إعـــــــلان

Collapse

.

,
See more
See less

جيب شيروكي xj ولا بليزر k5 - أرجو الافادة من أهل الخبرة

Collapse
X
 
  • Filter
  • الوقت
  • Show
Clear All
new posts

  • #16
    انا شاكر للمهندس tasaka شعوره ... بس للاسف انا فكرت فى الكلام ده و لكن وجدت انه مش حينفع ... ليه ؟؟!!!

    القلب الى فى المنتصف ده الجديد .... القلب الى فوق مختلف عن القلب الى تحت ... الى تحت ده الى اسمه قلب ببطحة .... منخفض فى المنتصف .. بيركب فيه مسمار طويل علشان ميخليهوش يخرج من مكانه

    القلب الى فى الاعلى .... مفيهوش البطحة دى .... بيطلع من مكانه عن طريق زايدة صغيرة على سوسته ... بتنضغط لتحت علشان القلب يخرج .... و قلبه كمان مختلف عن القلب التانى
    ده غير انه محتاج طقم اسنان :( .... اى مفتاح ممكن يدخل فيه ....ده غير اللوك بتاعه بايظ ... يعنى ممكن يلف من غير مفتاح كمان .... القلب ده طيب اوى و مبيحبش يتعبنى ...

    و مخبيش عليك ... انا مش بحب شغل الصنايعية كلهم ... و حودى القلب لواحد حيقعد يلعب فيه و مش حيعملى الى انا عاوزه .... انا عاوز الودن الخارجية الى بلف بيها القلب .. و دى اكتشف انها حتتكسر لو خرجت من القلب .. لازم اكسرها ... و كدة ملهاش لازمة

    الحمد لله اشتغلت النهاردة و ركبت القلب الجديد و شغال كويس حتى الان ... اجرب العربية بكرة ان شاء الله

    Comment


    • #17
      عذرا الصور مش كويسة علشان ايدى كانت مش نضيفة




      و دى صورة فبرة الاشارات و الكلاكس



      و انا اسف .. كان فيه صور لمراحل الفك ... بس مش لاقيها حاليا ... لما اعثر عليها حرفعها ان شاء الله

      Comment


      • #18
        شكراً جداً لكم جميعاً على الرد والإفادة... وآسف على التأخير على الرد... ربنا يكرمكم... أنا استفدت كتير...


        طيب... أنا إشتريت البليزر موديل 89 الحمد لله... ليه؟ لعدة أسباب... أولاً: لإنها بيك أب أو ممكن تدي شكل الترك Truck بمجرد ما تشيل التوب وده كان شكل نفسي فيه من زمان.. ثانياً: المساحة علشان الأولاد يقعدوا ورا مستريحين لإني كنت راكب رانجلر YJ وللاسف كانوا بيبقوا متعسفين في الركوب ورا.. ثالثاً: بعد توحش الأسعار أصبح الXJ بعيدة شوية لإنها عربية تانية واستخدامها محدود في الرحلات والسفاري والكامبنج وكده...
        الحمد لله وفقت في عربية بيتهيألي انها مش بطالة خالص.. إن شاء الله أرفعلكم شوية صور ليها.. محتاجة سروجي علشان أظبط الداخل بتاعها.. عملت تجربة كده امبارح بالليل Test Drive في الصحراء وكان الأداء مش بطال خالص..

        الملاحظات:

        حسيتها تقيلة شويتين تلاتة على الرمل بشكل مزعج فغرزت الصراحة... بس لما جيبت ال4 low طلعت هوا.. التورك -العزم- بتاعها بصراحة هايل، ما شاء الله...

        - فيها نتعة كده لو دوست جامد على دواسة البنزين مش عارف ده أسبيراتير ولا كربراتير عايز يتنضف لانها مركونة من فترة
        - حسيت ان لما بشغل فتيس الغرز بيلقط ساعات وساعات لأ فمش عارف... غالباً هخلي حد يراجع عليها
        - العربية كربيراتير فمش عارف الأفضل (من حيث القوة والأداء) انها تفضل كربيراتير ولا أقلبها إنجكشن
        - صاحب العربية بيصين عند حد قالي اسمه صابر الجازولي، وبيشكر فيه، شكلي هروحله بس لو حد يعرف حد أظبط معاه بشكل دائم يبقى متشكر جداً لو دلني عليه بس حد معلم بليزر... أنا كنت بشتغل مع حسين السلمي قبل كده وهوا حد جميل جداً، ولو بيشتغل في البليزر، هظبط معاه وش إن شاء الله

        - وأخيراً ايه هي الأفكار والمقترحات علشان أعلي من أداء وعزم الموتور، عايز يديني بيرفورمنس أقوى من كده.. أعمل ايه؟؟

        وشكراً جداً ليكم يا شباب...

        Comment


        • #19
          مبروك ... ربنا يديك خيرها و يكفيك شرها ... و يبعد عنك وقفة الطريق و يوقفلك اصحاب الاوناش و لاد الحلال

          يا راجل ده انا كنت عامل صوان عزاء ... يلا حصل خير

          ياريت حضرتك توضح نوع الموتور .... و الفتيس مانيوال و لا اوتوماتيك

          متنساش ترفع الصور و تفرجنا .. و اى استفسار انا تحت امرك ... اخيرا لقيت حد فى الجروب معاه بليزر

          بالنسبة للميكانيكية ....

          المواتير المريكانى و خاصة القديمة سهلة و مش معقدة .... متخليش حد يشتغلك و يقولك اصل الامريكى مش اى حد يشتغل فيه .... المشكلة فقط فى كبر حجم الاجزاء .. و قدمها فى كثير من الاحيان ... و قلتها فى احيان اخرى
          و اى حد بيشتغل فى عربيات الدفع الرباعى بيزود المصنعية شوية

          انا كنت بتعامل مع محمود توفيق فى المنيب جنب الدائرى .... و كنت بتعامل مع واحد فى بولاق .. بس ده توفى ... فى اواخر الايام انا بشتغل بايدى

          على حسب علمى البسيط ... الموتور الى عندك الى صوته واطى ... السير العريض .. موتورى السير الرفيع و صوته عالى

          لما بتعوز قطعة غيار .... لازم تفك القديمة و توريها للى بيبيع

          قطع الغيار .... شارع شمبليون ... التوفيقية .. و ممكن ادلك على واحد بيكون عنده الحاجات المستخبية ... الاستيراد ... عليك و على شبين الكوم ... جسر الميتين ... او عند سيد و صابى الى على الدائرى

          الاداء .... غير بوجيهات و اسلاك البوجيهات و بالطبع نضافة الكربراتير .. و ياريت تحط فلترين بنزين ... واحد منهم الى بيتحط للعربيات الانجكشن .. بتاع اللانوس او ال بى واى دى .. يحميلك الكربراتير من الوساخة

          فيه مواتير من البليزر هاف انجكشن ..و ده يقال ان اعطاله قليلة و كان ب 5500 جنيه من سنتين عند سيد و صابر ...
          و علشان تغير من كربراتير لانجكشن ... انت محتاج تغير وش السلندر ... و معتقدش ان وش المواتير دى ممكن يركب على المواتير القديمة

          فتيس الغرز .... لازم حضرتك ترفع العجلة اليمين الامامية و كمان الخلفية ...و تجرب تعشق الغرز و تشوف العجل و هو بيلف .. و تعمل نفس الموضوع فى الناحية الشمال .... صرة العجل و تروس الغرز لازم تتشحم كل فترة

          اوعى تقولى ان عندك لوكات العجل عندك اوتوماتيك !!!! علشان فى الغالب البليزرات معظمها لوكات العجل يدوية ..
          ودى حاجة مهمة لازم تتأكد من انها شغالة و بتفصل

          بخصوص الشحم .... اخبار الصلايب الى راكبة ايه ؟؟ فيها مشاحم و لا لأ ؟؟!!! لو فيها مشاحم اهتم بتشحيمها كل فترة .. و خلى عينك مع الصنايعى الى بيشحم ... علشان ساعات كتير بيطلصق

          تبص على زيت الكارونتين ... الامامية و الخلفية ... الفتيسين .. الرئيسى و الغرز بصفة دورية

          ربنا يوفقك و فى انتظار المزيد من التفاصيل

          Comment


          • #20
            استكمالا لموضوع القلب


            كان لازم استخدم زرجينة معينة لضغط طبق اللوك ده لتحت علشان اعرف اشيل تيلة مثبتاه فى مكانه
            فاستخدمت قمطتين بتوع الخشب ... و مسكت القطمة من طرف حديد فى اسفل القطمة




            السهم الابيض بيشير للتيلة الى تتشال علشان احرر طبق لوك الدركسيون و بعدها اعرف اوصل للفبرة و اشيلها علشان اوصل لمسمار القلب
            السهمين الحمر بيبينوا اتجاه الضغط ... فيه سوستة صغيرة تحت فبرة الكلاكس هلى الى زانقة الدنيا فى بعضها كدة

            Comment


            • #21
              المشاركة الأصلية كتبت بواسطة crx مشاهدة المشاركة
              شكراً جداً لكم جميعاً على الرد والإفادة... وآسف على التأخير على الرد... ربنا يكرمكم... أنا استفدت كتير...


              طيب... أنا إشتريت البليزر موديل 89 الحمد لله... ليه؟ لعدة أسباب... أولاً: لإنها بيك أب أو ممكن تدي شكل الترك truck بمجرد ما تشيل التوب وده كان شكل نفسي فيه من زمان.. ثانياً: المساحة علشان الأولاد يقعدوا ورا مستريحين لإني كنت راكب رانجلر yj وللاسف كانوا بيبقوا متعسفين في الركوب ورا.. ثالثاً: بعد توحش الأسعار أصبح الxj بعيدة شوية لإنها عربية تانية واستخدامها محدود في الرحلات والسفاري والكامبنج وكده...
              الحمد لله وفقت في عربية بيتهيألي انها مش بطالة خالص.. إن شاء الله أرفعلكم شوية صور ليها.. محتاجة سروجي علشان أظبط الداخل بتاعها.. عملت تجربة كده امبارح بالليل test drive في الصحراء وكان الأداء مش بطال خالص..

              الملاحظات:

              حسيتها تقيلة شويتين تلاتة على الرمل بشكل مزعج فغرزت الصراحة... بس لما جيبت ال4 low طلعت هوا.. التورك -العزم- بتاعها بصراحة هايل، ما شاء الله...

              - فيها نتعة كده لو دوست جامد على دواسة البنزين مش عارف ده أسبيراتير ولا كربراتير عايز يتنضف لانها مركونة من فترة
              - حسيت ان لما بشغل فتيس الغرز بيلقط ساعات وساعات لأ فمش عارف... غالباً هخلي حد يراجع عليها
              - العربية كربيراتير فمش عارف الأفضل (من حيث القوة والأداء) انها تفضل كربيراتير ولا أقلبها إنجكشن
              - صاحب العربية بيصين عند حد قالي اسمه صابر الجازولي، وبيشكر فيه، شكلي هروحله بس لو حد يعرف حد أظبط معاه بشكل دائم يبقى متشكر جداً لو دلني عليه بس حد معلم بليزر... أنا كنت بشتغل مع حسين السلمي قبل كده وهوا حد جميل جداً، ولو بيشتغل في البليزر، هظبط معاه وش إن شاء الله

              - وأخيراً ايه هي الأفكار والمقترحات علشان أعلي من أداء وعزم الموتور، عايز يديني بيرفورمنس أقوى من كده.. أعمل ايه؟؟

              وشكراً جداً ليكم يا شباب...
              الف مبروك وربنا يديك خيرها ويكفيك شرها - إختيار موفق إن شاء الله وبالصبر واحدة واحدة حاتظبطها إن شاء الله واحنا معاك فى اى استشارة على قد مانقدر -بالإضافة لكلام المهندس أحمد : بالنسبة للكرابراتير حاقول لحضرتك على كذا نقطة تحطهم فى دماغك :
              - إوعى تخلى حد يفك الكربراتير ويقولك طقم اكسات وبوابات وبيكات والكلام ده - لو الكرابراتير بيدور العربية ويمشيها كويس ومافيش اى ريحة بنزين ومابتغيبش معاك فى الدوارة ولا بتشرق سيبه راكب وابتدى اتعامل معاه خارجيا بإنك تنضفه بمنظف كاربراتير وده بترشه على الكاربراتير وعلى البوابات وتمسح داخل البوابات كويس بقماشة مبلولة منظف وتمسح جدران وبوابات الكاربراتير وخصوصا من الجنب ومن الخلف (البوابات) - وتسيبه لغاية ماينشف وبعدين تدور - تشوف كل الخراطيم اللى راكبه على الكرابراتير متوصله كويس ولا فيها حاجه مقطوعه او مش راكبه - السوست تتنضف كويس برضه بمنظف الكرابراتير - مافيش حد بيعرف يصلح كاربراتير فى مصر ولو صلحه حايشتغل بالكتير اسبوع ويضرب تانى . عاوز تصلح الكاربراتير مظبوط تبعت تشتريله طقم اصلاح كامل من بلده وتعمله بايدك.
              - حاول تظبط الهوا مع البنزين والكهربا حاتتظبط ان شاء الله .
              - سيبها كاربراتير احسن من الانجيكشن وفيه ناس كتير جدا بره مصر بترجع للكاربراتير تانى .
              بالنسبة للصيانات بصفة عامة :
              - اول حاجه حاول تدور على الكتالوج بتاعها على النت علشان تطلع منه انواع الزيوت الخاصة بالموتور والفتيس والكوارين وفتيس الغرز والشحوم كمان والبوجيهات (لأن ممكن جدا تلاقى البوجيهات اللى راكبة مش بتاعتها وصدقنى نص العربيات اللى ماشية فى مصر مش مركبه البوجيهات بتاعتها وعامله مشاكل - اكتر من ٧٥٪ الناس بتروح تشترى البوجيهات بالبركة والزيت برضه بالبركه ويرجعوا يشتكوا من العربية )
              - بعد كده حاتغير البوجيهات وكل الزيوت والفلاتر والسيور وتيل الفرامل وزيت الفرامل بعد كده تبدأ تشوف ايه اللى فى العربية وتصلحه او تظبطه .
              - لما تروح تغير الحاجات اللى فاتت تشتريها انت بنفسك من زيوت او قطع غيار او خلافه وتقف على ايد الصنايعى وهو بيركبهم .
              ده اللى اقدر اقولهولك دلوقتى وانصحك مرة تانية بالصبر وانا عارف انك حاتصبر لان كان معاك yj قبل كده :)
              amadios سابقا

              Comment


              • #22
                BPR4FS-15 NGK

                R45TSX ACdelco

                البوجيهات

                Comment


                • #23
                  بالنسبة للكربراتير .... انا نظفت الكربراتير بتاعى اكتر ما نظفت اسنانى بالفرشة ... موضوع سخيف حبتين .. فيه ابرة بتركب من فوق الجوان ... يا مجير يا رب ... غير كدة الكربراتير بسيط و سهل فى الفك و التركيب

                  فيه طقم اصلاح كان بيتباع فى علبة كرتون ظريف جدا .... و كان بييجى معاه مسطرة صغيرة و ورقة بتشرح تظبط العوامة ازاى .. و كان بيتباع جديد ب 2000 جنيه السنة الى فاتت .. و استيراد كان ب 500 جنيه
                  و فيه منه نوعين تلاتة شبه بعض

                  و انا اوافق الباشمهندس احمد عبد الفتاح فى موضوع الصنايعية .....
                  مرة من ذات المرات كنت بغير صليبة كردان علشان كانت بتعمل صوت ... و لما فكيتها وجدت انها ناشفة و مفيهاش شحم خالص ... بالرغم من ان كان عليها شحم من برة .... و ده معناه ان الصنايعى كان بيحط شحم اى كلام ... من برة كدة على الناشف

                  Comment


                  • #24



                    Comment


                    • #25
                      السوست

                      قابل يا عم

                      اكتشفت ورقتين فى السوستة الخلفية يمين مكسورين ... تم شراء 2 غيرهم و تركيبهم

                      هذه المرة .. الى فك و ركب عفشجى ..



                      Comment


                      • #26
                        شكراً جداً جميعاً على النصائح، فعلاً أنا استفدت لإني لسه موديها تتظبط ميكانيكا وعفشة وكل التفاصيل اللي قولتولي عليها أنا كتبتها في ورقة علشان آخد بالي منها إن شاء الله

                        م/ أحمد ahmed_eng2001 انت ذكرت لوك العجل!!!؟؟؟ أنا معرفش إن فيها لوك للعجل أصلاً؟؟!! وده بيشتغل ازاي؟؟
                        وهل تقصد بلوك العجل الـ Deferential Lock وده أنا أشغله ازاي؟؟ معتقدش انه أوتوماتيك... وهل اللوك بتاع العجل ده خلفي ولا أمامي ولا الاتنين؟؟

                        ده لو فيها ديفرينشيال لوك أنا أفرح جداً لاني كنت عمال أدور على deferential lock kit أشتريه من بره

                        Comment


                        • #27
                          المشاركة الأصلية كتبت بواسطة CRX مشاهدة المشاركة
                          شكراً جداً جميعاً على النصائح، فعلاً أنا استفدت لإني لسه موديها تتظبط ميكانيكا وعفشة وكل التفاصيل اللي قولتولي عليها أنا كتبتها في ورقة علشان آخد بالي منها إن شاء الله

                          م/ أحمد ahmed_eng2001 انت ذكرت لوك العجل!!!؟؟؟ أنا معرفش إن فيها لوك للعجل أصلاً؟؟!! وده بيشتغل ازاي؟؟
                          وهل تقصد بلوك العجل الـ Deferential Lock وده أنا أشغله ازاي؟؟ معتقدش انه أوتوماتيك... وهل اللوك بتاع العجل ده خلفي ولا أمامي ولا الاتنين؟؟

                          ده لو فيها ديفرينشيال لوك أنا أفرح جداً لاني كنت عمال أدور على deferential lock kit أشتريه من بره
                          يااااااه ... ده انا كنت نسيت

                          الى قصدته ... لوك العجب الامامى .. و ده بيخلى العجل يعشق مع الاكس الى جاى من الكارونة الامامية .... و ده بيكون يدوى فى البليزر ... و اوتوماتيك فى الشيروكى و من الممكن تحويله من مانيوال لاوتوماتيك ... حضرتك تبص على صرة العجل الامامى ... فيها مفتاح يدوى و لا لأ .. حضرتك تلفة ناحية LOCK او ناحية unlock

                          العربيات القديمة مفيهاش Deferential Lock ... حضرتك ممكن تركبه او تشتريه من برة .. و ممكن حضرتك تقولى لو لقيته علشان انا كمان بفكر اركب واحد ... عذرا ... حنحتاج نركب 2 ... فى الكارونتين

                          Comment


                          • #28
                            Blazer 2.jpg

                            Comment


                            • #29
                              المشاركة الأصلية كتبت بواسطة ahmed_eng2001 مشاهدة المشاركة
                              يااااااه ... ده انا كنت نسيت

                              الى قصدته ... لوك العجب الامامى .. و ده بيخلى العجل يعشق مع الاكس الى جاى من الكارونة الامامية .... و ده بيكون يدوى فى البليزر ... و اوتوماتيك فى الشيروكى و من الممكن تحويله من مانيوال لاوتوماتيك ... حضرتك تبص على صرة العجل الامامى ... فيها مفتاح يدوى و لا لأ .. حضرتك تلفة ناحية LOCK او ناحية unlock

                              العربيات القديمة مفيهاش Deferential Lock ... حضرتك ممكن تركبه او تشتريه من برة .. و ممكن حضرتك تقولى لو لقيته علشان انا كمان بفكر اركب واحد ... عذرا ... حنحتاج نركب 2 ... فى الكارونتين
                              طيب ما العجل لما يعشق مع الأكس مش هوا ده الdeferential lock مش كده معناه ان العجلتين بيتحركوا مع بعض؟ لو واحدة غرزت ، الاتنين يتحركوا بنفس الحركة فتقوم تطلع من الغرزة؟؟
                              ما هوا الديفرينشيال لوك ده يا إما بيتركب قدام يا إما ورا يا إما الاتنين

                              تعالى يا باشا نعمل أوردر مع بعض دا الشرف يكون لينا :)))))

                              Comment


                              • #30
                                طيب أنا حاولت أقرأ وأفهم كده علشان أعرف الفرق بينهم... وزي ما حضرتك قولت أعتقد انك تقصد ال Locking Hubs مش الـ deferential lock
                                مع إني تقريباً مفهمتش ايه فايدة اللوكينج هابز بس فعلا أنا شفت حد بيعملها في اللاند كروزر واحنا في الصحراء وافتكرت ساعتها انها ديفرينشيال لوك

                                بس واضح ان هيا يعني ملهاش لازمة أوي (دا من الاستنتاج من القراءة) وطبعا أكيد بخبراتكم تقدروا تفيدونا أكتر واللي فهمته انه لازم قبل ما تضع العربية في وضع ال4w تكون عامل على اللوك... والله أعلم

                                Comment

                                Working...
                                X