تسعير الجيب رانجلر

[kantofanto]

محركها 5700 سى سى .. بنزين؟؟؟؟؟ دى غول بنزين انت بتهزر بتلحاق عليها بنزين ازاى ؟؟ دى خراب بيوت .

بس فى سؤال يطرح نفسه له مش حاولتها بماتور ديزيل او غاز طبيعى و ازراى أقتنعت لما حد رشحها لحضرتك انك تشترى النوع ده لا و كمان مشفتش العربية لغاية لما جيت استلمها اد كدا كنت واثق فى اللى جابهللك، اد كدا مقتنع بماركة قليلين اووى اللى يسمع عنها و يعرفها ؟؟ مش عارف بجد ازى الواحد اول مايتعلم يسوق تكون عربيته كبيرة اووى كدا؟؟؟

الامريكان طبعاً ماشيين على مواصفات قياسية ثابتة و مختلفة عن المعايىر الانجليزية و الاوربية ( بس ده فعلا صح لانها مراجع لهم ).

من كتر كلام حضرت عن الجى أم انا حبتها فعلا و هأبتدى ادور و اعرف معلومات عنها اكتر.

و فى إنتظار حضرتك تعمل لنا موضوع مفصل عن عربيتك بالصور و ايه الاضافات اللى عليها و تتحدث ازى.

[ahmed_eng2001]

انا بعتزر عن التأخير فى الرد ... كان عندى مشاكل فى الانترنت ... و مكانش راضى يدخل من على التليفون ...

للأسف عربيتى فعلا 5700 سى سى ... و ظهرت المشكلة الحقيقية بعد رفع اسعار البنزين .... و ازدحام طوابير ال 80 ...
انا كنت مقضيها بنزين 80 و كانت الدنيا ماشية ... و فى الغالب مشاويرى مش كتير

تحويل السيارة لغاز ... كانت فكرة قائمة فترة طويلة .... بس بعد بحث ... صرفت نظر عنها ... المواتير القديمة غير قادرة على تحمل نسبة الكبريت الموجودة فى الغاز ... فتتلف بسرعة ... بتغير صبابات بسرعة و كمان شنابر .. و بالتالى عمرة للموتور كل فترة متقاربة

تسقيط موتور ديزل ... كانت فكرة جيدة جدا ... و مينا كان دائما بينصحنى بيها ... لغاية مشكلة الديزل الى حصلت ..
و بعدين محرك الديزل الى يركب على عربيتى تقريبا ب 20 الف جنيه !!!!

و انا اتسرعت جدا فى شراء عربيتى .... و وثقت فى واحد من غير ما اعرفه ... علشان كدة كنت بقول لحضرتك على بعض النصائح علشان تتفادى المشاكل الى انا وقعت فيها


و البليزر مش اول عربية ليا ... و انا فضلت قرابة السنة اجمع معلومات عن البليزر الكى 5 و الاس 10

بالمناسبة ... الجى ام سى هى الشركة الام ... و يتبع ليها ماركات كتير ... زى ... الشيفروليه .. اودزموبيل .. بويك
فبيعملوا حركة ذكية جدا ... بينزلو نفس العربية من الشركات المختلفة التابعة لجى ام
فمثلا .... عن تجربة شخصية ... الكابريس كلاسيك .... ليها عربية شبها تماما اسمها دلتا 88 ... و كالتاس ... من انتاج اولدز موبيل ... نفس قطع الغيار ... و تشابه كبير فى الشكل الخارجى
و فيه كمان عربية اختهم من انتاج بويك ... بس انا معرفش عنها حاجات كتير

و بالطبع انا مش حعمل موضوع عن عربيتى و لا حاجة :)
علشان محدش مهتم بالنوع ده من العربيات خالص .... و انا لا الوم احدا على هذا ... الناس بتدور على عربية تقضى بها غرض النقل و المواصلات ....

لما الناس تضمن موضوع النقل و المواصلات ... و يفيض معاها فلوس ... حيبدؤوا يدورا على عربيات تانية

لو حضرتك عاوز اى معلومة ... انا مش حتأخر :) ... و عذرا علشان النت فعلا مش كويس اليومين دول

[kantofanto]

انا بعتزر عن التأخير فى الرد ... كان عندى مشاكل فى الانترنت ... و مكانش راضى يدخل من على التليفون ...
ياباشا براحتك خالص ماتعتذرش و لا حاجة ، اهم حاجة انى أطمنت ان حضرتك بخير

للأسف عربيتى فعلا 5700 سى سى ... و ظهرت المشكلة الحقيقية بعد رفع اسعار البنزين .... و ازدحام طوابير ال 80 ...
انا كنت مقضيها بنزين 80 و كانت الدنيا ماشية ... و فى الغالب مشاويرى مش كتير
أكيد طبعاً لان مصر قبل 25 غير مصر بعد 25 أزمة البنزين و السولار مأساة بكل المقياس.

تحويل السيارة لغاز ... كانت فكرة قائمة فترة طويلة .... بس بعد بحث ... صرفت نظر عنها ... المواتير القديمة غير قادرة على تحمل نسبة الكبريت الموجودة فى الغاز ... فتتلف بسرعة ... بتغير صبابات بسرعة و كمان شنابر .. و بالتالى عمرة للموتور كل فترة متقاربة
فعلاً مش هتبقى مجزية معاك عشان الماتور قديم فعلا هتعمل عمرة بسرعة .

تسقيط موتور ديزل ... كانت فكرة جيدة جدا ... و مينا كان دائما بينصحنى بيها ... لغاية مشكلة الديزل الى حصلت ..
و بعدين محرك الديزل الى يركب على عربيتى تقريبا ب 20 الف جنيه !!!!
كتير اووى ده بتمن عربية جديدة صغيرة و ساعة ماتيجى تبيعها مش هاتجيب اى شئ لانها موديل قديم ، حرام اووى تركبه.

و انا اتسرعت جدا فى شراء عربيتى .... و وثقت فى واحد من غير ما اعرفه ... علشان كدة كنت بقول لحضرتك على بعض النصائح علشان تتفادى المشاكل الى انا وقعت فيها

و الله كلنا هذا الرجل انا اول عربية برضوا وثقت فى حد من قرايبى و خزلنى اووى و فى الاخر بعتها و خسرت فيها بس الحمد لله اتعلمت عليها السواقة ، و انا و الله أستفدت من حضرتك جداً و كفاية انى تراجعت عن بيع عربيتى فى أخر لحظة.


و البليزر مش اول عربية ليا ... و انا فضلت قرابة السنة اجمع معلومات عن البليزر الكى 5 و الاس 10

بالمناسبة ... الجى ام سى هى الشركة الام ... و يتبع ليها ماركات كتير ... زى ... الشيفروليه .. اودزموبيل .. بويك
فبيعملوا حركة ذكية جدا ... بينزلو نفس العربية من الشركات المختلفة التابعة لجى ام
فمثلا .... عن تجربة شخصية ... الكابريس كلاسيك .... ليها عربية شبها تماما اسمها دلتا 88 ... و كالتاس ... من انتاج اولدز موبيل ... نفس قطع الغيار ... و تشابه كبير فى الشكل الخارجى
و فيه كمان عربية اختهم من انتاج بويك ... بس انا معرفش عنها حاجات كتير
لا كدا الواضح ان حضرتك مهتم بالعربيات الامريكى ذات المواتير العالية من زمان ، انا فى الشارع اللى ورايا ميكانيكى بيصلح كل انواع العربيات اللى حضرتك ذكرتها و كنت بشوفها دايما عنده بس سبحان الله عمرى مافكرت اشتريها هى أذواق فعلا و لو لا اختف الاراء لبارات السلع .

و بالطبع انا مش حعمل موضوع عن عربيتى و لا حاجة :)
علشان محدش مهتم بالنوع ده من العربيات خالص .... و انا لا الوم احدا على هذا ... الناس بتدور على عربية تقضى بها غرض النقل و المواصلات ....

لما الناس تضمن موضوع النقل و المواصلات ... و يفيض معاها فلوس ... حيبدؤوا يدورا على عربيات تانية
فعلا هى المشكلة أزمة بلد ، السوق لمصرى بيفرض علينا أشياء لازم نستحملها ، و البنزين لما زائد دفع ناس كتير اووى لبيع عربيتها ذات المواتير العالية و خاصة الفور باى فور ( العرض بئة كتير اووى الفترة دى) لا و لسا هيزيد اكتر بعد تحديد كمية البنزين لكل فرد و أستخدام كارت البنزين الذكى

لو حضرتك عاوز اى معلومة ... انا مش حتأخر :) ... و عذرا علشان النت فعلا مش كويس اليومين دول

انا عارف طبعاً من غير ماتقول حضرتك عمرك مأتاخرت عنى فى أى معلومة ، و براحتك خالص فى الرد عقبال مالنت يضبط و كل سنة و حضرتك طيب .

[ahmed_eng2001]

ربنا يديم المعروف .....

بصفة عامة .... انا بحب العربيات الكبيرة ... و خاصة عربيات الدفع الرباعى .... عالية عن الارض ... واسعة ... قوية ...

و زى ما بيقولوا .... الانسان بيحركه نقاط ضعفه ... او يسعى للتغلب على نقاط ضعفه .... المطبات احد نقاط ضعفى ..و ضيق الحجم و الزنقة . و دى اهم اسباب حبى للعربيات العالية

انا امتلكت فترة الدلتا 88 ... الى هى شبه الكابريس كلاسيك ... و كنت مرتاح فيها جدا
عربيتى لو حبيت ابيعها .. مش حتجيبلى 20 الف جنيه .... طيب ... اركب ايه تانى بال 20 الف .؟؟!!!

فيه عربية احنا لم نذكرها .... النيفا .... تعمل الفلوس دى تقريبا ...

النيفا من الاخر ... و حسب معلوماتى البسيطة عنها ..... عربية لا تديك ... و لا تاخد منك ... بمعنى .... الموتور ال 1600 الروسى القديم .... مش معقد ... قطع غياره رخيصة ... و موفر فى البنزين ... و لكن ... غير قادر على اعطاء العربية اداء زيادة عن ادائها ....
و لو عاوز تعرف اخبار الموتور و الفتيس ايه .... دور على كام عربية نيفا موديل التمانينات لسة موصلة الكردان الامامى ... القليل جدا
صغر حجم العربية و ارتفاعها عن الارض مديها عدم اتزان جامد حبتين ..... البليزر اد النيفا مرتين .... و مش راسية على الارض فى الجرى خالص
صغر حجم الشنطة الخلفية عيب قاتل ( بالنسبة لى ) لو حبيت تحط شنطتين سفر كبار مش حتعرف
الموتور صوته مزعج جدا ... و ده ملهوش دعوة بقدم الموديل و لا بصنعته ... هو كدة
و لهذا ببساطة .... انا مش بحب النيفا ... و لكن ... ممكن تطق فى نافوخى و اجرب اشترى واحدة ( ربنا يبعت فلوس من عنده ) مع الاحتفاظ بالبليزر

[kantofanto]

ربنا يديم المعروف .....
يارب دايما...

بصفة عامة .... انا بحب العربيات الكبيرة ... و خاصة عربيات الدفع الرباعى .... عالية عن الارض ... واسعة ... قوية ...

و زى ما بيقولوا .... الانسان بيحركه نقاط ضعفه ... او يسعى للتغلب على نقاط ضعفه .... المطبات احد نقاط ضعفى ..و ضيق الحجم و الزنقة . و دى اهم اسباب حبى للعربيات العالية

كلنا هذا الرجل انا زى حضرتك بالضبط بحب العربيات العالية عن الارض جداً و خاصة العربيات العالية تحس انك ممكن تأخد عفش الشقة معاك ..ههههههههه :d


انا امتلكت فترة الدلتا 88 ... الى هى شبه الكابريس كلاسيك ... و كنت مرتاح فيها جدا
عربيتى لو حبيت ابيعها .. مش حتجيبلى 20 الف جنيه .... طيب ... اركب ايه تانى بال 20 الف .؟؟!!!
بصراحة كلامك عين العقل ، بالمبلغ ده متركبش غير 128 موديل 2001 و هتبقى مخنوق اوووى منها لانها ضيقة و واطية اووى عن الارض اينعم قطع غيارها ببلاش و مابتسحبش بنزين بس مش اى حد يعرف يتعايش معاها و خاصة ان حضرتك متجوز و عندك عائلة .


فيه عربية احنا لم نذكرها .... النيفا .... تعمل الفلوس دى تقريبا ...

النيفا من الاخر ... و حسب معلوماتى البسيطة عنها ..... عربية لا تديك ... و لا تاخد منك ... بمعنى .... الموتور ال 1600 الروسى القديم .... مش معقد ... قطع غياره رخيصة ... و موفر فى البنزين ... و لكن ... غير قادر على اعطاء العربية اداء زيادة عن ادائها ....
و لو عاوز تعرف اخبار الموتور و الفتيس ايه .... دور على كام عربية نيفا موديل التمانينات لسة موصلة الكردان الامامى ... القليل جدا
صغر حجم العربية و ارتفاعها عن الارض مديها عدم اتزان جامد حبتين ..... البليزر اد النيفا مرتين .... و مش راسية على الارض فى الجرى خالص
صغر حجم الشنطة الخلفية عيب قاتل ( بالنسبة لى ) لو حبيت تحط شنطتين سفر كبار مش حتعرف
الموتور صوته مزعج جدا ... و ده ملهوش دعوة بقدم الموديل و لا بصنعته ... هو كدة
و لهذا ببساطة .... انا مش بحب النيفا ... و لكن ... ممكن تطق فى نافوخى و اجرب اشترى واحدة ( ربنا يبعت فلوس من عنده ) مع الاحتفاظ بالبليزر

ربنا يرزقك و يوسع عليك يارب و تشترى التوتويا كورولا لاند كروزر مش النيفا ، انا قبل مأشترى الفورد كانت طالعة فى دماغى اووووووى النيفا و اللادا عامة ، المهم ياباشا فتحت مواقع النت للبيع و قعدت ادور و الحمد لله لاقيت عربية محترمة فبريكة من جوا و برة و كانت مرفوعة لسفر صاحبها و حماه كان بيباعها بالنيابة عنه و بعد تشاور مع المقربين كلهم اجمعوا انها عربية لاتصلح بتاتا مثلاً أستاذ مينا قال دى كراكة مش عربية واحد صاحبى قالى بتتقلب كتير فى الملفات و عربية خشنة و الدريكسيون تقيل اووى و العفشة ناشفة و صعب التعامل مع السيارة دا غير ان واحد تانى قالى انه صاحبه اشترها جديدة و زهق منها اوووى و باعها بعد عذاب لانها مش بياعة خالص و خسر فيها اوووى و ادى حضرتك بتقول ان الماتور مزعج يبقى هى بكل المقايس عربية فاشلة.

انا شايف ان المتاح دولاقتى و كويس السوزكى فيتار ا مع ان ماتورها قليل بس شغال مش وحش ممكن تلاقى حاجة بمبلغ 40000ج و تكون كويسة و دى عربية مشفتش حد سب فيها.

[ahmed_eng2001]

هو بصفة عامة .... ال 128 بتكون محطة فى حياة اغلب مالكى السيارات .... زيها زى ال 131 و الشاهين و 132 و اللادا و ما على شاكلتها ....

يعنى محطة بتعدى عليها ... و لما تسيبها مش بتحب ترجعلها تانى ... و الواحد لو رجعلها تانى بيكون مظطر جدا .. و ربنا ميحوجناش ليها تانى

ربنا يكرمك و يكرمنا بعربية لاند كروزر موديل تمانينات ... انا موافق ... مشكلة العربية دى انها مش منتشرة خالص ... انما عربية رائعة بكل المقاييس
الى عجبانى فعلا ..... التويوتا لاند كروزر فئة ال 70 ... الى بيسموها التعلبة ... مينا باع عربيته تقريبا ب 125 الف جنيه موديل 1997 ... على ما اتذكر ... انا مش متذكر كويس
عربية رائعة برضوا .... اللاند كروزر ال فى اكس موديل اواخر التسعينات .. و دى تعمل من 150 و انت طالع
ربنا يوعدنا
الفيتارا عربية كويسة جدا ... و الناس فعلا بتشكر فيها ... الموديلات القديمة و الجديدة كمان

[kantofanto]

هو بصفة عامة .... ال 128 بتكون محطة فى حياة اغلب مالكى السيارات .... زيها زى ال 131 و الشاهين و 132 و اللادا و ما على شاكلتها ....

يعنى محطة بتعدى عليها ... و لما تسيبها مش بتحب ترجعلها تانى ... و الواحد لو رجعلها تانى بيكون مظطر جدا .. و ربنا ميحوجناش ليها تانى

أكيد طبعاً مرحلة و عدت على الواحد و الحمد لله ، يارب ميحوجنا ليها ابداً ، هى فعلا عربية للتعليم و بس مش تنفع الواحد يركبها بصفة مستمرة و يتعايش معها و يسافر بيها و كمان مشاكلها تير اووى.

ربنا يكرمك و يكرمنا بعربية لاند كروزر موديل تمانينات ... انا موافق ... مشكلة العربية دى انها مش منتشرة خالص ... انما عربية رائعة بكل المقاييس
الى عجبانى فعلا ..... التويوتا لاند كروزر فئة ال 70 ... الى بيسموها التعلبة ... مينا باع عربيته تقريبا ب 125 الف جنيه موديل 1997 ... على ما اتذكر ... انا مش متذكر كويس
عربية رائعة برضوا .... اللاند كروزر ال فى اكس موديل اواخر التسعينات .. و دى تعمل من 150 و انت طالع
ربنا يوعدنا
التعلبة دى فعلا عربية ملهاش حل و خاصة فى الصحراء فعلا تعلبة و ركوبة 10 على 10 بس مشكلة التويوتا الوحيدة فى مصر هى ان سعرها عالى اوووى و كمان ثابت و اللى معاه عربية نضيفة مش بيفرط فيها بسهولة لان انت عارف ان قطع غيارها معمرة اوووى فالعرض قليل و الطلب كتير و بالتالى السعر عالى و على ماعتقد ان موديلات فى اوائل التسعينات و اغلى من كدا .
و عامة انا موافق اركب تمانيات او تسعينات اه حاجة تكون حالة نضيفة و مش تتعبنى فى الصيانة و كل الميكانيكيا تشتغل فيها .


الفيتارا عربية كويسة جدا ... و الناس فعلا بتشكر فيها ... الموديلات القديمة و الجديدة كمان فعلا من ايام فيتارا السمارى و الناس بتشكر فيها كانت مع واحد صاحبى و لما باعها ندم أشد الندم عليها و معرفش يعوضها تانى

[ahmed_eng2001]

عيب اللاند كروزر كمان غلو قطع غيارها ....
و تاكيدا لكلام حضرتك .... انا سئلت على عربية فى اكس موديل 95 ... صاحبها كان عاوز 170 الف جنيه !!!!!!
و سألت على عربية تانية موديل 93 ... صاحبها كان عاوز 150 الف .... التعلبة .. من 130 الف و انت طالع حسب الموديل و حسب البهدلة
الله يمسيه بالخير مينا ... كان معاه تعلبة .. و كانت حالتها نضيفة جدا .... لو كان معايا فلوس كنت اشتريتها منه على طول

اه بالمناسبة ....

انت خلتنى سخنت على عربيتى و بدأت اشدها .... رحت للسمكرى امبارح علشان العربية كان فيها بارومة فى اكتر من مكان ... و كان بيعملها .... انا حشتغل فيها على مهلى خالص ... على حسب المزاج الشخصى و الحالة المادية
و ان شاء الله نوافيكم بالاخبار :)

[kantofanto]

عيب اللاند كروزر كمان غلو قطع غيارها ....
طبيعى تكون قطع الغيار غالية عشان معمرة و عشان يابانى و مستوردة.


و تاكيدا لكلام حضرتك .... انا سئلت على عربية فى اكس موديل 95 ... صاحبها كان عاوز 170 الف جنيه !!!!!!
و سألت على عربية تانية موديل 93 ... صاحبها كان عاوز 150 الف .... التعلبة .. من 130 الف و انت طالع حسب الموديل و حسب البهدلة
الناس دى بتستهبل فى الاسر عشان العرض قليل و الطلب كتير عن رايئ الشخصى تجيب نيسان باترول أحسن و فى التسعينات و بحوالى 80000ج بس يعاب عليها ان قطع غيارها قليلة شوية بس سيبك انت وحش فى الصحرا و مفيش حد سألته عليها الا ماشكر فيها و اوسع من الرانجلر.

الله يمسيه بالخير مينا ... كان معاه تعلبة .. و كانت حالتها نضيفة جدا .... لو كان معايا فلوس كنت اشتريتها منه على طول
معلش قدر الله فى مشاء فعل أكيد ربنا شيللك الاحسن طبعاً ، بس هو باعها له طالما كانت كويسة و نضيفة معاه ؟؟؟

اه بالمناسبة ....

انت خلتنى سخنت على عربيتى و بدأت اشدها .... رحت للسمكرى امبارح علشان العربية كان فيها بارومة فى اكتر من مكان ... و كان بيعملها .... انا حشتغل فيها على مهلى خالص ... على حسب المزاج الشخصى و الحالة المادية
و ان شاء الله نوافيكم بالاخبار :)

ياباشا مبروك كدا احسن و الله طالما هلتقعد معاك شوية و انا كمان هاعمل طقم سرفيس لعربيتى و هأضبط فيها شوية حاجات فى الكهربا صغيرة طالما قاعدة معيا شوية .

نسيت اقوللك حاجة ......
انا شفت عربية عندى فى المنطقة تويوتا موديل التمانينات تفتكر تعملها كام تقريباً؟؟؟؟
Simple File Sharing and Storage.
Simple File Sharing and Storage.

[ahmed_eng2001]

مش بس علشان قطع الغيار يبانى اصلى .... اكتشاف غريب شوية ... قطع غيار الامريكانى الاصلى للتاهو و السييرا .. ارخص من قطع غيار اللاند كروزر و البرادو

مينا كان عنده ظروف و باعها قبل ما يسافر

عيب الباترول الاساسى ... قطع الغيار ... مش غالية و بس .. لأ .. دى مش موجودة اصلا ... و ده الى ممكن يقتل اى عربية ... عدم وجود قطع غيار
ربنا يكرمك و يوفقك فى تضبيطك للعربية

انا كنت عند السمكرى و فجعنى مرتين ... ربنا يسامحه .. المهم انى مكمل شوية كدة فى السمكرة ان شاء الله

[kantofanto]

مش بس علشان قطع الغيار يبانى اصلى .... اكتشاف غريب شوية ... قطع غيار الامريكانى الاصلى للتاهو و السييرا .. ارخص من قطع غيار اللاند كروزر و البرادو
دا بئة اللى نفسى افهمه ازاى؟؟؟؟؟ بالرغم من عدم أنتشار شيفرولية تاهو و جى ام سى سيرا و هى فعلا عربيات تحترم اووى و فور باى فور الا ان قطع غيارهم ارخص من اللاند كروزر و البرادو اللى هما منتشرين جداً فى مصر و الخليج .

مينا كان عنده ظروف و باعها قبل ما يسافر..... من الواضح ان مينا بيسافر كتير اووى و كل مايسافر بيبيع عربية لان الرانجلر باعها برضوا لما سافر قبل كدا.

عيب الباترول الاساسى ... قطع الغيار ... مش غالية و بس .. لأ .. دى مش موجودة اصلا ... و ده الى ممكن يقتل اى عربية ... عدم وجود قطع غيار... و فى الحالة دى بتوفق لها قطع غيار بئة و لا بتستورد لها قطع الغيار و لا بتخلى حد من السعودية يبعت لك قطع غيار لها .

ربنا يكرمك و يوفقك فى تضبيطك للعربية .... اللهم أمين ربنا يخليك .

انا كنت عند السمكرى و فجعنى مرتين ... ربنا يسامحه .. المهم انى مكمل شوية كدة فى السمكرة ان شاء الله
ربنا يصلح لك حالك و يسيرلك امورك و يعنيك يارب ، ياريت متنساش تبعت لنا شوية صور لعربيتك.


و الله جيت على باللى النهاردة و انا بصلى الترويح شوفت العربية دى بعد ماصليت ففتكرت عربيتك طبعاً، بس هى مش عربية بصراحة هى دبابة.


Simple File Sharing and Storage.

[ahmed_eng2001]

انا مش فاهم موضوع قطع الغيار ده كمان .... و نفس الحال فى السعودية

مينا ... ربنا يرجعوا بالسلامة .... باع الرانجلر و اللاند كروزر قبل ما يسافر
ان شاء الله حرفع صور للشغل فى العربية .. لما النت يرجع تانى ان شاء الله

الى فى الصورة دى اخر الرجال المحترمين .... شيفروليه يوكن ... الموديلات الى بعد كدة اخف وزنا ... و شاسيه اخف
الغريب ان العربية دى تمنا 150 الف جنيه !!!!!! قريبة من تمن اللاند كروزر

[kantofanto]

انا مش فاهم موضوع قطع الغيار ده كمان .... و نفس الحال فى السعودية

عشان كدا العربية تمنها رخيص مقارنة بباقى العربيات اللى فى الفئة بتاعتها.

مينا ... ربنا يرجعوا بالسلامة .... باع الرانجلر و اللاند كروزر قبل ما يسافر
خسارة بصراحة كانت عربيات ملهاش حل بجد، ربنا يرجعوا بالسلامة
ان شاء الله حرفع صور للشغل فى العربية .. لما النت يرجع تانى ان شاء الله
ان شاء الله دا مستنى اشوفها على فارغ من الصبر ، انا يتهياللى لو انا ماشى جنب حضرتك مش هتشوفنى :c_laugh[1]::copy of new::c_laugh[1]:

الى فى الصورة دى اخر الرجال المحترمين .... شيفروليه يوكن ... الموديلات الى بعد كدة اخف وزنا ... و شاسيه اخف
الغريب ان العربية دى تمنا 150 الف جنيه !!!!!! قريبة من تمن اللاند كروزر

انا شفتها راكنة اتخضيت من شكلها عربية مشاء الله كبيرة اووووى و ضخمة و اكبر من اللاند كروزر بكتير بس مش منتشرة للاسف و يتهياللى قطع غيارها مش متوفرة زى اللاند كروزر.

[ahmed_eng2001]

انا معرفش حاجة عن قطع غيار اليوكن ... بس اعتقد انها ممكن تكون موجودة ... علشان الموديلات الاحدث منها موجودة ... و الاقدم موجودة ... بس انا معنديش معلومات مؤكدة

ان شاء الله اصور الشغل الى فى العربية و ارفعه

[kantofanto]

انا معرفش حاجة عن قطع غيار اليوكن ... بس اعتقد انها ممكن تكون موجودة ... علشان الموديلات الاحدث منها موجودة ... و الاقدم موجودة ... بس انا معنديش معلومات مؤكدة

ان شاء الله اصور الشغل الى فى العربية و ارفعه

ياباشا ان شاء الله هأستنى من حضرتك الصور بسرعة و ياريت من الداخل و الخارج