سؤال بالنسبة للاسكندرية

[remomemo]

[QUOTE=shnory;3871950552]يا باشا الطريق ده 7 حارات تقريبا
وفعلا تلاقي واحد لازق فيك وعمال يزمر ويرعش

اخ شنورى بمناسبة انه 7 حارات لما تلاقى قدامك واحدة بتعدى الشارع ( وحط تحت واحدة مؤنث 10 خطوط ) بتعمل ايه طبعا بنفرمل بس نقف ولا نتحرك نفاديها (زى الغرزة يعنى ) التصرف اللى يقلل التلفيات ودى روح لازم نحافظ عليها انا موش عارفة حصلت مرة واحدة والحمد لله ستر ومشت
بصراحة الستات بيعدو الشارع بطريقة البطة ايه البرود ده

[SHNORY]

[QUOTE=remomemo;3871950566]

يا باشا الطريق ده 7 حارات تقريبا
وفعلا تلاقي واحد لازق فيك وعمال يزمر ويرعش

اخ شنورى بمناسبة انه 7 حارات لما تلاقى قدامك واحدة بتعدى الشارع ( وحط تحت واحدة مؤنث 10 خطوط ) بتعمل ايه طبعا بنفرمل بس نقف ولا نتحرك نفاديها (زى الغرزة يعنى ) التصرف اللى يقلل التلفيات ودى روح لازم نحافظ عليها انا موش عارفة حصلت مرة واحدة والحمد لله ستر ومشت
بصراحة الستات بيعدو الشارع بطريقة البطة ايه البرود ده

ههههههههههههههههههههههه
اولا هما مش خايفين علي روحهم
وغير كده طالما حضرتك علي السرعه القانونيه وهما بينهم وبين النفق اقل من 500 متر يبقي انتي قانونا معليكيش اي لوم
ثانيا حضرتك بتعدي البني ادم من وراه
مش من قدامه
الناس اللي بتفهم بتتسمر علي الخط الابيض طالما وقف يبقي انتي تعدي عادي في حارتك بس ترعشيله نور علشان يفهم ويفضل واقف ولو حتعديه تهدي وتشاوريله
وتولع انتظار العربيه علشان ممكن اللي وراكي ميكونش شايف اللي بيعدي وياخد منك غرزه يطيره من علي الارض
كمان المفروض انك طالما في الحاره الوسطي فتبقي مركزه علي الطريق من بعيد
وتشوفي كل حاجه بتحصل فيه
ناس بتعدي- حد بيقع من علي موتوسيكل -حد بيجري -اتنين بيعدوا وواحد فيهم قدم والتاني رجع
وانصحك طالما لسه بتسوقي جديد متزوديش سرعتك لحد ما تتعودي علي الطريق والسواقه كويس
لان الغلطه مش شرط تكون غلطتك

[haitham83]

انا هقولك على حاجات
اولا عمرك ما تاخدى يمينك على الكورنيش لان المشاريع و التكسجية هيكسرو عليكى بالهبل

ثانيا و متزعليش منى الكثير من سواقين المشاريع و اصحاب الجرى و الشد بيبصوا للماروتى على انها نملة ماشيه معاهم ( علما بانى بحب الماروتى )

ثالثا و دة الاهم فى ناس كتييييييييير اوى بيحسو ان نزل يسوق فى الكورنيش يبقى نزل يسوق فى الرالى و لازم يكسب

خدى الحارة اللى قبل اليمين و امشى براحتك 60 مثلا و لو لقيه واحد جارى و بيرعشلك و زمامير ادى انتظار و كملى براحتك هو هيعديكى

بس كدة

[power]

بصي انامن اسكندريه اولا موضوع ان انتى بتخافي تزودي عن 70 دي كلها شهرين تلاته وتبقي من الماضي موضوع السرعه علي البحر هو المفروض الرسمى ان السرعه القصوي 60 بس من العلاف ان السرعه في حدود من 80-100 دي كده بينا وبين بعضينا ده طبعا للمناطق الواسعه يعنى من اول سيدي جابر لحد لوران كده فلو انتى بالتدريج تذودي السرعه من 70الي75 وبعد كده من 75 الي 80 حتبقي تمام اوي وبالنسبه للالتزام بالحارات هو بيبقي حسب حاله الطريق والزحمه وعايز اقولك نصيه كمان خلي بالك من الناس اللي بتبقي جايه من اليوتيرنات عايزه تقطع الطرق علشان تدخل اي شارع هما كلهم اربع خمس يوتيرنات ياريت تحفظيهم حيفيدوكي كتير طبعا اهمهم اللي بعد مكتبه الاسكندريه علشان معظم اللي بيلف بيبقي عايز يدخل يمين من شارع قناه السويس

[amr.elsayed]

هما كلهم اربع خمس يوتيرنات ياريت تحفظيهم حيفيدوكي كتير طبعا اهمهم اللي بعد مكتبه الاسكندريه علشان معظم اللي بيلف بيبقي عايز يدخل يمين من شارع قناه السويس

يو تيرن مهزلة بالذات لو داخل شارع قناة السويس تحس ان العربيات كلها جاية حتدخل فيك
بالنسبة لسرعة 70 ك/س على الكورنيش انا شايف انها سرعة طبيعية لو ماشية فى الحارة اللى
فى النص واللى مش عجبو وعمال يرعش نور ويزمر يضرب دماغو فى الحيطة وذى ما الاستاذ
شنورى قالك اللى عايز يتخطاكى يتفضل من الشمال
وبصراحة كدة انا حاسس انها معكسات عشان السرعة دى عادية جدا بالذات ان احنا فى الصيف
والدنيا زحمة اصلا ومتستعجليش نفسك وتمشى على سرعات عالية فى الاول
لحد ما تتمكنى من العربية
وكل سنة وانتم جميعا طيبين ورمضان كريم وربنا يستر طريقنا جميعا

[bassam266]

السلام عليكم
انا بقالى حوالى شهر بس باسوق وطبعا فى الاول كانت العربيات بتدى كلكس من وراييا عشان البطء وكده
بس برضه دلوقت لما بسرع العربيات بتتخطانى على الكورنيش انا عايزة اعرف هما بيسوقو على كام يعنى انا موش ممكن ازود بصراحة عن 70 ابدا وابويا كمان بيسوق ابطأ بس ماحدش بيعمل كده معاه هل انا كده معطلة الطريق ؟؟؟؟؟؟؟

بصى هى 70 على البحر دى معقوله بس حاولى متبقيش ماشيه فى نص الطريق يعنى خليكى فى تانى او تالت حاره من اليمين لحد ما تتعودى على العربيه و الطريق لان معظم اللى بيمشى على البحر من 80-120 و انا كده برضه.

اما موضوع الكلكسات ففي بعض الحالات هما بيبقوا معاهم حق لو عملتي احد الحالات التالية :

1- مشيه بين حارتين (يعني الخط المنقط بيمر من منتصف السيارة و في الحالة دي الراجل بيبقي مش عارف يعدي من يمينك و لا شمالك
2- سرعتك منخفضة و توجد سيارة اخري بسرعة منخفض ايضاً و كلاً منكم يشغل حارة بمفرده
3- نسيتي الإشارة شغاله و الراجل عايز يعدي فبينبهك
4- واحد مستعجل لأي ظرف (بتحصل اكيد معانا كلنا كأن يكون هناك مريض مثلاً )

و كمان ممكن يكون حاول يتخطاكى كذا مره بس انتى كنتى بترمى عليه من غير ما تقصدى يعنى عربيه عدت جنبك فا رميتى عليه او كدا انا بتحصل معايا كتير و خصوصا اما تكون اللى سايقه بنت علشان بيتلخمو من اقل حاجه تعدى جنبهم

طيب سؤال تانى انا لما بلف فى الملفات الكبيرة موش اليوتيرن دورانات الكورنيش دى باحس ان العربية موش ثابتة شوية هى ماروتى مع ان سرعتى موش عالية بس انا بكون على الرابع هو المفروض انزل غيار ولا اهدى شوية وخلاص ؟؟؟؟؟؟

لاحظى ان الماروتى اساسا عربيه مش ثابته و ده عن تجربه علشان كده تحاولى تهدى خالص فى الملفات يعنى مثلا ملف سيدى جابر تخديه على 40-50 بالكتير و الملفات بتاعه ميامى على 50-60 و ملف مكتبه اسكندريه 40 بالكتير علشان ملف ضيق و رخم و طبعا الغيار بيبقى على حسب السرعه يعنى يا اما التالت يا اما الرابع و بالنسبه لليوتيرن تحاولى تحضنى من قبله بشويه و طبعا تدى اشاره علشان متتزنقيش فى اخر حته قبل اليو تيرن

الطرق الواسعة زى لوران مثلا (يا ريت حد من اسكندرية هنا هايفهمنى ) كل الناس موش ملتزمة بالحارات بتاعتها والخطوط ولا كانها موجودة اصلا

لوران اساسا منطقه مقرفه علشان فيها مداخل ياما زى المدخل اللى بيطلع على ثروت و هدى شعراوى فا كله بيبقى مثلا فى اقصى اليسار و يفتكر فى اخر لحظه انه عايز يدخل هدى شعراوى مثلا فا يكسر يمين و خلاص و برضه فى ناس بتدخل الشوارع ديه من تانى او تالت حاره منتهى التخلف بصراحه و كل ده كوم و التونايات السوزوكى بتاعه المنشيه الساعه كوم تانى فا خلى بالك فى الحته ديه و امشى فى اقصى الشمال بسرعه معقوله علشان تتفادى كل ده .

طبعا ده غير الملف بتاع الاقبال محدش بيلتزم بحارات عموما فى الملفات يعنى حسب السرعه اللى داخل بيها الملف حيخده فى حاره او اتنين او تلاته. انا باخد ملف سيدى جابر الفجر على 140-130 فى السبع حارات .

ايوه السرعة دى كام بقى؟؟؟؟؟ فى المناطق دى افيدونى يفيدكم الله مهما اسرع يزمروا وانا بصراحة موش حاسة ان العربية تستحمل السرعة دى وبخاف

مش معنى ان واحد ادالك كلاكس او قلبلك نور انك تجرى بالعكس انا اما حد بيعمل كده وشغال كلاكسات و نور و بتاع بديله انتظار و اهدى و افتحله الشمال عايز يعدى يعدى مش عايز هو حر زودها بقى بقف فى نص الشارع و انزل اديله الطريحه التمام و اخد بعضى و امشى و يولع هو انا مالى.

لما تلاقى قدامك واحدة بتعدى الشارع ( وحط تحت واحدة مؤنث 10 خطوط ) بتعمل ايه طبعا بنفرمل بس نقف ولا نتحرك نفاديها (زى الغرزة يعنى ) التصرف اللى يقلل التلفيات ودى روح لازم نحافظ عليها انا موش عارفة حصلت مرة واحدة والحمد لله ستر ومشت
بصراحة الستات بيعدو الشارع بطريقة البطة ايه البرود ده

اولا هما مش خايفين علي روحهم
وغير كده طالما حضرتك علي السرعه القانونيه وهما بينهم وبين النفق اقل من 500 متر يبقي انتي قانونا معليكيش اي لوم
ثانيا حضرتك بتعدي البني ادم من وراه
مش من قدامه
الناس اللي بتفهم بتتسمر علي الخط الابيض طالما وقف يبقي انتي تعدي عادي في حارتك بس ترعشيله نور علشان يفهم ويفضل واقف ولو حتعديه تهدي وتشاوريله
وتولع انتظار العربيه علشان ممكن اللي وراكي ميكونش شايف اللي بيعدي وياخد منك غرزه يطيره من علي الارض
كمان المفروض انك طالما في الحاره الوسطي فتبقي مركزه علي الطريق من بعيد
وتشوفي كل حاجه بتحصل فيه
ناس بتعدي- حد بيقع من علي موتوسيكل -حد بيجري -اتنين بيعدوا وواحد فيهم قدم والتاني رجع
وانصحك طالما لسه بتسوقي جديد متزوديش سرعتك لحد ما تتعودي علي الطريق والسواقه كويس
لان الغلطه مش شرط تكون غلطتك

اتمنى انى اكون افدتك.

[remomemo]

[/COLOR]

مش معنى ان واحد ادالك كلاكس او قلبلك نور انك تجرى بالعكس انا اما حد بيعمل كده وشغال كلاكسات و نور و بتاع بديله انتظار و اهدى و افتحله الشمال عايز يعدى يعدى مش عايز هو حر زودها بقى بقف فى نص الشارع و انزل اديله الطريحه التمام و اخد بعضى و امشى و يولع هو انا مالى.





اتمنى انى اكون افدتك.

يانهار ابيض انت عايزنى انزله اديله الطريحة لا يمكن ههههههههههههههههههه

انا بشكركم بجد على الردود المفيدة دى وبجد استاذ بسام انا استفدت من ردك بس الطريحة دى جامدة شوية عليا انا كبيرى اجرى انا اكتر حاجة تهمنى انى اسوق كويس وماحدش يبقى سايق ورايا ويقول افففففف بقى واحدة ست

[bassam266]

يانهار ابيض انت عايزنى انزله اديله الطريحة لا يمكن ههههههههههههههههههه

انا بشكركم بجد على الردود المفيدة دى وبجد استاذ بسام انا استفدت من ردك بس الطريحة دى جامدة شوية عليا انا كبيرى اجرى انا اكتر حاجة تهمنى انى اسوق كويس وماحدش يبقى سايق ورايا ويقول افففففف بقى واحدة ست

لا و الله ممكن انا اعرف واحده واحد حب بس يغلس عليها و فضل يرخم و يرخم و هى سايقه اديتله انتظار و ركنت على جنب وقف وراها قامت نازلاله و كانت لابسه سابوه كعبه عالى نزلت و قلعت السابوه و مسابتش حته فى ازاز عربيته سليمه اللى قدام و اللى ورا و الاربع ابواب و ركبت عربيتها و مشت وسط ذهول الماره و صاحب العربيه.
و متستعجليش على السواقه واحده واحده حتلاقى نفسك 100 100 اما تحفظى العربيه و الطريق متستعجليش :) .

[remomemo]

لا و الله ممكن انا اعرف واحده واحد حب بس يغلس عليها و فضل يرخم و يرخم و هى سايقه اديتله انتظار و ركنت على جنب وقف وراها قامت نازلاله و كانت لابسه سابوه كعبه عالى نزلت و قلعت السابوه و مسابتش حته فى ازاز عربيته سليمه اللى قدام و اللى ورا و الاربع ابواب و ركبت عربيتها و مشت وسط ذهول الماره و صاحب العربيه.
و متستعجليش على السواقه واحده واحده حتلاقى نفسك 100 100 اما تحفظى العربيه و الطريق متستعجليش :) .

لا ده اكيد كان واحد سافل ربنا يبعدهم عننا
انا الحمد لله موش باتعاكس وانا سايقة وواحد زى ده كان لازم يتربى بس انا بصراحة حتى لو مكانها برضه هامشى اخاف من الاحتكاك مع واحد زى كده ممكن جدا يقبل ما الحق اكسر حاجة
وكمان بنسبة 90% الناس هايغلطونى دلوقتى اللى بتتعاكس بتبقى هى الغلطانة حتى لو محترمة

[mohamed777]

مش عارف لية الناس بتمشى بسرعة فعلاً انا بشتكى من الحكاية دى بالظبط