معلومة هامة عن ضبط هواء الكاوتش فى الصيف

[jisso82]

شكراً جداً أخر حاجه

العفو يا باشا و ربنا يكرمك بالأوبل إن شاء الله

[zidaneelwaly]

كلام مظبوط و صح 100 %

[A. Ibrahim]

لما الكاوتش يتملى جامد نسبه تماسك الاطار مع الارض بتوصل للحد الادنى ليها مما يقلل من تماسك السياره و ثباتها على الطريق خاصه على السرعات العاليه و يؤدى الى قله كفائه وتاثير الفرامل
المفروض الواحد يتبع نصايح كتالوج عربيته زى ما هو مكتوب فيها
والافضل انك تملى الكاوتش نيتروجين عشان مبيتمددش او ينكمش يعنى تاثير الحراره عليه معدوم تقريبا

10 /10


الكلام مظبوط ساعت السفر تزود الكوتش 2-3 PSI زياده عن الطبيعي اللي مكتوب في الكتلوج و لازم الفرده تكون برده يعني عند اول واحد محترم بتاع كوتش و تأله كام بالظبط الانك لم قلتله مسافر هيملهالك علي الاخر

[gebreel]

طيب انا مانيوال العربية بتاعي مش عارف فين قصة ضغط الهوا دي فتحت كل حاجة مرتبطة بال tires و مش لاقي حاجة عنو ياريت لو حد يعرف اللادا السمارة 2004 1500 ضغطها كام و الفورد فيستا 99 1300 شكرا

[abo_lamar]

انا بعتقد اللانوس بيكون على 32 صح ولا غلط ؟

[aymansaad]

بس فى كتالوجات بتنصح بغير كده

[bishoy02010]

الف شكر على المعلومة القيمة

[A.Saad]

طيب انا مانيوال العربية بتاعي مش عارف فين قصة ضغط الهوا دي فتحت كل حاجة مرتبطة بال tires و مش لاقي حاجة عنو ياريت لو حد يعرف اللادا السمارة 2004 1500 ضغطها كام و الفورد فيستا 99 1300 شكرا

بص على القايم اللى جنب السواق ممكن تلاقى حاجة مكتوبة هناك

[Strong]

الكلام ده غلط
لسببين
1- إنك لو زودت ضغط الهواء الكاوتش هيبقى عامل زي البالونة والعربية هتتزحلق على الأرض ، وأنا عملت موضوع مش فاكر الرابط بتاعه علشان العربية كانت بتطير وبتتزحلق زي الصابونة مع أقل نسمة هواء غير حالات الرعب اللي بتجيني لما عربية كبيرة بتعدي جنبي أنا كنت باحس إني طاير وغير متحكم كإني سايق صابونة بتتزحلق زي ماهي عايزة تخيل الموقف وطلع العيب الأساسي من ضغط الكاوتش عالي

2- إن الكاوتش مش ممكن ينفجر إلا إذا كان ضغط الهواء زايد أو فيه لحامات كتير وخصوصا خوابير أو عمره الإفتراضي انتهى، وغير كده إن درجة حرارة الكاوتش مهما ارتفعت مش هتزيد عن حد معين لأنه بيبرد عن طريق الهواء.

للأمان التزم بالضغط الموصى به في الكتالوج