]

ماشي يا عم أحمد يا فوزي

ألف شكر ليك يا عم

[elrasy]

ماشي يا عم أحمد يا فوزي

ألف شكر ليك يا عم

انت تأمر وكفاية ذوقك

[morsi]

انا عن نفسي بأستخدم الطريقة دى فى الركن ولمدة 20 سنة ماخيبتش مرة واحدة مهما كان طول عربيتى ومهما كان طول العربية اللى هاأركن وراها:سعادتك تقرب جدا جدا على قد ماتقدر بمحازاة السيارة الامامية لغاية لما هواية الباب اليمين الخلفى بتاع سيارتى يكون بمحازاة طرف شنطة السيارة الامامية بعد كدا أكسر الدركسيون كله يمين وانا متوقف تماماً وأرجع للخلف لغاية ماأعمل زاوية 45 درجة مع السيارة اللى جنبى ثم أتوقف تماماً وألف الدركسيون كله شمال وأرجع بالعربية تلاقى العربية ركنت بمنتهى البساطة بين العربيه الامامية والخلفية ودى فى السعودية بيسموها التلبيكة ياريت الكل يجربها ويقولى عمل ايه.

[agwaa]

شكراً ليك يا عم مرسي

ما هو ده اللي أنا شرحته بالظبط في البداية خالص بس بإسهاب وتفصيل

وعموماً ألف شكر على مداخلتك ومرورك وخليك معانا برضه