عايز اركب بليزر موديل السبعينات

[elfashn]

بصراحة يا جماعة نفسى اركب بليزر القديم الشورت شاسية العربية دى شكلها حلو وضخمة واكيد بتدى احساس رائع غير انى سمعت ان تكيفها فريزر وواسعة ومبتقولش لآ بس الحاجة الوحيدة الى مقلاقنى منها هى البنزين بيقولو بلاعة وانتو عارفين البنزين ممكن يغلى فى اى وقت تانى وكنت عايز اسأل هى العربية دى ملهاش موتور جاز ولو ليها بكام ومنين والعربية دة سعرها يعمل كام الوقتى لو حالتها وسط لآنى اكيد كدة كدة هغير الموتور فمش هاحتاج حالة الموتور فى حاجة ومين بتوع قطع الغيار بتاعتها والميكانيكية الى بيشتغلو فيها ولما اجى اشترى اهتم باية فى العربية وهل العربية دى ليها عيوب وادائها فى الرملة والصحرا اية

[mahgary]

فى واحد بيشد العربيات دى فى عرب المعادى ممكن تسأل هناك

[elfashn]

شكرا يا باشا بس لو ممكن العنوان او رقم تليفون للراجل ده

[elfashn]

محدش عنده فكره خالص عن العربية. يا ريت حد يفيدنى يا جماعة

[haroun707]

ليه سؤال من فضلكم

هى تقريباً تعمل كام

وليه اقتراح حضرتك ممكن تركب لها غاز

[Adham]

شوف اللينك دي

http://www.nilemotors.net/Nile/165784-6.html

دة اخ هنا في المنتدى و معاه واحدة حالتها كويسة جدا كبودي (صورها في الموضوع) بس عايزة موتور, لانة حاطط فيها موتور ديزل و جايب وش سلندر

[elzaradashty]

للبيع بـ17000 بدون الموتور

[elzaradashty]

[ahmed_eng2001]

السلام عليكم
انا ناوى اجيب عربية بليزر موديلات اواخر السبعينات و اوائل التمانينات ان شاء الله
الراجل الى فى عرب المعادى اسمه استاذ خالد و انا معايا نمرته لو حضرتك لسه عاوزها
و سمعت عن واحد تانى اسمه فوزى الخواجة بس انا لسه موصلتلوش و مش معايا نمرته

[speed demon666]

الموتور اللي هتلاقيه للعربية جاز هيكون 6200 سي سي يعني مش فارقة , و هتلقيها عند الاستاذ خالد بحوالي 50000 جنيه ان مكانتش الاسعار نزلت .... بس هي المفروض انها ارخص من كده بكتيير .... هو الاستاذ خالد في عرب المعادي امام ابو برين او انزل في العرب و قول عايز الورشة بتاعت الامريكاني الي في العرب الف من يدلك عليها .... و قوللي لما روحتلو قاللك ايه علشان انا كمان نفسي اجيبها

[Adham]

و سمعت عن واحد تانى اسمه فوزى الخواجة بس انا لسه موصلتلوش و مش معايا نمرته

فوزي الخواجة محل بيبيع قطع غيار استيراد في الطالبية و نمرتة 5823858

الموتور اللي هتلاقيه للعربية جاز هيكون 6200 سي سي يعني مش فارقة , و هتلقيها عند الاستاذ خالد بحوالي 50000 جنيه ان مكانتش الاسعار نزلت

اكبر موتور تركبة عالعربية دي موتور الجامبو و دة 4300 سي سي و اي موتور جاز ينزل فيها و كذلك اي موتور بنزين لان مواتير الطول دي سهل تسقط اي موتور مكان اي موتور تاني يعني لو عايز تسقط شيروكي او جراند او فرونتيرا او حتى تويوتا r21 كلهم يسقطوا

و العربية دي دلوقتي عمرها ماتعمل 50 الف حتى لو كانت زيرو و مرفوعه , دة الشيروكيي ال تسعينات النهاردة منة في الاربعينات

بليزر ب 50 الف دة كان زماااان

النهاردة كبيرها 30 - 35 في الموديل دة

و العربية اللي صورها فوق مطلوب فيها 17

يعني بتسقيط موتور و شدة تعمل 24 الف بكتيرها

[ahmed_eng2001]

[QUOTE=Adham;3872995249]
فوزي الخواجة محل بيبيع قطع غيار استيراد في الطالبية و نمرتة 5823858


شكرا ادهم باشا على المعلومة دى . انا محتاج اسأل عن قطع الغيار اخبارها ايه


و العربية دي دلوقتي عمرها ماتعمل 50 الف حتى لو كانت زيرو و مرفوعه , دة الشيروكيي ال تسعينات النهاردة منة في الاربعينات

بليزر ب 50 الف دة كان زماااان

النهاردة كبيرها 30 - 35 في الموديل دة

انا سألت من فترة لقيت فيه عربية بـ 50 الف . و لما كلمت صاحبها قالى انها موديل 1988 . فيها 2 تكييف و 2 مساعد على كل عجلة

بامناسبة . ايه رأيك فى الاند كروزر موديل التمانينات ؟؟ كشافاتها مدورة 4 سلندر ديزل
ايه اخبار قطع غيارها و ادائها ؟؟

السؤال برضو لـ مينا باشا باعتباره احد ملاك الاند كروزر

[Adham]

ياباشا موديل 88 شكل غير الشكل و سعر غير السعر

التويوتا اللاند كروزر التمانينات سيارة قوية و عفية في الشارع و في الرمل و موفرة و اعتماديتها عالية واسعه و عالية بس رفاهيتها قليلة بحكم السن طبعاً

و الرأي الاخير للسيد مينا اللي بقالة فترة مختفي و مش باين

[ahmed_eng2001]

]ياباشا موديل 88 شكل غير الشكل و سعر غير السعر

والله يا باشا هو الى قالى انها نفس شكل موديل الـ 80 بس هى مختلفة شوية


و الرأي الاخير للسيد مينا اللي بقالة فترة مختفي و مش باين[/quote]

انا مستنى رأى مينا
انا كنت لسة مكلم واحد كان عارض لاند كروزر موديل 84 بـ 65 الف

[Adham]

]ياباشا موديل 88 شكل غير الشكل و سعر غير السعر

والله يا باشا هو الى قالى انها نفس شكل موديل الـ 80 بس هى مختلفة شوية

السبعينات غير شكل موديل 88

و بعدين سنة الصنع بتفرق في السعر لانها بتحدد عمر استخدام العربية يني اللي شغالة 22 سنة غير اللي شغالة 30 سنة

ما هو ال 128 موديل 70 نفس شكل موديل 90 (تقريبا لان الاختلافت بسيطة و ممكن تعديلها بسهولة) لكن فرق السعر كبير

و الرأي الاخير للسيد مينا اللي بقالة فترة مختفي و مش باين[/quote]

انا مستنى رأى مينا
انا كنت لسة مكلم واحد كان عارض لاند كروزر موديل 84 بـ 65 الف

65 لو نضيفة قوي

و ممكن من الخمسينات كمان