أفكار للرانجلر القديمة....

[M!NA]

الموضوع هايل بس معقد هل ممكن تنقل طرمبة البنزين لأوطى تنك فيهم؟؟

الديزل مفيهوش طرمبة في التانك...

الديزل كله بيكون طرمبته على الموتور (بتلف مع التقسيمة الأمامية) و هي اللي بتقوم بعملية الشفط

التحويل بين التنكين بيكون عبارة عن خرطوم واخد من مشترك في التنكين....و المحول بيقفل واحد فبالتالي بيسحب من التاني...أو العكس

لو العربية كانت بنزين كنت هعملها بنفس الفكرة (لو طرمبتها على رداخ)

أما لو بنزين و طرمبتها كهربا...كنت هعمل طرمبة في كل تانك.... و المحول هيكون مفتاح تشغيل للطرمبة بتاعت التانك اللي عايزين نسحب منه....

[AlGazar2]

النظام في الديزل كله أن الطرمبة بتكون على الموتور.... و بتاخد حركتها من التقسيمة... (غير البنزين اللي ممكن يكون فيه طرمبة كهربا و طرمبة عادة)

التانكين كل واحد طالع منه خرطوم و بعدين الخرطومين داخلين على تحويلة (أو جزرة) زي ما بيسموها في السوق

الجزرة ديه بتخليك تحول ما بين التانكين....

و فيه منها نوعين...نوع حركته ميكانيكية (عاملة زي محبس المية و بتكون موجودة تحت الكرسي اللي جمب السواق
و التانية كهربائية و بتكون في التابلوه....

فبكدا استحالة تقف منك لأنك ببساطة قدامك المؤشرين....لقيت تانك رقم 1 فضي.... حول على تانك رقم 2 علطول....
...

انا فهمت كده جزئيا
طيب ليه مثلا ميكونش فتحها و قفلها مربوط بالتانك الاعلى يعنى التانك الى يفضى من العوامه عند حد معين المحبس ده يفتح لو ينفع يعنى ميكانيكيا من غير حساسات كهربا و كده

بس فعلا تفكير متميز جدا جدا

[M!NA]

انا فهمت كده جزئيا
طيب ليه مثلا ميكونش فتحها و قفلها مربوط بالتانك الاعلى يعنى التانك الى يفضى من العوامه عند حد معين المحبس ده يفتح لو ينفع يعنى ميكانيكيا من غير حساسات كهربا و كده

بس فعلا تفكير متميز جدا جدا

أشكرك لذوقك و تشجيعك :)

بص...أنا من كارهي أي حاجة كهربا...

النظام كله مفيهوش أي حاجة كهربا غير مفتاح التحويل بين التانكين...و ده بفكر أجيبه مانيول (محول ميكانيكي)

كل تانك هيكون فيه عوامة...مش هتفرق مين هيكون مرتفع عن مين عشان كل واحد هيكون قائم بذاته...

و فيه مؤشرين في التابلوه (مؤشر لكل تانك)

و أنا كمستخدم للعربية هشوف المنسوب في كل تانك و على أساسه أستخدم المليان لحد ما أخلصه... أو أعرف مين أملاه قبل مين... الخ....

[AlGazar2]

ربنا معاك و يوفقك و فعلا البعد عن الكهرباء و الحساسات غنيمة

بس لازم تقرير مفصل ان شاء الله لما الشغل يتم

عايز اقولك انك بجد حببتنى فى الديزيل و التعديلات الجامده الى بتعملها عليه

[yassero]

كمان ممكن تعمل حاجة تاني تحاول تعمل فتحة في التانك ممكن يتوصلها خرطوم عشان لو حبييت تنقذ اي حد عربيتو قطعت ديزل لانك بتتكلم في 200 لتر ماشاء الله تبارك الله

[Ahmed.Ali]

هو وزن التانك الجديد و هو مليان مش هيفرق في اداء العربيه؟ و التانك هيتملي ازاي اصلا يعني مدخل المسدس هيكون فين؟

[M!NA]

كمان ممكن تعمل حاجة تاني تحاول تعمل فتحة في التانك ممكن يتوصلها خرطوم عشان لو حبييت تنقذ اي حد عربيتو قطعت ديزل لانك بتتكلم في 200 لتر ماشاء الله تبارك الله

الفتحة العادية اللي بتفول منها ممكن تحط فيها خرطوم....
200 لتر مش بالكترة اللي أنت متخيلها على عربية 2800 سي سي...خصوصا لو سفريات طويلة... 700 كيلو متر رايح و زيهم راجع....

اللي خلاني أفكر أعمل الموضوع ده عشان طوابير الديزل....و اللي فعلا باقت حاجة صعبة أوي...

هو وزن التانك الجديد و هو مليان مش هيفرق في اداء العربيه؟ و التانك هيتملي ازاي اصلا يعني مدخل المسدس هيكون فين؟

الموتور الnkr أصلا حمولته 3 طن بخلاف وزن العربية النقل اللي هو نازل عليها أصلا...... الرانجلر بكل ما فيها و ما عليها ريشة بالنسبة له...

كل اللي ممكن أحتاجه أني أزود ورقتين سوست ورا بطريقة محسوبة طبعا من ناحية سمك الورقة عشان لو سميكة زيادة ممكن تخلي العربية تدب جامد.....
سبق و زودت ورقتين قدام عشان الموتور الديزل أتقل من البنزين

[Ahmad Allawy]

ع البركة يا ملك الديزل.. يلا خلص الديزاين و التنفيذ هيكون عظمة ان شاء الله

[waleedss]

انا راي اعمل التانك التاني بطرمبه كهرباء تعبي التانك الاولاني. لما المؤشر ينزل تشغل مفتاح الطرمبه في الطابلوه وتلاقي المؤشر بيعلى كانك بتمون بالظبط. دا اسهل سيناريوا واي طرمبة بنزين كهرباء هاتشتغل معاك.

[M!NA]

انا راي اعمل التانك التاني بطرمبه كهرباء تعبي التانك الاولاني. لما المؤشر ينزل تشغل مفتاح الطرمبه في الطابلوه وتلاقي المؤشر بيعلى كانك بتمون بالظبط. دا اسهل سيناريوا واي طرمبة بنزين كهرباء هاتشتغل معاك.

الجاز تقيل على طرمبة البنزين.... و كمان طرمبة البنزين هي مجرد موتور كهربا....
فرضا أنها عطلت أو تلفت؟؟ كدا أبقا أنا وقفت... رغم أني معايا جاز... بس مش عارف أستخدمه

أصلا الشفط بتاع طرمبة الديزل بيكون قوي جدا ... فأسهل سيناريو فعليا هو أنك تعمل جزرة تحويل بين التانكين... و تسيب قوة الشفط هي اللي تاخد من التانك اللي انت مختاره بحسب درجة امتلاؤه.... (لأني هيكون عندي عدادين في التابلوه لكل تانك)

[M!NA]

ع البركة يا ملك الديزل.. يلا خلص الديزاين و التنفيذ هيكون عظمة ان شاء الله

حبيبي يابو حميد.... انا عايز انجز ف الموضوع فعلا بس أزمة السولار مانعاني بشدة من أني اروح أماكن بعيدة... و أنت عارف كل الشغل بعمله خارج القاهرة... :(

[hugan]

مينا باشا
كنت عايز افضل وارخص مكان اشتري واركب منه ديفندر امامي وخلفي وعتب

[waleedss]

انت موسوعة فعلا ماشاء الله ربنا يباركلك في علمك وخبرتك

[M!NA]

مينا باشا
كنت عايز افضل وارخص مكان اشتري واركب منه ديفندر امامي وخلفي وعتب

عايز تشتري جاهز ولا تعمل عمولة؟

لو جاهز تنزل شامبليون.... و ديه الطريقة السهلة...لأنك هتشتري و تركب و تمشي علطول....

لو ليك دماغ رايقة و حابب تعمل حاجة عالمزاج و تحط فيها لمساتك و تختار لونها و ترشها بنفسك.... ممكن تفصل عند حداد (و انا شخصيا بعمل كدا)

انت موسوعة فعلا ماشاء الله ربنا يباركلك في علمك وخبرتك

الله يخليك....ده بس من ذوقك :)

[hugan]

[quote=m!na;3874891533]عايز تشتري جاهز ولا تعمل عمولة؟

لو جاهز تنزل شامبليون.... و ديه الطريقة السهلة...لأنك هتشتري و تركب و تمشي علطول....

لو ليك دماغ رايقة و حابب تعمل حاجة عالمزاج و تحط فيها لمساتك و تختار لونها و ترشها بنفسك.... ممكن تفصل عند حداد (و انا شخصيا بعمل كدا)



شكرا ليك
طيب مين الارخص الجاهز ولا العموله
وياريت لو في فكره عن الاسعار
العربيه تيجو