يعنى ايه اخد الهوا من الفرامل

[Michael_Lanos]

- شوف ياحج : أحمد
الصوره اللى قدامك ....عباره عن مخطط بسيط خاص بدايرة الفرامل العاديه الغير مزوده بنظام abs بتاعة الغلابه اللى زى حلاتنا ....ههههههههههه
- لو بصيت على الصوره المكبره من تحت (دى لفردة الفرامل بتاعة السواق ....يعنى الأماميه شمال )
- على آخر الخرطوم اللى رايح على ماستر الفرده .....بيكون فيه مسمار مجوف .....ومخروم من على محيطه
- بتخلى واحد قاعد على كرسى السواق .....ويقعد يكارك .....يعنى يدوس على الدواسه (لتحت ويرفع رجله بصوره دوريه )
- حيجى الراجل الميكانيكى أو أنت طالما عاوز تشتغل هههههههه....يحل المسمار ده على بسيط ....يهويه يعنى
- وأثناء التكريك بيطلع الهواء من الدوره من عند مسمار الفرده دى ...اللى متهوى دلوقتى معانا ......
- أول ما يبدأ المسمار يجيب زيت فقط ....بنروح قافلين على المسمار تانى ..................
- تكرر نفس الخطوات لباقى الفرد ...........وخلصت ....
- حطلع تجرب العربيه .....وتجرب الفرامل .....تمام .....يبقى خير وبركه .....طيب لو لسه الفرامل مش قد كده .....أيه الحل .....
- حنرجع نعمل نفس الخطوات تانى .....لأن ممكن يكون فيه هواء لسه جوه الدوره ............
- لاحظ فى الشرح بتاعى كده .....الهواء بيبقى مقطع طبقات الزيت فى كل الدوره ...........يعنى موجود فى كل مكان .....وأنت وحظك
- يا الهواء بيروح معاك من أول مره .....تستنزف أو تطلع فيها الهواءمن الدوره .....أو حتكرر الموضوع البسيط ده مره تانيه ......لحد مايحدث تحسن للآداء الفرملى ........

الف شكر على الشرح الوافي الرائع

[samirayad]

الله يخليك يا أستاذ : مايكل

[zyadahmed]

عملت كل الخطوات دى عند الميكانيكى تقريبا بشكل دورى كل شهرين بس الهوا بيرجع وغيرت الماستر العمومى وخرطوم الزيت كان مسدود لكن ما فيش فايدة بيرجع الهوا ومتعايش معاه

السؤال : هل فى خطورة من الهوا ده

......... : وهل الخرطوم الجديد ( الصينى ) ممكن يكون هو السبب فى الهوا زى ما قال الميكانيكى علما بانى مش لاقى الاصلى


وجزاك الله خيرا يا باشا مهندس سمير

[samirayad]

وهل الخرطوم الجديد ( الصينى ) ممكن يكون هو السبب فى الهوا زى ما قال الميكانيكى علما بانى مش لاقى الاصلى

لو موضوع دخول الهواء ده لزيت الفرامل ظهر معاك بعد ماغيرت الخرطوم .....يبقى العيب من الخرطوم .....بيتنفخ مع ضغط الزيت ....والأنسجه بتفتح شويه ( بس مفيش زيت بيهرب لبره ).....ولكن الهواء الخارجى حول الخرطوم مثلا بيكون متخلل الأنسجه والخرطوم منفوخ ....
ومع رفع القدم عن الدواسه بيكون هواء دخل للدوره من خلال أنسجة الخرطوم ...................
الصراحه هو موضوع غريب ......
بس معرفش أفسره بغير كده ........لو العيب بتاع الهواء ده ....ظهر بعد تغيير الخرطوم .............هذا والله أعلم