احرق الغيار ولا اريح الموتور؟

[tabeb]

• هناك نقطة أخرى وأنت طالع لا تطغط على السيارة يعني حاول أنك مدوسشي بنزين جامد لآنه إهدار للبنزين بدون جدوى كما أنه أهلاك للمحرك على المدى البعيد

حلوة اوي المعلومة دي

على فكرة يا جميل إنت مشكور على موضوع لغة الكلاكسات وإن كنت أضفت لك جزئية صغيرة في موضوعك هناك

ادينا بنتعلم
مرة كنت رايح مع البوهيجي عشان نرش العربية خليته ساق وسمعني الكلاكسات بس ربنا ستر لانه كان ماشي يشتم في سواقين الميكروباصات اللي هما اساسا اللي اخترعوا اللغة دي

[maka]

أحب أزود برضه على كلام الزملاء مبدأ أساسي في نقل الغيار

الغيار الأول من صفر إلى 20
الغيار الثاني من 20 إلى 40
الغيار الثالث من 40 إلى 60
الغيار الرابع من 60 إلى 80
الغيار الخامس من 80 للآخر
مع مراعاه ان الrpm ميزدش عن 30 لفه كحد أقصى للمحافظة على عمر المحرك

ده انا على كده جاحد . التالت مبنقلوش قبل ال 70

[kh_talaat]

ده انا على كده جاحد . التالت مبنقلوش قبل ال 70

حضرتك انا المعلومات دي ناقلها من المانيوال بتاع عربيتي (هيونداي فيرنا) يعني دة كلام الشركة

وبرضه زي ما قولنا قبل كدة بتختلف حاجات بسيطة من عربية للتانية

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

[Sharaf2009]

حضرتك انا المعلومات دي ناقلها من المانيوال بتاع عربيتي (هيونداي فيرنا) يعني دة كلام الشركة

وبرضه زي ما قولنا قبل كدة بتختلف حاجات بسيطة من عربية للتانية

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

فعلا كلام الاخ خالد فى محله ...هى المتوسطات دى مكتوبه فى الكتالوج ... ولو شوفت السرعات دى هتلاقيها عند تقريبا 2500 لفه على العداد.

وكمان باتفق معاه ان ان الغيار الأول لغاية 40 كيلو يبقى افترا.....

[ابو حسين]

الاول خلينى اوضح لك العوامل الرئيسيه اللى بتتحكم فى الموضوع ده:

- خارج المحرك: هو قدره وعزم يتاسب مع سرعة الدوران وبالتالى دوسة قدم السائق على دواسة الوقود.

- متطلبات حركة العربيه: مجموعه من المقاومات والاحمال (القوى الاحتكاكيه بين العجل والطريق - مقاومة الطريق - مقاومة الهواء - طالع مطلع - العربيه محمله - بتجر حاجه - .....وطبعا كل ده بيعتمد على سرعة العربيه)

- صندوق التروس (من خلال اختيار الغيار المناسب) هو اللى بيحقق التوازن بين متطلبات حركة العربيه وبين خارج المحرك.

- السائق الماهر: هو اللى بيختار التوقيت والغيارالمناسب لصندوق التروس اللى بيضمن بيه الاتى: أفضل اداء للسياره - أقل استهلاك للبنزين - أطول عمر للمحرك.


نرجع لسؤالك: بالضغط على دواسة البنزين الـ rpm بتزيد قدره وعزم المحرك لغايه ما توصل للـ maximum بعد كده زياده الضغط على دواسة الوقود مش ها يقابلها زياده محسوسه فى العزم وبتلاقى صوت الموتور زاد وبيزيد فيها تاكل المحرك وارتفاع فى درجة حرارته وبالتالى بتاثر على عمره + زياده فى استهلاك الوقود. علشان كده المصنع بيكتب فى كتالوج السياره وبمنتهى الوضوح الـ rpm اللى مفروض تنقل عندها السرعات.


الخلاصه: خلى عينك على عداد الـ rpm او ودنك مع صوت المحرك لو زاد اوى يبقى لازم تنقل على الغيار اللى بعده او تقلل الوسه على دواسة الوقود (لو مش عايز تنقل)

والرحمه حلوة....

[juba8]

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

40 ياراجل حرام عليك
ده كثير جداا جدااا

[harphosh]

حضرتك انا المعلومات دي ناقلها من المانيوال بتاع عربيتي (هيونداي فيرنا) يعني دة كلام الشركة

وبرضه زي ما قولنا قبل كدة بتختلف حاجات بسيطة من عربية للتانية

لكن كلام العضو harphosh ان الغيار الأول لغاية 40 كيلو الصراحه دة كتيير قوي قوي

اعتذار وتصويب
كلام الأخ الفاضل فعلاً سليم راجعت العداد
الأول لتحريك السيارة من على الأرض ولا يوجد شرطة لتحديد نهايته
الثانى : هو إلى 50 كم / ساعة
الثالث : من 50 إلى 90 كم / ساعة
الرابع : من 90 إلى 130 كم / ساعة
الخامس من 130 إلى 220 كم / ساعة
والسيارة لا يوجد فى هذا الموديل 1995 عداد rpm
مع اعتذارى على المعلومة الناقصة

[alhourriah]

أحب أزود برضه على كلام الزملاء مبدأ أساسي في نقل الغيار

الغيار الأول من صفر إلى 20
الغيار الثاني من 20 إلى 40
الغيار الثالث من 40 إلى 60
الغيار الرابع من 60 إلى 80
الغيار الخامس من 80 للآخر
مع مراعاه ان الrpm ميزدش عن 30 لفه كحد أقصى للمحافظة على عمر المحرك

[تامر.محمد]

اعتذار وتصويب
كلام الأخ الفاضل فعلاً سليم راجعت العداد
الأول لتحريك السيارة من على الأرض ولا يوجد شرطة لتحديد نهايته
الثانى : هو إلى 50 كم / ساعة
الثالث : من 50 إلى 90 كم / ساعة
الرابع : من 90 إلى 130 كم / ساعة
الخامس من 130 إلى 220 كم / ساعة
والسيارة لا يوجد فى هذا الموديل 1995 عداد rpm
مع اعتذارى على المعلومة الناقصة

هي الأرقام دي بتعمل rpm كام في العربية ؟