تسعير الجيب رانجلر

[kantofanto]

ارجو من السـادة الاعضاء المحترمين الافادة بسعر الجيب الرانجلر من موديل 1994 لحد 2000 كام لانى بدور على وحدة بس للاسف مش عارف السعر وممكن اعرف فيها باور وتكيف و مانيوال و لا اتوماتك و فى حالة زيادة سعر البنزين من 1/7 هايبقى فى مشكلة و هايقل سعرها و السعر بيفرق اد ايه بين الهارد توب و السوفت توب..ولكم جزيل من الشكر ،،

[ahmed_eng2001]

جرت العادة .... ان كل ما البنزين يزيد ... العربيات ذات المحرك الكبير سعرها يقل ... و كان من المعروف ان الرانجلر موديل التسعينات .... سعرها بيزيد فى الصيف و يقل قليلا شتاءا
انا فعلا مش عارف تعمل كام اليومين دول .... بس هى كانت تعمل حول الاربعينات من فترة

[kantofanto]

انا متشكر جدا لحضرتك على الرد و كويس ان فى حد عبرنى و رد بعد عدد المشاهدات دى كلها و ياريت الاستاذ الكبير مينا يرد و يكون فى مصر لخبراته الكبيرة فى الدفع الرباعى انا بصراحة عايز اغير عربتى و اجيب رانجلر فى التسعينات او اول الالفين و تكون حالتها كويسة بس عايز اعرف اسعارها الواقعية لان فى تأليف كبير اووى على المواقع و كل واحد معه عربية رانجلر بيبالغ فى سعرها اووى معرفش له.
اما بخصوص الصيف و ان العربية بتزيد فيه مش مقتنع بده اووى لانه عرض و طلب و كمان الشتا فى مصر هما شهرين و المطرة مش بتمطر كتير يعنى لو واحد عايز يبيع عربية هايستنى الشهرين دول لما يخلصوا و هايبعها.

[ahmed_eng2001]

لا شكر على واجب يا فندم ....
للأسف ... مينا مش بيدخل المنتدى من فترة ... و عامل فراغ كبير ... ربنا يرجعه بالسلامة ...

معلوماتى البسيطة عن الرانجلر من صديقى فى العمل كان معاه رانجلر و باعها ....
هو الى قالى على موضوع الصيف و الشتاء ده .... بتكون مطلوبة فى الصيف ... علشان ترويش الشباب و المصيف و الرحلات .. و زى ما حضرتك ذكرت بالنسبة للشتاء

موتورها نفس موتور الشيروكى 4000 سى سى ... واخد بالك انت من المحرك ؟! علشان البنزين الى غلى ده .... فمش حتتعب فى قطع الغيار و كنت سمعت ان فيه 300 عربية رانجلر فقط من الشكل ده فى مصر .... انا بتكلم عن الاوريجنال

فيه عربيات موديلات اقدم شوية بتتعدل على شكل الرانجلر دى ... الشبكة و الكشافات

مينا كان ليه تجربة كويسة جدا مع رانجلر زى دى .... كان مسقط فيها موتور ديزل و كمان كان حاطط فيها تانك اضافى .. و اكصدمات

انزل اتفرج بنفسك على عربيات رانجلر كتير .... و حتلاقى كتير منها فى المعادى .... و كان فيه معرض بيبيع رانجلر فى مدينة نصر ... خلف جامع رابعة .. بس للأسف انا مش فاكر المكان كويس

لو مش حيفرق معاك عدد الركاب ... هات الشاسيه القصير ... لو عاوزها كبيرة شوية .... موجود منها الشاسيه الوسط و الشاسيه الطويل

[kantofanto]

لا شكر على واجب يا فندم ....
للأسف ... مينا مش بيدخل المنتدى من فترة ... و عامل فراغ كبير ... ربنا يرجعه بالسلامة ...

معلوماتى البسيطة عن الرانجلر من صديقى فى العمل كان معاه رانجلر و باعها ....
هو الى قالى على موضوع الصيف و الشتاء ده .... بتكون مطلوبة فى الصيف ... علشان ترويش الشباب و المصيف و الرحلات .. و زى ما حضرتك ذكرت بالنسبة للشتاء

موتورها نفس موتور الشيروكى 4000 سى سى ... واخد بالك انت من المحرك ؟! علشان البنزين الى غلى ده .... فمش حتتعب فى قطع الغيار و كنت سمعت ان فيه 300 عربية رانجلر فقط من الشكل ده فى مصر .... انا بتكلم عن الاوريجنال

فيه عربيات موديلات اقدم شوية بتتعدل على شكل الرانجلر دى ... الشبكة و الكشافات

مينا كان ليه تجربة كويسة جدا مع رانجلر زى دى .... كان مسقط فيها موتور ديزل و كمان كان حاطط فيها تانك اضافى .. و اكصدمات

انزل اتفرج بنفسك على عربيات رانجلر كتير .... و حتلاقى كتير منها فى المعادى .... و كان فيه معرض بيبيع رانجلر فى مدينة نصر ... خلف جامع رابعة .. بس للأسف انا مش فاكر المكان كويس

لو مش حيفرق معاك عدد الركاب ... هات الشاسيه القصير ... لو عاوزها كبيرة شوية .... موجود منها الشاسيه الوسط و الشاسيه الطويل

انا بصراحة ببحث عن الاوريجنال و يسلام بئة لو تبقة فبريكة برة و جوة و حاتلتها كويسة تبقى فى الجون بس المشكلة ان زى ماحضرتك قولت الكل بيجيب شاسيه قديم و يعدل الكورسيله بتاعها بموديل حديث و ده انا بعتبره عك فى عك انا عايز حاجة نضيفة مش ملعوب فيها ، و كمان انا قريت تجربة الاخ مينا مع عربيته مش كان لازم يقلبها ديزيل يعنى مالغاز شغال و مش هايقول لا بس هو فعلا عقبرى ، بصراحة هايفرق معايا عدد الركاب لانى مش هاغير عربية كل شوية فلازم شاسيه طويل و هاحاول ابحث عن المعرض اللى انت قولت لى عليه فى مدينة نصر ممكن الاقى حاجة كويسة لانى مش عايز موديل عالى لانه سعره غالى اووى.

[ahmed_eng2001]

الشاسيه الطويل شكلها عربية شغل بحته ... و للأسف ... مش حينفع فيها الترويش و التظبيط
على العموم ربنا يوفقك للى فيه الخير

[kantofanto]

الشاسيه الطويل شكلها عربية شغل بحته ... و للأسف ... مش حينفع فيها الترويش و التظبيط
على العموم ربنا يوفقك للى فيه الخير

تصدق فعلا كلامك صح و الله الشاسيه القصير اروش بكتير بس على حسب الحالة اللى هالاقيها ان شاء الله ربنا يبعت و متشكر لذوق حضرتك اوووى

[ahmed_eng2001]

لا شكر على واجب يا فندم ... ربنا يوفقك و تلاقى حاجة كويسة .... فى الغالب .. اسعار العربيات دى حينزل اليومين الجايين علشان زيادة اسعار البنزين
نسيت اقول لحضرتك ... الرانجلر دى موتورها 4000 سى سى .. و الموديل الى قبلها كان 2500 سى سى

[kantofanto]

لا شكر على واجب يا فندم ... ربنا يوفقك و تلاقى حاجة كويسة .... فى الغالب .. اسعار العربيات دى حينزل اليومين الجايين علشان زيادة اسعار البنزين
نسيت اقول لحضرتك ... الرانجلر دى موتورها 4000 سى سى .. و الموديل الى قبلها كان 2500 سى سى

و الله يابشمهندس أحمد انا مش عارف اقول لحضرتك ايه جزيك الله خيراً و جعله فى ميزان حسانتك.

مش هيفرق معيا اذا كانت 4000 سى سى او 2500 سى سى المهم تبقى حالتها كويسة و يارب الاقى حاجة اتوامتيك بس انا بفكر اقلبها غاز ايه رايك فى الموضوع ده مع أن أستاذ مينا من اكثر المعارضين لده.

[ahmed_eng2001]

ان شاء الله تجد حاجة كويسة ...

انا كمان من معارضى موضوع الغاز ده .... نقلا عن احد مجربى الغاز .. الغاز كان موفر جدا ... حريقه نظيف ...
بيخلى العربية بطيئة فى السحب ... بياكل صبابات بمعدل اكبر ... و كمان بياكل الشمايز .... و ده كلام على عهدة الراوى .. و الراجل ده كان معاه كابريس .. و بليزر و كان مركبلهم غاز

و لكن ... الناس الى جربت الغاز تاكد ان مصاريف العمرة اقل من فرق السعر بين الغاز و البنزين ... وجهات نظر
و لكن نصيحة شخصية .... موضوع البنزين ده مؤثر جدا ... بمعنى .. ممكن ببساطة يخليك تكره العربية و متحبش تركبها تانى

[kantofanto]

ان شاء الله تجد حاجة كويسة ...

انا كمان من معارضى موضوع الغاز ده .... نقلا عن احد مجربى الغاز .. الغاز كان موفر جدا ... حريقه نظيف ...
بيخلى العربية بطيئة فى السحب ... بياكل صبابات بمعدل اكبر ... و كمان بياكل الشمايز .... و ده كلام على عهدة الراوى .. و الراجل ده كان معاه كابريس .. و بليزر و كان مركبلهم غاز

و لكن ... الناس الى جربت الغاز تاكد ان مصاريف العمرة اقل من فرق السعر بين الغاز و البنزين ... وجهات نظر
و لكن نصيحة شخصية .... موضوع البنزين ده مؤثر جدا ... بمعنى .. ممكن ببساطة يخليك تكره العربية و متحبش تركبها تانى

انا معاك فى رأيك جداً بس انا مش هشغل الغاز غير فى المسافات الطويلة بس مش داخل البلد خلى الموضوع ده نتكلم فيه بعدين لاني قريت للمهندس فى المنتدى منى المعجبين جدا بالغاز ، المهم ان عايز اخد رايك فى حاجة مهمة جدا انا قعدت دورت فى المواقع و لاقيت عربية رانجلر موديل 2005 سعة المحرك 2500 سى سى عاملة 73000 كيلو و مطلوب فيها 80000 جنيه مصرى حاولت اتصل بالمالك معرفتش بعت له إيميل امبارح و كان رده كمايلى :

The car is still available, with the last service two months ago,
very good condition, no accidents events, no scratches or dents, log
book and with all the necessary documents to make the sale.
I am originally from Spain and I had a work contract in Egypt , but
recently my work contract has ended. I have moved back to Spain where it is a quite hard and expensive to register or ride the car. The car still
have Egyptian documents and comes with full service history and all taxes
payed, for additional specifications feel free to let me know.

ارجو الافادة لانى خايف انه يكون نصاب

[ahmed_eng2001]

حضرتك تاخد حذرك و ملكش دعوة بالكلام الى بيقوله .... حضرتك تروح تبص على العربية و تعاينها كويس .... و لو مش خبير فى الموضوع ده ممكن تاخد ميكانيكى ثقة ... و بيفهم
و بصفة عامة ...

حضرتك حاول تاخد انطباع عن العربية بصفة عامة .... صاحبها مهمل و لا بيهتم بيها ؟! الفرش جوة اخباره ايه ؟ مسامير الرباط ( مسمار 10 مثلا ) شكلها كويس و لا حاطط مسامير اى كلام و مختلفة ؟ واحد طويل و واحد قصير ؟!!
تدور الموتور و تسمع صوته بنفسك .. و لو عرفت .. تجرب العربية بنفسك
مفيش مشكلة خالص ان حضرتك تنزل تحت العربية تبص عليها من تحت .... الشاسيه .. الكوارين اخبارها ايه .. ارضية العربية فيها بارومة و لا لأ .. و هكذا
و حضرتك حتشوف رخصتها و تتاكد منها ...

و اهم حاجة ... تصلى استخارة ...و تحط فى اعتبارك ان دى مش اخر عربية فى الدنيا .... يعنى متتعلق بيها ... حتشوف غيرها و تلاقى احسن منها كتير ان شاء الله
ربنا يوفقك للى فيه الخير

[kantofanto]

حضرتك تاخد حذرك و ملكش دعوة بالكلام الى بيقوله .... حضرتك تروح تبص على العربية و تعاينها كويس .... و لو مش خبير فى الموضوع ده ممكن تاخد ميكانيكى ثقة ... و بيفهم
و بصفة عامة ...

حضرتك حاول تاخد انطباع عن العربية بصفة عامة .... صاحبها مهمل و لا بيهتم بيها ؟! الفرش جوة اخباره ايه ؟ مسامير الرباط ( مسمار 10 مثلا ) شكلها كويس و لا حاطط مسامير اى كلام و مختلفة ؟ واحد طويل و واحد قصير ؟!!
تدور الموتور و تسمع صوته بنفسك .. و لو عرفت .. تجرب العربية بنفسك
مفيش مشكلة خالص ان حضرتك تنزل تحت العربية تبص عليها من تحت .... الشاسيه .. الكوارين اخبارها ايه .. ارضية العربية فيها بارومة و لا لأ .. و هكذا
و حضرتك حتشوف رخصتها و تتاكد منها ...

و اهم حاجة ... تصلى استخارة ...و تحط فى اعتبارك ان دى مش اخر عربية فى الدنيا .... يعنى متتعلق بيها ... حتشوف غيرها و تلاقى احسن منها كتير ان شاء الله
ربنا يوفقك للى فيه الخير

و الله يأخى انا مش عارف اقوللك ايه على النصائح الجميلة اللى انت قولتهلى دى مشاء الله على حضرتك خبرة جامدة اووى و الله ، انا مستنى بس اعرف مكان المعاينة و اول ماشوفها و افحصها كويس و أتاكد من رخصتها و اوراقها انها سليمة هروح جايب الميكانيكى بتاعى و مخلص فيها على طول و طبعاً هاستخير ربنا لانه عالم بكل شئ و هأستشير حضرتك طبعاً لان ماخاب لمن أستشار و اشكرك بشدة و جزائك الله خيراً دائماً

[ahmed_eng2001]

و الله يأخى انا مش عارف اقوللك ايه على النصائح الجميلة اللى انت قولتهلى دى مشاء الله على حضرتك خبرة جامدة اووى و الله ، انا مستنى بس اعرف مكان المعاينة و اول ماشوفها و افحصها كويس و أتاكد من رخصتها و اوراقها انها سليمة هروح جايب الميكانيكى بتاعى و مخلص فيها على طول و طبعاً هاستخير ربنا لانه عالم بكل شئ و هأستشير حضرتك طبعاً لان ماخاب لمن أستشار و اشكرك بشدة و جزائك الله خيراً دائماً

يا اخى كلنا بنتعلم من بعض .... و انا كنت اتمنى ان اعضاء تانية تشاركنا الرأى و نتعلم كمان

مينا ربنا يكرموا خبرة كبيرة جدا فى مواضيع الجيب دى .... و كان قالى على عضو معانا فى المتدى اسمه سبعاوى على ما اذكر .... ليه خبرة كبيرة فى الدفع الرباعى

و انا مش خبرة كبيرة و لا حاجة ... المعلومات دى يا دوب فاكرها من واحد زميلى فى الشغل كان معاه رانجلر و باعها و جاب شيروكى .... و بعد كدة باعها و جاب جراند شيروكى

و على فكرة ..... باع الرانجلر علشان اتقلب بيها ... و على حسب كلامه ... لو كان راكب عربية تانية كان مات !!!

غلى ذكر الحوادث .... احد اقاربى عمل حادثة بعربية جيب متجمعة ... و على حسب قوله ... العربية شالت جزء كبير من الصدمة

ربنا يوفقك للى فيه الخير

[kantofanto]

يا اخى كلنا بنتعلم من بعض .... و انا كنت اتمنى ان اعضاء تانية تشاركنا الرأى و نتعلم كمان

مينا ربنا يكرموا خبرة كبيرة جدا فى مواضيع الجيب دى .... و كان قالى على عضو معانا فى المتدى اسمه سبعاوى على ما اذكر .... ليه خبرة كبيرة فى الدفع الرباعى

و انا مش خبرة كبيرة و لا حاجة ... المعلومات دى يا دوب فاكرها من واحد زميلى فى الشغل كان معاه رانجلر و باعها و جاب شيروكى .... و بعد كدة باعها و جاب جراند شيروكى

و على فكرة ..... باع الرانجلر علشان اتقلب بيها ... و على حسب كلامه ... لو كان راكب عربية تانية كان مات !!!

غلى ذكر الحوادث .... احد اقاربى عمل حادثة بعربية جيب متجمعة ... و على حسب قوله ... العربية شالت جزء كبير من الصدمة

ربنا يوفقك للى فيه الخير

قال تعالى: {قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ} صدق الله العظيم محدش بيهرب من قدره " و أعلم ان لى قدر سألقه سألقه " انا فعلا مشتت اوى انا راكب دولاقتى فورد فيستا و جايبها عن إقتناع و بصراحة مريحنى و كمان هى ثابته على الطريق و ناعمة و فيها كل الامكانيات مش عارف له طالبة معايا ابيعها و اجيب رانجلر مع ان البنزين غلى و عربتى موفرة للبنزين اووى و ناس كتير كلمتنى عشان يجوا و يشوفها و مش عارف اعمل ايه و خايف ابيعها و مش الاقى حاجة اشترها أيه رايك كأخ ؟؟ و كمان موضوع العربية الرانجلر موديل 2005 حساس انه نصب لانه رد عليا و مش بعتللى اة مستندات و بيقولللى ان العربية داخل حاوية و انها فى شركة الشحن و انه هو هايسدد جمركها و ضريبتها ، حتى الصور اللى متاخدة تحس ان العربية مش فى مصر و هو بيقول انها من مصر فانا هاصرق نظر عن الموضوع ده .