هي الأفيو فعلا سيارة سيئة فعلا ؟؟؟؟

[د.اشرف هنداوى]

كنت باقارن بين البونتو و الأفيو في قسم المقارنات و عدد كبير بيقول ايعد عن الأفيو لأن مشاكلها كتير و ادخل قسم الأفيو و انت تشوف بنفسك !!

ايه رأي الأعضاء اللي معاهم الأفيو و ايه مشاكلها

شكرا مقدما لمشاركاتكم

[egyptianmafia]

بص يا سيدي....الافيو فيه منها البيشكر فيها و فيه البيشتم فيها.....

فيه افيو كويسة و ناس مشفتش عيوب فيها وفيه ناس شافت حاجات كتيرة

لو عاوز تبقى في المضمون خليك في الأوبترا لو إنت عاوز Chevrolet لكن لو مش عاوز جيب أي حاجة كوري تانية

[mido]

متفق 100% مع مافيا

[أشرف العدوي]

خليك في البونتو احسن
و ابعد عن اي عربية توكيلها منصور

[mr_sameh]

بصراحه انا ماشوفتش حد راكب العربيه دي وبيشكر فيها

[egyptianmafia]

الحمد لله القائمة الي انت كتبتها كلها فعلاً انا مش بتعامل معاها بدون مبالغة مثالل زي مترو و ال أم و انا اول مرة اعرف انهم تبع منصور و مش بتعامل معاهم
و مش علشان توكيلها منضور يعني مترو أسعارة عالية عن اي سوبرماركت زي هايبر او كارفور ( سبحان الله يطلع تبع منصور )
السجاير الـ l m لما تفتحها تشم ريحة السبرتو علشان كدة انا بشرب روزمان ( بردو ال ام تطلع تبع منصور )

احنا هنا منتدى سيارات على فكرة شكلك نسيت
يعني لما اقوله ابعد عن حاجة توكيلها منصور قصدي على العربيات حتى الاوبل

و رجاء بقولهولك تاني مرة بلاش تشخصن الحوار عندك رد تقدر تقول بيه ان منصور توكيل كويس قوله يمكن تثبتلنا العكس غير كدة ياريت ما تطلعش برة الموضوع

مش عشان إنت طلع عينك في الافيو...تبقى تخبط في الاوبل.....مش كده يا عم حج.....

مش علشان Cerato عندها مشاكل تبقى كيا كلها زفت.....أو توكيل كيا زفت علشان مشاكل Cerato

الواحد يقول كلام عيدل...مش أي حاجة زي مانتى بتقول.....

برده مش علشان في ناس كتير بتشتكي من كورولا وفتيس MMT تبقى تويوتا مصر زبالة....

بلاش التعميم وحياتك!!!!!

[أشرف العدوي]

مش عشان إنت طلع عينك في الافيو...تبقى تخبط في الاوبل.....مش كده يا عم حج.....

مش علشان Cerato عندها مشاكل تبقى كيا كلها زفت.....أو توكيل كيا زفت علشان مشاكل Cerato

الواحد يقول كلام عيدل...مش أي حاجة زي مانتى بتقول.....

برده مش علشان في ناس كتير بتشتكي من كورولا وفتيس MMT تبقى تويوتا مصر زبالة....

بلاش التعميم وحياتك!!!!!

عم الحج !!!!!!!!!!!!
مقبولة منك على قد سنك

انت قريب تقارير السيراتوا لما ابتدى يتقال ان فيها مشاكل في المقصات
عرفت ان ناس من المنتدى راحوا التوكيل و التوكيل رحب بيهم علشان يثبتلهم انها عربية تمام و إذا كان حصل مشكلة تبقى من السائق ( اي كان كلامه صح او غلط ) فدي خطوة تتحسب للتوكيل و خدوا عربية زيرو طلعوا جربوها مع مهندس من التوكيل

مشكلة تويوتا التوكيل حلها في خلال شهر بالكتير من نزول العربية

انتوا بقى عملتوا ايه
ده الي انت المفروض تقوله و تتكلم فيه مش مبرر ان في توكيلات سيئة ان انت كمان تبقى سئ بل اسوأ توكيل
ياريت تقولي انتوا عملتوا ايه علشان تثب للناس ان التوكيل مش بيبع العربيات و ينساها
قولي على موقف واحد حصل من منصور علشان يثبت ان عربياته تمام و ما فيهاش عيوب هو مش قادر يحلها
قولي عملتوا ايه في جلب مقصات الافيو
في علية الدركسيون الافيو
في المساعدين للأفيو
في الحدفة اليمين ( للأفيو )
في الكاسيت البلت أن الي ما لوش مثيل للأفيو
في الزايا الي عايزة تتظبط كل اسبوع للأفيو
في الطنابير للأفيو
في تيل الفرامل الاصلي بتاع الأفيو الي بيصفر من ساعة ما ركبته لحد انهاردة
الـ tps ( عرفت ان انتوا نزلتوا واحد كوري بعد تقريباً سنة و نص من نزول العربية و هو مازال تحت التجربة )
و يا ريتكوا اعلنتوا ان انتوا جبتوا tps جديد لاء الموضوع لسة طي الكتمان


ياريت تثبت للناس ان التوكيل كويس بدل ما تشخصن الحوار بيني و بينك
ياريت ترد على النقط الي انا حدتها بدون الخروج لحوارات شخصية

و على فكرة المشاكل الي فوق مش عندي انا لوحدي
و الي مش مصدق يدخل قسم شيفروليه و يشوف

الواحد يقول كلام عيدل...مش أي حاجة زي مانتى بتقول

شكراً لذوقك

[Youssef.Awad]

الأفيو دى مش عربية أصلا ولا تمت للعربيات بصلة
وحرام فيها الفلوس أيا كانت مانيوال ولا أوتوماتيك .. مصرى ولا كورى
العربية دى بكل بساطة عبارة عن دايو لانوس 1998 متنكرة فى هيئة أفيو 2009
ولا عزاء لراكبيها من وجهة نظرى الخاصة

[أشرف العدوي]

قولي عملتوا ايه في جلب مقصات الافيو
في علية الدركسيون الافيو
في المساعدين للأفيو
في الحدفة اليمين ( للأفيو )
في الكاسيت البلت أن الي ما لوش مثيل للأفيو
في الزايا الي عايزة تتظبط كل اسبوع للأفيو
في الطنابير للأفيو
في تيل الفرامل الاصلي بتاع الأفيو الي بيصفر من ساعة ما ركبته لحد انهاردة
الـ tps ( عرفت ان انتوا نزلتوا واحد كوري بعد تقريباً سنة و نص من نزول العربية و هو مازال تحت التجربة )
و يا ريتكوا اعلنتوا ان انتوا جبتوا tps جديد لاء الموضوع لسة طي الكتمان

محدش رد يعني ؟؟؟؟؟؟؟؟؟؟؟؟؟؟؟؟؟؟؟ظ

[egyptianmafia]

الأفيو دى مش عربية أصلا ولا تمت للعربيات بصلة
وحرام فيها الفلوس أيا كانت مانيوال ولا أوتوماتيك .. مصرى ولا كورى
العربية دى بكل بساطة عبارة عن دايو لانوس 1998 متنكرة فى هيئة أفيو 2009
ولا عزاء لراكبيها من وجهة نظرى الخاصة

بلاش الكلام عن إن الافيو هي أصلا لانوس أو الاوبترا هي النوبيرا...علشان احنا عملنا كذا موضوع عن الاتنين مش دايو لانوس ولا نوبيرا....

كل المشاكل أو 90% منهم في الافيو المانيوال....

المشكلة الكبيرة هي tps

الحاجات التانية مش مع كل عربية افيو.....أنا لما بتجي عربية افيو 90% بتبقى عيب في ال tps

[Youssef.Awad]

بلاش الكلام عن إن الافيو هي أصلا لانوس أو الاوبترا هي النوبيرا...علشان احنا عملنا كذا موضوع عن الاتنين مش دايو لانوس ولا نوبيرا....

ماهى دى الحقيقة يا فندم اللى كتير مش عارفينها أو بينكروها
العربية ما اتغيرش فيها مسمار فى الأجزاء الميكانيكية
يعنى من الآخر كده تغيير التصميم والشكل إنما المضمون واحد من موتور وفتيس وعفشة وغيره سواء فى الأفيو أو الأوبترا
وده لمعلومات حضرتك حصل بعد أما اشترت جنرال موتورز الأمريكية دايو الكورية إبان أزمتها المالية الطاحنة فى مطلع الألفية الجديدة
وعملت تصميمات جديدة لمجرد غزو أسواق جديدة فى العالم ومنطقة الشرق الأوسط وعلى رأسها طبعا الخليج العربى وجذب ثقة العملاء على حساب شعار شيفروليه الذهبى
واسأل أى حد عايش أو شغال فى السعودية من سنة 2001-2002 عن الأفيو والأوبترا والإبيكا اللى هما نفسهم اللانوس والنوبيرا والليجانزا على الترتيب ..

[Youssef.Awad]

محدش رد يعني ؟؟؟؟؟؟؟؟؟؟؟؟؟؟؟؟؟؟؟ظ

ريح نفسك يا أبو آسر
ماحدش هايرد عليك ..
لأنه ببساطة شديدة كلام صحيح وعيوب فى محلها ولا يمكن أن يغفلها أحد
وما خفى كان أعظم

[egyptianmafia]

ماهى دى الحقيقة يا فندم اللى كتير مش عارفينها أو بينكروها
العربية ما اتغيرش فيها مسمار فى الأجزاء الميكانيكية
يعنى من الآخر كده تغيير التصميم والشكل إنما المضمون واحد من موتور وفتيس وعفشة وغيره سواء فى الأفيو أو الأوبترا
وده لمعلومات حضرتك حصل بعد أما اشترت جنرال موتورز الأمريكية دايو الكورية إبان أزمتها المالية الطاحنة فى مطلع الألفية الجديدة
وعملت تصميمات جديدة لمجرد غزو أسواق جديدة فى العالم ومنطقة الشرق الأوسط وعلى رأسها طبعا الخليج العربى وجذب ثقة العملاء على حساب شعار شيفروليه الذهبى
واسأل أى حد عايش أو شغال فى السعودية من سنة 2001-2002 عن الأفيو والأوبترا والإبيكا اللى هما نفسهم اللانوس والنوبيرا والليجانزا على الترتيب ..

المواتير مختلفة......

وبعدين لو على كلامك ده أنا كده ممكن أجيب قطع غيار لانوس احطها في الافيو....جرب كده ولو نفعت ابقى قابلني......و نفس الكلام مع أوبترا أو ابيكا....جرب كده......أنا مستني.....

[mmtronic]

ممكن اسالك يا استاذ مافيا سؤال واضح و مباشر و صريح

لية عيوب زى التيل و جلب المقصات الى بتزيق مع دخول العربية السنة الثالثة ليها و هية بتتقفل هنا سواء المانيوال او الاتوماتيك لان العيوب دى فى الاتنين

لية ليسة ما اتحلتش لحد دلوقتى - 3 سنيين - 3 سنيين و منصور سايبها ليييييييييييييية

[egyptianmafia]

ممكن اسالك يا استاذ مافيا سؤال واضح و مباشر و صريح

لية عيوب زى التيل و جلب المقصات الى بتزيق مع دخول العربية السنة الثالثة ليها و هية بتتقفل هنا سواء المانيوال او الاتوماتيك لان العيوب دى فى الاتنين

لية ليسة ما اتحلتش لحد دلوقتى - 3 سنيين - 3 سنيين و منصور سايبها ليييييييييييييية

هو منصور هو البيصنعها....متروح تقول الكلام ده ل gm مصر....هي البتصنع العربية دي....

منصور ده التوكيل....مش أكتر......


يعني المفروض gm مصر هي اليتقالها الكلام ده.....و هم ليه سيبنها