ملحوظة + معلومة + استفسار (تأثير التكييف)

[SeMo_SiRiOnY]

ياااااااااااااه
بسم الله ما شاء الله اعمل الموضوع واسافر يوميين ارجع الاقية مرجع وافي
وردود من عمالقة المنتدي ربنا يبارك فيكو يا شباب ويوفقكو جميعا
انتو مش عارفين انا لما سالت عن حوار التكييف دة انا 99% من الناس
حسستني ان التكيف عامل من عوال الاعدام في العربية
ناس تقول السحب ينزل للنص , العزم مقتول, اوعي تفكر تسوق بسرعة ,
اوعي تسوق سواقة سحب وشد والتكييف شغال والا هتلبس, اطفية وانت طالع مطلع
زي ماحد الزملاء كان بيعمل في رد من الردود

[SeMo_SiRiOnY]

لا والاخطر من كدة واحد قالي عدد لفات الموتور بتزيد اوي
وتجربتة انه كان علي الخامس والسرعة 90 وال rpm علي 4.5
معني كدة ان عمال يزود بنزين والسرعة ثابتة

[Mohsabrys]

بقينا 3 يا رجالة


دايما اقعد اقول للحاج انا استخدم العربية بالطريقة الى تريحنى مش تقرفنى عشان الى بعد تعجبه

انا مقتنع ان لو الى حيشترى عجباه العربية على كدة يشيل مش عجباه البحر مليان.


تصدق النهاردة بعد 33 الف كيلو واكتر من سنيتن ونص العربية لسة بأكياسها !!!!!!!!!!!!!
والكيس الى بتقطع يحط غيره.

والله والله انا مطلعتش بالاكياس دي من المعلرض قولتلهم شيلوهالي حالا
انا مدقعش فلوس في عربيه عشان تقرفني

[SAMEH_FOUAD]

طيب والعربية اللى بتكون مثلا مشغلة التكيف واول ماالعربية تسخن تبطل ودورها تانى من غير ما تخلى لمبة الاعطال تتطفى يعنى المفروض انك بتدور العربية بتشغل الكونتاكت لمبة الاعطال بتشيك على الماتور وبعد كدة بتتطفى,لو شغلت التكيف تانى بالطريقة دية بعد مابطلت ,تبطل تانى,ولو شغلتها مباشرة من غير ماتستنى لمبة الاعطال لما تطفى مابتبطلش يبقى من اية؟؟؟؟؟؟؟؟؟؟؟؟؟؟؟؟؟
السيارة سيفيك 98 1500 lxi

[samirayad]

يعنى المفروض انك بتدور العربية بتشغل الكونتاكت لمبة الاعطال بتشيك على الماتور وبعد كدة بتتطفى,

كده الوضع تمام .............وعزرا أرجو شرح الحاله بأيضاح أكثر بدون ذكر الجزئيه المقتبسه ........لكى أتمكن أنا والزملاء من تصور المشكله جيدا ............لكى نستطيع أبداء رأى مناسب ......

[SAMEH_FOUAD]

انا مثلا دورت العربية عادى استنيت لحد ماسخنت لوحدها وبعد كدة المؤشر بتاع الاربى ام بينزل لقبل الواحد بشوية ,ومؤشر الحرارة ارتفع للمقياس الطبيعيى ,شغلت التكيف العربية تفضل ماشية مثلا بتاع عشر دقايق ,وبعد كدة اول لما اشيل رجلى من على البنزين تروح مبطلة,
لما باجى ادورها بعد كدة وعشان العربية ماتبطلش تانى بدورها على طول ,من غير ماستنى لما لمبة الاعطال تطفى ,لكن لو دورتها بعد ماخليت لمبة الاعطال تشيك على العربية ,العربية بتبطل تانى
ولو مثلا وانا ماشى بالتكيف وحسيت ان العربية هاتبطل وبمجرد مابقفل زرار التكيف الاربى ام بيعلى وبعد كدة بترجع مستقرة تانى ,لكن اول ماشغل التكيف بتبطل
ياريت حل للمشكلة دية عشان صاحبى اتجنن خلاص ,وراح وغسل السربنتينة,وكل حاجة تمام والمروحة بتاعة التكيف شغالة عادى والتكيف قوى وكل حاجة تمام ,وسعات ماتبطلش ,بس ممكن مرة كدة فى الاسبوع
ياريت توجدوا الحل

[samirayad]

انا مثلا دورت العربية عادى استنيت لحد ماسخنت لوحدها وبعد كدة المؤشر بتاع الاربى ام بينزل لقبل الواحد بشوية ,ومؤشر الحرارة ارتفع للمقياس الطبيعيى

كده مفيش مشاكل

,شغلت التكيف العربية تفضل ماشية مثلا بتاع عشر دقايق ,وبعد كدة اول لما اشيل رجلى من على البنزين تروح مبطلة,

شيل الرجل مره واحده ده .....يعنى بنتحكم فى بوابة هواء الدخول ( بوابة جسم الخانق ) وبتتحول لحالة السلانسيه

لما باجى ادورها بعد كدة وعشان العربية ماتبطلش تانى بدورها على طول ,من غير ماستنى لما لمبة الاعطال تطفى ,لكن لو دورتها بعد ماخليت لمبة الاعطال تشيك على العربية ,العربية بتبطل تانى

حنقول وأنت بدورها واللمبه منوره .....وحدة التحكم كانت مسجله العطل اللى فات بتاع التبطيل اللى حصل قبل كده ......أنما لما بدورها بعد ماللمبه طفت مابدورش وبتبطل تانى ....طيب ايه اللى خللى اللمبه نورت وقت وقوع التبطيل والعطل الأولانى ( عيب فى عملية التحكم ...........أما من حساس أو وحدة التحكم نفسها )...........مفيش أنسجام بين الوحده والحساسات واللمبه

ولو مثلا وانا ماشى بالتكيف وحسيت ان العربية هاتبطل وبمجرد مابقفل زرار التكيف الاربى ام بيعلى وبعد كدة بترجع مستقرة تانى ,لكن اول ماشغل التكيف بتبطل

كده الخلل بيتجه تجاه وحدة التحكم ....وعملية التحكم فى التكييف نفسه ...لأن من كلامك فى الفقره كده .....ماذكرتش أن المره دى مع رفع القدم .....فكده بنبعد عن دورة السلانسيه ....لأنك دايس على الأكسراتير ..........ياريت برضه لو ليك تعليق على تصورى فى الحته دى مختلف .....تقول عليه..........وياريت تنصحه يعمل أسكانر ............ويجيب رقم كود الأعطال المسجله بالضبط ......وأنا الجداول عندى ............وحنشوف أيه اللى ممكن يعمل الحاله دى ....لأن أكيد الأكواد الأخيره مسجله داخل ذاكرة وحدة التحكم ...............وأنا متوقع حاجه من أثنين ( حساس ال tps ) أو حساس ضغط الفريون .....وربنا يستر مايكونش الخلل فى وحدة التحكم نفسها ( يعمى مثلا مفيش كنترول كويس على دايرة التحكم فى التكييف بواسطة الوحده.........ودى بتكون دايرة ألكترونيه بتكون مصممه داخل وحدة التحكم وخاصه بالتحكم فى عمل دورة التكييف ) ..............والأسكانر حيدينا القول النهائى من خلال أكواد الأعطال المسجله أخيرا

[SAMEH_FOUAD]

طيب شوف انا شاكك فى حساس الidle ,وهقولك بردة لية ,العربية مش بتبطل مرة واحدة يعنى بتفضل ترعش الاول وبعد كدة تبطل ,دة غير انى انا لو هاتبطل ممكن كدة اخدها براحة يعنى اخفف رجلى من على البنزين شوية شوية وارفعها بلاقى العربية اتظبطت وطبعا كل دة فى السلانسية,وبعد كدة بتبطل بس بعديها بمدة قول كمان ربع ساعة
ومن فترة روحت انا وصاحبى وديناها لواحد بتاع تكيف,وكانت العربية جاية من مشوار كبير جدا ,والغريبة انها مابطلتش لما شغلت التكيف,وفضلت شغالة كتير ,المهم بطلت المحرك وغسلنا السربنتينة,وبعد كدة خدناها ومشينا بيها مشوار كبير جدا بالتكيف العربية مارعشتش حتى ,وفضل التكيف شغال عادى جدا وبكفاءة لحد ماوصلنا ,وكمان كان الطريق زحمة وكل شوية نقف وماكنتش بترعش حتى,
دة غير ان فية حاجة كمان بس بقالى كتير مجربتهاش ,انها بليل مش بتبطل خالص مع تشغيل التكيف ,بس الحكاية دية مجربتهاش بقالى كتير
شوف انا احترت جدا
والمشكلة كمان اننا مش لاقين مكان كابل الكمبيوتر بتاعها مش عارفين مكانة فين فياريت لو حضرتك تعرف مكانة فين تقولى وكمان مكان عربية سيفيك sir 94
فية كمان حاجة احنا مخليين التكيف تبريد بس ولاغين الدفاية هل دة ممكن يأثر
كدة كل حاجة معروفة عندك وان شاء الله تلاقوا معايا الحل

[samirayad]

طيب شوف انا شاكك فى حساس الidle ,

هو الأيدل ملوش حساس ......ليه بلف بيعاير الهواء المطلوب وقت السلانسيه ....وأسمه بلف الأيدل ....وفيه موضوع عندك فى التعليمى عن البلف ده وحاليا فى الصفحه الحاليه للتعليمى .......أنما حساس وضع الخانق (tps ) برضه من خلاله وحدة التحكم بتعرف أن البوابه مقفوله وقت السلانسيه .......وهو ده اللى أنا شاكك فيه .....وعلشان كده عاوزك تعمل أسكانر لو تقدر

والمشكلة كمان اننا مش لاقين مكان كابل الكمبيوتر بتاعها مش عارفين مكانة فين فياريت لو حضرتك تعرف مكانة فين تقولى وكمان مكان عربية سيفيك sir

لا الصراحه معرفش .........

فية كمان حاجة احنا مخليين التكيف تبريد بس ولاغين الدفاية هل دة ممكن يأثر

لا ده ملوش دخل بموضوعنا .....وأكيد أنتم لغتوها ....لما أتخرمت وبقت مية المكنه بتروح ..........

[SAMEH_FOUAD]

لا احنا لاغينا الدفاية عادى من غير سبب ,بس مالهاش لازمة وممكن نرجعها تانى عادى ,بس قولنا انها بتسخن الماتور على الفاضى وكدة كدة مافيش حد بيستعملها اصللا ,لان الجو بتاعنا مش جو برد قارص يعنى ,مجرد بس ماتقفل ازاز العربية هتلاقى كل حاجة بقت تمام والجو بقى دافىء جدا
بس حضرتك رايك اية فى اللى انا شرحتهولك ,ياريت بس تقولى توضيح للحاجات الغريبة اللى بتحصل دية ,وبعد ين هو مش الidle دة اللى هو الماب سينسور ,ولا حاجة تانية ,لان دلوقتى بلاقى فى عربيتة ان المؤشر بتاع الاربى ام على السلانسية اقل من من النص ,وساعات تلاقية على تانى بس ياريت توضح فين مكانة ,انا اللى اعرفة انة بيكون متركب على البوابة بالظبط ,والtps بيبقى ورا البوابة صح كدة ولا اية

[samirayad]

ده لينك لبلف الأيدل كنترولر http://www.nilemotors.net/Nile/showthread.php?t=65571..................

وده لينك لحساس الماب http://www.nilemotors.net/Nile/showthread.php?t=61890وده لينك لحساس ال tps http://www.nilemotors.net/Nile/showthread.php?t=61461- ياريت تطلع عليهم الأول .....علشان تشوف الفرق وبعد كده نكمل حوارنا............

[SAMEH_FOUAD]

مواضيع جميلة جدا بس ياريت فعلا لو فية صور هيختلف كتير جدا ,وبردة تحاول تجيب صور لاكثر من نوع عربية عشان بيختلفوا
وياريت بقى حضرتك توافينى برايك فى اخر مشاركة ليا

[samirayad]

لان دلوقتى بلاقى فى عربيتة ان المؤشر بتاع الاربى ام على السلانسية اقل من من النص ,وساعات تلاقية على تانى بس

أفهم من كده ....أن مؤشر ال rpm وضعه مش ثابت كل مره .....مره فى النصف ومره فوق أول شرطه ......يعنى شغال بمزاجه وعلى كده تلاقى المكنه ساعات بترعش منه لما بيكون فى النصف ......تمام كده.....ولو الوضع زى ما بأوصف مع السلانسيه فى أوقات مختلفه للدواره ......يبقى أول حاجه نعملها ننظف بلف الأيدل وبوابة الدخول ..............قبل مانفكر فى تغيير الtps

[SAMEH_FOUAD]

يعنى حضرتك شايف دلوقتى المشكلة دية كدة من اية ,لانى احترت جدا ,والعربية طول ماهية واقفة مابتبطلش نهائى مع تشغيل التكيف ,واول لما مثلا اجى امشى واسيب رجلى من على البنزين مرة واحدة الاقيها هاتبطل,اروح دايس بنزين ,ورافع رجلى من علية شوية شوية ,لحد مايظبط ,وبعدين انا عايز اعرف الطريقة الصحيحة لتنظيف بلف الايدل ,علشان مرة نظفتة بس باسبراى كربراتير وخلى الدنيا بايظة لمدة تلات ايام ,ودخان بيطلع من العادم لوحدة ,من غير مادوس ,والمكنة صوتها على وحاجات غريبة كدة ,فياريت لو تقولى بس الطريقة الصحيحة للتنظيف واستخدم اية

[samirayad]

يعنى حضرتك شايف دلوقتى المشكلة دية كدة من اية ,لانى احترت جدا ,والعربية طول ماهية واقفة مابتبطلش نهائى مع تشغيل التكيف

طيب ماهو كده يبقى الأيدل كويس

واول لما مثلا اجى امشى واسيب رجلى من على البنزين مرة واحدة الاقيها هاتبطل,اروح دايس بنزين ,ورافع رجلى من علية شوية شوية ,لحد مايظبط ,

كده يبقى العيب فى الtps فعلا...........وكده سيبك من بلف الأيدل لأنه كده شغال كويس.......والمفروض تشوف حل فى الtps .....وجرب تنظف البوابه كويس الأول مع حركة القرص بتاعها لتسهيل عمل حساس وضع الخانق tps sensor ....وياريت تكلمنى على الموبايل ده 0128383281