ملحوظة + معلومة + استفسار (تأثير التكييف)

[MMamdouh]

هو اصلا مفيش داعى تطفى التكييف على المطلع بس عموما اللى يضر التكييف هو انك تشغلة و لفات الموتور عالية لان كدة الكومبريسور حيشتغل فجاءة و الضغط فى دورة التبريد حيرتفع بشدة فى وقت قليل جدا و دة ممكن يسبب اضرار لدورة التبريد

و فى الغالب حتلاقى الكلام دة مكتوب فى كتالوج عربيتك

MMamdouh

[samirayad]

فيه حاجه صغيره لو تسمحولى أحب أن أضيفها .......طالما العربيه متحركه ......وحتى لو طالع على مرتفعات وجايب الدواسه على آخرها ......أيه اللى يخلينا نفصل التكييف ......ماهو حيفصل لوحده .......ووحدة التحكم حتقوم فعلا بفصل كلاتش الكمبروسور عند w.o.t يعنى مع أقصى فتح لبوابة جسم الخانق .........يبقى طالما العربيه ماشيه ..........نسيب كل حاجه زى ماهى

[mando_07]

طب أنا ليا سؤال أنا لما أكون مشغل التكييف بقرص جامد على النقلات عشان العربية تسحب الكلام دة غلط ولا عادي؟

[El Prince]

شكراً جزيلاً لكل من أ / محمد ممدوح و أ/ سمير رياض

[samirayad]

طب أنا ليا سؤال أنا لما أكون مشغل التكييف بقرص جامد على النقلات عشان العربية تسحب الكلام دة غلط ولا عادي؟

متهيألى عربيتك مفيهاش تحكم ألكترونى ...........ولو كان توقعى صح .......يبقى أنت اللى حتقرر ......لو القرص على المكنه بيخللى المكنه تنام شويه وأنت مشغل التكييف (علشان بتكون واخد حمل من المكنه أضافى ) يبقى أنت اللى حتظبط الوضع ..........بحيث ماتحملش على المكنه زياده عن اللازم على أساس تخللى شويه للسحب المطلوب وشويه للتكييف ...........أما لو العربيه حقن ألكترونى (أعمل اللى أنت عاوزه )...........

[samirayad]

شكراً جزيلاً لكل من أ / محمد ممدوح و أ/ سمير رياض

ياباشا الله يخليك ...........وشكرا لأتاحة الفرصه للمشاركه لى للأستفاده والأفاده أن وجدت عندى ................مع العلم بأن الأسم : سمير عياد ............وأشكرك

[mohamed_mohsen]

طب انا بشوف ناس بتشغل التكييف اول ما تدور علي طول...و العربيه بارده
هل كده صح و الا غلط؟

[samirayad]

المفروض الواحد يصبر برضه شويه ......لحد ماتستقر سرعة السلانسيه والمكنه تسخن ...........ياعنى خلاص مش قادر يصبر 5 دقايق ...........ههههههههههههه

[Bob2009]

طيب انا عاوز اعرف الكلام هنه كله يوضح ان تشغيل التكيف بيسخن الموتور زى ما المهندس سمير عياد بيقول ممكن يضرب خرطوم او اى حاجه طيب ايه اسباب السخونه دى ؟؟؟
يعنى انا مثلا عندى لو العربيه سخنه وشغلت التكيف وانا واقف العربيه بتبرد مش بتزيد دى الفكره الى انا اقصدها واحيانا بيكون معايا حد فى العربيه بسيبه واسيبها دايره والتكيف شغال برجع مثلا بعد ساعه الحراره بتكون زى ماهى تحت النصف مع العلم ان هى من غير تكيف بتكون على النصف بالظبط ؟؟؟
يعنى ممكن يكون السخونه دى بسبب مروحه مثلا او بسبب حاجه فى دايره التبريد اكيد فيه سبب اصل مش معقول اغلب الناس بتقول كده وبره مصر محدش حصل معاه كده غير مره وشوفت واحد كان معاه عربيه تيوتا بس مش فاكر اسمها لئنها مش موجوده هنا اصلا راح رايح جايب ليها مروحه كبيره من كبرها واخده الليداتير كله وفيها ريش كتير اوى وده كان العداد عنده بيوصل لفوق النصف كمان واحيانا ال 3/4 ومن ساعتها بقى الحراره عنده على الربع طول ما التكيف شغال اكيد فيه اسباب يعنى احنا هنا ممكن نعمل تعديل فى المراوح لو عربيتنا بتسخن بدل ما نعيش خيفين من العربيه بتسخن وخصوصا ان المفروض السخونه دى غلط على الموتور وعلى العربيه كلها وعلى الخرطيم والاسلاك كمان وكل حاجه فى الموتور طيب الناس دى تعمل ايه؟؟؟؟
ياريت حد يشوف حل فعلان ممكن الناس تخرج بيه من مشكله الحراره دى يمكن المراوح الى بتركب فى العربيات مش مطابقه مع الجو عندنا مثلا لئن العربيات الى بتنزل فى السعوديه كلها مواصفات خليجى ؟؟؟ العربيات الى عندنا هنا مش بمواصفات غير لو عربيه مواصفتها خليجى وبيكون صاحبها فرحان اوى لئن مفيش زيها كتير ؟؟؟

عاوزين نعرف نعمل ايه لئن انا كمان عندى واحد قريبى بيقول لما يشغل التكيف الحراره بتزيد يعنى مش كله عامه المفروض فياريت حد يفيدنا
وشكرا جدا للمهندس سمير عياد

[biboelking200]

بجد جامد جدا الموضوع ده يا جماعه تسلم ايديكم

[samirayad]

طيب انا عاوز اعرف الكلام هنه كله يوضح ان تشغيل التكيف بيسخن الموتور زى ما المهندس سمير عياد بيقول ممكن يضرب خرطوم او اى حاجه طيب ايه اسباب السخونه دى ؟؟؟

سخونة أى مكنه بتيجى مع الحمل الزياده عليها

يعنى انا مثلا عندى لو العربيه سخنه وشغلت التكيف وانا واقف العربيه بتبرد مش بتزيد دى الفكره الى انا اقصدها واحيانا بيكون معايا حد فى العربيه بسيبه واسيبها دايره والتكيف شغال برجع مثلا بعد ساعه الحراره بتكون زى ماهى تحت النصف مع العلم ان هى من غير تكيف بتكون على النصف بالظبط ؟؟؟

ماهو وحدة التحكم بتشغل مروحتين على طول عندنا فى الدايو وفى بعض الأنواع .....لوكان فيه مروحه واحده ....وحدة التحكم بتزود سرعتها علشان تواجه كفاءة التبريد المطلوبه للفريون فى المكثف ....وفى الحاله دى بيستفيد الردياتير من شغل المروحتين وبكده المكنه ممكن تبرد زياده كمان مع التكييف ............ولكن أفترض حصلت حاجه للمروحه أو عملية التحكم ...........المكنه حتقفش على طول والتكييف شغال وأنت واقف ........أنما لما بتبقى ماشى .....سرعة العربيه بيقابلها الهواء وبيبرد المكثف والردياتير كمان حتى لو كانت كفاءة المراوح مش قد كده

يعنى ممكن يكون السخونه دى بسبب مروحه مثلا او بسبب حاجه فى دايره التبريد اكيد فيه سبب اصل مش معقول ا

أاقولك على سبب معقول .......الردياتير أو المكثف ده .....مش ليه زعانف تبريد حول المواسير بتاعته.............التراب والرمل وعوامل التعريه بتخش على الزعانف دى وتقفلها .........وبكده سرعة تخلل الهواء للزعانف بتقل والعربيه واقفه ......أنما والعربيه ماشيه .....الوضع مختلف (لأن تقابل سرعه العربيه مع الهواء بيكسح برضه أى شوائب على الزعانف )

ياريت حد يشوف حل فعلان ممكن الناس تخرج بيه من مشكله الحراره دى يمكن المراوح الى بتركب فى العربيات مش مطابقه مع الجو عندنا مثلا لئن العربيات الى بتنزل فى السعوديه كلها مواصفات خليجى ؟؟؟ العربيات الى عندنا هنا مش بمواصفات غير لو عربيه مواصفتها خليجى وبيكون صاحبها فرحان اوى لئن مفيش زيها كتير ؟؟؟

الحل هو الأقلال من شغل التكييف والعربيه واقفه بقدر الأمكان ...........للأسباب الوارده فى الردود السابقه

عاوزين نعرف نعمل ايه لئن انا كمان عندى واحد قريبى بيقول لما يشغل التكيف الحراره بتزيد يعنى مش كله عامه المفروض فياريت حد يفيدنا

ماهو أنا بينتلك أن فيه عوامل تانيه كتير ( زى كفاءة الردياتير نفسه ونوع الميه بتاعة التبريد ومسارات الميه وكفاءة ترموثتات المكنه ..........حاجات كتير ليها علاقه بحرارة المكنه )

وشكرا جدا للمهندس سمير عياد

الله يخليك .......وأنا علقتلك على قدر ما أستطعت وملناش دعوه بالسعوديين والخليج ....( أنا زوج أختى مقيم فى الدمام ومعاه مرسيدس بعشر آلاف ريال ......ولما تشوفها ....أحسن من النوبيرا اللى معايا وداخله على 80 ألف ....فلازم نراعى الظروف الحياتيه برضه ).........ورأيى معروف فى الموضوع ده ...........وطبعا لأى زميل حرية القرار فى الأخذ بالرأى المناسب ليه من وجهة نظره .................وأكرر شكرى ليك مره ثانيه

[Bob2009]

سخونة أى مكنه بتيجى مع الحمل الزياده عليها ماهو وحدة التحكم بتشغل مروحتين على طول عندنا فى الدايو وفى بعض الأنواع .....لوكان فيه مروحه واحده ....وحدة التحكم بتزود سرعتها علشان تواجه كفاءة التبريد المطلوبه للفريون فى المكثف ....وفى الحاله دى بيستفيد الردياتير من شغل المروحتين وبكده المكنه ممكن تبرد زياده كمان مع التكييف ............ولكن أفترض حصلت حاجه للمروحه أو عملية التحكم ...........المكنه حتقفش على طول والتكييف شغال وأنت واقف ........أنما لما بتبقى ماشى .....سرعة العربيه بيقابلها الهواء وبيبرد المكثف والردياتير كمان حتى لو كانت كفاءة المراوح مش قد كده أاقولك على سبب معقول .......الردياتير أو المكثف ده .....مش ليه زعانف تبريد حول المواسير بتاعته.............التراب والرمل وعوامل التعريه بتخش على الزعانف دى وتقفلها .........وبكده سرعة تخلل الهواء للزعانف بتقل والعربيه واقفه ......أنما والعربيه ماشيه .....الوضع مختلف (لأن تقابل سرعه العربيه مع الهواء بيكسح برضه أى شوائب على الزعانف ) الحل هو الأقلال من شغل التكييف والعربيه واقفه بقدر الأمكان ...........للأسباب الوارده فى الردود السابقه ماهو أنا بينتلك أن فيه عوامل تانيه كتير ( زى كفاءة الردياتير نفسه ونوع الميه بتاعة التبريد ومسارات الميه وكفاءة ترموثتات المكنه ..........حاجات كتير ليها علاقه بحرارة المكنه ) الله يخليك .......وأنا علقتلك على قدر ما أستطعت وملناش دعوه بالسعوديين والخليج ....( أنا زوج أختى مقيم فى الدمام ومعاه مرسيدس بعشر آلاف ريال ......ولما تشوفها ....أحسن من النوبيرا اللى معايا وداخله على 80 ألف ....فلازم نراعى الظروف الحياتيه برضه ).........ورأيى معروف فى الموضوع ده ...........وطبعا لأى زميل حرية القرار فى الأخذ بالرأى المناسب ليه من وجهة نظره .................وأكرر شكرى ليك مره ثانيه

الف شكر ليك ياباشا على الرد واسف على الازعاج وعندك حق فعلان العربيه بره ببلاش عندنا هنا بفلوس وقطع غيار غاليه وانا اقتنعت بكلامك 100% دلوقتى انا اصلى كنت حاسبها حسبه تانيه خالص انى ممكن ابهدل العربيه لغيت ما ازهق منها وابعها بس بما ان البهدله دى هتيجى عليا بلاش منها خالص انا كمان بعد كده هشغل التكيف لو فعلان محتاج مش زى الاول انا كنت على طول مشغله يعنى على طول التكيف مفتوح مجرد ما العربيه تدور واسف ليك مره تانيه وشكرا جدا لحضرتك

[mando_07]

متهيألى عربيتك مفيهاش تحكم ألكترونى ...........ولو كان توقعى صح .......يبقى أنت اللى حتقرر ......لو القرص على المكنه بيخللى المكنه تنام شويه وأنت مشغل التكييف (علشان بتكون واخد حمل من المكنه أضافى ) يبقى أنت اللى حتظبط الوضع ..........بحيث ماتحملش على المكنه زياده عن اللازم على أساس تخللى شويه للسحب المطلوب وشويه للتكييف ...........أما لو العربيه حقن ألكترونى (أعمل اللى أنت عاوزه )...........

شكراً سمير باشا وفعلاً توقعك صح
وأشكرك تاني على المعلومة

[samirayad]

بجد جامد جدا الموضوع ده يا جماعه تسلم ايديكم

الله يخليك

الف شكر ليك ياباشا على الرد واسف على الازعاج وعندك حق فعلان العربيه بره ببلاش عندنا هنا بفلوس وقطع غيار غاليه وانا اقتنعت بكلامك 100% دلوقتى انا اصلى كنت حاسبها حسبه تانيه خالص انى ممكن ابهدل العربيه لغيت ما ازهق منها وابعها بس بما ان البهدله دى هتيجى عليا بلاش منها خالص انا كمان بعد كده هشغل التكيف لو فعلان محتاج مش زى الاول انا كنت على طول مشغله يعنى على طول التكيف مفتوح مجرد ما العربيه تدور واسف ليك مره تانيه وشكرا جدا لحضرتك

الله يخليك .....ولا داعى للكلام ده يا أخى ومفيش أزعاج ولا حاجه ......وكلنا أخواتك وتحت أمرك ......وكل اللى أنا عاوزه فقط ليك ولى وللجميع الصالح مش أكتر ...............وأشكرك على زوقك دا كله وتقبل تحياتى ............

شكراً سمير باشا وفعلاً توقعك صح
وأشكرك تاني على المعلومة

......أأمرنى ياماندو ..........

[MMamdouh]

طب أنا ليا سؤال أنا لما أكون مشغل التكييف بقرص جامد على النقلات عشان العربية تسحب الكلام دة غلط ولا عادي؟

عادى... الكونترول لو حس ان الحمل زيادة عن المكنة حيفصل الكومبريسور لحد ما تخف رجلك... او على الاقل الدايو بتعمل كدة

MMamdouh