Tweet
وانا جاى من الاسماعيلية امبارح لى حتة ارض عند الشروق كده قلت اعدى ابص عليها بالمرة والمنطقة متخططة شوارع ولكنها غير مسفلتة فدخلت فى الشارع لحد القطعة الخاصة بى بعد جهد خوفاً من الغرس وانا راجع خوفت ارجع من نفس الشارع فقلت اعمل مرشيدير لاول تقاطع والف يمين بظهر العربية وادخل فى الشارع المتقاطع للشارع الموازى للشارع الذى به الارض واذا بى ارجع بالعربية وادخل يمين واجى اطلع بالغيار الاولانى تحلف ما هى ماشية خطوة للامام روحت ممور وواخد نفس الغيار تانى مع دوسة جامدة على البنزين واحاول اطلع متتحركش سنتيمتر واحد ، جربت المحاولة مرة ثالثة نفس الحكاية فى المرة الرابعة افتيت فيها وقلت اخد الغيار والف الدريكسيون لعل وعسى بدون فائدة
قلت انزل اشوف ايه اللى حصل واذ بى اجد العجلة الامامية اللى بجوار السائق نصها بالضبط فى الرمل والرمل مغطى المقص تقريبا والعجلة الخلفية اللى ورا السائق ربعها فى الرمل رحت منزل الاولاد من العربية وقعدت افحت فى الرمل بايدى من عند العجلة الامامية واحاول احرر العجلة واعمل ليها سكة كما لو كانت طالعة مطلع ورحت مدور العربية تانى وواخد الغيار الاولانى وطالع بدون فائدة ، قلت شكلها ليلة سودا وحنبات فى الصحرا انا والعيال ولا ايه ،
المهم روحت لاثنين من الغفر جبتهم طلعوا عيال جدعان قوى قالو لى هنرفع العربية بايدينا من الرفرف وحضرتك تردم تحت العجل مفيش خمس دقائق وكنت طالع من الغرسه السوداء دى وشكرت الناس وراضيتهم وحمدت ربنا واتكلت على الله وخرجت من التجربة دى بعد شوية تفكير فيها بشوية حاجات حبيت اقولهم لحضراتكم للاستفادة العامة وهى كالاتى :-
اولاً الخطأ الاول : الذى حدث معى اننى لما غرست من اول مرة ولم تتحرك السيارة معى كان المفروض انزل اشوف اللى حصل ايه لان تكرار محاولة الطلوع زاد من سوء الحالة
ثانياً الخطأ الثانى : انى لما غرست وتوقعت انى غرست كنت بدوس جامد على اكسلاتير البنزين على امل ان العربية تنطلق بسرعة من الغرس واتضح ان هذا هو الخطأ القاتل لان العربية كل ما تدوس عليها جامد وهى غرسه العجل بيلف على الفاضى ويطير الرمل اللى واقف عليه وتغرس اكتر والصح هو انك تدوس بنزين بالراحة خالص
ثالثاً الخطأ الثالث : ان فى المحاولة الرابعة افتيت فيها وقلت الف الدريكسيون واعتقد ان دى اللى زادت الطين بله لانها غطت نص العجلة والمقص بالرمل والصح انك تخلى الدريكسيون عدل او على الاقل على وضعه عند الغرس
رابعاً : ان حل مشكلة الغرس دى سهل خالص وممكن الواحد يقوم بيه لوحده وبدون اى مساعدات خارجية بالاستعانة فقط بكوريك السيارة ويكون برفع السيارة بالكوريك ( مع وضع الكوريك على قالب طوب مثلا لمنع غرسه هو كمان ) من عند كل عجلة غرست وردم اسفل هذه العجلة ويفضل ان يحتوى الردم على شوية حصو وزلط غير مسنن حتى لايؤذى الكاوتش ولا يكون من الرمل الخالص وان لم يوجد الا الرمل الخالص يتم وضع شكارة اسمنت فارغة مثلا او حتى الدواسة فوق الرمل المردوم وتحت العجلة حتى لا تغرس ثانية فى نفس المنطقة وبعد ذلك يتم تنظيف العجلة والمقص والاطمئنان عليهم بأنه لايوجد عليهم رمل من الداخل او زلط ثم شيل الكوريك وتدوير السيارة واخذ الغيار الاول وتدوس بنرين بالراحة خالص لحد ما تطلع من الغرسه
اسف لكم جميعاً على الاطالة واردت فقط ان اوضح لكم المشكلة والحل بناءاً على تجربتى الشخصية للاستفادة العامة وطبعاً الكلام ده على العربيات اللى مفيهاش فتيس غرس ومن عنده حل اخر او اضافة قد تفيد فى هذا الموضوع فليتفضل بها لتكون مرجع لنا فى منتدانا الرائع .
قلت انزل اشوف ايه اللى حصل واذ بى اجد العجلة الامامية اللى بجوار السائق نصها بالضبط فى الرمل والرمل مغطى المقص تقريبا والعجلة الخلفية اللى ورا السائق ربعها فى الرمل رحت منزل الاولاد من العربية وقعدت افحت فى الرمل بايدى من عند العجلة الامامية واحاول احرر العجلة واعمل ليها سكة كما لو كانت طالعة مطلع ورحت مدور العربية تانى وواخد الغيار الاولانى وطالع بدون فائدة ، قلت شكلها ليلة سودا وحنبات فى الصحرا انا والعيال ولا ايه ،
المهم روحت لاثنين من الغفر جبتهم طلعوا عيال جدعان قوى قالو لى هنرفع العربية بايدينا من الرفرف وحضرتك تردم تحت العجل مفيش خمس دقائق وكنت طالع من الغرسه السوداء دى وشكرت الناس وراضيتهم وحمدت ربنا واتكلت على الله وخرجت من التجربة دى بعد شوية تفكير فيها بشوية حاجات حبيت اقولهم لحضراتكم للاستفادة العامة وهى كالاتى :-
اولاً الخطأ الاول : الذى حدث معى اننى لما غرست من اول مرة ولم تتحرك السيارة معى كان المفروض انزل اشوف اللى حصل ايه لان تكرار محاولة الطلوع زاد من سوء الحالة
ثانياً الخطأ الثانى : انى لما غرست وتوقعت انى غرست كنت بدوس جامد على اكسلاتير البنزين على امل ان العربية تنطلق بسرعة من الغرس واتضح ان هذا هو الخطأ القاتل لان العربية كل ما تدوس عليها جامد وهى غرسه العجل بيلف على الفاضى ويطير الرمل اللى واقف عليه وتغرس اكتر والصح هو انك تدوس بنزين بالراحة خالص
ثالثاً الخطأ الثالث : ان فى المحاولة الرابعة افتيت فيها وقلت الف الدريكسيون واعتقد ان دى اللى زادت الطين بله لانها غطت نص العجلة والمقص بالرمل والصح انك تخلى الدريكسيون عدل او على الاقل على وضعه عند الغرس
رابعاً : ان حل مشكلة الغرس دى سهل خالص وممكن الواحد يقوم بيه لوحده وبدون اى مساعدات خارجية بالاستعانة فقط بكوريك السيارة ويكون برفع السيارة بالكوريك ( مع وضع الكوريك على قالب طوب مثلا لمنع غرسه هو كمان ) من عند كل عجلة غرست وردم اسفل هذه العجلة ويفضل ان يحتوى الردم على شوية حصو وزلط غير مسنن حتى لايؤذى الكاوتش ولا يكون من الرمل الخالص وان لم يوجد الا الرمل الخالص يتم وضع شكارة اسمنت فارغة مثلا او حتى الدواسة فوق الرمل المردوم وتحت العجلة حتى لا تغرس ثانية فى نفس المنطقة وبعد ذلك يتم تنظيف العجلة والمقص والاطمئنان عليهم بأنه لايوجد عليهم رمل من الداخل او زلط ثم شيل الكوريك وتدوير السيارة واخذ الغيار الاول وتدوس بنرين بالراحة خالص لحد ما تطلع من الغرسه
اسف لكم جميعاً على الاطالة واردت فقط ان اوضح لكم المشكلة والحل بناءاً على تجربتى الشخصية للاستفادة العامة وطبعاً الكلام ده على العربيات اللى مفيهاش فتيس غرس ومن عنده حل اخر او اضافة قد تفيد فى هذا الموضوع فليتفضل بها لتكون مرجع لنا فى منتدانا الرائع .
Comment