مشكلة كرهتنى فى السواقة تمامااااااااااااااا

[J A G U A R]

انا مقتنع بنظرية ان البنات نوعين ف السواقه اول نوع الليى بيبقى فعلا ماشى لازق ف الدركسيون وعلى مهله على الاخر

متعرفش ايه السبب فى كده يا باشا ..
اصل انا فضلت احلل فى النقطه دى وموصلتش لحل مقنع
يعنى انا مش فاهم .. الدريكسيون هايطير مثلا لو ملزقوش فيه كده ولا علشان يتحكمو فيه كويس ولا ايه بالظبط ..

هاموت واعرف

[ٍٍSara Khattab]

[QUOTE=J A G U A R;3875807058]

اخر مره كنت بضرب لفه فى سوق سيدي بشر انا وواحد صاحبى كان فى واحده 128 موديل 89 بس العربيه شكلها سليمه بس ناقصها شويه مكياج .. كان مطلوب فيها 20 الف .. اتكلمنا مع صاحبها شويه وفضل يحكى قصه حياته معاها وخدنا رقمه وخلعنا

حرام عليكى دى فى الاول والاخر شويه حديد راكبين فى بعض
تطلع ايه الايفو دى يعنى
مش مستاهله ده كله
لو جاجوار كنا قولنا ماشى :)

شوفتها برضه قبل كده مش فاكر موديل كام بس كانت ب 450 الف
لو معايا المبلغ ده عمرى ما احطهم فيها اصلا
اشوف عربيه تانيه أحسن

لأ انا عربية أحلامي الإيفو <3 <3
شوفت انا جاغوار قدام الجامعه من يومين و على ما اظن من بحلقتي فيها صاحبها بقى خااالص

دلوقتى عرفت ليه النوبيرا اللى معاكى ممكن تكون بطة ٍٍSara Khattab
فعلا الاوتوماتيك ف النوبيرا سئ جدا جدا !! بس المانيوال رهيب .. انا مقتنع بنظرية ان البنات نوعين ف السواقه اول نوع الليى بيبقى فعلا ماشى لازق ف الدركسيون وعلى مهله على الاخر والنوع التانى بيبقى استاذه سواقه :)

انا من النوع اللي بكسر على سواقين الميكروباصات.. شوفت ده قبل كده

متعرفش ايه السبب فى كده يا باشا ..
اصل انا فضلت احلل فى النقطه دى وموصلتش لحل مقنع
يعنى انا مش فاهم .. الدريكسيون هايطير مثلا لو ملزقوش فيه كده ولا علشان يتحكمو فيه كويس ولا ايه بالظبط ..

هاموت واعرف

انا ببقى حاسه انه هيجري ويسيب العربيه مثلا او عليه دين ولا حاجه فخايفه تسيبه يهرب

انا كنت ماشيه مره ع الدايري و الطريق 3 حارات مستريحين.. في الحاره اللي ع اليمين نقل 3 مقطورات و الحاره اللي ع الشمال نقل بصندوقين و الحاره اللي في نص فيها بنت سايقه إلنترا 2013 باين و خايفه تعدي بينهم و التلاته ماشيين على 60 و الطريق قدامهم فااااااااضي
انا على يمين البنت ازمرلها واقلبلها نور و نفس الكلام واحد وراها و واحد شمالها و هيا يا عيني مرتبكه و خايفه تعدي
تمد بوز العربيه وترجع تفرمل شلت الدايري كله
اخر ما زهقت كسرت عليها مره واحده ورجعت تاني تهويش يعني خافت وراحت ناطه ورا النقل و الطريق اتفتح ع ال160 و مقولكش على كميه ال "ربنا يخليكي لمصر" اللي سمعتها
البنات في السواقه كائنات غريبه لزجه ومستفزه "مع العلم اني مبعتبرش نفسي بنت في السواقه"

[J A G U A R]

[QUOTE=ٍٍSara Khattab;3875810955]

انا ببقى حاسه انه هيجري ويسيب العربيه مثلا او عليه دين ولا حاجه فخايفه تسيبه يهرب

انا كنت ماشيه مره ع الدايري و الطريق 3 حارات مستريحين.. في الحاره اللي ع اليمين نقل 3 مقطورات و الحاره اللي ع الشمال نقل بصندوقين و الحاره اللي في نص فيها بنت سايقه إلنترا 2013 باين و خايفه تعدي بينهم و التلاته ماشيين على 60 و الطريق قدامهم فااااااااضي
انا على يمين البنت ازمرلها واقلبلها نور و نفس الكلام واحد وراها و واحد شمالها و هيا يا عيني مرتبكه و خايفه تعدي
تمد بوز العربيه وترجع تفرمل شلت الدايري كله
اخر ما زهقت كسرت عليها مره واحده ورجعت تاني تهويش يعني خافت وراحت ناطه ورا النقل و الطريق اتفتح ع ال160 و مقولكش على كميه ال "ربنا يخليكي لمصر" اللي سمعتها
البنات في السواقه كائنات غريبه لزجه ومستفزه "مع العلم اني مبعتبرش نفسي بنت في السواقه"

ده من كتر الملل اللى هو فيه ممكن يهرب بجد

حرام عليكى بتكسرى عليها ليه .. ده ممكن من كسرتك عليها دى تكسر هيا كمان وتنزل تحت المقطوره .. اه والله

الناس فعلا فى المواقف اللى زى دى بتبقى بتسب وتلعن بالكلاكسات وعايزه تضرب كمان الا من رحم ربى وربنا عاطيله شويه صبر

ربنا يا شيخه يوعدك بواحد من اللى فاكرين نفسهم فى نيد فور سبيد ويكسر عليكى زى ما كسرتى على البنت كده

[ٍٍSara Khattab]

[QUOTE=J A G U A R;3875811050]لا عيب عليك انزلها تحت مقطوره ايه بس ده انا رجعت وراها الاول عشان اتأكد ان مفيش حد حلى يمينها عشان متعملناش مصيبه و هيا شكلها بسم الله ما شاء الله محترفه
ههههههههههه بتدعي عليا بإيه يا عم ده انا لسه في واحد أقل ما يقال عنه انه حمار مخطط واقف بالعرض و فجأه قرر انه يدخل حارتي مين غير ما يبص و كان بيني و بينه 10 متر تقريبا او اقل و انا الفرامل بتاعتي ولا abs ولا بتاع فرملت وشديت الهاند عشان ملبسش فيه وقفت قبليه ب 2 سم بالظبط و الناس كانوا هيضربوه عشان لبس عربيتين في بعض كان باش مهندس فعلا
عدت الحمدلله

[Abou Marwan]

يا باشا السواقة هى الى هتعلمك السواقة طول مانت خايف عمرك ما هتتعلم ومواقف الطريق هى اللى هتعلمك السواقة بس اهم العربية ما تبطلش منك خلى رجلك حساسة على الكلتش وودنك حساسة على صوت الموتور

[J A G U A R]

[QUOTE=ٍٍSara Khattab;3875811911]

لا عيب عليك انزلها تحت مقطوره ايه بس ده انا رجعت وراها الاول عشان اتأكد ان مفيش حد حلى يمينها عشان متعملناش مصيبه و هيا شكلها بسم الله ما شاء الله محترفه
ههههههههههه بتدعي عليا بإيه يا عم ده انا لسه في واحد أقل ما يقال عنه انه حمار مخطط واقف بالعرض و فجأه قرر انه يدخل حارتي مين غير ما يبص و كان بيني و بينه 10 متر تقريبا او اقل و انا الفرامل بتاعتي ولا abs ولا بتاع فرملت وشديت الهاند عشان ملبسش فيه وقفت قبليه ب 2 سم بالظبط و الناس كانوا هيضربوه عشان لبس عربيتين في بعض كان باش مهندس فعلا
عدت الحمدلله

شوفتى علشان كسرتى عليها حصلك ايه
اهو جالك اللى يكسر عليكى :d

الموقف ده فكرنى بواحد صاحبى كان على الزراعى بلانوس كان مأجرها وكان ماشى على 150 وفجأه طلعله جرار زراعى وشد الهاند مع كسره الدريسكيون علشان العربيه تلف بدل ما يلبسو بس لبسو برضه في الجرار وكل اللى فى العربيه اتخرشمو اللى كان قاعد ورا لبس فى البريبيز واللى لبس فى الدواسه من تحت

ابقى خلى بالك اصل الحمير المخططه فى البلد دى كتير اوى :}

[ٍٍSara Khattab]

[quote=j a g u a r;3875811992]

شوفتى علشان كسرتى عليها حصلك ايه
اهو جالك اللى يكسر عليكى :d

الموقف ده فكرنى بواحد صاحبى كان على الزراعى بلانوس كان مأجرها وكان ماشى على 150 وفجأه طلعله جرار زراعى وشد الهاند مع كسره الدريسكيون علشان العربيه تلف بدل ما يلبسو بس لبسو برضه في الجرار وكل اللى فى العربيه اتخرشمو اللى كان قاعد ورا لبس فى البريبيز واللى لبس فى الدواسه من تحت

ابقى خلى بالك اصل الحمير المخططه فى البلد دى كتير اوى :}

الزراعي ده مصيبه اصلا بتحصل عليه كوارث بمعنى الكلمه
قصدك البلد البني آدميين اللي فيها قليلين اووي
ربنا يستر..

[J A G U A R]

[QUOTE=ٍٍSara Khattab;3875812685]

الزراعي ده مصيبه اصلا بتحصل عليه كوارث بمعنى الكلمه
قصدك البلد البني آدميين اللي فيها قليلين اووي
ربنا يستر..

هاتقولى فيها
اخرها اول امبارح 18 راحو فيها عند ابو حمص

ربنا يرحمهم ويصبر اهاليهم ويسترها معانا

[ٍٍSara Khattab]

[QUOTE=J A G U A R;3875813112]

هاتقولى فيها
اخرها اول امبارح 18 راحو فيها عند ابو حمص

ربنا يرحمهم ويصبر اهاليهم ويسترها معانا

لا إله إلا الله.. ربنا معاهم يارب.. وصلت خلاص مش همشي زراعي

[Nivinne]

ايه ده هو فيه مدرب سواقة؟
انا افتكر أول ما اتعلمت السواقة أخويا طلع العربية ع الكورنيش ووقف بيها علي جنب وركبني قالي اطلع...
وما ادراك ما كورنيش اسكندرية يوم الجمعة الصبح.. وأول مرة أسوق واللي ماشي بالراحة ماشي علي 80 90..
وصلت من بحري للمعمورة وجوة المعمورة اتعلمت كل حاجة ابعاد ازاي اتحكم ف تقليل السرعة عشان المطبات وازاي أغير نقلات اسرع وكدة..

مع كل احترامي بقي لكل من رد عليك...
أنا عندي ميعاد ف الشغل كمان ربع ساعة أو خلاص حاتأخر.. واللي جنبي عاوز يلحق مراته اللي كلمته انها تعبانة ف البيت وخايف يحصلها حاجة قبل ما يوصل.. والتاكسي اللي ورايا عاوز يلحق يلم لقمة عيشه عشان عنده 4 ولا 5 ولاد ومراته وامه وابوه بيصرف عليهم وكل جنيه بيفرق معاه.. والميكروباص اللي قدامي راجل بياخد الميكروباص 8 ساعات عمل فيهم 10 ادوار عمل فيهم دور واحد ف الآخر هو بيأجره بالوقت وعاوز يلم مكسبه (بعد ما يلم ايجاره اساسا وتمن البنزين)...

كل واحد فينا عنده ظروفه... ومع احترامي لحضرتك مش كلنا عندنا الصفاء النفسي اللي يخلينا نضحي بظروفنا لأننا حانضطر نمشي بسرعة 20كم/س عشان واحد قرر يتعلم السواقة ف نص الزحمة ف ساعة الذروة..


حضرتك ممكن تستحمل الفترة بتاعة الذروة ماتمشيش ف شوارع زحمة.. اصبر لغاية يوم جمعة أو أجازة رسمية وانزل الساعة 8 أو 9 ص.. اختار شارع بيبقي زحمة ف الأيام العادية.. الشارع فاضي الجمعة الصبح انا عارف وده المطلوب حاليا.. امشي بحرية واتمعن ف كل حتة ف الشارع رايح جاي مرتين.. احفظ التفاصيل وفين الدورانات والمطبات والحفر والاشارات.. امتي تاخد يمينك عشان الشمال جاي يو تيرن وامتي تاخد شمالك عشان اليمين شارع مخرج عربيات حاتضم عليك..

خلاص افتكرت واتعودت ع الشارع.. دور بقي علي قهوة واقعد ساعة اشربلك كباية شاي تفاحة دخن سيجارتين زي ما تحب.. ارجع تاني... الصلاه ناقص عليها ساعة والناس بدأت تنزل.. كويس.. خد لفتين كمان.. نفس اللي انت فاكره بس المرة دي علي حبة عربيات زيادة.. حتلاقي الموضوع مش صعب.. تمام؟؟ اطلع علي جامع صلي الجمعة وتوكل علي الله تاني.. بعد الصلاة بقي بربع ساعة وزحمة أهي بدأت والدنيا كلها هلت عليك.. خد لفتين كمان حتلاقي الموضوع مش صعب نهائي.. انت بقيت فاكر كل حاجة ف الشارع وكل اللي ناقص تركز فيه العربيات اللي حواليك فا التحكم بقي اسهل. شوية بشوية حتلاقي نفسك بتسوق عادي ف شوارع حتي أول مرة تشوفها. ماحدش طلع سواق من أول مرة قعد قدام دركسيون وماحدش بيطلع من لفل 5 للفل 100 ف نص ساعة. كل شيء بالتدريج واديله حقه حاتستريح وحاتحس انك ماشي صح.

ويبقي أحسن كمان لو كان الطريق اللي تجرب فيه هو طريقك من البيت للشغل رايح جاي.

تحياتي لك وربنا يديك خير عربيتك ويكفيك شرها ان شاء الله

ياااااااااااااااااه كلام حضرتك 100 100 ...... ومشجع جدااااااااا ... لأن انا بردوا قافلة من السواقة والطرق والناس اللي بتسوق والناس اللي ماشية ..... من حصتين تلاتة سواقة مع سواق قفلني ...

شكرا لحضرتك على الكلام المشجع اللي يفتح النفس دا ....

[الشاوري]

اسمعني كويس

الناس بقيت معظمها قليلة ادب وسافلة اه وعشان دول احط خلق الله مش هيخلوك تبطل سواقة ده اولا
ثانيا : صلي الفجر واتوكل على الله نصف ساعة كل يوم ولو امكن بالليل خالص لوحدك حولين البيت اكيد هتتمكن من ابعاد عربيتك ما دام العربية تحت رجلك هتتمكن المهم ما تبطلش ياااارب كل يوم نصف ساعة انا متأكد النصف ده هيكون اكتر لانك هتحب العربية والسواقة ..سيبك من الهمج وشغل اشاراتك وانتظارك ...ويااااااااسلام لو معاك عربية اتوماتيك