الي ملاك الاوبترا المانيوال الظاهر ان الاوبترا طلعت مقلب

[hmada9009_99]

YouTube - chevrolet optra vs 1.8 new civic

[arakysolom]

اولا بالنسبه لافرامل الأوبترا فهي كويسه جاد اما المشاكل اللي في عربيتك فممكن انك تكون جبيتها من معرض او عامله حادثه ومتصلحه وده حصل قدامي في عربيات كتير اما عن استهلاك التيل فده عادي ان عربيه اخويا هيونداي ماتريكس وبيغير تيل فرامل كل تقريبا 8000 كيلو هي حسب استخدام كل شخص وبيعتمد اذا كنت بتشد وبتجري ولا لأ اما بالنسبه رعشه الفتيس فده عادي وعالفكره الفرامل هتحس بقوتها بعد صيانه 5000 كيلو

السلام عليكم
انا اشتريت السيارة من منير مقار و هو موزع معتمد وهو غني عن التعريف و بالتالي استبعد موضوع الحادثة

[Hosam_Optrawy]

طيب هل فى جديد فى الموضوع ؟

حضرتك روحت التوكيل ولا عملت ايه ؟

بالمناسبه دى مشاركه كنت كتبتها فى موضوع مشابه

جايز دا يبقى سبب الهزه

http://www.nilemotors.net/Nile/3872399713-post10.html

[tamer61]

الله يكرمك يا حسام باشا انت نفسك كنت عارف حيرتي في شراء السيارة وانت فعلا لمست جزئية مهمة جدا وهي اني مش فرحان بالعربية الجديدة زي ما اي واحد بيفرح بعربيتة الجديدة و لكن مسيطرة علية حالة غريبة وخايف يتقلب الموضوع لكره للعربية وده طبعا حيخليني افكر في بيعها والاحساس ده مش عايز اوصله فطبعا انا شاكر لحضرتك شعورك الطيب و طبعا انا حاحجز ميعاد مع التوكيل للنظر في هذه الملاحظات و يارب تطلع بسيطة و انشاء الله حبلغك بالتطورات
جزاك الله خيرا

أولا ألف مبروك على العربيه الجديدة وأنا بنصحك إنك ما تحبطش ولا نفسك تقفل من العربيه وكل الملاحظات الموجوده إن شاء الله تتظبط كلها في التوكيل و لما يعملوها جرب كل حاجه قبل ما تمشي من عندهم و ما تمشيش إلا لما تبقى مرتاح نفسيا و للعلم العربية عموما حتختلف للأحسن بإذن الله بعد ما تمشي شويه حلوين 5000 كم مثلا. و للعلم أنا معايا لوجان ولكن الأوبترا برضه عربيه محترمة و أهم حاجة ما تتضايقش و حتفرج. و تقبل تحياتي.

[arakysolom]

السلام عليكم
الاستاذ حسام اشكرك لهتمامك كل ملاحظاتي توجهت بها الي التوكيل و كان الرد كلها امور طبيعية و الحدفة طلعت زوايا و اتلطعت 4 ساعات و خرجت من التوكيل بخدش بالكبوت + فقد في مسامير غطاء المحرك + عدم حل المشاكل المذكورة
معاملة المهندسين بمركز الصحراوي بالاسكندرية لا تنم عن اي خبرة او دراسة للتعامل مع الجمهور (اللامبالاة المستفزة + الكذب و الانكار )

[Hosam_Optrawy]

السلام عليكم
الاستاذ حسام اشكرك لهتمامك كل ملاحظاتي توجهت بها الي التوكيل و كان الرد كلها امور طبيعية و الحدفة طلعت زوايا و اتلطعت 4 ساعات و خرجت من التوكيل بخدش بالكبوت + فقد في مسامير غطاء المحرك + عدم حل المشاكل المذكورة
معاملة المهندسين بمركز الصحراوي بالاسكندرية لا تنم عن اي خبرة او دراسة للتعامل مع الجمهور (اللامبالاة المستفزة + الكذب و الانكار )

طب حضرتك شوفت الموضوع دا

http://www.nilemotors.net/Nile/129904-a.html

ياريت تجربه يمكن يحل مشكلة الرجه