زق العربية الأوتوماتيك

[Heshaam]

شكرا على الإجابة والتوضيح

[Adham]

بالظبط مش هتدور؛ وفي عربيات مبتدورش إلا عالP بس وفي عربيات ممكن تدور عالP أو الN

طيب بس جرب و قوللي اللي حايحصل

على ما اذكر ان انا جربتة في الهوندا و نفع

موضوع ان العربة ماتدورش عال P او ال N دة علشان المارش مش بيوصلة كهرباء الا لو كانت عصاية السيكتور عليهم, بس عالدرايف بيلقط في بعض العربيات على ما اسمع

نجرب و نشوف اية اللي حصل معانا بمختلف الانواع

تبادل خبرات

[Heshaam]

تبادل خبرات

إيه الإحراج اللي أنا فيه ده... خبرات إيه بس يا أ. أدهم

أنا كل صلتي بعالم العربيات إني بأحبها؛ إنما الميكانيكا أبيض الحاجة الوحيدة اللي بفهم فيها هي صوت العربية لو متغير عن اللي متعود عليه بطلع بيها عالتوكيل

بس برضه بخصوص سؤالك، أنا ركبت ماركات كتير أتوماتيك (سوزوكي ورينو وكيا بروتون وفولفو وأولدزموبيل وبويك وشيفروليه) - لا أملك أي منها للآن؛ مفيش ولا واحدة فيهم بتدور عالD والعربية واقفة إنما وهيا ماشية مجربتش بصراحة.

[Adham]

تبادل خبرات

إيه الإحراج اللي أنا فيه ده... خبرات إيه بس يا أ. أدهم

أنا كل صلتي بعالم العربيات إني بأحبها؛ إنما الميكانيكا أبيض الحاجة الوحيدة اللي بفهم فيها هي صوت العربية لو متغير عن اللي متعود عليه بطلع بيها عالتوكيل

بس برضه بخصوص سؤالك، أنا ركبت ماركات كتير أتوماتيك (سوزوكي ورينو وكيا بروتون وفولفو وأولدزموبيل وبويك وشيفروليه) - لا أملك أي منها للآن؛ مفيش ولا واحدة فيهم بتدور عالD والعربية واقفة إنما وهيا ماشية مجربتش بصراحة.

مافيش اي عربية اوتوماتيك ممكن تدور مارش و هي عال D لأن دايرة الكهرباء من الكونتاكت للمارش بتمر على عصاية الفتيس و زي ماتقول ان فيها سويتش بيوصل بس و العصاية عال P او عال N انما غير كدة الدايرة بتبقى مفتوحة و المارش مايصللوش كهرباء

اللي انا باتكلم فية قصة تانية خالص

يقال ان العربية الاوتوماتيك وهي ماشية بسرعه عالية فوق ال 60 او 70 لو الفتيس معشق عال D القربة بتلف بسرعه تسمح ان يتولد ضغط زيت يخللي مجموعه الحركة تعشق و تخللي المتور يلف معاها و بالتالي يدور

زي بالضبط ما العربية المانيوال تبطل منك و الت ماشي بتروح معشق غيار و سايب رجلك من عالدبرياج تقوم العربية تدور (مع الاخذ في الاعتبار ان الكونتاكت مفتوح طبعا)

و زي ما قلتلك انا على ما اذكر اني جربت الموضوع دة في اعربية الهوندا الاكورد القديمة بتاعتي و دارت, جربة و قوللي نفع و للا لأ

[أبو_حمزة]

يا جدعان جر العربيات الاتوماتيك ما ينفعش
حتى لو لا يؤثر على الفتيس
العربية الآتوماتيك وهى مبطلة مش ها يبقى فيها فرامل غير فرامل اليد و كمان الباور مش شغال يعنى الدركسيون ها يكون اتقل من الداهية
كده يبقى خطر جدا انها تتقطر حتى لو القطر مش ها يضرها بطريقة مباشرة

[Adham]

يا جدعان جر العربيات الاتوماتيك ما ينفعش
حتى لو لا يؤثر على الفتيس
العربية الآتوماتيك وهى مبطلة مش ها يبقى فيها فرامل غير فرامل اليد و كمان الباور مش شغال يعنى الدركسيون ها يكون اتقل من الداهية
كده يبقى خطر جدا انها تتقطر حتى لو القطر مش ها يضرها بطريقة مباشرة

الموضوع مش موضوع فرامل و لا باور لانة برضة في العربية المانيوال السرفو مش شغال و الباور مش شغال , مش دي القصة اللي بنتكلم فيها, اللي بنقولة هل القطر يتلف الفتيس الاوتوماتيك و للا لأ

و الخلاصة

هو ينفع بس بحاجة من اتنين

1- ان العربية تترفع من قدام لو جر امامي او من ورا لو دفع خلفي و بالتالي مافيش حركة عالعجل اللي متوصل بالفتيس

2- ان يتفك مسامير و صلة الكردان او يتفك الكوبلنين و برضة يبقى العجل حر و الحركة مش واصلة للفتيس

و دة الاسلوب المتبع في شركات البترول و المعدات اللي ساعات بيحتاجوا يقطروا معدات اوتوماتيك

[Adham]

يعني ممكن العربية الاوتوماتيك لو عطلت تجيب و نش يرفعها و يوديها للإصلاح

لو عربية كبالن يرفعها من قدام

و لو كردان يرفعها من ورا, بس الدكسيون يتولاة حد و العربية مقطورة

[fahd_628]

فى العربيات ال 4X4 ممكن تتجر عادى لأن فتيس الغرز فيه N و دة بيفصل كل حاجة و تتجر عادى

والله اعلم

[Adham]

فى العربيات ال 4X4 ممكن تتجر عادى لأن فتيس الغرز فيه N و دة بيفصل كل حاجة و تتجر عادى

والله اعلم

تييـــــــــــــــــــــــت معلومة خطأ

مش كلال عربيات ال 4*4 مافيهاش N في فتيس الغرز, فيها N في الفتيس الاوتوماتيك العادي
الغرز غياراتة بتبقى 2H و 4H و 4L

و حتى لو فيها, برضة بيفصل الدفع عن العجلات الامامية و بتفضل الجلات الخلفية برضة حاتدور الفتيس الاوتوماتيك

[Heshaam]

و زي ما قلتلك انا على ما اذكر اني جربت الموضوع دة في اعربية الهوندا الاكورد القديمة بتاعتي و دارت, جربة و قوللي نفع و للا لأ

أوعدك إن شاء الله هأجربه وأقولك بس بعد شوية لأن مفيش أي عربية تحت إيدي دلوقتي

[fahd_628]

تيييييييييييييييييييييييييت

معلومة صحيحة و دة الدليل

http://www.jeep.com/en/4x4/how_systems_work/rock_trac/

انتظر حتى تحميل الفيديو مش حياخد دقيقة و دوس Next مرتين علشان تروح للN و شوف حيقول اية :D

فى انتظار ردك

[samirpop2]

انا سمعت قبل كده ان ممكن العربيه الاتوماتيك تدور علي سرعه 60 كيلو (مجرد سمع ) ممكن حد يصحح لي المعلومه
انا مش من محبي الاوتوماتيك

[HNaga]

لا ياجماعة مش كل العربيات انا قريت فى المانوال بتاع عربيتى ان لو الكهربا فصلت ممكن برضه تحرك الفتيس و تخليه على N
وتزق العربية عادى

ماهو ياجماعة مش كل التكنوولوجيا دى و كل العربيات تنسى حاجة زى كدة

[Adham]

تيييييييييييييييييييييييييت

معلومة صحيحة و دة الدليل

http://www.jeep.com/en/4x4/how_systems_work/rock_trac/

انتظر حتى تحميل الفيديو مش حياخد دقيقة و دوس Next مرتين علشان تروح للN و شوف حيقول اية :D

فى انتظار ردك

تيــــــــت

برضة مش كل العربيات ال 4*4 فيها ال N في فتيس الغرز

عندي في الفرونتيرا مافيهاش

ممكن هما هنا بيتكلموا عن الفتايس العادية مش الاوتوماتيك, لأن زي ما قلتلك الفتيس الاوتوماتيك زي ما قلتلحضرتك فية مجموعه حركة بتلف مع حركة الفتيس و الموتور مبطل و طلمبة الزيت مش حاتبقى شغالة و عرضة ان الكلاتشات تتحرق لأن مافيش زيت حايوصللها

لو تعرف حد شغال مهندس او فني هيدروليك في معدات في شركة بترول او خدمات اسألة, لأنهم عارفين القاعده دي كويس في قطر المعدات الثقيلة كلها اوتوماتيك و لازم يفك مسامير و صلة الكردان

[Adham]

لا ياجماعة مش كل العربيات انا قريت فى المانوال بتاع عربيتى ان لو الكهربا فصلت ممكن برضه تحرك الفتيس و تخليه على N
وتزق العربية عادى

ماهو ياجماعة مش كل التكنوولوجيا دى و كل العربيات تنسى حاجة زى كدة

ايوة تزق الغربية تركنها عادي

بس مش تقطرها مسافه كبيرة زي 10 او 20 كيلو لغاية ورشة او ميكانيكي علشان الفتيس الاوتوماتيك عرضة يتلف او الكتشات تضعف او تتحرق