عندى مشكلة كبيرة فى الشيروكى

[ALMAGICO]

الطنابير سليمة هو كان فى واحدة فيها ريجة وغيرتها والتانية سليمة والتيل انا لسة ملية

[Ahmed Selim]

الطنابير سليمة هو كان فى واحدة فيها ريجة وغيرتها والتانية سليمة والتيل انا لسة ملية

معلش بص عليهم تانى............غالباً أسباب الرجة مع الفرامل مش هتخرج عن التيل والطنابير و أحياناً الكاوتش لو فيه عالى و واطى......بس لو كاوتش فيه عالى و واطى هيبان معاك على السرعات من غير فرامل هتحس برجة فى العربية.

[ALMAGICO]

مفيش مشاكل ابوص عليهم تانى
وهل ممكن تكون محتاجة ترصيص وضبط زوايا مع العلم انا غيرت الكاوتشات كلها وجبت كاوتشات جديد بس ولا رصصت ولا ضبطت زوايا ممكن يكون ليهم دخل بردة ولا لا

[egyptexpert]

السلام عليكم
بالنسبة للرعشة عند الايقاف ممكن يكون لها سبب بس الاول هل عربيتك بها نظام abs
هل هناك صوت يصدر كالصفير عند الضغط علي الفرامل
هل هذا العيب من فترة طويلة او منذ ان غيرت التيل
هل دواسة الفرامل تعلي وتوطي تحت قدمك عند الضغط
هل صوت الماكينة يرتفع عند الضغط علي الدواسة وانت واقف في مكانك والموتور دائر
هل مستوي الزيت مضبوط ومانوعه ورقم dot هل هو 3 ام 4
ما لون زيت الفرامل هل هو فاتح ام غامق
ارجو الرد حتي استطيع ان افيدك
اخوك الخبير المصري

[ALMAGICO]

لا مفيهاش Abs مع انى شايف فى علبة الفيوز اللى جنب الموتور فيوز مكتوب علية abs ولكن لما سالت هنا فى المنتدى قالولى مفيهاش
ثانيا فى صوت صفارة لما ادوس على الفرامل

ثالثا كان موجود قبل كدة قبل مغير التيل بعد كدة راح واول مغيرت التيل فضل كام يوم مفيش اى صوت بعد كدة رجعت الصارة تانى وفية صوت صوصوة على السرعات القليلة

رابعا وانا دايس على دواسة الفرامل صوت الماكينة لا يرتفع عادى
خامسا مستوى الزيت مظبوط بس انا مش فاهم يعنى 3 او 4

[jit_service]

رجرجة الدريكسيون مع الفرامل خصوصا في التهدئه القويه من 100 الى 40 مثلا في اقصر مسافه ممكنه ما هي الا 100 في 100 محتاج تمسح الطنابير الاماميه بالذات ومتعتمدش على انهم لسه جداد اللي ما يعرفوش معظم الناس ان ممكن تكون لسه مركب طنبور حالا وتخرج تجرب العربيه على سرعه عاليه شويه وبعد كده تخش في شوية مياه راكده او بركه صغيره تبرد الطنبور بسرعه يروح مسبب الرجه ديه ومش هتروح الا لو حطيتهم على ماكنة مسح الطنابير عند متخصص خراطة طنابير وإبقى قلي عملت ايه وبالنسبه لزيت الفرامل الاخ الكريم يقصد dot3 or dot4 لان ديه انواع زيت الفرامل المتوفره في السوق

[ALMAGICO]

انا متشكر جدا جدا على رد حضرتك

[yyy]

السلام عليكم ورحمة الله وبركاتة انا فى مشكلة ياجماعة انا معايا شيروكى 4 سلندر 2500 سىسى والمشكلة هى انى وانا ماشى على سرعة 100 العربية زى الفل اول مجيب ال120 بلاقى العربية بتترعش منى وبتقل سرعتها ومهما ادوس على دواسة البنزين برضو سرعتها بتقل
المشكلة دى سببها البنزين اللى واصل للمكنة قليل ممكن يكون الفلتر مسدود-الطرمبة ضعيفة- فاغيثونى يا اهل الخبرة المشكلة التانية ان العربية وهى وقفة صوتها غريب شوية وصوتها بيعلى اوى اوى وانا طالع رصيف اقل من 25 سم وممكن تبطل حتى وانا بدوس اكسليتير وهى وقفة صوتها مش صوت الشيروكى خالص مع ملاحظة انى بقالى سنة بحطلها بنزين 80 فبجد انا محتاج مساعدة فى المشكلتين دول

[ALMAGICO]

بس ياباشا المشكلة دية مكنتش بتحصل كل مرة يعنى مرة اة ومرة لا بس بقالها فترة عادى مبتعملش الحركة دية لانى اخر مرة جبت بيها ال130 كانت عادى هى بتحصل على فترات بس انا هشوف الفلتر يمكن زى محضرتك قلت يكون مسدود
بس فى حاجة عايز اسال عليها انا بقالى فترة كبيرة مبشحمش بقالى شهور هل دة غلط ولا عادى

وشكرا اوى ياباشا على اهتمام حضرتك

[Ahmed Hassan]

أخبار طرمبة البنزين ايه عندك؟؟ لو ضعيفه ممكن متخليش العربيه تجري بعد سرعه معينه

[ALMAGICO]

أخبار طرمبة البنزين ايه عندك؟؟ لو ضعيفه ممكن متخليش العربيه تجري بعد سرعه معينه

ياباشا منا بقول لحضرتك ان مش كل مرة بتعمل كدة ساعات بتعدى ال120 بكتيير يعنى ساعات وساعات بس لو طرمبة يبقى تقريبا متعديش خالص السرعة المعينة بس دية ساعات بتعدى

[egyptexpert]

السلام عليكم
يمكن اختبار طلمبة الوقود بعداد قياس الضغط وهذا يمكن ربطة بالبلف الاختبار بالمنافو ويتم ادارة السيارة ومراقبه الضغط الناتج وهو يتراوح ما بين 48 الي 55 psi وهذا بعد الوصل الي درجة السيارة المثلي
وبعد ذلك يتم اطفاء محرك السيارة ومراقبة الضغط عند رجعة الي نقطة الصفر فيجب الا يقل الزمن من 4 الي خمسة دقائق
فالاختبار الاول يفيد قدرة الطلمبة من حيث القوة والضعف
والاختبار الثاني يفيد الكشف علي بلف عدم الرجوع بالطلمبة
واذا كان القياس اكبر من 55 psi يفيد ان منظم الضغط ريجولتر به عطل
اخوك الخبير المصري

[ALMAGICO]

متشكر جدا جدا على رد حضرتك بس العربية الحمد للة بقالها فترة عادى بتعدى وبتجيب سرعات عالية من ساعة مبقيت احط بنزين 90 اصل كنت بحط 80 فهل كان نوع البنزين هو السبب

[egyptexpert]

السلام عليكم
اكيد طبعا رقم اوكتان الوقود يفرق لانه معامل زمن الاحتراق مختلف وممكن ايضا يسبب بكسر عمود الكرنك
ولكن نصيحة اخوية
ممكن تسقط تنك الوقود وتعمل له غسيل كامل وده من ضمن اعمال صيانة الجيب عادي يعني وتحط بنزين علي نظافة
وايااااااااك ان تضع منظف الرشاش بالتانك لانه هذا ليس طريقة استخدامة الا في حالة اسقاطة اولا
وشكرا
اخوك الخبير المصري

[ALMAGICO]

واللة ياباشا انا مش عارف اقول لحضرتك اية على اهتمام ومتابعة حضرتك للمشكلة

بس بجد انا متشكر جدا جدا جدا