الكروز ب 150000 الف جنيه

[kemoelord]

والله يا جماعه الناس دي عاوزه مش الحرق دول عاوزين الاعدام رميا بالرصاص على راي البيه عضو مجلس الشعب " نشأت القصاص " واحد زي ده بيلعب في مليارات الدولارات عنده (ماكدونالذ -مانتراك-زيروكس - سانشاين "الاكل المعلب " -سامسونج -توكيل شيفورليه ) كل ده وبعد كل ده بيبعلنا عربيات مغشوشه ومعيوبه وغير صالحه للاستخدام وجايب ناس قليلة الادب تشتغل معاه في التوكيلات وفروعها حاجة في قمة القذاره يعني ,,,,, حسبي الله ونعم الوكيل منه ومن الي زيه

[Mostafa.Mahran]

150 حرااااااااااااااااااااام يدفعو فى عربية فى الاول و الاخر كورى

والناس الى بتقول ان الصاج بتاع الكروز اقوى من الاوكتافيا يا ريت يفكرو فى الموضوع ده تانى

[Kareem_A]

150 حرااااااااااااااااااااام يدفعو فى عربية فى الاول و الاخر كورى

والناس الى بتقول ان الصاج بتاع الكروز اقوى من الاوكتافيا يا ريت يفكرو فى الموضوع ده تانى

مقلناش اقوى , قلنا اأمن

[MedaSam]

لما يبيعوا الأفيو معيوبة وهما عارفين كده ومستمرين في التصنيع وترحلهم يقلولك العربيه سليمه!!! وهما عارفين مشاكلها ولما تتشتم عشان تقلهم مش همشي والعربيه فيها مشكله في الفرامل!!! ولما متخدش حقك غير بقلة الأدب ولما العربيه تدوس بنزين لوحدها ويقلولك عادي ولا لما بقى يحرقوا دمك ويقلولك فعلا فيه مشكله بس إحنا مش عارفين نحلها تعيش مع العربيه كده ولو مش عجبك بيعها!!!!!!!! الواحد هيقول إيه ولا إيه

1- طيب ليه الناس بتشتري العربيه مع ان كل العيوب دي فيها؟
2- هيه المشكله في مراكز الصيانه التابعه للتوكيل و للا في مراكز الصيانه المعتمده؟ ..... من كلامكو المشكله في التوكيل

[yoko]

1- طيب ليه الناس بتشتري العربيه مع ان كل العيوب دي فيها؟
2- هيه المشكله في مراكز الصيانه التابعه للتوكيل و للا في مراكز الصيانه المعتمده؟ ..... من كلامكو المشكله في التوكيل

عشان محدش بيعرف عيوبها غير بعد ما يجبها ويعمل بيها مش أقل من ٥ ألاف كيلو وإن كان بعض الناس ظهرت قبل كده أعرف واحد ظهرة معاه مشكلة الrpm بعد ١٠ كم من خروجة من المعرض
والمشكلة في التوكيل نفسة

[MedaSam]

مش موضوع سياسات تسعير لاني طبعاً زي ما انت عارف انا ماليش دخل فيها او جودة صيانات
الموضوع مصداقية في التعامل
لما يبع عربية مكتوب على الأزاز الاي قدام Final ok و تلاقيها ملاينة مشاكل و لا اكنك اشتريت عربية مستعملة من سنة 70 و ما يعترفش بيها و يعاملك بقلة أدب و تناكة ( أتقالي قبل كدة هنا في المنتدى من واحد كان شغال هناك باللفظ :- هو انت علشان شاري عربية بـ 73000 جنيه هتفتكر نفسك مالك أمال اصحاب الفيكترا يعملو أيه )
المفارقة ان جوز اختي كان معاه فيكترا هاي لاين و كانت مطلعة عين الي خلفوه و كل أسبوعين او شهر بالكتير يجيب ونش على حسابه و يطلع على منصور و في الاخر عمل العيب على حسابه في مقار و طلع سوفت وير مش الفتي الي كان بيحصل في منصور من ضفيرة كهرباء لبطارية لطرمبة بنزين و أخيراً باعها بخسارة 75000 جنيه في سنة و نص و عاملة 44 الف كم تقريباً كتن ليها اعلافي في قسم البيع

يعني ارخص عربية عنده و اغلى عربية عنده و الاتنين فشلوا عندنا في العيلة

و عايزني أحبه
طيب تيجي أزاي

هوه أكيد طبعا بعد اللي حصللك و اللي شوفته مع جوز اخت حضرتك مش هتحبه خالص ......

بس هسأل حضرتك نفس الأسئله:
1- طيب ليه الناس بتشتري العربيه مع ان كل العيوب دي فيها؟ .... يعني حضرتك مثلا قبل ما تشتريها و سألت الناس عليها, قالولك ايه؟
2- هيه المشكله في مراكز الصيانه التابعه للتوكيل و للا في مراكز الصيانه المعتمده؟ ..... من كلامكو المشكله في التوكيل

[MedaSam]

عشان محدش بيعرف عيوبها غير بعد ما يجبها ويعمل بيها مش أقل من ٥ ألاف كيلو وإن كان بعض الناس ظهرت قبل كده أعرف واحد ظهرة معاه مشكلة الrpm بعد ١٠ كم من خروجة من المعرض
والمشكلة في التوكيل نفسة

أنا أولا عايز أعتذر لصاحب الموضوع علشان باتكلم في موضوع تاني ...... بس كل ما أدخل على المنتدى القي ناس تشتكي من النوكيل أو من السياره أفيو ......

يا أستاذ yoko لو عيوب العربيه منتشره و متكرره قوي كده .... يبقى الأقبال على السياره هيقل ..... بس أنا مش حاسس انها بتقل و لا حاجه

يمكن المشكله ان الناس بتشتري من غير ما تسأل ..... و دي تبقى غريبه قوي .... و لا علشان سعرها منخفض فالناس بتشتريها و خلاص؟!!

[yoko]

فعلا وللأسف الفتايين في العربيات كتير تخيل إن الي شكرلي فيها قبل ما جبها ميكانيكي!!!!!
وهي قبل ٢٠٠٨ كانت ممتازة والي بيشكر فيها يا معاه ٢٠٠٦ يا ٢٠٠٧ والكل بيقول أكيد الجديده أحسن

[MedaSam]

فعلا وللأسف الفتايين في العربيات كتير تخيل إن الي شكرلي فيها قبل ما جبها ميكانيكي!!!!!
وهي قبل ٢٠٠٨ كانت ممتازة والي بيشكر فيها يا معاه ٢٠٠٦ يا ٢٠٠٧ والكل بيقول أكيد الجديده أحسن

هوه من امتى بقت تتقفل في مصر؟ ........ من موديل 2008؟

[yoko]

أيوه من أول ٢٠٠٨ تقفيل مصري زباله (رادرياتير مصري وديسكات فرامل صيني -كل العك الي قلبك يحبه-)

[shekosheko2003]

السلام عليكم احب بس اضيف شوية معلومات مهمه جدا من منصور شيفورليه جامعة الدول العربيه و هي ان سعر الكروز كومفورت الجديد 150 الف للاسباب الاتيه:

1 فرش جلد لونين للصالون كله بالتابلوه

2 جنوط 17 و كاوتش run flat

3 ميرايات ضم كهرابائي

ملحوظه مهمه جدا : الكروز عربيه محترمه و هي عباره عن انتاج 3 شركات و هم دايو و شيفورليه و اوبل لذلك هي عربيه سعلرها غالي و يقابل هذا السعر جوده في التقفيل و الخامات و تصميم قوي و الات جر و عفشه و موتور بتكنولوجيا المانيه و تصميم امريكي كماليات كوري و من يقول ان الموتور ضعيف يبئه ظلم العربيه لان موتور العربيه قوي جدا و متطور لان الجير بوكس 6 سرعات مما يساعد علي الحفاظ علي الموتور و توفير البنزين و راحة السياره و اداء قوي جدا و بعدين ما الجيتا 102 حصان و وزنها ثقيل و لكن لو تلاحظوا ان كل المواتير الالماني الهورس باور بتعها مش عالي لكن الجير بوكس سرعاته كتير يعني الجيتا 7 سرعات و الكروز 6 سرعات اذا تم الوصول للمطلوب من اداء قوي و سلس في نفس الوقت .

معلومه اخيره : بجد العربيه بقت تحفه فنيه بعد الاضافات الجميله و لما شوفتها في المعرض لغيت فكرة السيراتو من دماغي تماما مع كامل احترامي ليها و علي فكره انا بموت في السيراتو بس باذن الله كروز كومفورت قريبا .

اتمني اكون وضحت ليه ثمن العربيه زاد بس بجد تستاهل .

شكرا لحضرتك عالتوضيح و هى فعلا عربية تحفة بكل المقاييس و هى كقيمة اغلى من سعرها كمان

[atefjerry]

العربيه ده انا متوقع عدم نجاحها فى مصر بسبب منصور وسوف تكرر قصه الافيو بالظبط الناس لسه بتدور على اللانوس وكرهت الافيو وبدل ما يرفع فى كماليت واسعار يروح يعالج عيب التبطيل اللى فيها ويكسب ثقه المستهلك تانى وبعدين لو فعلا وصلت 150 الف جنيه الواحد يجيب فانتازيا احسن حتى لو اول فئه منيوال واهى المانى تشيكى وشوف اشراف الالمان ولا اييييييييييييييه

[shekosheko2003]

بعد اذنكم يا جماعة الموضوع ده مخصص للشيفروليه كروز فقط و فئاتها المختلفة

مش الكارهين لتوكيلها ولا الكارهين للافيو ولا المستغليين سعرها

لان الكروز نازلة عشان تنافس الكورولا و السيفيك

[yoko]

بعد اذنكم يا جماعة الموضوع ده مخصص للشيفروليه كروز فقط و فئاتها المختلفة

مش الكارهين لتوكيلها ولا الكارهين للافيو ولا المستغليين سعرها

لان الكروز نازلة عشان تنافس الكورولا و السيفيك

من حق كل واحد يدخل يكتب رأيه في الموضوع!!!!!!
والسيراتو بره بتنافس الكورولا والسيفيك وكذلك اللينيا وكذلك الليون لكن في مصر التقسيمه مختلفة!!!!!!

[shekosheko2003]

من حق كل واحد يدخل يكتب رأيه في الموضوع!!!!!!
والسيراتو بره بتنافس الكورولا والسيفيك وكذلك اللينيا وكذلك الليون لكن في مصر التقسيمه مختلفة!!!!!!

طبعا يا باشا من حق اى حد يقول رايه بس ميكونش الموضوع بيتكلم عن الكروز

وواحد يخش يقول الافيو زبالة مثلا او يشتم فى منصور ده قصدى