■ليه تركب جيب؟ (للمناقشه)■

[م/أحمد عبد الفتاح]

نسيتوا ليه حتة الدهب دى؟


FJ45 landcruiser

[احمد فهمى]

نسيتوا ليه حتة الدهب دى؟


fj45 landcruiser

دى الاسطوره وفى موديلات منها جديده ودي بجد مدرعه

[Karim_Monir]

ماشاء الله مناقشه ممتازه جدا
طيب بفكر في ليبرتي وناس كتير بتحذرني
ايه البديل المحترم ؟

[ahmed_eng2001]

ماهو ده قصدى انها عربية شغل وتحميل مش عربية ركوب لأن فيه ناس كتير عاوزين يشتروها ويركبوها كسيارة منزل عادية زى الدودج الرام مثلاً وهى متنفعش للغرض ده خالص .

انا مختلف مع حضرتك شوية يا باشمهندس احمد

فى كثير من دول الخليج ... الناس بتستعمل الهايلكس كعربية منزلية


و بالطبع .. الهايلكس حاجة و الرام حاجة تانية .... و فضلت فترة اقارن بين الهايلكس و الرام

الرام محرك هيمى 8 سلندر ... حجمها كبير .. قوة تحمل ... بودى كبير .. صندوق صاج نصف ملى سمك .. على هيكل حديد علب 2 بوصة تقريبا ... صندوق قوى جدا
تكنولوجيا و كونترولات معقدة شوية .... و رايى الشخصى المتواضع .. عربية منظر و عمرها قصير

الرام تتقارن بالسييرا ... او بالتاندرا ... و فى رايى ... تويوتا تاندرا تكسب

الهايلكس على عكس ما ذكرته فى الرام و اعتمادية كبيرة جدا

[ahmed_eng2001]

ماشاء الله مناقشه ممتازه جدا
طيب بفكر في ليبرتي وناس كتير بتحذرني
ايه البديل المحترم ؟

حقول لحضرتك على رائي الشخصى نقلا من صديق عزيز ..... و اتمنى من ملاك الجيب ميزعلوش

لو عاوز تركب دفع رباعى .... خليك فى اليابانى .. و سيبك من الامريكانى

لو عاوز تركب دفع رباعى امريكانى .... سيبك من كرايسلر و دودج و فورد.. و اركب جيمس

لو عاوز تركب كرايسلر ... سيبك من الشيروكى و اركب رانجلر

لو عاوز تركب شيروكى .... سيبك من الليبرتى ... و اركب اى شيروكى تانية

لو مصمم تركب ليبرتى ... دور على موديلات من بعد 2003 .. لان الموديلات السابقة فيها مشاكل تم تلافيها من بعد 2003 .... و الله اعلم

ربنا يستر و محدش يزعل منى :)

[Mecha]

الهايلكس فيها مشكلتين ....

2- نمر النقل مصدر جذب لبتوع المرور ... و غلاسة خاصة بعربيات النصف نقل ... و مينفعش تطلع كبارى و لا تمشى على المحور و لا تنزل وسط البلد فى اغلب الاحوال
ده غير الترخيص السنوى و فتح ملف ضريبى للعربية

مش المفروض طالما gcm اي وزن المركبه بحمولتها تحت 4.5 طن تدخل المدن وتطلع كباري ومحاور عادي .امال المحلات وانشطة المدن ازاي تخدم عليهم وتفرغ وتشحن منتجاتهم .وايه الفرق مع المرور نمرنصف نقل او غير نقل طالما سواق ملتزم.
كمان ليه ملف ضريبي مخصوص للعربيه اذا كانت ملك شركة ,والشركة ككل ليها ملفها الضريبي . يعني ملف ضريبي لاصول المنشأه يعني كل عربية وكل مخرطة وكل مكبس اعملهم ملف !!!!!!
وشكرا

[Mecha]

حقول لحضرتك على رائي الشخصى نقلا من صديق عزيز ..... و اتمنى من ملاك الجيب ميزعلوش

لو عاوز تركب دفع رباعى .... خليك فى اليابانى .. و سيبك من الامريكانى

لو عاوز تركب دفع رباعى امريكانى .... سيبك من كرايسلر و دودج و فورد.. و اركب جيمس

لو عاوز تركب كرايسلر ... سيبك من الشيروكى و اركب رانجلر

لو عاوز تركب شيروكى .... سيبك من الليبرتى ... و اركب اى شيروكى تانية

لو مصمم تركب ليبرتى ... دور على موديلات من بعد 2003 .. لان الموديلات السابقة فيها مشاكل تم تلافيها من بعد 2003 .... و الله اعلم

ربنا يستر و محدش يزعل منى :)

توصيف جنان بيفكرني باعلان للمنتصربالله عن الدبابة زمان ,غلبت ادور عليه ع اليوتيوب مفيش .كل حاجة قدامك حل من اتنين

[احمد فهمى]

ماشاء الله مناقشه ممتازه جدا
طيب بفكر في ليبرتي وناس كتير بتحذرني
ايه البديل المحترم ؟

والله يا سيد كريم الموضوع مش سهل وانا اكتشفت ان العربيات مش بالشكل يعنى الليبرتي شكلها جميل بس بالفعل مشاكلها كتير عدا اخر موديل منها وده سعرو غالى ﻷنو نفس متور الشيروكي kk بالتالى الكل بيشترى kk وطبعآ هفضل اقول الكلمتين دول لشعب مصر كلو ان اي عربيه بدورة تبريد مغلقه لازم اول ما تشتريها تغير كل ما هو له علاقه بالميه خراطيم وريداتير وده كل الاوروبي والامريكانى انا نصيحتى لك باجيرو او فورتشنر و دول من 180 الف ل280 الف جنيه او شيروكي kk ودى الموديل العالى فصالحها وتبداء من 190 الف ل250 حسب الموديل والرانجلر نفس الوضع وبمنتهى الامانه اليابانى بجد عملاق الدفع الرباعى بس الاسعار ملهاش حل يعنى عشان تركب برادو كامله او باترول ملاكى كامل من 400 الف وانت طالع ومستعمل طبعآ لذلك الامريكي هو الوسط وسعرو فى المعقول مقارنه للآمكانيات اللى اكتر من اليابانى اللى بضعف تمنو وفظل طرق مصر الهباب وحال البلد الاهبب الدفع الرباعى بيعديك من بلاوى يعنى لو شفت الطريق مشبوه كده من بعيد او حد قاطرك تنزل عادي فى الرمل للطريق التاني وتسيبهم يولعو وشعبنا يخاف ميختشيش هتحس الناس كلها مؤدبه ومش هترش اكصدامات كل 3 شهور بسبب تريحات اللي بيركنو وزى ما انت شايف العربيات الوحيده اللي تلاقى منها فابريكه من التسعينات لليوم هى عربيات الجيب والدفع الرباعي وجه يوضح لنا كلام كتير

[ahmed_eng2001]

مش المفروض طالما gcm اي وزن المركبه بحمولتها تحت 4.5 طن تدخل المدن وتطلع كباري ومحاور عادي .امال المحلات وانشطة المدن ازاي تخدم عليهم وتفرغ وتشحن منتجاتهم .وايه الفرق مع المرور نمرنصف نقل او غير نقل طالما سواق ملتزم.
كمان ليه ملف ضريبي مخصوص للعربيه اذا كانت ملك شركة ,والشركة ككل ليها ملفها الضريبي . يعني ملف ضريبي لاصول المنشأه يعني كل عربية وكل مخرطة وكل مكبس اعملهم ملف !!!!!!
وشكرا

كان فيه جدل من بضعة سنوات عن عدم مرور سيارات النقل فى وسط البلد ... و كانت فيه قضية .. و المحكمة حكمت باحقية مرور النقل فى وسط البلد لأن القانون ده لم يصدر من مجلس الشعب !!!!! يعنى قانون حطته الداخلية علشان متعملش زحمة فى وسط البلد .. الكلام ده تقريبا كان سنة 2010
و بالطبع .. لا يزال القانون ده مطبق بشكل عرفى

و اعتقد ان تم ادراج عدم مرور النقل على الكبارى و المحور فى تعديلات القانون الجديد

مش عارف موضوع عمل ملف ضريبى مجمع للشركة ... انما العربية النقل تعتبر مشروع يدر ربح ... يبقى لازم يكون لها ملف ضريبى و تدفع ضرائب كمان

لو حضرتك جبت مخرطة ... يعنى حتعمل بيها شغل للغير و تبيعه ... يعنى حتكسب منها فلوس .... يبقى لازم تدفع عليها ضرايب
تعمل ملف ضريبى للمحل او للشركة الى فيها المخرطة ... مش مشكلة .. المهم انك تدفع ضرايب و خلاص ... حتدفع حتدفع ... متحاولش

[Mecha]

كان فيه جدل من بضعة سنوات عن عدم مرور سيارات النقل فى وسط البلد ... و كانت فيه قضية .. و المحكمة حكمت باحقية مرور النقل فى وسط البلد لأن القانون ده لم يصدر من مجلس الشعب !!!!! يعنى قانون حطته الداخلية علشان متعملش زحمة فى وسط البلد .. الكلام ده تقريبا كان سنة 2010
و بالطبع .. لا يزال القانون ده مطبق بشكل عرفى

و اعتقد ان تم ادراج عدم مرور النقل على الكبارى و المحور فى تعديلات القانون الجديد

مش عارف موضوع عمل ملف ضريبى مجمع للشركة ... انما العربية النقل تعتبر مشروع يدر ربح ... يبقى لازم يكون لها ملف ضريبى و تدفع ضرائب كمان

لو حضرتك جبت مخرطة ... يعنى حتعمل بيها شغل للغير و تبيعه ... يعنى حتكسب منها فلوس .... يبقى لازم تدفع عليها ضرايب
تعمل ملف ضريبى للمحل او للشركة الى فيها المخرطة ... مش مشكلة .. المهم انك تدفع ضرايب و خلاص ... حتدفع حتدفع ... متحاولش

تمام ,ماشي النقل التقيل ممنوع دخوله المدن الا بتصريح زي الانشاءات .لكن النقل الخفيف زي البيك اب لخدمات المحلات دا اساسي وحمولته تحت 4.5 طن ميضرش الطرق وكباري المدن.فيه كمان قرار ولا قانون سنة 2010 بمنع المقطورة والسماح بنص المقطوره-تريلا- ايه الميزة مش فاهم.
نيجي للملف الضريبي هنا مفيش ملف ضريبي للعربيه الضرايب بتتحسب علي ارباح المنشأة ككل .انا مثلا مورد فواكه وعندي 5 بيك ابات ازاي احسب الربحيه عليهم وهما عدة شغل زي فورك ليفت والتلاجات وغيره وغيره .كمان هنا لما بشتري مركبات وعده بتيجي علي المصروفات للشركة فالربح بيقل والضريبه كمان .حتي اصحاب العمل التجاري بيشتروا عربيات لاستخدامهم الشخصي علي اسم الشركة بضوابط.ودا بيشجع ويحرك السوق.كل المطلوب تدفع تجديد رخصة العربيه ودا حق استهلاك الطريق ورسوم الفحص الفني لو فيه بس. لكن معرفش مين الجهبز اللي ينسب ربح المنشأه لعربيه والا الافضل الناس ترجع للكارو

[esam_comm]

انا قعدت راكب جراند شيروكي 5.7 في قطر 3سنين وبصراحه الواحد يرفع لها القبعه مافيش بعد كده وكمان سوقت عربيه واحد صاحبي جراند بس اسمها srt8 دي بقي 6200 او 6100 مش فاكر 440 حصان حاجه كده بتطيررررررر اقوي اداء عربيه شوفته في حياتي ماينفعش يتوصف خيااااااال

[bluemail]

والله يا سيد كريم الموضوع مش سهل وانا اكتشفت ان العربيات مش بالشكل يعنى الليبرتي شكلها جميل بس بالفعل مشاكلها كتير عدا اخر موديل منها وده سعرو غالى ﻷنو نفس متور الشيروكي kk بالتالى الكل بيشترى kk وطبعآ هفضل اقول الكلمتين دول لشعب مصر كلو ان اي عربيه بدورة تبريد مغلقه لازم اول ما تشتريها تغير كل ما هو له علاقه بالميه خراطيم وريداتير وده كل الاوروبي والامريكانى انا نصيحتى لك باجيرو او فورتشنر و دول من 180 الف ل280 الف جنيه او شيروكي kk ودى الموديل العالى فصالحها وتبداء من 190 الف ل250 حسب الموديل والرانجلر نفس الوضع وبمنتهى الامانه اليابانى بجد عملاق الدفع الرباعى بس الاسعار ملهاش حل يعنى عشان تركب برادو كامله او باترول ملاكى كامل من 400 الف وانت طالع ومستعمل طبعآ لذلك الامريكي هو الوسط وسعرو فى المعقول مقارنه للآمكانيات اللى اكتر من اليابانى اللى بضعف تمنو وفظل طرق مصر الهباب وحال البلد الاهبب الدفع الرباعى بيعديك من بلاوى يعنى لو شفت الطريق مشبوه كده من بعيد او حد قاطرك تنزل عادي فى الرمل للطريق التاني وتسيبهم يولعو وشعبنا يخاف ميختشيش هتحس الناس كلها مؤدبه ومش هترش اكصدامات كل 3 شهور بسبب تريحات اللي بيركنو وزى ما انت شايف العربيات الوحيده اللي تلاقى منها فابريكه من التسعينات لليوم هى عربيات الجيب والدفع الرباعي وجه يوضح لنا كلام كتير:

بصراحه كلام ألماظ , حضرتك تقصد ان افضل موديل لليبرتي هو 2007 اللى هو اخر موديل منها؟

[amirz]

موضوع اكثر من رائع زى ماعودتنا يا باشمهندس وتسلم ايدك

[م/أحمد عبد الفتاح]

انا مختلف مع حضرتك شوية يا باشمهندس احمد

فى كثير من دول الخليج ... الناس بتستعمل الهايلكس كعربية منزلية


و بالطبع .. الهايلكس حاجة و الرام حاجة تانية .... و فضلت فترة اقارن بين الهايلكس و الرام

الرام محرك هيمى 8 سلندر ... حجمها كبير .. قوة تحمل ... بودى كبير .. صندوق صاج نصف ملى سمك .. على هيكل حديد علب 2 بوصة تقريبا ... صندوق قوى جدا
تكنولوجيا و كونترولات معقدة شوية .... و رايى الشخصى المتواضع .. عربية منظر و عمرها قصير

الرام تتقارن بالسييرا ... او بالتاندرا ... و فى رايى ... تويوتا تاندرا تكسب

الهايلكس على عكس ما ذكرته فى الرام و اعتمادية كبيرة جدا

انا مقصدش الرام بعينها انا اقصد النوعية بتاعتها من العربيات زى التاندرا - دى عربيات بتبقى اتقل ومريحه عن الهايلكس لو اقتنيتها كسيارة منزل

[م/أحمد عبد الفتاح]

حقول لحضرتك على رائي الشخصى نقلا من صديق عزيز ..... و اتمنى من ملاك الجيب ميزعلوش

لو عاوز تركب دفع رباعى .... خليك فى اليابانى .. و سيبك من الامريكانى

لو عاوز تركب دفع رباعى امريكانى .... سيبك من كرايسلر و دودج و فورد.. و اركب جيمس

لو عاوز تركب كرايسلر ... سيبك من الشيروكى و اركب رانجلر

لو عاوز تركب شيروكى .... سيبك من الليبرتى ... و اركب اى شيروكى تانية

لو مصمم تركب ليبرتى ... دور على موديلات من بعد 2003 .. لان الموديلات السابقة فيها مشاكل تم تلافيها من بعد 2003 .... و الله اعلم

ربنا يستر و محدش يزعل منى :)

ياعم مافيش حاجه تزعل هو احنا مثلا مشاركين فى شركة كرايزلر مثلا زى مانص الشعب المصرى مشارك فى القاشقاى

علشان نتكلم فى العربيات الفور باى فور فى مصر وخد بالك من كلمة مصر دى - يعنى سوق مختلف تماما عن العالم كله - حانقول اليابانى يبقى نتكلم عن التويوتا بانواعها وبعدها الاكس تريل ومع احترامى للباقى مالهمش حظ فى مصر وانتشارهم كمان قليل عن الجيب بانواعها والتويوتا بانواعها - لو عاوز تركب حاجه يابانى تانية يبقى عالزيرو وتبيعها فورا بعد ٥ سنين بالكتير