مواصفات زيت المحرك

[م/أحمد عبد الفتاح]

انا راجعت الكود و فعلا مطابقة للى اشتريتها. بس العربية مبتسحبش كويس و خصوصا مع التكييف و لما اجى اعمل كيك داون بتاخد وقت عقبال ما تطلع و بحس ان تفاعل الكيك داون بقى ضعيف مش زى الأول. يعنى دلوقتى لما ادوس بنزين زيادة ال rpm بيعلى بس السحب مش بنفس الكفاءة. ممكن تكون البوجيهات مضروبة؟؟؟و لا يكون ايه؟؟

الأول غير فلتر الهوا وشوف الأخبار إيه

[Off-roader]

شيل عندها دلوقتي الترا بلس 5w_30

و الترا عادي 5w_40

والاتنين fully synthetic

وكمان عندهم 10w_40 ال api بتاعه sn جركن ازرق synthetic technology

وعندهم 10w_60 fully synthetic وده تقريبا الزيت الوحيد في مصر بالزوجه ديه

انا كنت سألت فى توكيل شل نفسه و قالولى ال 5w30 بيتباع الجركن 4 لتر و مفيش منه واحد لتر فردانى اما ال 5w40 فبيتباع منه باللتر لأن العربية بتاخد 5 لتر بدل ما تهدر جركن او تسيبه للمره اللى بعدها. و بالنسبه للسعر
الجركن 4 لتر 325 جنيه
جركن ا لتر 85 جنيه
و دى عناوين توكيل شل:-
1- ocp المعادى 46 شارع النصر بجانب الخباز
2- مصر ستار 43 ذاكر حسين بجوار معرض فولفو- مدينة نصر (ت. 01140627802)

المفروض ان العربية الزيت بتاعها فى الكتالوج هو 5w20 و ده مش موجود غير فى التوكيل لأن شل بتصنع الخط ده مخصوص للتوكيل يعنى مش موجود فى السوق برا و مكتوب فى الكتالوج انه مسموح لحد 5w30.
السؤال بقى هل لو غيرت ب 5w40 غلط على الموتور و هل معلومة ان الموتور الجديد ياخد زيت خفيف و الموتور القديم ياخد زيت لزوجته أعلى صحيح ام خطأ؟؟؟
و شكرا