هي الأفيو فعلا سيارة سيئة فعلا ؟؟؟؟

[mmtronic]

ممكن اسالك يا استاذ مافيا سؤال واضح و مباشر و صريح

لية عيوب زى التيل و جلب المقصات الى بتزيق مع دخول العربية السنة الثالثة ليها و هية بتتقفل هنا سواء المانيوال او الاتوماتيك لان العيوب دى فى الاتنين

لية ليسة ما اتحلتش لحد دلوقتى - 3 سنيين - 3 سنيين و منصور سايبها ليييييييييييييية

دا على اعتبار ان منصور هوة ضيف شرف

يعنى اية توكيل فى رايك - ممكن حضرتك توصفلى دور الوكيل قبل ما نتناقش علشان اعرف هوة اية فى رايك

[Aveo_1976]

لو على كلامك بقى.....ابقى اوعى تجيب حاجة من عند مترو أو تشرب مارلبورو أو lm أو تاكل تونة صن شين...و اوعى تجيب تلفزيون سامسونج أو تكييف سامسونج

اوعى كمان تجيب لابتوب dell ولا تشتري كاتلبلار أو تجيب مكانة تصوير xerox أو تشتري كاوتش ميشيلين أو تشتري acer أو تشتري hp أو تشتري 3com أو ibm أو تاكل عند ماكدونالدز أو تشرب yes (عصير) أو تشرب labanita أو تجيب أي حاجة fujitsu siemens أو تستخدم ups أو تبقى عميل عند credit agreicoule أو تجيب مياه حياة أو تشتري حاجة من عند خير زمان أو تأمن عند رويال اند صن أو تسكن في بالم hills .......


كل دوول منصور.....لو إنت عاوز حد يبعد عن أي عربية توكيلها منصور...طب ماتقول للناس تبعد عنه خالص...شوف هو واخد كام توكيل!!!!


مش عشان إنت اتلسعت تبقى عندك فوبيا و تتعقد من أي حاجة منصور!

الحمد لله بعد الى شفتة فى الافيو من التوكيل المعفن دة - كنت حجيب lcd سامسونج لكن ربنا نجانى و قررت انى اقاطع كل حاجة من منصور و كنت بشترى من مترو رغم انة اغلى بس دلوقتى لا

و شكرا على باقى الليستة الى حضرتك قلتها علشان نعمل حسابنا و نبعد عنها

و ابقى بقى خلى منصور يبيع لقريبة الحجات دى

شكرا جزيلا على الايضااااااااااااااح

[egyptianmafia]

دا على اعتبار ان منصور هوة ضيف شرف

يعنى اية توكيل فى رايك - ممكن حضرتك توصفلى دور الوكيل قبل ما نتناقش علشان اعرف هوة اية فى رايك

منصور بيبيع وبيصيين العربية فقط......

لكن مين بقى بيصنعها......gm مصر....هي عارفة إن فيها مشاكل.....بس لسة شغالة في تصنعها......

Gm مصر هي بتقول كذا لمنصور ومنصور بيعملها.....

[mmtronic]

منصور بيبيع وبيصيين العربية فقط......

لكن مين بقى بيصنعها......gm مصر....هي عارفة إن فيها مشاكل.....بس لسة شغالة في تصنعها......

Gm مصر هي بتقول كذا لمنصور ومنصور بيعملها.....

و ميين الى سمعتة راحت ؟؟؟؟؟ gm و لا منصور

لو مش فارقة معاة سمعتة يبقى يعمل زى ما انت بتقول و سمعتة تبقى فى الارض و هوة دا الواقع دلوقتى - اصل الحجة ما gm هية الى بتصنع يا جماعة مش انا

الوكيل القوى الى بيخاف على سمعتة هوة الى بيفرض على الشركة توصياتة و ملاحظاتة

هوة ميين الى نزل العربية بـ 2 زجاج كهربا بس - gm من نفسها و لا بتوصيات من عمنا منصور علشان الجشع و يقولك - امااااااان للاطفال - طب فى السعودية او اى دولة تانية مفيش اطفال ؟؟؟؟؟؟؟؟؟

و ميين الى شال الموتور بتاع العربية الاصلى و نزلها بالموتور القديم بتاع الانوس - gm من نفسها و لا بتوصيات و طلبات من عمنا منصور - علشان الجشع

و ميين الى شال جهاز الانزار و كمبيوتر الرحلات من العربية - gm من نفسها و لا بتوصيات و طلبات من عمنا منصور - علشان الجشع

و ميين و ميين و ميين

و لا منصور يجى فى الحساب و يقولك gm

[egyptianmafia]

ماهو منصور ميقدرش يقولوا لأ أنا خلاص مش عاوز افيو.....

لكن ممكن يقول أنا مش عاوز a أوb علشان السعر يبقى ارخص.....

[CryptonX]

فعلا منصور مظلوم ..

مظلوم لما كان بيبيع الافيو الكوري ب 75 الف و لما جمعها مصري بقت ب 74 الف lol

مظلوم بكام الافيو العطلانين الي مرميين برة كل مرة اعدي هناك و كلهم مشاكل لا حصر لها ومش tps بس .

مظلوم بكل واحد اشوفه معاه افيو الكوري الهاتشباك الجديدة حتى الاقي بيشتكي من سحب او من حدفة او من عفشة ( 6 اشخاص الي الان )

مظلوم بالاوبترا الي سعرها اغلى من سيارات ياباني مع ذلك مفيهاش اي ريحة مواصفات امان واحنا في 2010 و موديل واحد بس محدش بيشتريه .

مظلوم ان الشيفورليه كروز الي هي من اغلى السيارات " الكورية " بدايتا ... نازلة بزجاج منافلة و بطاسات عرة !

مظلوم ان الاوبل استرا السيدان الاتيني ولا معرفش جاية من انهي داهية ب 150 الف جنيه !

مظلوم انه علي يد الاعضاء بيصلح عربيات مش من توكيلاته اصلا في مراكز الصيانة !

مظلوم انه بدل مايجيب موديلات جديدة من اوبل او يصلح السيارت الخربانة او يستثمر في مراكز صيانة .. لا جايبلك منى زكي و احمد حلمي و اعلانات تافهة بالملايين لمنتجات معيوبة !

مظلوم انه نزل الاوبل الفكترا الجديدة متاخر جدا لدرجة انها استبدلت برة خلاص !!

فاضله ياخد توكيل صيني كمان ! ويبيعها بضعف تمنها علشان يبقى مظلوم اخر حاجة كمان !

وطبعا مظلوم انه كان وزير النقل !

يا حرام يا منصور ...صعبت عليا !

[Youssef.Awad]

فعلا منصور مظلوم ..

يا حرام يا منصور ...صعبت عليا !

يا باشا هدى أعصابك ..
وسيب كل واحد على هواه
فى الأخر لا يصح إلا الصحيح وكل رأى ضد منصور له تجربة مريرة مع أحد عربياته وله الحق فى ما يقوله
فلا نحن نتجنى ولا نفترى على أحد دون غيره
أفتكر إن مهمتنا فى المنتدى هنا تتلخص فى تبادل خبرات بعضنا البعض وأخذ المشورة من أصحابها
فكل شىء له ما له .. وعليه ما عليه
وشكرا ..
I aveo u

[newuser2009]

ده الاعضاء شايلين في قلبهم وساكتين
ليه قلبتوا عليهم المواجع

بصراحه اول مره اعرف ان الافيو كده

[yoko]

ده الاعضاء شايلين في قلبهم وساكتين
ليه قلبتوا عليهم المواجع

بصراحه اول مره اعرف ان الافيو كده

وأسوء

[egyptianmafia]

جملة ضحك آخر حاجة.....

ظلوم بالاوبترا الي سعرها اغلى من سيارات ياباني مع ذلك مفيهاش اي ريحة مواصفات امان واحنا في 2010 و موديل واحد بس محدش بيشتريه .

والنبي يا عم الحج تقولنا أنهي عربية ياباني ارخص من الاوبترا....والنبي يا عم الحاج.....

بذمة دى جملة؟؟؟؟؟!!!! اوعى تقول الياريس.....دي مش ياباني أصيل....

وعلى فكرة في اوبترا سبورت فيها ايرباجس و فرامل ABS

ماشي يا كابتن....مش لازم تجيب الاوبترا المفيهاش الحاجات دي....

ولا علشان حبيبتك الصيني فيها كل حاجة و بـ70.000 يبقى كل حاجة تانية كخة!!!!!

و بعدين هو بيجيب الGM مصر بتقول عليه...هو مش تاجر عربيات بيجيب خليجي.....

لو GM مصر وافقت على أوبل زافيرا مثلا بكرة هتكون في مصر بس هي مش بسهولة دي....في حاجة اسمها جمرك يا معلم....و زافيرا لو نزلت هتبقى مش اقل من 280.000 بندق.....

كام واحد بقى هيجيبها؟؟؟!!!


مش أي حاجة تتجاب يا حج....مش عشان إنت عاوز تبقى هتيجي....

طب مافي كذا موديل من Renault مش موجود في مصر علشان السوق هنا ليه معاملة خاصة.....

قول كلام عاقل...مش أي حاجة كده على الماشي

[egyptianmafia]

وأسوء

الواحد مش عارف ليه بعد ما قرا شوية عنك عرف انك بتحب تجري.....و مش عارف ليه أنا حاسس انك أكلت المطب فعلا يوم لما المهندس قال لك إنت كلت مطب......لما كان معاك الافيو....

[yoko]

الواحد مش عارف ليه بعد ما قرا شوية عنك عرف انك بتحب تجري.....و مش عارف ليه أنا حاسس انك أكلت المطب فعلا يوم لما المهندس قال لك إنت كلت مطب......لما كان معاك الافيو....

طب ما أنا قلتلة إن أكيد أكلت مطب !!!!!! لكن ملبستش رصيف زي مكان ناس بتقول
وياريت بلاش إسلوب التلقيح بالكلام ده

[KHALED AYMAN]

خليك في البونتو احسن
و ابعد عن اي عربية توكيلها منصور

انا اؤيدك بشده ...
و ده ناتج من تجربه اوبل مش شيفروليه ...
اقسم بالله العربيات (الاوبل )جميله جدا و عربيات فوق الوصف ...
بس هل يعقل ان لما تحصل مشكله فى الفرامل يقولولى ان الحل امشى على مهلك ...؟؟
لما التكييف يطلع بخاؤ يقولى عربيتك راكبها عفريت و يضحك ؟؟؟
و لما المساعدين تزيق يقولى اصل بلدنا وحشه ؟؟؟
و لما احتاج اكصدام يقولى ادفع 8000 جنيه شحن طيران ده غير ان الاكصدام ب 3700 جنيه ؟؟؟
و لما اروح اعمل صيانه 5000 ...
اعد هناك من 10 الصبح لحد 4.30 ؟؟؟
و لما يغسلو العربيه يسيبو الميه عليها و يقولى هتنشف و انت ماشى ؟؟؟
ملحوظه :
ده مش فى فرع شونبونجو ...
ده فى منصور فرع العامريه .......
اه نسيت ...
لما ارش اكصدام فى التوكيل يطلع لونه مختلف عن العربيه ده عادى ؟؟؟
بالنسبه بقى لباقى حاجات منصور ..
للاسف الشديد انا بشرب مارلبورو ...
هشرب ميريت ...
و تغوووووووووووووووووووووور من وش منصوووووووووووووووووووووووووور

[polabx]

جملة ضحك آخر حاجة.....

ظلوم بالاوبترا الي سعرها اغلى من سيارات ياباني مع ذلك مفيهاش اي ريحة مواصفات امان واحنا في 2010 و موديل واحد بس محدش بيشتريه .

والنبي يا عم الحج تقولنا أنهي عربية ياباني ارخص من الاوبترا....والنبي يا عم الحاج.....

بذمة دى جملة؟؟؟؟؟!!!! اوعى تقول الياريس.....دي مش ياباني أصيل....

وعلى فكرة في اوبترا سبورت فيها ايرباجس و فرامل ABS

ماشي يا كابتن....مش لازم تجيب الاوبترا المفيهاش الحاجات دي....

ولا علشان حبيبتك الصيني فيها كل حاجة و بـ70.000 يبقى كل حاجة تانية كخة!!!!!

و بعدين هو بيجيب الGM مصر بتقول عليه...هو مش تاجر عربيات بيجيب خليجي.....

لو GM مصر وافقت على أوبل زافيرا مثلا بكرة هتكون في مصر بس هي مش بسهولة دي....في حاجة اسمها جمرك يا معلم....و زافيرا لو نزلت هتبقى مش اقل من 280.000 بندق.....

كام واحد بقى هيجيبها؟؟؟!!!


مش أي حاجة تتجاب يا حج....مش عشان إنت عاوز تبقى هتيجي....

طب مافي كذا موديل من Renault مش موجود في مصر علشان السوق هنا ليه معاملة خاصة.....

قول كلام عاقل...مش أي حاجة كده على الماشي

اززززززززززززيك يا عم الحج

نورت - نورت تانى و بتكتب عربى كمان

ليسة برضو عصبى - يا عم الحج ما تسيب كل واحد يقول راية ولا هية بلطجة و السلام

و ليسة برضو بتنقى الهيافة و ترد عليها

ما الراجل زنقق م معرفتش ترد علية غير

"ماهو منصور ميقدرش يقولوا لأ أنا خلاص مش عاوز افيو.....

لكن ممكن يقول أنا مش عاوز a أوb علشان السعر يبقى ارخص....."

[osama_ruan]

[QUOTE=mmtronic;3872224778]و ميين الى سمعتة راحت ؟؟؟؟؟ gm و لا منصور

لو مش فارقة معاة سمعتة يبقى يعمل زى ما انت بتقول و سمعتة تبقى فى الارض و هوة دا الواقع دلوقتى - اصل الحجة ما gm هية الى بتصنع يا جماعة مش انا

الوكيل القوى الى بيخاف على سمعتة هوة الى بيفرض على الشركة توصياتة و ملاحظاتة

هوة ميين الى نزل العربية بـ 2 زجاج كهربا بس - gm من نفسها و لا بتوصيات من عمنا منصور علشان الجشع و يقولك - امااااااان للاطفال - طب فى السعودية او اى دولة تانية مفيش اطفال ؟؟؟؟؟؟؟؟؟

و ميين الى شال الموتور بتاع العربية الاصلى و نزلها بالموتور القديم بتاع الانوس - gm من نفسها و لا بتوصيات و طلبات من عمنا منصور - علشان الجشع

و ميين الى شال جهاز الانزار و كمبيوتر الرحلات من العربية - gm من نفسها و لا بتوصيات و طلبات من عمنا منصور - علشان الجشع

و ميين و ميين و ميين