إعـــــــلان

Collapse

.

,
See more
See less

جيب شيروكي xj ولا بليزر k5 - أرجو الافادة من أهل الخبرة

Collapse
X
 
  • Filter
  • الوقت
  • Show
Clear All
new posts

  • #31
    ياريت حضرتك ترفع صور لعربيتك اكتر .. و صورة للموتور و للفرش الداخلى

    بالفعل يا فندم ... اللوك الى قصدته الى موجود فى صرة العجل .. هو ده Locking Hubs ... و ده بيخلى العجلة تعشق مع الاكس ... و فيه موديلات لاندكروزر فيها اللوكات دى مانيوال .. و بعض موديلات الفورد كمان
    و من غيرها ... العجل الامامى مش بيكون بيتحرك مع الكارونة ... يعنى مش بياخد حركة من الكارونة الامامية
    قريبا ان شاء الله اصور لحضرتك اللوك ده و ارفعه

    deferential lock زى ما حضرتك ذكرت .... و بيكون انواع مختلفة ... فيه منه انواع اوتوماتيكية ... و ده بيحس بفرق سرعات اكسين العجل ... فلو زادت عن حد معين .. بيعمل لوك للاكسن مع بعض ... علشان ده معناه ان فيه عجلة بتلف كتير اوى عن عجلة تانية ..... و فيه منه انواع يدوية ... يعنى حضرتك الى تدى الكارونة الامر علشان تعمل deferential lock ...فتخلى العجلتين يلفوا مع بعض بنفس السرعة ... الامر ده ممكن يكون كهربا و ممكن يكون ضغط هوا

    وضع فتيس الغرز على 4HI و ده بيعشق فتيس الغرز مع الفتيس العادى .. و بيسمح ان العربية تجرى شوية .. مع عدم تقديم عزم كبير للعجل
    4 LO و ده وضع الغرز .. عزم عالى مع سرعة منخفضة فى الجرى ...

    انا عاوز اوضح لحضرتك ان تعشيق فتيس الغرز حاجة .. و عمل لوك ( تعشيق ) العجل حاجة تانية
    تعشيق فتيس الغرز يتم بدون الضغط على الدبرياج ..... احيانا و انت بتفك التعشيق و تحوله للوضع 2hi .. بيقفش شوية .. و ميرضاش يتحرك معاك ... عادى جدا ... اتحرك بالعربية شوية للامام و حاول تانى .. و لو منفعش ... اتحرك كمان متر و جرب كمان و هكذا
    و احيانا كمان ... لوك العجل بيعلق برضو بنفس الطريقة ... تقوم مشمر اكمامك فى البرد ده ... و تزقها شوية صغيرين للامام او الخلف .. تفك معاك ان شاء الله
    مجموعة اللوك الى فى صرة العجل لازم تتفك و تتشحم كل فترة ... مرة فى السنة مثلا .. و بالمرة تأكد على رباط صامولة بلية العجل الداخلية .. و تتاكد من الاويل سيل بتاع شحم العجل .. و بعد ما تخلص .. تجرب و تشوف اللوك بتاع العجلة شغال و لا لأ

    Comment


    • #32
      دى صورة غطاء الهب من برة



      و دى صورة مجموعة السولستيك ... اسمها كدة تقريبا .. و دى الى بتلف داخليا ... لوك الكارونة بيتعمل انه ميلفش المجموعة الى جوة دى ... و ملكش دعوة بشوية الشحم الى جوة الكارونة دى .... واحد ميكانيكى جهبز هو الى عمل كدة

      Comment


      • #33
        بمنتهى البساطة الـ differential lock معناه إنك تعشق عمود الكردان الامامى والخلفى مع بعض عن طريق فتيس الغرز أو Transfer case فى الحالة دى بيبقى الكورونة الامامية والكورونة الخلفية واخدين الحركة مع بعض من فتيس الغرز - عندك بقى فتيس الغرز ده ليه وضعين وضع high ووضع low - فى الوضع الـ high مافيش فرق عن الدفع الخلفى غير انك ربطت عمودين الكردان وبالتالى الكورونتين الامامية والخلفية مع بعض - فى الوضع الـ low بتنقل على ترس تانى فى فتيس الغرز بيكون اكبر من الترس بتاع الـ high وبالتالى العزم بيكون اكبر فى حالة الـ low .
        بالنسبة للـ hub lock فده بيكون فى بعض العربيات فى العجل الامامى ووظيفته انه يعشق العجلتين مع الاكسات اللى طالعة من الكورونة بمعنى إنك لازم تعشقهم بإيدك لو عاوز تمشى دفع رباعى - لو معشقتش الـ Hub lock حاتفضل العربية دفع خلفى حتى لو نقلت على الـ High أو الـ Low - حتلاقى العجل الاماميى بيلف عالفاضى على الاكس بتاعه ومش بيدى اى دفع .
        وتقدر تعرف عربيتك اذا كان فيها Hub lock ولا لأ من العجل الامامى لو فيها مفتاح زى اللى فى الصورة اللى ناشرها الباشمهندس أحمد.
        بالنسبة للـ Hub lock ماتمشيش عليه عالاسفلت كتير علشان بيحد من الـ steering أو التوجيه بتاع العربية وممكن يأثر على الكاوتش ويسبب تاكله وتلفه بسرعه .
        الحاجه الاخيرة اللى قصدك عليها داخل الكورونة او الـ differential هى مجموعة إسمها LSD أو limited slip differential ودى بتتركب داخل الكورونة مكان الترسين الصغيرين اللى بالعرض ودى فايدتها إنها بتخلى العجلتين اللى على كورونه واحدة تلف باستمرار بنفس السرعة بغض النظر عن كونها عندها تراكشن مع الارض او لأ وده بينفع لو العربية غارزة ٣ عجلات والرابعة عندها تراكشن حاتقدر تفلفص بالعربية وممكن تطلع من الغرز.
        amadios سابقا

        Comment


        • #34
          شكراً مرة أخرى جداً ليكم

          طيب الوضع هيبقى ايه لو أنا عامل unlock Hub وفي نفس الوقت معشق فتيس الغرز؟
          يعني مش مشغل الهاب لوك بس جايب فور ويل درايف هاي أو لو Hi or Low

          Comment


          • #35
            المشاركة الأصلية كتبت بواسطة م/أحمد عبد الفتاح مشاهدة المشاركة
            بمنتهى البساطة الـ differential lock معناه إنك تعشق عمود الكردان الامامى والخلفى مع بعض عن طريق فتيس الغرز أو Transfer case فى الحالة دى بيبقى الكورونة الامامية والكورونة الخلفية واخدين الحركة مع بعض من فتيس الغرز - عندك بقى فتيس الغرز ده ليه وضعين وضع high ووضع low - فى الوضع الـ high مافيش فرق عن الدفع الخلفى غير انك ربطت عمودين الكردان وبالتالى الكورونتين الامامية والخلفية مع بعض - فى الوضع الـ low بتنقل على ترس تانى فى فتيس الغرز بيكون اكبر من الترس بتاع الـ high وبالتالى العزم بيكون اكبر فى حالة الـ low .
            بالنسبة للـ hub lock فده بيكون فى بعض العربيات فى العجل الامامى ووظيفته انه يعشق العجلتين مع الاكسات اللى طالعة من الكورونة بمعنى إنك لازم تعشقهم بإيدك لو عاوز تمشى دفع رباعى - لو معشقتش الـ Hub lock حاتفضل العربية دفع خلفى حتى لو نقلت على الـ High أو الـ Low - حتلاقى العجل الاماميى بيلف عالفاضى على الاكس بتاعه ومش بيدى اى دفع .
            وتقدر تعرف عربيتك اذا كان فيها Hub lock ولا لأ من العجل الامامى لو فيها مفتاح زى اللى فى الصورة اللى ناشرها الباشمهندس أحمد.
            بالنسبة للـ Hub lock ماتمشيش عليه عالاسفلت كتير علشان بيحد من الـ steering أو التوجيه بتاع العربية وممكن يأثر على الكاوتش ويسبب تاكله وتلفه بسرعه .
            الحاجه الاخيرة اللى قصدك عليها داخل الكورونة او الـ differential هى مجموعة إسمها LSD أو limited slip differential ودى بتتركب داخل الكورونة مكان الترسين الصغيرين اللى بالعرض ودى فايدتها إنها بتخلى العجلتين اللى على كورونه واحدة تلف باستمرار بنفس السرعة بغض النظر عن كونها عندها تراكشن مع الارض او لأ وده بينفع لو العربية غارزة ٣ عجلات والرابعة عندها تراكشن حاتقدر تفلفص بالعربية وممكن تطلع من الغرز.
            الله ينورعليك...فينك مش باي نمن زمان ليه؟؟؟؟
            متحرمناش من المعلومات الحلوة فى الجو البارد ده :)

            Comment


            • #36
              كدة انت معشق الفتيس مع الكارونة الامامية ..... بس مش معشق العجل الامامى .... و بكدة العجل الامامى مش حياخد حركة من الفتيس ... فكأنك معشقتش دفع رباعى خالص

              Comment


              • #37
                أنا اكتشفت ان مفيش أصلا الصرة اللي حضرتك بتتكلم عليها في الجانط
                فبالتالي أعتقد كده مفيش LOCKING hub
                وكده العجل الأمامي على طول معشق مع الكرونة

                *الصور إن شاء الله قريباً بعد ما أخلص عملية التوضيب*

                إن شاء الله هروح إنهارده وأشوفها وابعتلكم احنا وصلنا لإيه وفاضلنا إيه

                Comment


                • #38
                  ببساطة جدا ..... حضرتك ترفع العجلة دى من على الارض .... و تلفها .. و تبص على الصلايب الداخلية ... بتلف هى كمان و لا لأ ... و جرب مرة تانية لما تعشق فتيس الغرز

                  احتمال كبير ان ال LOCKING hub الى عند حضرتك اوتوماتيك

                  Comment


                  • #39
                    المشاركة الأصلية كتبت بواسطة ahmed_eng2001 مشاهدة المشاركة
                    ببساطة جدا ..... حضرتك ترفع العجلة دى من على الارض .... و تلفها .. و تبص على الصلايب الداخلية ... بتلف هى كمان و لا لأ ... و جرب مرة تانية لما تعشق فتيس الغرز

                    احتمال كبير ان ال LOCKING hub الى عند حضرتك اوتوماتيك

                    Comment

                    Working...
                    X