■ليه تركب جيب؟ (للمناقشه)■

[Hussein_Ramdan]

اولا اشكركم علي الموضوع الرائع جالي في وقته انا طول عمري بركب سيدان اخر عربيتين 320 2009 و بعدين سي 180 2012 و كنت هعمل غلطه و انقل علي الانسجنيا بس كنصيحه استاذ احمد فهمي ربنا يباركله تراجعت و حاليا قررت اركب جر اند شيروكي 2009 و دا لان سعرها انسب شيئ بالنسبالي و انا بجد تعبت من الشوارع و تصرفات الناس في السواقه (الصراحه انا منبهر من ان لسه في ناس بتعمل حسابها ان في ناس ماشيه معاها في الشارع زي ما بعض الاخوه كانوا بيقولوا) مشكلتي انا لا افقه شئ في الميكانيكا و عمري ما ركبت مستعمل و علاقتي بالميكانيكا اني اسوق لحد التوكيل او مركز الصيانه و ارجع اخد العربيه فهل دا معناه هتقابلني مشكله مع الجراند و كمان العربيه الي انا لاقيها (و هي معروض منها قليل قوي مش عارف ليه) راشه كبوت و اكصدامين و بابين نضافه زي ما صاحبها بيقول و الي كشف عليها قال انها مفيش حوادث خالص العربيه عداد الي حد ما مش كبير و باين انها استخدام نضيف جدا فلو ممكن اعرف اراء الاخوه الخبراء في الجيب و هل الرش دا مشكله ولا عادي؟ و لكم جزيل الشكر

بص يافندم طبعا م. احمد هيجلب الزتونه
لكن رائى المتواضع انا زايك بظبط 2009 متعتبرش قديمه او هيظهر ليها مشاكل بس رائى متخوش فى شيروكى حديثه شويه 2012 او 13
وسيبك من الجرند

[م/أحمد عبد الفتاح]

اولا اشكركم علي الموضوع الرائع جالي في وقته انا طول عمري بركب سيدان اخر عربيتين 320 2009 و بعدين سي 180 2012 و كنت هعمل غلطه و انقل علي الانسجنيا بس كنصيحه استاذ احمد فهمي ربنا يباركله تراجعت و حاليا قررت اركب جر اند شيروكي 2009 و دا لان سعرها انسب شيئ بالنسبالي و انا بجد تعبت من الشوارع و تصرفات الناس في السواقه (الصراحه انا منبهر من ان لسه في ناس بتعمل حسابها ان في ناس ماشيه معاها في الشارع زي ما بعض الاخوه كانوا بيقولوا) مشكلتي انا لا افقه شئ في الميكانيكا و عمري ما ركبت مستعمل و علاقتي بالميكانيكا اني اسوق لحد التوكيل او مركز الصيانه و ارجع اخد العربيه فهل دا معناه هتقابلني مشكله مع الجراند و كمان العربيه الي انا لاقيها (و هي معروض منها قليل قوي مش عارف ليه) راشه كبوت و اكصدامين و بابين نضافه زي ما صاحبها بيقول و الي كشف عليها قال انها مفيش حوادث خالص العربيه عداد الي حد ما مش كبير و باين انها استخدام نضيف جدا فلو ممكن اعرف اراء الاخوه الخبراء في الجيب و هل الرش دا مشكله ولا عادي؟ و لكم جزيل الشكر

بص ياباشا راشه كبوت واكصدامات نضافة عادى مافيش مشاكل لأن الكبوت طويل والشمس بتخلى لونه يبهت وده فى كل الجيب وكمان الاكصدامات دايماً بتتحك من عربيات تانية - لكن راشه بابين دى صعبه شوية لأن الابواب عمرمالونها بيبهت من الشمس لأنها عمودية على اتجاه الشمس مش افقية زى الكبوت والسقف - عموماً لازم تكشف عليها فى التوكيل ويطلعولك تقرير بيها ويكشفوا كويس على الأبواب وعلى العربية بصفة عامة خصوصاً العفشة الأمامية علشان العفشة الامامية فيها لو ملعوب فيها عمرها ماحتتظبط معاك وكمان لما تجربها إجرى بيها شوية على طريق كويس وشوفها بتعمل ايه فى السرعات العالية لأنها أثبت عربية جيب فى الجرى بالسرعات العالية يعنى مايكونش فيه هزة فى الدركسيون ولا صوت ونه من تحت العربية ولا بتحدف يمين او شمال ولابتعوم .
كمان جرب فتيس الغرز بتاعها هى عموماً دفع رباعى دائم 4High وفيها موديل ليه 4low وموديل مافيهوش 4low - الموديل اللى فيه 4low حتلاقى على يمين الفتيس الاوتوماتيك حرف تى نيكل وعلشان تجرب فتيس الغرز حتجيب الفتيس الاوتوماتيك العادى على الـ N والعربية يادوب بتتحرك وبعدين ترفع التى النيكل لفوق لغاية ماتنور كلمة 4low قدامك فى التابلوة وبعدين تسيب التى النيكل وتجيب الفتيس الاوتوماتيك على الـ D وتمشى بسرعة بسيطة لاتزيد عن ٣٥ الى ٤٠ كم/ساعة المفروض كمان تنور معاك لمبة الـ ESP المرسوم عليها عربية وطريق معووج علشان نظام الاتزان بيتلغى اوتوماتيك فى الـ 4Low وبعدين ترجع تانى بعكس الخطوات علشان تلغى الـ 4Low ولو علق ده عادى بتجيب مارشدير مسافة متر بترجع العربية تانى عادى على الـ 4High - وتجرب كمان مثبت السرعة وكل حاجه فيها .

[هانى البعثى]

بص ياباشا راشه كبوت واكصدامات نضافة عادى مافيش مشاكل لأن الكبوت طويل والشمس بتخلى لونه يبهت وده فى كل الجيب وكمان الاكصدامات دايماً بتتحك من عربيات تانية - لكن راشه بابين دى صعبه شوية لأن الابواب عمرمالونها بيبهت من الشمس لأنها عمودية على اتجاه الشمس مش افقية زى الكبوت والسقف - عموماً لازم تكشف عليها فى التوكيل ويطلعولك تقرير بيها ويكشفوا كويس على الأبواب وعلى العربية بصفة عامة خصوصاً العفشة الأمامية علشان العفشة الامامية فيها لو ملعوب فيها عمرها ماحتتظبط معاك وكمان لما تجربها إجرى بيها شوية على طريق كويس وشوفها بتعمل ايه فى السرعات العالية لأنها أثبت عربية جيب فى الجرى بالسرعات العالية يعنى مايكونش فيه هزة فى الدركسيون ولا صوت ونه من تحت العربية ولا بتحدف يمين او شمال ولابتعوم .
كمان جرب فتيس الغرز بتاعها هى عموماً دفع رباعى دائم 4high وفيها موديل ليه 4low وموديل مافيهوش 4low - الموديل اللى فيه 4low حتلاقى على يمين الفتيس الاوتوماتيك حرف تى نيكل وعلشان تجرب فتيس الغرز حتجيب الفتيس الاوتوماتيك العادى على الـ n والعربية يادوب بتتحرك وبعدين ترفع التى النيكل لفوق لغاية ماتنور كلمة 4low قدامك فى التابلوة وبعدين تسيب التى النيكل وتجيب الفتيس الاوتوماتيك على الـ d وتمشى بسرعة بسيطة لاتزيد عن ٣٥ الى ٤٠ كم/ساعة المفروض كمان تنور معاك لمبة الـ esp المرسوم عليها عربية وطريق معووج علشان نظام الاتزان بيتلغى اوتوماتيك فى الـ 4low وبعدين ترجع تانى بعكس الخطوات علشان تلغى الـ 4low ولو علق ده عادى بتجيب مارشدير مسافة متر بترجع العربية تانى عادى على الـ 4high - وتجرب كمان مثبت السرعة وكل حاجه فيها .

احمد بيه الف شكر على الشرح الوافي ربنا يسهل هجرب الكلام دا كله و اروح التوكيل و ربنا يعمل الخير

[Anaslbda]

معلومة مهمّة عن الفورتشنر حابب أضيفها عن تجربة: استهلاكها للبنزين اقتصادي جداً جداً. (ال 4 سلندر منها)



محدّش عنده فكرة عن الG كلاس مرسيدس هنا في مصر؟

مستعد أجيب واحده تسعينات بأي تمن, مشكلتها انها نادرة في مصر.. مشوفتش في حياتي غير 4, واحده g500 ودي كانت موديل حديث نمر دبلوماسية في صلاح سالم. والتانية كانت ملاكي في العجوزة, التالتة تسعينات قديمة كانت على طريق المطار عند السندباد ملاكي شرقية كنت عايز اسأله للبيع ولا لأ بس كان بيجري ملحقتهوش D:

الرابعة لسّا من كام يوم في صلاح سالم برضه (g550) :


مش عارف الصورة مقلوبة كده ليه.

[احمد فهمى]

معلومة مهمّة عن الفورتشنر حابب أضيفها عن تجربة: استهلاكها للبنزين اقتصادي جداً جداً. (ال 4 سلندر منها)



محدّش عنده فكرة عن الG كلاس مرسيدس هنا في مصر؟

مستعد أجيب واحده تسعينات بأي تمن, مشكلتها انها نادرة في مصر.. مشوفتش في حياتي غير 4, واحده g500 ودي كانت موديل حديث نمر دبلوماسية في صلاح سالم. والتانية كانت ملاكي في العجوزة, التالتة تسعينات قديمة كانت على طريق المطار عند السندباد ملاكي شرقية كنت عايز اسأله للبيع ولا لأ بس كان بيجري ملحقتهوش D:

الرابعة لسّا من كام يوم في صلاح سالم برضه (g550) :


مش عارف الصورة مقلوبة كده ليه.

الg بتنتج لليوم ونفس الشكل ومرسيدس عملت منها 6x6 عشان تتحدى الدفع الرباعي والدبلوماسي منها هتلاقي مصفح ﻷن معظم الg مصفح كان فى واحده في مزاد جمرك المطار اللي فات 4 باب موديل 2003 خرجت ب330 الف الناس موتو بعض عليها وطبعآ اللي بيشتري فاهم وفي منها تمانينات بس عدد مش كبير ودي اسطورة مرسيدس في الدفع الرباعي هي والml

[ahmed.Elashy]

سؤال للساده اصحاب الرانجلر والجيب عموما ... هل تستحق الرانجلر الثمن المبالغ فيه ... بفكر ف العربيه بس هزنق نفسي جامد جدا عشانها .. فهل تستحق التضحيه ...ولا لا ؟؟

[dreslam]

لا متزنقش نفسك عشان عربيه مهما حصل بصراحه....هي حته حديده لا راحت ولا جت مهما كانت الاغراءات..اللي تركبه وانتا مستريح نفسيا وماديا مهما كان افضل عن تجربه...وربنا يديك بعدها وتجيب اللي انتا عايزه وانتا جاهزله.عشان الزنقه تتعب الواحد نفسيا ويمكن تخليه ميستمتعش بحاجه مهما كانت

[ahmed_eng2001]

لا متزنقش نفسك عشان عربيه مهما حصل بصراحه....هي حته حديده لا راحت ولا جت مهما كانت الاغراءات..اللي تركبه وانتا مستريح نفسيا وماديا مهما كان افضل عن تجربه...وربنا يديك بعدها وتجيب اللي انتا عايزه وانتا جاهزله.عشان الزنقه تتعب الواحد نفسيا ويمكن تخليه ميستمتعش بحاجه مهما كانت

اوافق حضرتك على رأيك بنسبة 100 %

[ahmed.Elashy]

لا متزنقش نفسك عشان عربيه مهما حصل بصراحه....هي حته حديده لا راحت ولا جت مهما كانت الاغراءات..اللي تركبه وانتا مستريح نفسيا وماديا مهما كان افضل عن تجربه...وربنا يديك بعدها وتجيب اللي انتا عايزه وانتا جاهزله.عشان الزنقه تتعب الواحد نفسيا ويمكن تخليه ميستمتعش بحاجه مهما كانت

شكرا ع ردك .. و هصرف النظر فعلا لحد م ييجي الاوان

[احمد فهمى]

سؤال للساده اصحاب الرانجلر والجيب عموما ... هل تستحق الرانجلر الثمن المبالغ فيه ... بفكر ف العربيه بس هزنق نفسي جامد جدا عشانها .. فهل تستحق التضحيه ...ولا لا ؟؟

ادعم رأى الاعضاء مفيش عربيه تستحق انك تزنق نفسك عشانها بخاصة ان مصاريفها كتير واي عربيه لها بديل في المتناول

[هانى البعثى]

طيب ايه رايكم جراند شيروكي ٢٠٠٨ عامله ١١٨ الف ولا باجيرو ٢٠٠٨ عامله ٩٠ الف

[م/أحمد عبد الفتاح]

الجراند إستهلاكها أعلى فى البنزين عن الباجيرو
الباجيرو انعم من الجراند ومريحة عنها
قطع غيار الجراند متوفرة جديد ومستعمل
مراكز الصيانة للجراند اكتر وحتى بعض الورش العادية بتشتغل في الجراند عادى
الباجيرو فيها مشكلتين معروفين هما : شرخ فى مجمع العادم الشمال - إستهلاك زيت كبير لما تقرص عليها علشان فيها مشكلة فى السيل بتاع الصبابات
أنصحك بالجراند واستحمل البنزين :)

[احمد فهمى]

الجراند إستهلاكها أعلى فى البنزين عن الباجيرو
الباجيرو انعم من الجراند ومريحة عنها
قطع غيار الجراند متوفرة جديد ومستعمل
مراكز الصيانة للجراند اكتر وحتى بعض الورش العادية بتشتغل في الجراند عادى
الباجيرو فيها مشكلتين معروفين هما : شرخ فى مجمع العادم الشمال - إستهلاك زيت كبير لما تقرص عليها علشان فيها مشكلة فى السيل بتاع الصبابات
أنصحك بالجراند واستحمل البنزين :)

افادك الله وكلام سليم واحترافى

[م/أحمد عبد الفتاح]

افادك الله وكلام سليم واحترافى

متشكر جداً ده بعض ماعندكم

[هانى البعثى]

الجراند إستهلاكها أعلى فى البنزين عن الباجيرو
الباجيرو انعم من الجراند ومريحة عنها
قطع غيار الجراند متوفرة جديد ومستعمل
مراكز الصيانة للجراند اكتر وحتى بعض الورش العادية بتشتغل في الجراند عادى
الباجيرو فيها مشكلتين معروفين هما : شرخ فى مجمع العادم الشمال - إستهلاك زيت كبير لما تقرص عليها علشان فيها مشكلة فى السيل بتاع الصبابات
أنصحك بالجراند واستحمل البنزين :)

اولا الف شكر و حاجه حلوه الواحد يلاقي ناس فاهمه قوي كدا ربنا يباركلكم
معلش سؤال تاني هو عداد ١١٨٠٠٠ يعتبر كبير قوى و احتمال ظهور مشاكل هيكون كبير ولا الصيانه العاديه؟