الي ملاك الاوبترا المانيوال الظاهر ان الاوبترا طلعت مقلب

[arakysolom]

السلام عليكم و رحمة الله و بركاته
اعضاء المنتدي الكرام اليكم تقييمي لأداء سياراتي الجديدة اوبترا مانيوال 2010
التجربة عبارة عن سفرية من الاسكندرية الي بورسعيد يوم الجمعة الماضي علي طريق الساحلي الدولي اجمالي الكيلو متر الان 680 كم
الملاحظات باختصار :
1- الرجة بالفتيس طلعت في كل النقلات تقريبا
2- ضعف صاج الابواب اسفل الجرايد لقيت نقرة بالباب الخلفي ضايقتني جدا
3- ضعف الفرامل حيث انني كنت حاخبت تاكسي في بورسعيد وقف امامي فجأة عشان مطب
4-استهلاك البنزين حوالي 10 لتر لكل 100 كيلو مع العلم ان الطريق حوالي 540 كيلو والسرعة بين 90-100 كم مع تشغييل التكييف في طريق الذهاب لمدة تقريبا 100 كم
5- هبوط ملحوظ في العربية من الخلف مع التحميل 3 افراد وزنهم الاجمالي 240 كجم
6- السيارة بتحدف يمين علي الطوالي عند ترك عجلة القيادة حيث لابد من الامساك جيدا بعجلة القيادة حيث تميل الي جهة اليمين قليلا
الرجاء من الاعضاء المحترمين ملاك الاوبترا المانيوال التعليق علي هذه الملاحظات و شكرا

[mina_ramsis]

السلام عليكم و رحمة الله و بركاته
اعضاء المنتدي الكرام اليكم تقييمي لأداء سياراتي الجديدة اوبترا مانيوال 2010
التجربة عبارة عن سفرية من الاسكندرية الي بورسعيد يوم الجمعة الماضي علي طريق الساحلي الدولي اجمالي الكيلو متر الان 680 كم
الملاحظات باختصار :
1- الرجة بالفتيس طلعت في كل النقلات تقريبا
2- ضعف صاج الابواب اسفل الجرايد لقيت نقرة بالباب الخلفي ضايقتني جدا
3- ضعف الفرامل حيث انني كنت حاخبت تاكسي في بورسعيد وقف امامي فجأة عشان مطب
4-استهلاك البنزين حوالي 10 لتر لكل 100 كيلو مع العلم ان الطريق حوالي 540 كيلو والسرعة بين 90-100 كم مع تشغييل التكييف في طريق الذهاب لمدة تقريبا 100 كم
5- هبوط ملحوظ في العربية من الخلف مع التحميل 3 افراد وزنهم الاجمالي 240 كجم
6- السيارة بتحدف يمين علي الطوالي عند ترك عجلة القيادة حيث لابد من الامساك جيدا بعجلة القيادة حيث تميل الي جهة اليمين قليلا
الرجاء من الاعضاء المحترمين ملاك الاوبترا المانيوال التعليق علي هذه الملاحظات و شكرا

اولا الف مبروك عليك
ثانية بخصوص الرجة فمعرفش عنها حاجة علشان انا معايا الاوتوماتيك اما بخصوص الصاج فهو ضعيف فعلا بس مفيش عربية ثانية صاجها اقوى منها
بخصوص الفرامل انا عندى الفرامل قويه جدا روح التوكيل و خليه يشوف فراملك مالها
بخصوص ارتفاع العربية العربية ديه اعلى ارتفاع عن الارضفى فئتها 16 سم و اقوى عفشة و ده اللى بيديها ثباتها بس فى نفس الوقت بتخليها ناشفة شويه فى المطبات
بخصوص الحدفة روح اعمل الميزان عند اى حد ب 10 جنية

[د.محمود صلاح]

ال 6 نقاط موجودين في أغلب العربيات نفس الفئة

[arakysolom]

انا بتكلم عن سيارة جديدة ظللت ابحث عنها اكتر من شهرين مابين لوجان الي نيو اكسنت الي بروتون الي صني و اخيرا لما ظهر العرض الخاص بالاوبترا قلت ياما انت كريم يا رب اهي القول الفصل وبسؤال كافة الناس الكل اجمع انها الافضل في فئتها ( ماتريكس -صني) وافضل ايضا بمراحل من الاكسنت
ده انا اصلا كانت عجباني اللوجان علي قد سعرها و لما لقيت صاجها ضعيف قلت بلاها لوجان و ربنا يعلم اني مستلف فوق فلوسي عشان اجيب حاجة بالمرة عربية العمر زي ما بيقولوا
انا مش عارف اقول ايه حقيقي يا جماعة انا محبط ولا اقول سوي انا لله وانا اليه راجعون (قدر الله وما شاء فعل )

[houbaz]

انا عارف احساسك دا لما تدفع كل اللى حيلتك و تستلف و العربية ما تريحكش :( بس اتمنى ان الحاجات اللى مضايقاك تبقى بسيطة و تتحل بسهولة.. البنزين استهلاكه بيبقى عالى فى الاول بس و بعد كده هيظبط ان شاء الله، و مستنيين رد حسام اوبتراوى كبير مشجعى الاوبترا فى المنتدى :)

[abou-yahia]

مبارك عليك العربيه انشاء الله
المهم انت لازم تصبر علي العربيه عشان تاخد انطباع اجمالي عنها قبل لما تقرر ان ده عيب .
انا العربيه عندي اتوماتيك فمش اعرف موضوع الرجه ده وبرضه موش سمعته من حد معاه مانيول قبل كده .
استهلاك البنزين بيتحسن طبعا بعد التليين وموش تنسا ان معدل الاستهلاك خصوصا في المانيول بيفرق حسب نوعيه القياده بتاعت حضرتك , وانت بتجري مع او ضد الهواء كذا حاجه بس عموما الاستهلاك حيتحسن كتير بعد 3000 كم وحاول تمون من مكان مضمون .
العربيه عفشتها معقوله جدا وانخفاضها ده موش عيب بانها برضه مع كده لسه بتكون عاليه برضه واتفرج علي اللنسر واالنترا وهما محملين وقارن وانت تعرف الفرق.
الحدفه ديه بسيطه روح ضبط زوايا عند حد كويس وهيه تضبط علي طول .
ربنا يرزققك خيرها ويبعد عنك شرخا بأذن الله

[arakysolom]

جزاكم الله خيرا علي ردكم الذي يريح القلب لانني و الله متعكنن من ساعة مشفت الفتيس وهو بيترج لاني كنت املك لانوس و عمري مشفت فيها هذا العيب و ايضا الاوبل بتاعة الوالد كانت معي لمدة عام و لم اشعر بأي شئ في الفتيس و سواقتي متغيرتش في 3 عربيات
اما موضوع الصاج ده فعلا اللي انا مكنتش متوقعه ابدا واحد يفتح بابه بجوار السيارة تعمل نقرة في الباب شي فعلا يضايق لاني كنت متوقع من الاوبترا انها صاجها محمل عن باقي السيارات اللي في السوق
ربنا يكرمكم و يباركلكم في اوقاتكم

[ahmed643]

السلام عليكم و رحمة الله و بركاته
اعضاء المنتدي الكرام اليكم تقييمي لأداء سياراتي الجديدة اوبترا مانيوال 2010
التجربة عبارة عن سفرية من الاسكندرية الي بورسعيد يوم الجمعة الماضي علي طريق الساحلي الدولي اجمالي الكيلو متر الان 680 كم
الملاحظات باختصار :
1- الرجة بالفتيس طلعت في كل النقلات تقريبا
2- ضعف صاج الابواب اسفل الجرايد لقيت نقرة بالباب الخلفي ضايقتني جدا
3- ضعف الفرامل حيث انني كنت حاخبت تاكسي في بورسعيد وقف امامي فجأة عشان مطب
4-استهلاك البنزين حوالي 10 لتر لكل 100 كيلو مع العلم ان الطريق حوالي 540 كيلو والسرعة بين 90-100 كم مع تشغييل التكييف في طريق الذهاب لمدة تقريبا 100 كم
5- هبوط ملحوظ في العربية من الخلف مع التحميل 3 افراد وزنهم الاجمالي 240 كجم
6- السيارة بتحدف يمين علي الطوالي عند ترك عجلة القيادة حيث لابد من الامساك جيدا بعجلة القيادة حيث تميل الي جهة اليمين قليلا
الرجاء من الاعضاء المحترمين ملاك الاوبترا المانيوال التعليق علي هذه الملاحظات و شكرا

شوف ياباشا انا معايا الاوبترا بقالها سنه ونص وعامل بيها 35000 كيلو لحد دلوقتى

فهقولك عن تقييمى ليها بحكم ارتباطى بيها للفتره دى

1 بالنسبه لرجه الفتيس مش موجوده عندى والنقلات سلسه وهاديه جدا ومفيش فيها اى مشاكل

2 صاج العربيه الرفارف الابواب يعتبرو جامدين عن الكبوت والسقف وده عيب فيها فعلا

3 اما عن الفرامل فانا بقولك ان فراملها متوقفش هيا تخلى العربيه تزحف وبس لحد ما تقف بمزاجها ده طبعا على السرعه فوق ال 80 وانا عملت حادثه لانى كنت ماشى على 80 والعربيه زحفت 15 متر؟؟؟؟؟؟؟؟؟؟؟ ومقوفتش غير لما لبست فى المكروباص الى قدامى وكانت الخساير خارجيه اما عن الشاسيه فيعتبر من اقوى الشاسيهات فى المتانه وعزل الخطر عن المقصوره الرئيسيه لدرجه ان الصنيعيه الى اشتغلو فيها شكرو جدا فى امتصصها للصمه وده ممش موجود فى عربيات كتير فى نفس الفئه السعريه

4 استهلاك البزين فهوه دهمعدله معايا 9.7 الى 10 لتر فى ال 100 كيلو مع انى سواقتى هاديه وبنقل قبل ال 3000 لفه للماتور ومش بحرق ولا بشد ولا اى حاجه يعنى سواقه عاديه جدا وهاديه جدا وبردو نفس المعدل

5 اما عن انخفاض العربيه فبصراحه العربيه تعتبر من اعلى العربيات من حيث الارتفاع وعدم الهبوط مع الاوزان ولو عاوز تشوف الهبوط بص على الالنترا وحضرتك تعرف

6 اما عن الحدفه فاعتقد لو ظبلط زوايا المساله هتتظبط معاك انشاء الله


انا نقلتلك تجربتى بدون تقصير مخل ولا تطويل ممل

وانا انصحك بردوتروح زياره للتوكيل وتقولهم على كل الى انت حسيته من العربيه

وربنا يباركلكك فيها ويكفيك شرها

[arakysolom]

الاستاذ احمد جزاك الله خيرا علي الاهتمام موضوع الفرامل ده مقلق يخليني اقول ياريتني جبت الاكسنت كانت فراملها ماشاء الله عن تجربة زي الفل
اما باقي الامور فهي ثانوية عدا الرجة بتاعة الفتيس
موضوع الهبوط مضيقنيش في حاجة و الحمد لله محستيش بيه في المطبات و لكن مجرد ملاحظة ذلك لما شوفتها و هي محملة واظن ان اللوجان متهبطش بالشكل ده
هو الموضوع بس توقعات و ملاقيتهاش في الواقع يبقي انشاء الله زيارة التوكيل يكون فيها الفائدة باذن الله

[Hosam_Optrawy]

ياباشا متضايقش نفسك مش مستاهله انك تضايق وان شاء الله الملاحظات دى كلها تطلع حاجات بسيطه ومتحطش نفسك فى الحاله دى عشان لو فضلت كدا هاتفضل كاره العربيه حتى لو بقت مظبوطه معاك بعد كدا

اولا موضوع الهزه انا معنديش فكره عنه لان انا عربيتى اوتوماتيك , بس استاذ احمد بيقول ان معندوش هزه ودا معناه ان مش كل الاوبترا كدا , فانت ممكن تروح التوكيل تكشف على الموضوع دا

ثانيا موضوع الصاج فالسقف والكبوت هما اللى ضعاف انما باقى بودى العربيه كويس جدا واحسن من عربيات تانيه كمان , وطبيعى ان لو حد جمبك فتح بابه جامد وخبطك لازم يعمل عندك نقره

ثالثا موضوع الفرامل انا مش عارف اذا كان فى فرق بين فرامل المانيوال والاوتوماتيك , لكن فرامل الاوتوماتيك عندى كويسه جدا , وبيتهيألى حضرتك المفروض مكنتش تفرمل جامد او فجأه خصوصا ان العربيه لسه جديده وفى التليين والتيل ممكن يكون لسه ماطبعش على الطنابير , فبالتالى ممكن تحس ان الفرامل ضعيفه , وعموما اى عربيه مفيهاش Abs لو فرملت على رمله او تراب هاتزحف وهو دا فايدة ال Abs

رابعا استهلاك البنزين المفروض يكون اقل من كدا وان شاء الله يتظبط بعد التليين , وحاول تمون دايما من امارات مصر ووطنيه 92 طبعا

خامسا موضوع الهبوط دا غريب جدا لان دا من مميزات العربيه , ياريت حضرتك تراجع على ضغط الكاوتش واتأكد انه 30

سادسا الحدفه دى محتاجه ظبط زوايا وهاتتعدل يعنى حاجه بسيطه ان شاء الله

واى استفسار تانى احنا معاك ماتقلقش

[arakysolom]

الله يكرمك يا حسام باشا انت نفسك كنت عارف حيرتي في شراء السيارة وانت فعلا لمست جزئية مهمة جدا وهي اني مش فرحان بالعربية الجديدة زي ما اي واحد بيفرح بعربيتة الجديدة و لكن مسيطرة علية حالة غريبة وخايف يتقلب الموضوع لكره للعربية وده طبعا حيخليني افكر في بيعها والاحساس ده مش عايز اوصله فطبعا انا شاكر لحضرتك شعورك الطيب و طبعا انا حاحجز ميعاد مع التوكيل للنظر في هذه الملاحظات و يارب تطلع بسيطة و انشاء الله حبلغك بالتطورات
جزاك الله خيرا

[mahmoudsaleh]

مبروك عليك الاوبترا

انا مش لاحظت موضوع رعشة الفتيس دة اوى الا بعد 50000 كم
لكن انقل ليك خبرتى فى الاوبتر
انا معايا اوبتر 2008
و لاحظت المشاكل الاتية:
اولا: صوت من ناحية الفتيس و المهم اتضح ليا فى الاخر انة من السوستة اللى قبل الكتاليزر وحاولت كتير اغيرها فى الضمان بس مفيش فايد
ثانيا : المساعدين برضة خلال ال 20000 الاولين اشتكيت منهم بس واضح انه امر طبيعى عندهم و بردة ماخدش رد
ثالثا : التيل بيخلض بسرعة رهيبة معا انى بغيرة ديما فى التوكيل
رابعا: الكبوت اللى بيتهز وانت ماشى على سرعات عالية و السقف اللى بيموج ديما

اتمنى انك تاخد حق من اول صيانة

[rzeiny]

انا معايا من 2007 بس اوتوماتيك بالنسبة لموضوع الفرامل ممكن تكون لسة ماطبعتش .
اما الحدفة فهي غالبا علبة الدركسيون وده عيب من 2007 وما زال ودي بتتغير في الضمان في الهرم فقط .
نصيحة متلعبش في العربية خالص وحاول تجمع كل الملاحظات وروح اعملها في صيانة ال5000كلم في التوكيل .
كمان حاول تجرب التكييف لاني ااكتشفت انه ناقص فريون وعملته في التوكيل .
كمان كان في صوت طلمبة المية وتغيرت في الضمان.
اسف للاطالة.

[hmada9009_99]

اولا بالنسبه لافرامل الأوبترا فهي كويسه جاد اما المشاكل اللي في عربيتك فممكن انك تكون جبيتها من معرض او عامله حادثه ومتصلحه وده حصل قدامي في عربيات كتير اما عن استهلاك التيل فده عادي ان عربيه اخويا هيونداي ماتريكس وبيغير تيل فرامل كل تقريبا 8000 كيلو هي حسب استخدام كل شخص وبيعتمد اذا كنت بتشد وبتجري ولا لأ اما بالنسبه رعشه الفتيس فده عادي وعالفكره الفرامل هتحس بقوتها بعد صيانه 5000 كيلو

[hmada9009_99]

ثم عايز تعرف قوه الأوبترا جرب شد واجري بيها انا شادد مع سيراتو ولانسر و صيني و كرولا والنترا و سكودا فانتازيا عديت سرعه وغرزمع ان اللي بشد معاهم كلهم شباب وياريت كان يبقى معايا فيديو علشان تصدقوا انا مره جريت لحد 205 كيلو في ساعه وكانت العربيه ميه ميه