هو ايه النيتروجين ده ؟؟

[alfa_we]

انا كمان بستخدم اليتروجين زى الفل بصراحة
احلى ميزة فيه انك مش كل اسبوع هاتروح تزبط الفرد
بنساه بمعنى ادق
ميزة تانية انك لو مشيت فترة طويلة مش هاتلاقيه بيسخن
ميزة نالتة بيحافظ على الكاوتش دا كلام الراجل الى بتعامل معا ه

[Hegazio]

الراجل معاه ابتدائيه و قدر يقنعك بالمميزات العلمية العظيمة دي كلها!!
طب ماهي مكتوبة علي يافطه عند كل بتوع الكاوتش .. و للأسف..اشتغالات

[alfa_we]

انا مش هاروح اناسبه عشان يكون معاه ابتدائية او فوزية
انا بتكلم على حاجة انا حاسس بيها

[Hegazio]

يا سيدي طالما حاسس بيها و مبسوط يبقي ألف مبروك..
احنا بس حبينا نخدم

[Amr Mohamed]

lolz على فكره جامده قوى الحوارات دى كل واحد مقتنع بالحاجه اللى فى دماغو وايه 100% صح عاملين بالظبط زى دايو و هيونداى وكده كل واحد بيقول على عربيتو احسن عربيه فى الفءه بتاعتها وكامن بخصوص حوار الهنود ده انا عار طبعا انهم بيعملو حاجات كتير بس انا قصدى انهم يعنى بيعبدو البقر فيستاهلو صراحه ضرب المثل بيهم فى الغباء

[Hegazio]

lolz على فكره جامده قوى الحوارات دى كل واحد مقتنع بالحاجه اللى فى دماغو وايه 100% صح عاملين بالظبط زى دايو و هيونداى وكده كل واحد بيقول على عربيتو احسن عربيه فى الفءه بتاعتها وكامن بخصوص حوار الهنود ده انا عار طبعا انهم بيعملو حاجات كتير بس انا قصدى انهم يعنى بيعبدو البقر فيستاهلو صراحه ضرب المثل بيهم فى الغباء

مش كده و الله !!
يا عم انصح صاحبك مرتين و بعدين ضله
بالنسبة ااهنود انا عارف قصدك طبعا يا جميل .. بس كنت عاوز اقول عن مدي تقدمهم و تفانيهم للعمل بعد عشرة 5 سنين معاهم
و علي فكرة فيه نسبة بس منهم هم اللي بيعتبروا البقر مقدس ( مش بيعبدوه ) و مؤخرا الحكومة بتدبح البقر و تصدره عادي جدا

[kasten]

الأخوان الكرام
النيتروجين أخف في الكثافة من الأوكسجين و ثاني أوكسيد الكربون
و بالتالي فهو المفروض يحسن من أداء العربية عن طريق تخفيف وزن الاطار ككل و تقليل سخونته
و لكن اشتغالااااااااااااااااااااااااااااااات
الهواء العادي ( اللي انت بتملاه ) يحتوي علي 80 % نيتروجين أصلا
النيتروجين اللي انت بتعبيه ( لو كانت المكنه سليمة ) مش نقي .. ده بطريقة المرور المركز السريع و يعطي نقاوه 90 - 95 %
يعني انت في النهاية بتزود 10 % نيتروجين .. حينقصو وزن كاوتشنا المتواضع ال 15 - 16 بوصه تحت ضغط 28 - 30 بتاع 10 جرام
يعني أقل من زلطه اتحشرت بين الكاوتش !!!
علي عكس كاوتش الفورميولا 1
و بالشفا .. لكل واحد دفع ال 20 جند في اشتغالة النيتروجين .. و واظب علي العلاج 3 مرات بعد الأكل

الراجل ده بيقول كلام زى الفل

[Hegazio]

الراجل ده بيقول كلام زى الفل

متشكرين يا برنس .. كلك ذوق

[Marwanelbendary]

الأخوان الكرام
النيتروجين أخف في الكثافة من الأوكسجين و ثاني أوكسيد الكربون
و بالتالي فهو المفروض يحسن من أداء العربية عن طريق تخفيف وزن الاطار ككل و تقليل سخونته
و لكن اشتغالااااااااااااااااااااااااااااااات
الهواء العادي ( اللي انت بتملاه ) يحتوي علي 80 % نيتروجين أصلا
النيتروجين اللي انت بتعبيه ( لو كانت المكنه سليمة ) مش نقي .. ده بطريقة المرور المركز السريع و يعطي نقاوه 90 - 95 %
يعني انت في النهاية بتزود 10 % نيتروجين .. حينقصو وزن كاوتشنا المتواضع ال 15 - 16 بوصه تحت ضغط 28 - 30 بتاع 10 جرام
يعني أقل من زلطه اتحشرت بين الكاوتش !!!
علي عكس كاوتش الفورميولا 1
و بالشفا .. لكل واحد دفع ال 20 جند في اشتغالة النيتروجين .. و واظب علي العلاج 3 مرات بعد الأكل

أنا معاك وتمام الله ينور
بس الفايدة من النيتروجين يا جماعة مش أي حاجة غير انه هواء نقي لا يحتوي على غازات وأبخرة وأحيانا قطرات مياه صغيرة جدا

مما يؤدي الى زيادة الضغط في الاطار عند تعرضه للحرارة العالية عند القيادة وخصوصا لمسافات طويلة, سرعات عالية وأجواء حارة

زيادة الضغط تكون بشكل عشوائي في كل اطار على حده على حسب كم الأبخرة الموجودة في الهواء بداخل كل اطار مما يؤدي الى الاحساس بتفاصيل الطريق نتيجة زيادة الضغط في الاطار...

وأيضا يؤدي الى الاحساس بعدم الثبات في السرعات العالية وقلة القدرة على التحكم في السيارة لاختلاف Gyroscopic Motion Parameters
ودي بصراحة مش عارف هاشرحلكوا ازاي؟؟؟

وتتكون الأبخرة Condensate الموجودة في الهواء
نتيجة ان كباس الهواء(الي هو ال Compressor) بيسحب هواء عادي من الجو (ألا وهو به نسبة لا بأس بها من الرطوبة High Humidity Percentage Level) ويتم ضغطه بواسطة كباس الهواء.

يدخل الهواء الى الكباس اللي فكرته عامله زي موتور العربية ويكتسب حرارة عالية ناتجة من الكباس ومن ثم يتم طرد الهواء المضغوط الساخن الى الهواء الخارجي ليبرد فجأة فتتكثف الأبخرة و يكون الناتج هواء مضغوط محمل بأبخرة وقطرات مائية صغيرة جدا.

ولعلاج هذه الظاهرة في المصانع
يتم تركب Strainer ليترسب فيه قطرات الماء هذه ويكون الناتج هواء شبه جاف أكثر

ولاثبات كلامي لحضرتك جرب حط هواء من عند أي واحد بتاع كاوتش و تعالى بعد 250 كيلومتر قيس عند نفس الراجل
لو كنت نافخ الكاوتش كله على 30 PSI
هاتلاقي بعد كده كل واحدة عايشة في وادي
يعني واحدة 33 وواحدة 36 وهكذا

وعلشان تتأكد ان لما الضغط بيكون موحد في الأربعة اطارات بيأثر في ثبات السيارة
برجاء الاتجاه الى محطة امارات مصر اللي على الصحراوي عند البوابة لأني ماعرفش غيرها في القاهرة لأن عندهم Self adjusting system بالهواء برضه و هايديلك الأربعة زي بعض بالظبط و جرب العربية هاتلاقيها حاجة تانية من حيث الثبات

وبعد كده جرب اطلع اسكندرية أو الساحل مثلا وقيسه عند أي حد هاتلاقيه متغير برضه

أما بالنسبة للنيتروجين لو حاضرتك حاطيته هاتشوف بنفسك الضغط في الاطارات لم يتغير ولا بعد ألف كيلو حتى....!!
وده ينفع الناس اللي بتسافر كتير زي حالاتي...
مما يضمن عدم تغير أداء السيارة بناءا على استخدامها

وعلى فكرة واظب علي العلاج 3 مرات بعد الأكل

وشكرا...
مهندس/ مروان البنداري

[ahmed1981]

موضوع خلافي جداً
وكان لي فيه رأي مع الإحترام الكامل لكل الآراء الأخرى

إليك هذا الرأي:

http://www.nilemotors.net/Nile/49376-a.html

[Marwanelbendary]

موضوع خلافي جداً
وكان لي فيه رأي مع الإحترام الكامل لكل الآراء الأخرى

إليك هذا الرأي:
http://www.nilemotors.net/Nile/49376-a.html

صباح الخير يا هندسة
أنا قرأت موضوعك بخصوص النيتروجين واسمحلي أقتبس جزء منه ألا وهو :

- 2 - ضغط ثابت مع تغير درجة الحرارة ؟؟!!!
وهذا كلام مخالف للعقل
والقانون العام للغازات يقول pv=rt
فلابد من تغير الضغط مع تغير درجة الحرارة لأن حجم الكاوتش او الإطار ثابت

كلامك مظبوط ألف في الميه
مع تصحيح بسيط في المعادلة PV=mrt
بحيث أن الP هو الضغط
و V هو الحجم
و m هو الوزن الجزيئي
و r ثابت
و t درجة الحرارة

والنيتروجين ضغطه بيتغير فعلا بس بنسبة بسيطة جدا تكاد تكون غير ملحوظة بالنسبة لحساسية Sensitivity جهاز القياس التقليدي المتعارف عليه وهو الموجود عند أي واحد بتاع كاوتش

وأيضا بالنسبة لمسافة الكيلومترات المقطوعة بالاطار اللي بتساعد على تغيير ظروف الضغط ودرجات الحرارة وهو مضغوط نيتروجين.

The rate of pressure variation of the air inside the tier, depend on how much kilometers have been traveled with the tier.
So, as much as the car travels as the air pressure inside the tier increases.
In the case of of pure dry air (Nitrogen) tier filled, the pressure increases also, but not as much as normal unpurified compressed air........x

أما بالنسبة لكلامي انه مابيتغرش ولو بعد ألف كيلومتر حتى فده علشان نبسط الموضوع على أذهان الناس لأن مش كلهم درسوا أسس هندسية.

وماتنساش ان الاطار بيسخن مش بس نتيجة درجة حرارة الجو والأسفلت بس برضه بسخن نتيجة الاحتكاك الناتج من الفرامل

وهي دي الحكمة من ان الاطار لونه اسود و الطريق أسفلت أسود (Heat Dissipation) علشان يساعدو على امتصاص الحرارة من التيل ومنه الى الطنابير لتفقد جزء كبير من حرارتها ومنه الى الكاوتش ومنه الى الشارع
يعني الجنط والكاوتش بيشتغلوا كمبادل حراري Heat Exchanger

[Hegazio]

يا جماعة كل الكلام الحلو ده أكيد فيه فرق .. بس علي أرض الواقع و تحليل النتائج العملية فيه حاجة اسمها

يعني زي ما قلت في أول مشاركة ليا في الموضوع قلت أيوة فيه فرق بس مش ملحوظ إطلاقا !!
انتو ليه عاوزين تقولو ان النيتروجين احسن من الأوكسجين علي الرغم من إننا بنحط هوا يحتوي علي 79% نيتروجين ؟!
ليه بتقولو ان النيتروجين اللي بتعبيه عند بتاع الكاوتش نقي نقاوة المعامل .. و هو بالكتير 95 % نيتروجين ؟!
ليه بتقولو ان الفرق بين النيتروجين في الضغط و التمدد فظيع علي الرغم من الفرق ( n Coeffecient of heat ) فقط 3% ؟!
ليه ناسيين العامل النفسي للموضوع اللي موجود حتي لو ضحكت علي واحد بما يسمي علميا بال Placebo ؟!
.
انتم أحرار بقي .. عموما هو ما يضرش .. و فيه منه نفع .. هه .. ما تزعلوش .. احنا بس حبينا نوضح انه نفع مش محسوس
بس واضح ان فيه ناس حساسة بتلاحظة مش عارف إزاي .. دول بقي أنصحهم بالنيتروجين باستمرار
Insignificant Difference of pK ratio

[Marwanelbendary]

بس واضح ان فيه ناس حساسة بتلاحظة مش عارف إزاي

Good for you

وما تنساش

واظب علي العلاج 3 مرات بعد الأكل

[Hegazio]

Good for you

Exactly

و ما تنساش .. 3 مرات بعد الأكل

لأ .. دي للي حيتحطله نيتروجين .. انا صايم عن الحاجات دي الحمد لله

[Marwanelbendary]

يا جماعة كل الكلام الحلو ده أكيد فيه فرق .. بس علي أرض الواقع و تحليل النتائج العملية فيه حاجة اسمها

يعني زي ما قلت في أول مشاركة ليا في الموضوع قلت أيوة فيه فرق بس مش ملحوظ إطلاقا !!
انتو ليه عاوزين تقولو ان النيتروجين احسن من الأوكسجين علي الرغم من إننا بنحط هوا يحتوي علي 79% نيتروجين ؟!
ليه بتقولو ان النيتروجين اللي بتعبيه عند بتاع الكاوتش نقي نقاوة المعامل .. و هو بالكتير 95 % نيتروجين ؟!
ليه بتقولو ان الفرق بين النيتروجين في الضغط و التمدد فظيع علي الرغم من الفرق ( n Coeffecient of heat ) فقط 3% ؟!
ليه ناسيين العامل النفسي للموضوع اللي موجود حتي لو ضحكت علي واحد بما يسمي علميا بال Placebo ؟!
.
انتم أحرار بقي .. عموما هو ما يضرش .. و فيه منه نفع .. هه .. ما تزعلوش .. احنا بس حبينا نوضح انه نفع مش محسوس
بس واضح ان فيه ناس حساسة بتلاحظة مش عارف إزاي .. دول بقي أنصحهم بالنيتروجين باستمرار
Insignificant Difference of pK ratio

والله ما جاليش قلب اني ما اشرحلكش
بص
الكلام اللي انت بتقوله سلييييييييييييييييييييييييييييييييييم
بس احنا دلوقتي مابنتكلمش عن هواء عادي ولا نيتروجين
انا بتكلم عن Water ....... Percentage
اللي هي موجودة في الهواء المنقى (النيتروجين) بنسبة أقل بكتير من الهواء الجوي المضغوط العادي
اللي بدورها بتتحول الى Vapor عند زيادة درجة الحرارة ممايساعد على زيادة ضغط الكاوتش

وحاول تتقبل المعلومة من حد غيرك وما تعملش زي المصريين لأني باتكلم من وجهة نظر هندسية تطبيقية
وانت بتتكلم من وجهة نظر أكاديمية كيميائية صحيحة
بس مع اعتذاري مش اللي انت بتقولوه هو الهدف من الهواء المنقى اللي بيتقال عليه نيتروجين

Maintenance Planning & Scheduling Engineer

BMW Science Club Member (Germany)

Marwan Elbendary