ماذا تفعل لو غرست سيارتك فى الرمل

[gade2]

شكرا ليكم على المعلومات الجامده دى:b4_388:

[ainshouka]

فيه حاجة كمان مهمة اوى لسه مكتشفها امس لما العربية غرست منى فى رمل

لو كانت دفع خلفى والاتنين الامامين هما اللى غرزوا يبقى خلى اتنين صحابك يقعدوا على الشنطة من ورا عشان العجل ميفضلش يلف عالفاضى ويخليه ملتصق بالارض عشان يطلع بسهولة

[M.Osman]

تجربة مفيدة فعلاً ... شكراً

اعتقد العربيات ذات السحب الأمامي افضل من الدفع الخلفي في الموضوع دا

[فادى محمد]

والدي كان بيحكيلي ازاي كانوا بيطلعوا الدبابات اللي بتغرز في رمال سيناء في حرب اكتوبر المجيده ..كانوا بيشيلوا حاجه عامله زي المشايات الخشنه ويحطوها تحتها لما تغرز والفكره دي لمااتطورت هتلاقيها هي فكره الدواسات الكاوتش اللي بتتحط تحت العربيه لما تغرز .

[juba8]

موضوع مفيد جداا

[mohamed2007]

تسلم ايدك يا باشا على افادتنا بتجربة سعادتك

[powerofhelll]

شكرا بارك الله فيك


ممكن كمان تحط طوب او خشبه امام او خلف العجله الي غرزت و تحاول تحشرها تحت العجله هتحمل عليها و تطلع

[A_A_ELAZIZ]

شكرا على التجربة

[mmffor]

وانا جاى من الاسماعيلية امبارح لى حتة ارض عند الشروق كده قلت اعدى ابص عليها بالمرة والمنطقة متخططة شوارع ولكنها غير مسفلتة فدخلت فى الشارع لحد القطعة الخاصة بى بعد جهد خوفاً من الغرس وانا راجع خوفت ارجع من نفس الشارع فقلت اعمل مرشيدير لاول تقاطع والف يمين بظهر العربية وادخل فى الشارع المتقاطع للشارع الموازى للشارع الذى به الارض واذا بى ارجع بالعربية وادخل يمين واجى اطلع بالغيار الاولانى تحلف ما هى ماشية خطوة للامام روحت ممور وواخد نفس الغيار تانى مع دوسة جامدة على البنزين واحاول اطلع متتحركش سنتيمتر واحد ، جربت المحاولة مرة ثالثة نفس الحكاية فى المرة الرابعة افتيت فيها وقلت اخد الغيار والف الدريكسيون لعل وعسى بدون فائدة
قلت انزل اشوف ايه اللى حصل واذ بى اجد العجلة الامامية اللى بجوار السائق نصها بالضبط فى الرمل والرمل مغطى المقص تقريبا والعجلة الخلفية اللى ورا السائق ربعها فى الرمل رحت منزل الاولاد من العربية وقعدت افحت فى الرمل بايدى من عند العجلة الامامية واحاول احرر العجلة واعمل ليها سكة كما لو كانت طالعة مطلع ورحت مدور العربية تانى وواخد الغيار الاولانى وطالع بدون فائدة ، قلت شكلها ليلة سودا وحنبات فى الصحرا انا والعيال ولا ايه ،
المهم روحت لاثنين من الغفر جبتهم طلعوا عيال جدعان قوى قالو لى هنرفع العربية بايدينا من الرفرف وحضرتك تردم تحت العجل مفيش خمس دقائق وكنت طالع من الغرسه السوداء دى وشكرت الناس وراضيتهم وحمدت ربنا واتكلت على الله وخرجت من التجربة دى بعد شوية تفكير فيها بشوية حاجات حبيت اقولهم لحضراتكم للاستفادة العامة وهى كالاتى :-
اولاً الخطأ الاول : الذى حدث معى اننى لما غرست من اول مرة ولم تتحرك السيارة معى كان المفروض انزل اشوف اللى حصل ايه لان تكرار محاولة الطلوع زاد من سوء الحالة
ثانياً الخطأ الثانى : انى لما غرست وتوقعت انى غرست كنت بدوس جامد على اكسلاتير البنزين على امل ان العربية تنطلق بسرعة من الغرس واتضح ان هذا هو الخطأ القاتل لان العربية كل ما تدوس عليها جامد وهى غرسه العجل بيلف على الفاضى ويطير الرمل اللى واقف عليه وتغرس اكتر والصح هو انك تدوس بنزين بالراحة خالص
ثالثاً الخطأ الثالث : ان فى المحاولة الرابعة افتيت فيها وقلت الف الدريكسيون واعتقد ان دى اللى زادت الطين بله لانها غطت نص العجلة والمقص بالرمل والصح انك تخلى الدريكسيون عدل او على الاقل على وضعه عند الغرس
رابعاً : ان حل مشكلة الغرس دى سهل خالص وممكن الواحد يقوم بيه لوحده وبدون اى مساعدات خارجية بالاستعانة فقط بكوريك السيارة ويكون برفع السيارة بالكوريك ( مع وضع الكوريك على قالب طوب مثلا لمنع غرسه هو كمان ) من عند كل عجلة غرست وردم اسفل هذه العجلة ويفضل ان يحتوى الردم على شوية حصو وزلط غير مسنن حتى لايؤذى الكاوتش ولا يكون من الرمل الخالص وان لم يوجد الا الرمل الخالص يتم وضع شكارة اسمنت فارغة مثلا او حتى الدواسة فوق الرمل المردوم وتحت العجلة حتى لا تغرس ثانية فى نفس المنطقة وبعد ذلك يتم تنظيف العجلة والمقص والاطمئنان عليهم بأنه لايوجد عليهم رمل من الداخل او زلط ثم شيل الكوريك وتدوير السيارة واخذ الغيار الاول وتدوس بنرين بالراحة خالص لحد ما تطلع من الغرسه
اسف لكم جميعاً على الاطالة واردت فقط ان اوضح لكم المشكلة والحل بناءاً على تجربتى الشخصية للاستفادة العامة وطبعاً الكلام ده على العربيات اللى مفيهاش فتيس غرس ومن عنده حل اخر او اضافة قد تفيد فى هذا الموضوع فليتفضل بها لتكون مرجع لنا فى منتدانا الرائع .

انا عربيتي غرست و جربت كل اللي حضرتك بتقول عليه. و كوريك و رفعت و قوالب طوب تحت العجل و حطيت و عملت اللالي و في الاخر 2 غفر زقوا العربيه و طلعت! الحل انك متروحش في اي حته الا و معاك 2 غفر صعايده في شنطة العربيه

[mmffor]

عموما حاليا مع عربيتي الجديده لو العربيه غرست ( و ده صعب مع العجل 235 * 85) بجيب فتيس الغرز على الغيار البطئ و بطلع في ثانيه

[mmffor]

انا لما كنت بطلع مع زمايلي في السعودية للبر(الصحراء)
كان اول حاجة بيعملوها انهم بيهووا الكاوتش شوية علشان يزيد العرض ومتغرزش في الرمل
ولو غرزوا بيركبوا في الصندوق الخلفي ويتنططوا لحد ما تطلع من الغرز
وطبعا الدواسات دي اساسي

بس بلاش تكسر الدركسيون قوي وانت في الرمل لانها ممكن تجيب مقصات

ولو فيه عربية تانية معاك ممكن تخليها تشدك لحد ماتطلع

فعلا تهوية الكاوتش الى نصف الضغط العادي ده من اهم الحلول ! و تغيير مركز التحميل برضه مهم جدا! و فعلا انا مره شديت عربيه نقل كانت غارزه بعربيتي و طلعت علطول بعد معاولات مستميته لمده 50 دقيقه

[wlelw2003]

موضوع مفيد جدا