زق العربية الأوتوماتيك

[Adham]

لو كان فية زيت في الفتيس يبقى مش غلط و يبقى عين العقل و صح الصح

حتى لو الزيت ناقص شوية ولو لنصة مثلا برضة مش مشكلة كبيرة

بس لو الفتيس كان فاضي خالص و من غير زيت يبقى غلط كأنك مش مدور العربية اصلا

و هيه هيه لو كنت مشيت بالعربية عادي ماهو كدة كدة الزيت بينقط و العربية دايرة

*** المهم هل حصل حاجة في الفتيس بعد الموضوع دة و للا الحمد لله ماشية كويس؟

[limo]

لو كان فية زيت في الفتيس يبقى مش غلط و يبقى عين العقل و صح الصح

حتى لو الزيت ناقص شوية ولو لنصة مثلا برضة مش مشكلة كبيرة

بس لو الفتيس كان فاضي خالص و من غير زيت يبقى غلط كأنك مش مدور العربية اصلا

و هيه هيه لو كنت مشيت بالعربية عادي ماهو كدة كدة الزيت بينقط و العربية دايرة

*** المهم هل حصل حاجة في الفتيس بعد الموضوع دة و للا الحمد لله ماشية كويس؟

طمنتنى
الحمد الله محصلشى فى الفتيس
يسم الله ما شاء الله واضح انك خبير فى الاوتوماتيك ربنا يزيدك كمان وكمان
متشكر اوى يا ادهم باشا على الرد

[Adham]

[quote="eng_mkhalaf"]

فى راديو شاك بطارية تحفة بفكر اجيبها عشان الغرض ده
صغيرة فى الحجم و الوزن
طبعا هى مش بتركب مكان البطارية (يعنى ما ينفعش العربية تمشى بيها)
هى بس تدور العربية وبعد كده الدينامو يقوم بالواجب ويشحن البطارية لو فاضية
حد جربها؟

متعرفشى تعمل كام ده ؟

هيه مش بطارية لا بالأصح هي عبارة عن بطارية واخدة شحنة عالية و انت بتوصلها ببطارية العربية بكابلات كلابة عالقواطيش تقوم تشحن البطارية خلال دقايق شحنة تخللي العربية تقوم, او توصلها و بعدين تدور بس لازم توصلها عالبطارية اللي راكبة منغير ما تفصل البطارية و توصل عالقواطيش وبس

[Adham]

[quote="eng_mkhalaf"]

فى راديو شاك بطارية تحفة بفكر اجيبها عشان الغرض ده
صغيرة فى الحجم و الوزن
طبعا هى مش بتركب مكان البطارية (يعنى ما ينفعش العربية تمشى بيها)
هى بس تدور العربية وبعد كده الدينامو يقوم بالواجب ويشحن البطارية لو فاضية
حد جربها؟

متعرفشى تعمل كام ده ؟

هيه مش بطارية لا بالأصح هي عبارة عن بطارية واخدة شحنة عالية و انت بتوصلها ببطارية العربية بكابلات كلابة عالقواطيش تقوم تشحن البطارية خلال دقايق شحنة تخللي العربية تقوم, او توصلها و بعدين تدور بس لازم توصلها عالبطارية اللي راكبة منغير ما تفصل البطارية و توصل عالقواطيش وبس , اعتقد تمنها 500 جنية و شوية, ومعاها شاحن

[ahmedfd]

أشكركم على الردود المفيدة و الأكثر من ممتازة لكن في الحقيقة إنتو خوفتوني من الأوتوماتيك، ما هو أصل البطاريات اليومين دول زي ما انتم عارفين بتقطع مرو واحدة بدون سابق إنذار يعني حتى لو تحت البيت فهيا برضو فيها بهدلة على ما أدور على حد بتاع بطاريات أو كهربائي يعمل توصيلة...
يا ترى الإخوة الأفاضل أصحاب السيارات الآوتوماتيك تعرضوا لمواقف زي دي؟ و في أي نصائح يعني مثلاً أغير البطارية بعد سنتين أو 3 بغض النظر عن حالتها علشان أكون في الأمان؟
و شكراً مرة أخرى لحضراتكو على الإهتمام.

[hazem_khidr]

يا ترى الإخوة الأفاضل أصحاب السيارات الآوتوماتيك تعرضوا لمواقف زي دي؟ و في أي نصائح يعني مثلاً أغير البطارية بعد سنتين أو 3 بغض النظر عن حالتها علشان أكون في الأمان؟

افضل حل انك تجيب كابلين توصيل من بطاريه للتانيه و سعرهم رخيص
تخليهم معاك في ششنطه العربيه و لو حصل ليك لا قدر الله اي موقف ممكن توقف اي عربيه و الناس الكويسه كتير بالتاكيد مش حيسبوك في الموقف دا.
انا جايب الكابلات دي من سنه 1995 متهيالي و كانت ب 10 جنيه اياميها و لسه عندي لحد انهارده و الحمد لله عمري ما استعملتها بس كنت بستعملها لعربيات تانيه بطاريتها عطلانه :-)

[limo]

يا ترى الإخوة الأفاضل أصحاب السيارات الآوتوماتيك تعرضوا لمواقف زي دي؟ و في أي نصائح يعني مثلاً أغير البطارية بعد سنتين أو 3 بغض النظر عن حالتها علشان أكون في الأمان؟
و شكراً مرة أخرى لحضراتكو على الإهتمام.

اول لما اشتريت العربيه الانوس كنت شاريها مستعمله سنه 2005 وفرحان بيها بئه

كان سعتها رمضان واول يوم جبتها قولت اخرج بيها بليل مع اصدقائى علشان يتفرجوا عليها

المهم خرجت والحمد الله اتسحرت يومها بره وكله تمام التمام ومبسوط بقه معايا عربيه جديده

عملت فيها خدع ووصلت صحابى واحد واحد لحد البيت لحد اخر واحد من صحابى جيت عن

البيت بتاعه وقفلت الكونتاك علشان اتكلم معاه شويه قبل ما يطلع بيته المهم خلصت الكلام معاه

وكانت الساعه 3 بليل وصاحبنا مشى جيت ادور العربيه مبتدورش وطبعا انا مش عارف

العربيه فيها علشان لسه شاريها

المهم توصلت ان البطاريه عتلت قولت ادور على كهربائى الساعه 3 بليل طبعا كنت بحلم

وملقتش كهربائى قولت ادور على تاكسى يدينا وصله او اى عربيه ملاكى كل العربيات الملاكى

مفيهاش وصله وسواقين التاكسى عايز يركب مش فاضى للكلام الفارغ ده

روحت سايب العربيه فى مكانها وخذت تاكسى لحد البيت .

ساعت العربيه ماوقفت كان صابح يوم الاحد وطبعا الكهربائيه مأجزين فى البيت اضطريت انى

اسيب العربيه فى مكانها يومين تخيل بقى عربيه لسه شاريها ومش شايفها امام البيت

فى الاخر اشتريت وصله وحططها فى العربيه العربيه والحمد الله على كل حال

[Heshaam]

طبعا المواقف ديه بتحصل كتير، بس الحمد لله في المرتين اللي حصلوا فيها معايا كانوا الجراج؛ بس طبعا كلام أستاذ حازم أساسي

وبالنسبة لبتوع التاكسيات ممكن توقفوا كأي زبون وتديله أجرة مشوار (خمسة جنيه مثلا).

ومش عارف بخصوص الزق، بس على حد علمي إن العربية ممكن تتزق وهيا على الD، بس مش متأكد أوي

[hazem_khidr]

ومش عارف بخصوص الزق، بس على حد علمي إن العربية ممكن تتزق وهيا على الD، بس مش متأكد أوي

_________________

لا يا هشام باشا ما ينفعش تدور ولو حتي علي D و دا مشكله الاتوماتيك لو البطاريه نامت او المارش عطل(و دي المشكله الكبري)
مش حتعرف تشغلها نهائي

[Heshaam]

لأ طبعا أنا فاهم إنها ما ينفعش تدور حتى لو سمعتلها كل الحروف الإنجليزي مش الD بس

أنا قصدي للتحرك من مكان لمكان - الزق أو الجر يعني :P

[ahmed1981]

مشكلة البطارية مش هتحصل في الأوتوماتيك كل يوم
هتحصل مرة وتصلحها وتقعد عليها سنة ولا سنتين

فمفيش داعي الواحد يكدر نفسة على حاجة ممكن تحصل مرة كل سنة لو حصلت
وطبعاً لابد يكون معاك في السيارة الأوتوماتيك سلك مشترك شحن

وبالنسبة للزق مينفعش زق الأوتومانيك على أي حال

في حل واحد لتدوير الأوتوماتيك لو البطارية فضيت

حل واحد

حل واحد

المنافلة :mrgreen:
صنعلها منافلة مفتكسة بتركيبة مفتعلة (وأنا غير مسؤول :mrgreen: )

[Adham]

يا ترى الإخوة الأفاضل أصحاب السيارات الآوتوماتيك تعرضوا لمواقف زي دي؟ و في أي نصائح يعني مثلاً أغير البطارية بعد سنتين أو 3 بغض النظر عن حالتها علشان أكون في الأمان؟
و شكراً مرة أخرى لحضراتكو على الإهتمام.

1- لازم العربية الاوتوماتيك فيها بطارية سليمة و تمام 100% و أول بوادر ضعف للبطارية او تبتدي تعتل شوية في الدوارة او تنام منك مرة تشتري بطارية جديدة فوراً, و يستحسن ان بطارية العربية الاوتوماتيك تكون امبير عالي طبعا, لأن المارش بتاعها علية حمٌل كبير من القربة بتاعه الفتيس و الفتيس نفسة و بالتالي المارش بيبقى مارش أقوى و يحتاج امبير شديد
(لاحظ صوت المارش بتاع العربية الاوتوماتيم اثناء الدوارة مختلف كتير عن العربية المانيوال) و من الصوت دة تميز ان كانت العربية مانيوال او اوتوماتيك

2- كابلات التوصيل (اللي بكلابات) مكوٌن اساسي في شنطة اي عربية اوتوماتيك (اي واحد راكب عربية اوتوماتيك بيشيلها معاة دايما)

[Adham]

لأ طبعا أنا فاهم إنها ما ينفعش تدور حتى لو سمعتلها كل الحروف الإنجليزي مش الD بس

أنا قصدي للتحرك من مكان لمكان - الزق أو الجر يعني :P

أقولكوا على حاجة و اللي عندة منكم عربية اوتوماتيك يجربها ويقوللي النتيجه كانت أية ؟؟؟

امشي على سرعة 60-70 كم/ساعه
و انت عال D

و اقفل الكونتاكت (خللي بالك لو العربية فيها مسوجر دركسيون- وخليك في طريق مفتوح وفاضي و طوالي)

المهم جدا انك تبطل العربية ثانية او اتنين بس مجرد تتأكد ان العربية بطلت تماما

افتح الكونتاكت تاني

و ابقوا قولولنا بقى العربية دارت و للا لأ

[Heshaam]

بالظبط مش هتدور؛ وفي عربيات مبتدورش إلا عالP بس وفي عربيات ممكن تدور عالP أو الN

إنما هأخليها في صيغة سؤال أحسن؛ هل العربية ينفع تتجر وهي مبطلة وهي عالD ولأ ده مضر زي محاولة تحريكها عالN؟

[Adham]

بالظبط مش هتدور؛ وفي عربيات مبتدورش إلا عالP بس وفي عربيات ممكن تدور عالP أو الN

إنما هأخليها في صيغة سؤال أحسن؛ هل العربية ينفع تتجر وهي مبطلة وهي عالD ولأ ده مضر زي محاولة تحريكها عالN؟

اقرا الاجابة السابقة اللي كتبتها

الخلاصة

هي حاتتجر

بس عرضة ان مجموعه الحركة تبوظ لأن الطلمبة مش شغالة (القربة مش بتلف لأن الموتور مبطل)

لا عالي D و لا عالN و لا عال 3 ولا عال 1