كيفية أستنزاف الهواء من دايرة الباور الهيدروليكى

[samirayad]

أنا مقيم بالأسماعيليه
يا أستاذ /على
ممكن تكتب محل أقامتك
على أساس أى زميل فى نطاق أقامتك يدلك على عفشجى أو ميكانيكى كويس

[Ali_Abdelhamid]

انا ساكن فى وسط البلد ... عابدين
على فكره انا ممكن أروح اى مكان بس احل هذه المشكله

[hoda9999]

اولا شكرا جزيلا يا باش مهندس سمير

ثانيا :
انا ما عملت اى شغل فى العفشه خالص غير كل فتره بعمل تربيط فقط للعفشه
أنا ما كشفت على بيض الدركسيون ولا اطمنت عليه
الأطارات جديده 4 فرد بريدجستون جداد (فبراير 2009) والضعط على 30 من عند بريدجستون اللى فى بنزينه كالتكس
انا بظبط زوايا عند بريدجستون اللى فى بنزينه كالتكس أخر شارع عباس العقاد وطبعا ترصيص وروتيشن كل 10 الاف

لا يوجد تزيقه أثناء تحريك الديكسيون يمينا ويسارا

ملاحظات
لايوجد عومان حتى مع السرعه العاليه
لايوجد صوت للترمبه اثناء التوجيه ... ولا جنب أتقل من جنب

الملاحظه الوحيده هيا الصبح بيبقى البور جميل جدا زى اى عربيه فيها بور .. لاكن بعد فتره يتقل جدا

بالظبط نفس المشكلة بس عندى صوت همهمة كمان وبيزيد مع الضغط على دواسة البنزين سيارا سينا 1400

[hoda9999]

انا خايف بعد لما اغير الترونبا ططلع المشكلة فى السكاتر دة الى مش فاهم حاجة في لان الباور عندى بردو بيبقى زى الفل الصبح ولكن بيتقل مع المشى لفترة وبتبان لما اجى اركن تانى حاجة عندى همهمة فى ترونبا الباور بتزيد مع تزويد البنزيد او لف الطارة للاخر مع تزويد البنزين تحس ان صوت الهمهة قوى اوى ولما فتحت الكابوت لاءت صوت الهمهمة من الترونبة بتاعة الباور بس الى مدايقنى اكتر التقل الى فى التارة الصوت مش مهم لانى مشغل كاسيت فيريت بس توضح اية السكاتر دة لان على الرغم من الهمهمة الترونبة بتبقى مية الصبح ولكن بتخف بعد كدا مما يعنى ان الترونبة سليمة الى حد ما والعيب مش فيها ارجوالمساعدة واروح لمين يكون فاهم كويس

[Ali_Abdelhamid]

انا بردو خايف أغير الطرمبة وتكن المشكله من الاسكاترا
مش عارف أعمل أيه ؟؟؟
يا ريت يا باشمهندس احمد تقولنا نعمل أيه

[samirayad]

الصراحه عندكم حق
وأنا حاسس بيكم
وممكن تكون المشكله دى طلمبه برضه
على أساس مع سخونة الزيت بتاع الباور بتقل لزوجته
وبالتالى بتقل كفاءة الطلمبه
وأوعدكم حفكر تانى فى الموضوع
ونشوف حل علشان نعرف العيب فين
أسكترا ولا طلمبه .............
وأزاى نفصل العيب عن واحده منهما

[samirayad]

للأسف مفيش قدامنا لمعرفة كفاءة الطلمبه
الا من خلال الخطوات دى
دى من كتالوج الدايو
بس الفكره واحده طبعا مع أى طلمبة باور وبتتشابه الطريقه الى حد كبير

Test Procedure
1. Check the power steering fluid level and the power
steering pump belt tension. Refer to”Checking and
Adding Fluid” in this section andSection 6B, Power
Steering Pump.
2. Disconnect the high pressure line at the pump. Use
a small container to catch any fluid.
3. Connect the hose of the pressure test gauge kit
KM–354–B to the power steering pressure hose
from the power steering pump.
4. Place the gear selector lever in PARK (automatic
transaxle–equipped vehicles) or NEUTRAL (manual
transaxle–equipped vehicles). Set the parking
brake.
5. Open the gauge valve fully.
6. Start the engine and let it idle.
7. Turn the steering wheel from lock–to–lock several
times to warm the fluid to operating temperature.
8. Increase the engine speed to 1,500 rpm.

Notice :

The power steering pump could be damaged if

the valve is fully closed for more than five seconds.
1. Close the gauge valve fully, and read the pressure.
The pump pressure with the valve closed should be
between 7 088 kPa to 8 619 kPa (1,028 psi to
1,250 psi).
2. Immediately open the gauge valve fully.
3. Turn the steering wheel all the way to the left and
the right. If the pressure is within the specified limits,
the problem is not in the pump. Check the power

steering gear for leaks

[Ali_Abdelhamid]

باشمهندس سمير
معلش ممكن تترجم لنا الكلام ده واحنا نحاول نعمله

[samirayad]

شوف يا أستاذ : على
المشكله مش فى ترجمة الكلام ....القصه كلها فى حساسية الأختبار وكفاءة تنفيذه
والتجهيزات المطلوبه لأجراء الأختبار

على العموم المؤلف بيقول فى بداية كلامه
أتأكد أولا من منسوب الزيت فى تنك الباور وكفاءة شد سير الطلمبه

ولكى يتم أختبار الطلمبه ....عليك بالأتى
1- أفصل خرطوم طرد الطلمبه (وده الخرطوم الرفيع اللى رايح للبلف الدوار اللى داخل علبة الدركسيون )
2- عند فصل الخرطوم من على طرد الطلمبه (ضع الخرطوم فى أناء نظيف لتجميع أى زيت موجود فى الخرطوم )
3- حنبدأ بأه نحط عداد ضغط وبعده محبس أو بلف (تجهيزه معينه كأداة أختبار ) وممكن توفيرها بتوضيب معين
4- حنحط عداد الضغط ده بالبلف اللى بعده بين الطلمبه وخرطوم الطرد (فى المكان اللى فصلنا من عنده قبل كده )
5- فى حالة السياره المزوده بفتيس أوتو (حنحط السيلكتور على الوضع p )
وفى حالة الفتيس العادى حنحط عصاية الفتيس على الوضع (مور )
وبعد كده حنشد فرامل اليد
6- حدور المكنه بعد التجميعه دى وبأه عندنا بلف الضغط والعداد راكبين فى دايرة الباور
وتسيب المكنه على السلانسيه لحين أستقرار سرعة السلانسيه
7- حتلف الدركسيون يمين وشمال (حتى نهاية المشوار ) لرفع حرارة زيت الباور ...العديد من المرات
8- بعد ذلك ستقوم بتزويد سرعة المكنه الى 1500 لفه /ق

وكملحوظه قبل الخطوه القادمه

قبل ماتقفل البلف اللى بعد العداد (اللى ركبناهم على طرد الطلمبه )
بيقولك أيه وبينبهنا
لو قفلت البلف أكتر من 5 ثوانى .....ممكن تبوظ الطلمبه

--------------------------------
نرجع نكمل باقى الخطوات

9- والمكنه شغاله على آخر وضع كنا عنده
حتففل البلف (اللى بعد عداد الضغط ) وتقرأ قيمة الضغط فى لحظه سريعه (قبل موضوع ال5 ثوانى اللى قولنا عليه )

10- أذا كانت قيمة الضغط تقع بين 7.088 الى 8.719 كيلو باسكال
أفتح البلف على طول ( زى مانبهنا قبل كده للحفاظ على الطلمبه )

11- بعد كده حتلف الدركسيون على آخره لليمين والشمال (البلف مفتوح طبعا دلوقتى )
حتشوف قراية العداد براحتك (لأن مفيش خوف على الطلمبه دلوقتى )
لو كانت قراية العداد فى الحدود المذكوره من قبل
يبقلى الطلمبه تمام
وخش على الأسكترا

[Ali_Abdelhamid]

شكرا جزيلا يا باشمهندس سمير على تعبك معانا
طبعا احنا مش هاينفع نعمل الاختبار ده ... ولا هنلاقى ورشه او صنيعى يعمل الموضوع ده

يبقى كدا الاخر ... يبقى الحال كما هوا عليه

[samirayad]

أنت ممكن تتفق مع بائع بتاع قطع غيار أستيراد
ويكون جنبه صنايعى مثلا
بحيث تجرب طلمبه من عنده
تمام .....يبقى على البركه وأشترى وخلص
لسه المشكله موجوده
يبقى مفيش قدامنا غير الأسكترا

[ramyraby]

الله عليك
أستاذ .... أستاذ

[samirayad]

الله يخليك
يا أستاذ/ رامى

ومتشكر لزوقك

[أحمد علاء]

بارك الله فيك يا باشمهندس سمير وربنا يجازيك خير على نقل العلم ده والله
بنستفاد كتير من حضرتك
جزاكم الله خيرا

[samirayad]

ربنا يكرمك
يا أستاذ / أحمد

وشكرا ليك على هذا الثناء المبالغ فيه