مفاجأة من العيار التقيل في الاوبترا بعد 27000 كم

[elassar2010]

ربنا يعوض علية

[dark_smoky]

طبعا مشكلة ان العربية تجيب وش سلندر في دقيقة

بس هنا احنا لازم نفرق بين المشكلة وأسباب المشكلة

بمعني ان القربة بتنفخ مية دي مشكلة ولا سبب المشكلة


انا هنا اعتقد ان اصل المشكلة ان وش السلندر اتسلخ او باظ وهنا كان نتيجة ان القربة بتنفخ مية


ومن اسباب ان العربية تجيب وش سلندر حاجات كتيرة

ممكن طالما العربية لسة جديدة يبقي عيب صناعة زي ما هو واضح من كلام الاعضاء

وممكن يكون في تسريب مية من اي خرطوم او في دورة التبريد وجت علي وش السلندر من تحت وهو طبعا سخن جدا فيعمل حاجة اسمها ان وش السلندر فقع

والله اعلم

انا مع الرأي ده ...

[mhmdalsaadany]

يا جماعه وش السلندر مفقعش ولا حاجه احنا غيرنا جوان فقط بدون خراطه نهائي وش السلندر سليم ميه في الميه والعربيه لو حد شفها هيقول موديل 2011 دا مش مخليها فيها الهوا كل ميسمع صوت ولا زنه يجري يعمل صيانه ومحافظ عليها جدا جدا بس النصيب والحمد لله علي كل حال

[mahamedaraby]

على عينى وراسى اليابانى بس بكام ؟؟؟

أرخص حاجه فى اليابانى نيسان تيدا

اغلى من الاوبترا ب 22 الف جنيه

والفرق بينهم مايستاهلش المبلغ دا كله

الاوبترا عربيه كويسه عن تجربه سنتين الحمد لله معملتش فيها حاجه غير باغير زيت واحط بنزين

مش عشان موقف شخصى او حاله فرديه نقول يابانى وكورى

وكله مع الاهمال بيعطل

ومع الاهتمام بيعيش

معلش بس لازم ارد على المشاركه دى

وانا هنا ولا داخل اقول مين احسن ومين اوحش

والله والله انا مش بقول الكلام ده علشان معايا العربيه

لكن التيدا برقبه الاوبترا فى كل حاجه معلش مع احترامى لكل اللى معاهم العربيه ونحاول ما نبصش على فرق السعر فى الكماليات بس نشوف الخامات والامان والجوده التصنيع

[dark_smoky]

معلش بس لازم ارد على المشاركه دى

وانا هنا ولا داخل اقول مين احسن ومين اوحش

والله والله انا مش بقول الكلام ده علشان معايا العربيه

لكن التيدا برقبه الاوبترا فى كل حاجه معلش مع احترامى لكل اللى معاهم العربيه ونحاول ما نبصش على فرق السعر فى الكماليات بس نشوف الخامات والامان والجوده التصنيع

ماحدش قال ان الاوبترا احسن عربية في الدنيا .. اكيد في احسن منها كتيرررررررررر
لكن كاعربية في الفئة السعرية دي تعتبر احسن عربية ،، و كل اللي راكبنها بيقولو انها عربية محترمة جداااااااا و انا منهم حتي لو بنتكلم علي الامان و جودة التصنيع.

[Hosam_Optrawy]

معلش بس لازم ارد على المشاركه دى

وانا هنا ولا داخل اقول مين احسن ومين اوحش

والله والله انا مش بقول الكلام ده علشان معايا العربيه

لكن التيدا برقبه الاوبترا فى كل حاجه معلش مع احترامى لكل اللى معاهم العربيه ونحاول ما نبصش على فرق السعر فى الكماليات بس نشوف الخامات والامان والجوده التصنيع

هو انا قولت ان الاوبترا احسن من التيدا ؟

او قولت الاوبترا برقبة التيدا ؟

اولا انا مكنتش اقصد انى اتكلم عن التيدا بالذات , لكن انا ضربت بيها مثال كأرخص عربيه سيدان يابانى

ثانيا انا باقول وجهة نظرى , ان الفرق بين الاوبترا والتيدا مايساويش 22 الف

ياريت تكون فهمت قصدى

وبعدين مفيش حاجه اسمها احسن منها فى كل حاجه

اكيد دى ليها مميزات ودى ليها مميزات

وخامات الاوبترا مش وحشه خالص و 4 نجوم فى اختبارات الامان بس منصور بطل ينزل الفئه اللى ب Abs و Air Bags

ومقارنة الاوبترا بعربيه أحدث زى التيدا ظلم للاوبترا لانها مصممه من 6 - 7 سنين