هي الأفيو فعلا سيارة سيئة فعلا ؟؟؟؟

[KHALED AYMAN]

على فكرة انا بتكلم عامتا
و لية الهيجان الى حصل دة
هوة مع احترامى ليك هوة انت تعرف كل الموجوديين فى منتدى شيفرولية
سيادتك تعرفنى - ما يمكن انا يا اخى من توكيل تانى و بخبط في شيفرولية
يا سيدى الفاضل نوزن الكلام - انا بتكلم عن مندوبين التوكيل و قلت بالفظ ندقق فى الردود حنعرفهم - علشان ميحصلش تضليل لحد - و الى بيدور على المعلومة الصحيحة عن عربية او توكيل - توصلة صادقة و صح و بعيد عن اى مصالح او شهادة زور - ولا اية
لا انا لبخت فى حد و لا شتمت حد
و لو انت شايف انى لما اتتبع الكلام الغلط و النفخ على الفاضى لتضليل الناس - كلام ملوش لازمة يبقى بعتزر لسيادتك
معلش ..
كلامك كان فيه نوع من التلميح ...
بس خلاص حصل خير ..
و احب اقولك ان تتبع الناس و الردود مش غلط ..
الغلط انى اتهم حد معنديش دليل ضده ...
و صباح الفل و متزعلش ..
لان لا اوبل و لا شيفروليه هم الى هيفيدونا ..
كلنا اخوات و لازم نكسب بعض ..




و لية حضرتك واخد الكلام على نفسك

انا كلامى عام وواضح و وضحتة فى الرد الى فوق

[mmtronic]

سعادة الباشا

يشرفنى معرفتك

و اهلا بيك و انا مش زعلان - دة نقاش

[Hosam_Optrawy]

و لية حضرتك واخد الكلام على نفسك

انا كلامى عام وواضح و وضحتة فى الرد الى فوق

انا عارف انك موجهتليش كلام

بس من البدايه خالص انت قولتلى جملة " انا متابع مواضيعك وليك ناس ثابته بترد عليك "

وبعدها ييجى الاخ يقول الظاهر ان فى مندوبين للوكلاء فى المنتدى وانت ترد تقوله تابع الردود وانت تعرف

وانا وانت بس اللى كنا بنتكلم ونرد فى اخر صفحتين تلاته من الموضوع

هاتكون تقصد مين يعنى ؟؟؟؟

عموما حصل خير

[yaserbasha2000]

شكلوا فية مندوبين للتوكيلات في المنتدي و ده مش عيب علي فكرة لان كل واحد المفروض يدافع عن نفسة بس يكون معلن عن ده في التوقيع مثلا علشان نعرف ده رأي محايد او لأ

يا حماعة انا مش عايز حد يزعل مني و أكيد مش بأفتش في ضمير حد
لكن بعد انتشار الانترنت و منتديات العربيات وان اليوزر يدخل ويقول رأيه في العربيات وكمان مشاكله معاها فأي نظام تسويق و خدمة عملاء محترم لازم يستخدم ده في الرد علي مشاكل اليوزرز بتوعة وكمان قراية السوق و المشاكل الموجودة لتلافيها في المستقبل وحلها

وده علي فكرة موجود في المنتديات الاجنبية المشابهه لكن بيكون العضو دة معروف للكل وده بيسهل للطرفين وبتكون استفاده للاعضاء والشركة.

يعني مش عيب يكون حد كده زي ما قلت فوق لكن اللي طلبتة الشفافية مش اكتر
تاني ياجماعة انا مش عايز حد يزعل مني