مشكلة كرهتنى فى السواقة تمامااااااااااااااا

[crayvor]

ايه ده هو فيه مدرب سواقة؟
انا افتكر أول ما اتعلمت السواقة أخويا طلع العربية ع الكورنيش ووقف بيها علي جنب وركبني قالي اطلع...
وما ادراك ما كورنيش اسكندرية يوم الجمعة الصبح.. وأول مرة أسوق واللي ماشي بالراحة ماشي علي 80 90..
وصلت من بحري للمعمورة وجوة المعمورة اتعلمت كل حاجة ابعاد ازاي اتحكم ف تقليل السرعة عشان المطبات وازاي أغير نقلات اسرع وكدة..

مع كل احترامي بقي لكل من رد عليك...
أنا عندي ميعاد ف الشغل كمان ربع ساعة أو خلاص حاتأخر.. واللي جنبي عاوز يلحق مراته اللي كلمته انها تعبانة ف البيت وخايف يحصلها حاجة قبل ما يوصل.. والتاكسي اللي ورايا عاوز يلحق يلم لقمة عيشه عشان عنده 4 ولا 5 ولاد ومراته وامه وابوه بيصرف عليهم وكل جنيه بيفرق معاه.. والميكروباص اللي قدامي راجل بياخد الميكروباص 8 ساعات عمل فيهم 10 ادوار عمل فيهم دور واحد ف الآخر هو بيأجره بالوقت وعاوز يلم مكسبه (بعد ما يلم ايجاره اساسا وتمن البنزين)...

كل واحد فينا عنده ظروفه... ومع احترامي لحضرتك مش كلنا عندنا الصفاء النفسي اللي يخلينا نضحي بظروفنا لأننا حانضطر نمشي بسرعة 20كم/س عشان واحد قرر يتعلم السواقة ف نص الزحمة ف ساعة الذروة..


حضرتك ممكن تستحمل الفترة بتاعة الذروة ماتمشيش ف شوارع زحمة.. اصبر لغاية يوم جمعة أو أجازة رسمية وانزل الساعة 8 أو 9 ص.. اختار شارع بيبقي زحمة ف الأيام العادية.. الشارع فاضي الجمعة الصبح انا عارف وده المطلوب حاليا.. امشي بحرية واتمعن ف كل حتة ف الشارع رايح جاي مرتين.. احفظ التفاصيل وفين الدورانات والمطبات والحفر والاشارات.. امتي تاخد يمينك عشان الشمال جاي يو تيرن وامتي تاخد شمالك عشان اليمين شارع مخرج عربيات حاتضم عليك..

خلاص افتكرت واتعودت ع الشارع.. دور بقي علي قهوة واقعد ساعة اشربلك كباية شاي تفاحة دخن سيجارتين زي ما تحب.. ارجع تاني... الصلاه ناقص عليها ساعة والناس بدأت تنزل.. كويس.. خد لفتين كمان.. نفس اللي انت فاكره بس المرة دي علي حبة عربيات زيادة.. حتلاقي الموضوع مش صعب.. تمام؟؟ اطلع علي جامع صلي الجمعة وتوكل علي الله تاني.. بعد الصلاة بقي بربع ساعة وزحمة أهي بدأت والدنيا كلها هلت عليك.. خد لفتين كمان حتلاقي الموضوع مش صعب نهائي.. انت بقيت فاكر كل حاجة ف الشارع وكل اللي ناقص تركز فيه العربيات اللي حواليك فا التحكم بقي اسهل. شوية بشوية حتلاقي نفسك بتسوق عادي ف شوارع حتي أول مرة تشوفها. ماحدش طلع سواق من أول مرة قعد قدام دركسيون وماحدش بيطلع من لفل 5 للفل 100 ف نص ساعة. كل شيء بالتدريج واديله حقه حاتستريح وحاتحس انك ماشي صح.

ويبقي أحسن كمان لو كان الطريق اللي تجرب فيه هو طريقك من البيت للشغل رايح جاي.

تحياتي لك وربنا يديك خير عربيتك ويكفيك شرها ان شاء الله

[lion55]

نصيحه منى لا تاخذ بكلام الناس والسواقين ركز فى سواقتك انت وملاكش دوعواه بحد اللى عايز يعدى بس خليك انت يمين على طول واهم حاجه هى طالعه العربيه فى الزحمه يعنى الاولنى طول ما انت اتمكن منه والعربيه مبطلش منك خلاص وربنا يوفقك

[drcobra]

اقفل الازاز دايما

[ٍٍSara Khattab]

يا جماعة انا بتعلم السواقة
واخدت 6 ساعات وعرفت كل حاجة فى السواقة والراجل محترم جدا جدا جدا علمنى فى وقت قليل اوى وكان صبور عليا اوى الحمد لله وتعب معايا
ومعروف اوى فى المنطقة وعلم ناس كتير اوى فى حدايق القبة من ضمنهم اخويا فى تلات ايام لاقيناه بيسوق لوحده :d
اللى عكنن عليا وكرهنى فى السواقة وخلانى مش عايز اركب عربيات
لما خلانى امشي فى الزحمة للمرة التانية والاخر لاقيت كل واحد عامل فيها انه مولود سايق من بطن امه وعمال يدى فى كلاكسات واللى يشتم واللى يهزأ الراجل ويقوله ((انت رايح تعلمه فى الزحمة!!!)) واللى يقول (يلا يا حمار) دة غير بقة طايفة سواقين المكروباض والتكاتك (احقر خلق الله الا من رحم ربى)
واخر قلة ادب ومسخرة
وفيه قلة قليلة من الناس محترمين قليلين اوى خلونى اتشجع واستنونى اعدى وكانوا ناس محترمين وسقفولى كمان :d
المصيبة بقة انى ف الزحمة اتوترت والعربية بطلت منى كل شوية مع انى فاهم وكنت كويس. والمدرب قام قافل الازاز وقالى ولا يهمك وسيبك منهم ومتخافش
انا بسال بقة هتفضل قلة الادب دى موجودة لحد امتى انا نفسي اتسدت من السواقة وكل ما اقف ف زحمة الاقى الكل بيدى فى كلاكسات وزعيق وهمجية اقوم انا اتوتر ومعرفش اتعلم حاجة
ياريت تنصحونى بايه وازاى اتغلب على الرعب والقفل دة
وشكراااااااااا

اقولك على حاجه حلوه اووي؟؟ طز في الناس كلها ولا يفرقوا.. اقفل الإزاز و خليك مع نفسك اتعلم براحه و لا يهمك من حد
خليك جريء ومتخافش تركب العربيه لا تبطل منك وكل الكلام ده
انا اتعلمت السواقه على ماروتي في 3 ساعات و بعدين روحت بنوبيرا اوتوماتيك من حلوان لاكتوبر و العكس و فضلت فتره كبييييره يمكن سنتين بروح الجامعه من حلوان لاكتوبر رايح جاي بالنوبيرا و مره واحده العربيه احتاجت تتصلح و ركنتيها و نزلت اركب 128 اروح بيها الجامعه وطبعا كنت مقلقه جدا من الكباري و الوقفه و التقطيع وكل ده
اتشجعت و مشيت بالعربيه قطعت مني فعلا وانا رايحه مرتين او تلاته بس وانا راجعه كنت فاحته الطريق على 140 و غرز و كل اللي قلبك يحبه
اسمعها مني مره كمان.. طـــــــــــــز فــــــــــــــي الـــنــــــــــــــــــــــــــــاس
وصلت؟؟

[J A G U A R]

و نزلت اركب 128 اروح بيها الجامعه وطبعا كنت مقلقه جدا من الكباري و الوقفه و التقطيع وكل ده
اتشجعت و مشيت بالعربيه قطعت مني فعلا وانا رايحه مرتين او تلاته بس وانا راجعه كنت فاحته الطريق على 140 و غرز و كل اللي قلبك يحبه
؟

ما شاء الله
وده كله حصل بال 128 ..!!

[ٍٍSara Khattab]

ما شاء الله
وده كله حصل بال 128 ..!!

عاذراك بس عشان متعرفهاش
بتجيب 130 و وصلت معايا مره ل 140 و فظيعه بجد ع الطريق مش طبيعيه و ال acceleration بتاعها يجنن و ثابته جدا حاجه بجد تحفه
يلا.. هتوحشني والله

[ARKOON]

1- اتعود على العربية كويس ( لسه بتطفي منك ؟؟؟ )
2- الطريق والناس .
تبقى انتا والعربية واحد حاسس بيها وسامع صوتها وعارف امتى تنقل في غيارتها كل دا هيكون اوتوماتيك بينك وبين العربية . بعدين تبدأ تدخل وسط السيارات وتمشي بعد ما اتعودت على عربيتك وعلى ابعادها هتبقى كأنك ماشي على رجلك ورفارف العربية زي أكتافك . الموضوع عاوز ممارسة وتمرين كل يوم هتتعلم وهتفضل تتعلم مافيش حد بقى سواق الى هوا كل يوم في حاجة جديدة وتجربة جديدة وربنا يوفقك .

[J A G U A R]

عاذراك بس عشان متعرفهاش
بتجيب 130 و وصلت معايا مره ل 140 و فظيعه بجد ع الطريق مش طبيعيه و ال acceleration بتاعها يجنن و ثابته جدا حاجه بجد تحفه
يلا.. هتوحشني والله

مش حكايه اعرفها او معرفهاش
ال 128 قعدت معايا فتره وعارفها كويس وكنت بجيب بيها 130 وانزل على طول بس الacceleration كان ضعيف
المشكله ازاى امشى 130 او 140 وكمان غرز ب 128
حتى لو العربيه سليمه وكفيله بكده
BODY صغير وضعيف
BRAKE مش اللى هيا
handling على قده
وغيره ..
وصدقينى لو شويه مطبات هوا جامدين العربيه هاتعوم


انا عن نفسى معنديش مانع اخد ملف على 200 او 220 وغرز وكل حاجه بس المهم العربيه تكون قد كده وفيها وسائل الامان اللى تخلينى اعمل كده .. من الاخر ادى كل عربيه على قد امكانياتها

حاسس ان كلامى ممكن يضايقك بس قولت انصحك

[crayvor]

حاسس ان كلامى ممكن يضايقك بس قولت انصحك

معلش اعذر تدخلي ف نص كلامكم بس سؤال علي جنب

ايه علاقة الايموشن ده (تقريبا واحد بيتف بلغم أو بيرجع) بانك بتنصحها؟

[J A G U A R]

معلش اعذر تدخلي ف نص كلامكم بس سؤال علي جنب

ايه علاقة الايموشن ده (تقريبا واحد بيتف بلغم أو بيرجع) بانك بتنصحها؟ :u_thin1[1]:

هههههههههههههههه
يا عم بلاش قرف

انا لقيته قدامى حطيته بس مقصدش اللى بتقوله ده

وخد دول

صباح الفل

[crayvor]

هههههههههههههههه
يا عم بلاش قرف

انا لقيته قدامى حطيته بس مقصدش اللى بتقوله ده

وخد دول

صباح الفل

صباح العسل

[ٍٍSara Khattab]

مش حكايه اعرفها او معرفهاش
ال 128 قعدت معايا فتره وعارفها كويس وكنت بجيب بيها 130 وانزل على طول بس الacceleration كان ضعيف
المشكله ازاى امشى 130 او 140 وكمان غرز ب 128
حتى لو العربيه سليمه وكفيله بكده
BODY صغير وضعيف
BRAKE مش اللى هيا
handling على قده
وغيره ..
وصدقينى لو شويه مطبات هوا جامدين العربيه هاتعوم


انا عن نفسى معنديش مانع اخد ملف على 200 او 220 وغرز وكل حاجه بس المهم العربيه تكون قد كده وفيها وسائل الامان اللى تخلينى اعمل كده .. من الاخر ادى كل عربيه على قد امكانياتها

حاسس ان كلامى ممكن يضايقك بس قولت انصحك

يا عم اتضايق ايه بس؟؟ مناقشه دي ولا مش مناقشه؟؟
بص يا سيدي انا راكبه نوبيرا 2001 لو قارنت بينها وبين 128 يبقى ال acceleration بتاع النوبيرا بطه
ملوش وصف غير كده
انا قبل ما انزل المطب بكون في آخر الطريق و على فكره كان سحبها بيدايق عربيات حديثه من اللي حواليا لدرجه ان في مره ع الدائري واحد كسر عليا عشان يوقفني عشان يقولي هو ازاي اصلا كده؟!!!!
ده غير انها فعلا معاك حق خفيفه وال handling ع السرعات العاليه مش قد كده بس انا بقالي 3 سنين حلوان اكتوبر اكتوبر حلوان يعني ممكن اوصفلك الطريق بمطباته بموجاته بزلطه بترابه بسلطاته ببابا غنوجه يعني مفيش عندي دلوقتي اي فرصه اني ألبس في حاجه نهااائي.. الا لو كنت مسطوله بقى و ساعتها من نفسي هبقى هاديه ف السرعه
ده غير ان ال body اللي بتقول عليه صغير ده سبب أساسي في جمالها باخد غرز ورا تكاتك مش عربيات و أي زنقور ممكن اتزنقر فيه عادي
اهم حاجه الواحد يعرف قدرات عربيته 100% قبل ما يفكر يعمل اي حاجه عشان لو جالي موقف مفاجئ لازم اكون عارفه انهي تصرف من اللي هتصرفه هو اللي يمشي مع قدرات عربيتي

معلش اعذر تدخلي ف نص كلامكم بس سؤال علي جنب

ايه علاقة الايموشن ده (تقريبا واحد بيتف بلغم أو بيرجع) بانك بتنصحها؟

بغض النظر عن اني تقريبا رجعت ع الكيبورد فانت معاك حق والله يا فندم

هههههههههههههههه
يا عم بلاش قرف

انا لقيته قدامى حطيته بس مقصدش اللى بتقوله ده

وخد دول

صباح الفل

لاقيته قدامك فحطيته؟؟؟ ده عذرك يعني؟؟ يا أخي حرام عليك!!!!

[J A G U A R]

[QUOTE=ٍٍSara Khattab;3875799792]يا عم اتضايق ايه بس؟؟ مناقشه دي ولا مش مناقشه؟؟
بص يا سيدي انا راكبه نوبيرا 2001 لو قارنت بينها وبين 128 يبقى ال بتاع النوبيرا بطه
ملوش وصف غير كده
انا قبل ما انزل المطب بكون في آخر الطريق و على فكره كان سحبها بيدايق عربيات حديثه من اللي حواليا لدرجه ان في مره ع الدائري واحد كسر عليا عشان يوقفني عشان يقولي هو ازاي اصلا كده؟!!!!
ده غير انها فعلا معاك حق خفيفه وال handling ع السرعات العاليه مش قد كده بس انا بقالي 3 سنين حلوان اكتوبر اكتوبر حلوان يعني ممكن اوصفلك الطريق بمطباته بموجاته بزلطه بترابه بسلطاته ببابا غنوجه يعني مفيش عندي دلوقتي اي فرصه اني ألبس في حاجه نهااائي.. الا لو كنت مسطوله بقى و ساعتها من نفسي هبقى هاديه ف السرعه
ده غير ان ال body اللي بتقول عليه صغير ده سبب أساسي في جمالها باخد غرز ورا تكاتك مش عربيات و أي زنقور ممكن اتزنقر فيه عادي
اهم حاجه الواحد يعرف قدرات عربيته 100% قبل ما يفكر يعمل اي حاجه عشان لو جالي موقف مفاجئ لازم اكون عارفه انهي تصرف من اللي هتصرفه هو اللي يمشي مع قدرات عربيتي
مناقشه طبعا يبقى نتناقش تعالى بقى
اولا طبيعى ال 128 لو الماتور بحالته انها تطلع من النوبيرا بس مع السرعات العاليه مش هايسد مع النوبيرا رغم ان النوبيرا من العربيات اللى الacceleration بتاعها جامد فى الاول وبعد كده بتبقى بطه بس 128 مش هاتسد ابدا على السرعات
على سبيل المثال لو جيبنا فيرنا وجيبنا C180 مين هايسبق .. طبعا الفيرنا هاتسبق فى الاول يعنى من 0 تقريبا ل 60 علشان بودى خفيف وماتور قوى ونفس الحكايه ال 128 وبعد كده نقدر نقول للفيرنا باى باى والطريق طريقك يا C180 علشان هاتختفى اصلا من قدامها
وبالنسبه لطريقك من حلوان لاكتوبر حتى لو الطريق حفظاه اعملى حساب لأى حاجه زى واحد غشيم مثلا ولا واحده ترمى عليكى ولا واحد شارب حاجه على الصبح مثلا
والبودى الخفيف ده رغم مميزاته بس ليه عيوبه برضه مش حاجه حلوه اوى يعنى
وربنا يستر طريقك وطريقنا

معلش انا داخل موبايل والاقتباس مش بيظبط ساعات

[أسامه الحسيني]

ثق تمام الثقه ان كل الى اتعلم سواق مر بالظروف دى - لا تراج ولا استسلام
بس لما العربيه تبطل منك او تلاقي نفسك ملخوم عليك وعلى الانتظار شغل الانتظار وخد قرارك براحتك والى هيديك ثقه اكتر فى السواقه انك تطلع رخصه ونصيحه ما تتحرك بالعربيه الا ومعاك رخصتك

[mxz911]

بص يا سيدي انا راكبه نوبيرا 2001 لو قارنت بينها وبين 128 يبقى ال acceleration بتاع النوبيرا بطه
ملوش وصف غير كده

النوبيرا سحبها بطة وال 128 احسن منها ؟ معلش النوبيرا اللى مع حضرتك أكيد فيها حاجة وال128 اكيد حالتها ممتازه حسب كلامك

انا معايه نوبيرا 2004 مانيوال . ومعايه بيجو 307 مانيوال برضه ... ولو أى حد سألنى ايه أسرع ف الطلعه منهم هقوله بكل تأكيد النوبيرا
النوبيرا دى عربيه حماااااره شغل وتسارعها فعلا رهيب . انا بدوس دوسه البنزين فيها بحس ان الموتور بيرفع العربيه كلها من قدام ويديها سحبة رهيبه ... معرفش بقى ايه الحكايه مع حضرتك