استفسارات عن الاوبترا

[bebo_abdeldayem]

حسام ابتراوي.... مش عارف اقولك ايه بصراحه و اشكرك ازاي, عموما جزاك الله خيرا انت و الناس الي بتحاول تفيد كلها.....


الاستلام اتأخر بسبب الاعياد, و هي دي مشكلة الوكيل , المفروض كان امبارح بقدرة قادر بقي الاسبوع الجاي , ربنا يسهل هما قالوا يوم التلات , اديني مستني لما نشوف ايه المفاجأت الي ممكن تحصل تاني

[Hosam_Optrawy]

حسام ابتراوي.... مش عارف اقولك ايه بصراحه و اشكرك ازاي, عموما جزاك الله خيرا انت و الناس الي بتحاول تفيد كلها.....


الاستلام اتأخر بسبب الاعياد, و هي دي مشكلة الوكيل , المفروض كان امبارح بقدرة قادر بقي الاسبوع الجاي , ربنا يسهل هما قالوا يوم التلات , اديني مستني لما نشوف ايه المفاجأت الي ممكن تحصل تاني

كل تأخيره وفيها خيره زى مابيقولوا , واهو فرصه يبقى عندك وقت تذاكر الحاجات اللى هاتبص عليها وانت بتستلم :)

وتستلم على خير ان شاء الله

[hesham70]

موضوع الدهان دا محتاج واحد خبير عشان يعرف اذا كانت مرشوشه ولا لأ

لو هاتستلم من التوكيل نفسه او من موزع معتمد المفروض ان العربيه تكون سليمه 100 % ومفيش منها قلق

انا باقولك المفروض عشان مابقاش فى حاجه مضمونه فى الزمن دا

عموما انت افحص العربيه بعينك كدا وخد بالك اذا كان فى حته لونها متغير شويه عن باقى العربيه , كدا يعنى

الكاوتش هاتراجع عليه كالأتى

تبص اذا كان مكتوب على كل فرده Made in Korea ولا لأ

زى كدا









ثانيا تاريخ الانتاج

هاتلاقيه مكتوب جوا دايره بيضاويه وهو عباره عن 4 أرقام

اول رقمين يرمزوا للأسبوع

وأخر رقمين يرمزوا للسنه

يعنى مثلا انا كاوتش عربيتى مكتوب عليه 1908









ودا معناه انه صنع فى الأسبوع ال 19 من سنه 2008 ( يعنى فى شهر مايو تقريبا )

فانت خد بالك من ال 4 الارقام دول ان أخر رقمين يبقوا 10

عشان يبقى تاريخ صناعة الكاوتش 2010

ولو اخر رقمين 09 مش مشكله بس يبقى الرقمين اللى قبلهم مش أقل من 50 او 45 على الأقل

بالنسبه للعداد

لو هاتستلم من التوكيل الرئيسى المفروض يبقى فى حدود 30 او 50 كم بالكتير

لو من موزع معتمد او معرض ممكن تلاقيه معدى ال 100 كم

والف مبروك مره تانيه وتستلم على خير ان شاء الله

حسام االله ينور عليك
انا استلمت من معرض في المهندسين
العداد كان عامل 27ك

[Gabrial]

ربنا يكرمك يا أستاذ حسام .

فعلاً قمة الافادة.

[Hosam_Optrawy]

حسام االله ينور عليك
انا استلمت من معرض في المهندسين
العداد كان عامل 27ك

ربنا يكرمك يا أستاذ حسام .

فعلاً قمة الافادة.

متشكر جدا لذوقكم

[bebo_abdeldayem]

الحمد لله استلمت انهارده , و حاسس اني احسنت الاختيار بسبب توفيق ربنا و نصائحكم المفيده و خصوصا حسام اوبتراوي , و يا حسام باشا الكاوتش زي ما انت توقعت اول رقمين 47 و الي بعديهم 09 , ادعولي ربنا يبارك فيها

[Hosam_Optrawy]

الحمد لله استلمت انهارده , و حاسس اني احسنت الاختيار بسبب توفيق ربنا و نصائحكم المفيده و خصوصا حسام اوبتراوي , و يا حسام باشا الكاوتش زي ما انت توقعت اول رقمين 47 و الي بعديهم 09 , ادعولي ربنا يبارك فيها

الف مبروك ربنا يباركلك فيها

[abou-yahia]

مبارك عليك العربيه ربنا يعطيك خيره ويبعد عنك شرها ان شاء الله

[bebo_abdeldayem]

الله يبارك فيك يا عفروتو باشا ,, و علي فكره انا كنت قريت في موضوع مش فاكر هو ايه ان في عضو استلم و مالقاش بطانة الكبوت , طلع ان أخر دفعتين في الاوبترا فعلا كلهم مافيهمش بطانة كبوت خالص , و بيقولوا في التوكيل ان المفتاح مشفر في الموديلات الجديده و الله أعلم

[abou-yahia]

بطانه الكبوت ديه مهمه فعلا وانا مش متخيل العزل جوه العربيه عامل ايه من غيرها , بس الواضح ان الجماعه بتوع منصور حيبتدوا يعكو في العربيه بعد لما العربيه عملت سمعه وكمن حكايه الدرج اللي تحت الكرسي اللي بجوار السائق برضه ده مان تخزين جميل برضه عرفت انهم بطلو يحطوه يارب التوفير يكون في كده بس وميكونش في اجزاء داخليه احنا موش شايفنها .

[bebo_abdeldayem]

مش فاهم انا برضوا موضوع الدرج الي في الكرسي ده , طيب مهو مكانه فاضي خالص , ايه معناها انهم يشيلوه يعني؟؟ امال الي عايز يهرب حاجه يهربها ازاي بس

[aymanmaly]

الف مليون مبروك على العربية

[bebo_abdeldayem]

الله يبارك فيك يا أيمن , بس انا في حاجه غايظاني , مش فاهم انا فتيس اتوماتيك بحارات يعملوا فيه سوسته عند الخلفي ليه يعني ؟؟ مالهاش أي معني , ولا ممكن يكون في فكره انا معرفهاش؟؟

[ahmed643]

الف مبروك ياباشا وربنا يباركلك فيها

[mzda]

اسمحلى يا حسام بيك اضيف حاجة صغيره بس مهمه سحب البنزين ممتاز جدا وثبات العربية اكتر من ممتاز بس فى حاجة صغيره ناقصة فى موديل 2010 الدرج اللى تحت الكرسى اللى جنب السواق

وغير كده تاخد99.9% بجداره

ياريت تقولنا متوسط استهلاك البنزين يانجم