الكروز ب 150000 الف جنيه

[M7amD_7amDy]

ياجماعه الموضوع مش مستاهل الكلام دا كله

هل الكروز عربيه كويسه ؟ ايوه كويسه

هل سعرها استهبال بالنسبه لكمالياتها وفئتها ؟ ايوه استهبال

هل توكيلها معاملته فى حل المشاكل وحشه ؟ اه وحشه

اللى عاجباه الكروز على كدا يتوكل على الله

مش عاجباه يريح دماغه ويشوف غيرها :)

هو ده الكلام المظبوط

ميه ميه ياكنج

تفتكر يا إتش لما تكون العربية دى بـ 150 ألف وواحد حب يبيعها بعد سنة مثلا تجيب كام؟

انا أعتقد هتبقى الخسارة كبيرة بالعبيط

[Hosam_Optrawy]

هو ده الكلام المظبوط

ميه ميه ياكنج

تفتكر يا إتش لما تكون العربية دى بـ 150 ألف وواحد حب يبيعها بعد سنة مثلا تجيب كام؟

انا أعتقد هتبقى الخسارة كبيرة بالعبيط

ايوه فعلا الفئه اللى ب 150 دى اكتر واحده تخسر فى البيع

يليها التوب لاين

وبعدين الهاى لاين

وبعد كدا الاوتوماتيك والمانيوال خسارتهم واحده

[shekosheko2003]

ياجماعه الموضوع مش مستاهل الكلام دا كله

هل الكروز عربيه كويسه ؟ ايوه كويسه

هل سعرها استهبال بالنسبه لكمالياتها وفئتها ؟ ايوه استهبال

هل توكيلها معاملته فى حل المشاكل وحشه ؟ اه وحشه

اللى عاجباه الكروز على كدا يتوكل على الله

مش عاجباه يريح دماغه ويشوف غيرها :)

حسام باشا دايما بيجيب مالاخر

حضرتك هو بالنسبة للتسعير هو ممكن يكون مزود 5تلاف مثلا على كل فئة

انما مش بيجيبها ب 100الف يبيعها ب140 الف مثلا

هو حضرتك احنا ليه بنقيس العربية بالكماليات مش بالاساسيات

طيب مالاوكتافيا المنوال ب 150 الف و يعتبر فاضية محدش قال حاجة

فمصر لو جابو توكتوك بفتحة سقف و جنوط و فرش جلد الناس هتشترى

حسام باشا تفتكر لو الكروز نازلة بنفس اسعار السيراتو كانت السيراتو باعت 100 عربية على بعض

[shekosheko2003]

كروز" ستزيد من المنافسة

أشاد الخبراء ورجال الصحافة المتخصصين في مجال السيارات بالإمكانيات الهائلة التي تتمتع بها السيارة "شيفروليه كروز" التي سيتم طرحها في الشرق الأوسط خلال الشهر المقبل.

ودعت شركة "جنرال موتورز" العالمية أبرز الصحفيين في قطاع السيارات من جميع أنحاء الشرق الأوسط لزيارة إقليم "كانتابريا" الإسباني للمشاركة في تجربة قيادة "كروز" على مدار يومين.

وبعد مشاركته في هذه التجربة ، قال بكر أزهر رئيس التحرير مجلة "سعودي أوتو" : "تتمتع شيفروليه كروز بجودة تصنيع ومتانة مذهلة، وتنسجم أحجام المحركات المتوفرة على السيارة بشكل خاص مع هذا السوق، وهي السيارة التي سترفع بالفعل معايير المنافسة أمام شركات صناعة السيارات اليابانية".وذلك حسبما ذكرت صحيفة "القبس" الكويتية.

سيارة مناسبة للظروف الحالية

وسيؤدي وصول "شيفروليه كروز" إلى الشرق الأوسط إلى رفع المعايير في فئة سيارات السيدان الصغيرة، من خلال حصولها على إشادة الخبراء كمنافسة رئيسية في الفئة.

ومن جانبه ، قال فيليب مور مدير النشر في مجلة "ميدل إيست كار" : "تعتبر كروز بمنزلة جواب جنرال موتورز الرائع على الانتقادات التي تطالب الشركة بصناعة سيارات يحتاجها الناس فهي السيارة الملائمة خلال هذه الأوقات الصعبة من الركود الاقتصادي، والطراز الذي سيدفع جنرال موتورز بكل قوة نحو الأمام".

وتمتد حجيرات المصابيح الامامية المميزة كالسهم لتضيق عند نقطة في أعلى الرفاريف الأمامية، في تصميم يعزز جاذبية كروز الديناميكية. ويأتي غطاء المحرك منحوتاً بشكل كبير على طول جوانبه ليندمج مع الرفاريف والمصابيح الامامية الممتدة إلى الخلف. وتشتمل الأفكار التصميمية المميزة الأخرى على الشبك الأمامي المزدوج والخط المنحني للجانب العلوي.

و سيحظى المظهر الخارجي الديناميكي المذهل ولغة "شيفروليه" العالمية للتصميم المعبر على اعجاب المستهلكين الأصغر سناً، ويحيط بالمقصورة الداخلية ذات الخمسة مقاعد محيط رياضي دافىء من خلال ما تتمتع به من تناغم في الخطوط الانسيابية واستخدام مواد بارزة وناعمة الملمس، في تصنيع عالي الجودة بما يتجاوز كل ما هو مألوف في سوق السيارات الصغيرة ذات القيمة العالية.

وتتوفر "كروز" بخيار بين محركين من أربع إسطوانات مصنوعين بالكامل من الألومنيوم ويعملان بالبنزين أحدهما بسعة 1.6 لتر والاخر بسعة 1.8 لتر ويتمتع كلا المحركين بنظام توقيت الصمامات المتغير على جانبي مدخل الهواء والعادم، وينتج المحرك بسعة 1.6 لتر قوة قصوى تبلغ 109 أحصنة (صافي) عند 6400دورة في الدقيقة وعزم دوران يصل إلى 150 نيوتن/متر (صافي) عند 4000 دورة في الدقيقة.

ويوفر المحرك بسعة 1.8 لتر أداء أكثر تجاوبا، حيث يولد قوة تبلغ 140 حصانا (صافي) عند 6300 دورة في الدقيقة وعزم دوران يصل إلى 175 نيوتن/متر (صافي) عند 3800 دورة في الدقيقة، بما يتضمن 85% انطلاقا من 2000 دورة في الدقيقة فقط إلى 6300 دورة في الدقيقة، ويتوفر كلا المحركين بخيار بين علبتي تروس، يدوية من خمس نسب أو اوتوماتيكية جديدة من ست نسب، لتوفير قيادة أكثر نعومة وكفاءة استهلاك وقود تفوق نظيراتها.

وإلى جانب الأبعاد الخارجية والرحابة الداخلية التي تتفوق بها على معظم منافساتها، تحظى "كروز" بمظهر متميز من خلال موقع عجلاتها على الحواف الخارجية للهيكل الخارجي الانيق، كما يضيف التطابق الاستثنائي للألواح الخارجية المتماسكة مع الهيكل، في جودة تصنيع لا تتوفر سوى في السيارات الأغلى ثمنا، والتصميم الخارجي العصري والخالي من الشوائب والتشذيبات، المزيد من الجودة العالية، ويمنح السيارة مظهرا يوحي بأنها قطعة صلبة ومتماسكة مصقولة.

يذكر أن شركة "جنرال موتورز مصر" قد سبق وأعلنت طرح هذه السيارة في مصر خلال شهر مايو المقبل دون الإفصاح عن سعرها المتوقع.

الموضوع منقول

[shekosheko2003]

يا جماعة تعالو نفكر مع بعض كلنا بنقول ان الكروز غالية بس محدش فينا قال المفروض تكون بكام طيب نشوف سعرها فى السعودية

هلا أخوي ,, أنا عندي معلومة أكيدة 100 %

وهي أن سعر السيارة من عند العيسى 61000 ريال سعودي كاش

طبعا لفئة LS وفيها جميييييع المواصفات من مثبت وجنوط ومحرك 1.8 ما عدا المراتب الجلد + فتحة السقف فهم غير متواجدين بالسعودية على حد كلام مندوب المبيعات

منقول من احدى المنتديات السعودية

61000*1.5 يساوى 91500 جنيه مصرى

+ 50000 جنيه جمارك + 3000 شحن مثلا

يبقى تقف عالتوكيل تمنها 144500 جنيه

و بيبيعها ب 150000

ديه اعلى فئة اسمها l s

ContactCars | Chevrolet شيفروليه - Cruze كروز - 1.6 F/O A/T L/S High Line - 150,000 - 2010

بالنسبة للكماليات فىالسعودية فيها مثبت و جنوط و مفيهاش فرش جلد

فى مصر هو بدل المثبت و جاب فرش جلد و حتى فالسعودية مفيش فتحة سقف

ملحوظة اخيرة التويوتا كورولا ب 160 الف ومفيهاش فتحة سقف

[Kareem_A]

يا جماعة تعالو نفكر مع بعض كلنا بنقول ان الكروز غالية بس محدش فينا قال المفروض تكون بكام طيب نشوف سعرها فى السعودية

هلا أخوي ,, أنا عندي معلومة أكيدة 100 %

وهي أن سعر السيارة من عند العيسى 61000 ريال سعودي كاش

طبعا لفئة ls وفيها جميييييع المواصفات من مثبت وجنوط ومحرك 1.8 ما عدا المراتب الجلد + فتحة السقف فهم غير متواجدين بالسعودية على حد كلام مندوب المبيعات

منقول من احدى المنتديات السعودية

61000*1.5 يساوى 91500 جنيه مصرى

+ 50000 جنيه جمارك + 3000 شحن مثلا

يبقى تقف عالتوكيل تمنها 144500 جنيه

و بيبيعها ب 150000

ديه اعلى فئة اسمها l s

contactcars | chevrolet شيفروليه - cruze كروز - 1.6 f/o a/t l/s high line - 150,000 - 2010

بالنسبة للكماليات فىالسعودية فيها مثبت و جنوط و مفيهاش فرش جلد

فى مصر هو بدل المثبت و جاب فرش جلد و حتى فالسعودية مفيش فتحة سقف

ملحوظة اخيرة التويوتا كورولا ب 160 الف ومفيهاش فتحة سقف

حضرتك متنساش ان دة السعر الفي السعودية دة فيه مكسب الوكيل هناك

غير الضرايب و كدة بتتحسب بطريقة تانية خالص عندهم عن عندنا

حضرتك شوف سعرها في امريكا او كوريا و حول سعرها لمصري و بعدين نشوف

[Hosam_Optrawy]

حسام باشا دايما بيجيب مالاخر

حضرتك هو بالنسبة للتسعير هو ممكن يكون مزود 5تلاف مثلا على كل فئة

انما مش بيجيبها ب 100الف يبيعها ب140 الف مثلا

هو حضرتك احنا ليه بنقيس العربية بالكماليات مش بالاساسيات

طيب مالاوكتافيا المنوال ب 150 الف و يعتبر فاضية محدش قال حاجة

فمصر لو جابو توكتوك بفتحة سقف و جنوط و فرش جلد الناس هتشترى

حسام باشا تفتكر لو الكروز نازلة بنفس اسعار السيراتو كانت السيراتو باعت 100 عربية على بعض

بص انا مش هاقارن الكروز بالسيراتو لان بصراحه من وجهة نظرى اى عربيه تتقارن بالسيراتو لازم تخسر

لانها افضل صفقه رابحه فى السوق

من حيث كل حاجه ضمان وتوكيل وموتور وكماليات وسعر وشكل

الهاى لاين فيها بصمه وفتحة سقف وفرش جلد وجنط 17 و Abs و Air Bags وسنسور ركن وسنسور نور وعدادات رياضيه

ب 126 الف

وممكن تجيب هاى لاين خليجى نفس المواصفات بس جنط 16 ب 116 الف فقط !!!

سيبنا من السيراتو وتعالى نقيم العربيه كأن السيراتو مش موجوده

دلوقتى الكروز عربيه كورى و 1600 تمام

يعنى المفروض ليها رنج سعر معين

بغض النظر عن كمالياتها ايه

هى كأساسيات حلوه جدا ( مع التحفظ على الموتور )

بس برضه المفروض يبقى ليها رنج سعر معين ماتعدهوش

يعنى لو بصيت لاى دوله برا مصر

هاتلاقى الكروز ارخص من الكورولا والسيفيك واللانسر والمازدا والاوكتافيا والجيتا ( اللى انت بتقوللى انها المفروض بتنافسهم )

وهاتلاقيها بنفس اسعار السيراتو والالنترا او اغلى بفرق بسيط

وطبعا باتكلم على الفل اوبشنز , وبرا الكروز فل اوبشنز بجد

عشان كدا باقول سعرها استهبال

وبلاش نتكلم منصور جايبها بكام عشان اكيد كسبان فيها كتير :)

بدليل التجار اللى بيجيبوا دايو لاسيتى وفيها الموتور ال EcoTec و فيها كل كماليات الكروز + فتحة سقف وسمارت كى وحساس مطر ونور

وب 133 الف !!

وممكن تجيبها بجنط 17 وفرش جلد وبصمه ونواكل وكل حاجه ب 140 الف

واكيد كسبانين فيها

مع مراعاة ان اكيد منصور بيجيبها من المصنع فى كوريا أرخص لانه وكيل وبيجيب كميات

بعد دا كله الاقى منصور منزلى العربيه ب 150 عشان فرش جلد وجنط 17 !!!!!!!!!!

لا تعليق

[shekosheko2003]

حضرتك متنساش ان دة السعر الفي السعودية دة فيه مكسب الوكيل هناك

غير الضرايب و كدة بتتحسب بطريقة تانية خالص عندهم عن عندنا

حضرتك شوف سعرها في امريكا او كوريا و حول سعرها لمصري و بعدين نشوف

هو حضرتك بالنسبة لامريكا العربية لسه هتتصنع هناك فى 2011 فى مصانع جنرال موتورز

بالنسبة للكورى للاسف مبفهموش

[Hosam_Optrawy]

حضرتك متنساش ان دة السعر الفي السعودية دة فيه مكسب الوكيل هناك

غير الضرايب و كدة بتتحسب بطريقة تانية خالص عندهم عن عندنا

حضرتك شوف سعرها في امريكا او كوريا و حول سعرها لمصري و بعدين نشوف

اخر اسعار الكروز ( دايو لاسيتى ) فى كوريا كالتالى

تبدأ من 11.570 الى 16.200 دولار أمريكى تقريبا

الكلام على ال 1600

[shekosheko2003]

يعنى لو بصيت لاى دوله برا مصر

هاتلاقى الكروز ارخص من الكورولا والسيفيك واللانسر والمازدا والاوكتافيا والجيتا ( اللى انت بتقوللى انها المفروض بتنافسهم )

وهاتلاقيها بنفس اسعار السيراتو والالنترا او اغلى بفرق بسيط

وطبعا باتكلم على الفل اوبشنز , وبرا الكروز فل اوبشنز بجد

عشان كدا باقول سعرها استهبال

وبلاش نتكلم منصور جايبها بكام عشان اكيد كسبان فيها كتير :)

و الله يا باشا انا بطلت اشوف اسعار السيارات برا مصر عشان ميجيليش السكتة انا لو كنت برا مصر كنت جبت بتمن الكروز تويوتا كامرى او شيفروليه ماليبو 6 سلندر

طيب حضرتك تنصحنى بايه فرنج من 130 ل 150 بحد اقصى و تكون اعتمادية سعرها ثابت فالمستعمل

وبلاش نتكلم منصور جايبها بكام عشان اكيد كسبان فيها كتير

10 تلاف مثلا؟؟؟؟



بدليل التجار اللى بيجيبوا دايو لاسيتى وفيها الموتور ال EcoTec و فيها كل كماليات الكروز + فتحة سقف وسمارت كى وحساس مطر ونور

وب 133 الف !!

وممكن تجيبها بجنط 17 وفرش جلد وبصمه ونواكل وكل حاجه ب 140 الف

هيا اسعار حلوة بس لا ضمان ولا توكيل و كان فى واحد جايبها و مش عارف يعملها الصيانة الدورية فين يعنى اجيب عربية زيرو و اخلى الميكانيكى يلعبلى فيها!!!

بعد دا كله الاقى منصور منزلى العربيه ب 150 عشان فرش جلد وجنط 17 !!!!!!!!!!

هو طبعا قمة الغباء منه هو لو كان عايز ينافس صح كان نزلها بكماليات الكورولا اللى ب 150 الف او حتى الفلونس للى ب 151 الف

[shekosheko2003]

اخر اسعار الكروز ( دايو لاسيتى ) فى كوريا كالتالى

تبدأ من 11.570 الى 16.200 دولار أمريكى تقريبا

الكلام على ال 1600

طيب نحسبها تانى 16200*5.5

يساوى 89100 جنيه مصرى + 50000 جمارك+3000 شحن

يساوى 142100 جنيه مصرى

يعنى بيكسب 8000 جنيه

[Kareem_A]

طيب نحسبها تانى 16200*5.5

يساوى 89100 جنيه مصرى + 50000 جمارك+3000 شحن

يساوى 142100 جنيه مصرى

يعنى بيكسب 8000 جنيه

و برده مننساش ان دة سعر التجزئة :)

يعني هو بياخد بارخص من كدة

[Hosam_Optrawy]

و الله يا باشا انا بطلت اشوف اسعار السيارات برا مصر عشان ميجيليش السكتة انا لو كنت برا مصر كنت جبت بتمن الكروز تويوتا كامرى او شيفروليه ماليبو 6 سلندر

طيب حضرتك تنصحنى بايه فرنج من 130 ل 150 بحد اقصى و تكون اعتمادية سعرها ثابت فالمستعمل

سعرها ثابت فى المستعمل معرفش مش متأكد

لكن فى الرنج دا كروز توب لاين او دايو لاسيتى او سيراتو كوبيه كامله

يا اما تجيب سيراتو كامله وتوفر او تستنى الالنترا الجديده ممكن تبقى احسن من دا كله

10 تلاف مثلا؟؟؟؟

اكيد اكتر

هيا اسعار حلوة بس لا ضمان ولا توكيل و كان فى واحد جايبها و مش عارف يعملها الصيانة الدورية فين يعنى اجيب عربية زيرو و اخلى الميكانيكى يلعبلى فيها!!!

المشكله مش فى الضمان ما الخليجى مالى البلد من غير ضمان

هى المشكله فى الصيانه

الواحد ممكن يتصرف فى اى مركز صيانه بتاع شيفروليه ويعملها عنده

والمشكله التانيه هى اختلاف الموتور

ياترى حاجته موجوده ولا لأ وهل فى فعلا قطع غيار مشتركه بينها وبين الاسترا او الفيكترا

المشكله التالته هى البصمه

لو حصل له حاجه هاتعمل ايه !!!

[Hosam_Optrawy]

طيب نحسبها تانى 16200*5.5

يساوى 89100 جنيه مصرى + 50000 جمارك+3000 شحن

يساوى 142100 جنيه مصرى

يعنى بيكسب 8000 جنيه

لا لا مابتتحسبش كدا

اولا الاسعار دى بالمكسب

ثانيا اللى ب 16200 دى كامله بمعنى كامله , مش زى ام 150 بتاعت مصر

فحسبتك كدا مش مظبوطه

عشان لو على حسبتك

السيراتو فى كوريا سعرها من 10.900 الى 16.750 يعنى اغلى من الكروز

والالنترا سعرها من 10.700 الى 16.100 يعنى بنفس تمن الكروز تقريبا

ازاى بقى يبقى الاتنين أرخص من الكروز هنا فى مصر ب 20 و 30 الف ؟؟؟

مع مراعاة ان عربيه زى السيراتو فيها اوبشنز أكتر

[eng.octooo]

ومالها الكورولا ولا السيفيك ولا المازدا ولا الشارك